رد : ارجع او لا محتاااره ؟؟!!
 

رد : ارجع او لا محتاااره ؟؟!!
 

الله يجزاك خير نوره والله في كل صلاه ادعي اذا كانت رجعته خيره لي يرده لي ردا جميلا واذا كانت شر يصرفني عنه ويصرفه عني ، انا مو اني اكره الصوت العالي بس مو حلوه على شئ تافه يصيح علي وكمان قدام الاولاد صعبه مررره ومثل ماقلتي هذا عذره يقول انا طيب بس عصبي ؟؟!!وفيه اشياء غير العصبيه كرهتني فيه محد بيفهني هو كرهني فيه بتصرفاته معي واللحين جاي يقول يحبني ويفكر فيني وماقدر ينساني .
وابوي في المره الاولى خيرني بينه وبين طليقي واخترت ابوي طبعا .
الله يكتب لي اللي فيه الخير .

رد : ارجع او لا محتاااره ؟؟!!
 

السلام عليكم ورحمة الله
اخت كبرياء الموضوع بسيط زوجك انتي عارفتة كثير موغريب عليك هو الله خلقة كذا عصبي ومزاجة متقلب ويمكن احيانا يزعل من امور بسيطة وتافهه هذة الامور ليست غريبة ولا جديدة عليك ابدا,الانسان هذا امامك ومعروف حتى لو حطيتي لة شروط انتي تضمنين كرامتك معاة وانة لا يصرخ بوجهك او يهينك او يضربك هذا شي لابد منة ,انتي وضعك النفسي كيف ترينة اسالي نفسك في خلوة لوحدك هل تستطيعن ان تصبري على اسلوبة من اجل اطفالك ام تقدري تصبرين علية من اجل حبك؟اذا قدرتي تجاوبين على هذة الاسالة .ارسلي علية شخص قريب منك يجلس معاه ويقراء افكارة هل هو جاد في الرجوع لك بدون ما يعرف ان هذا الشخص الي ارسلتية لة انة جايي من طرفك خلك ذكية شوي .وخلية يسالة هل ندم على تصرفاتة معاك في السابق ,وخلية يسالة وش راح تسوي اذا رجعت لك تحترمها تقدرها يكون لها قدر في حياتك ؟بعد المرسول الخاص اسألي خواتة اذا كان عندة خوات لانة اكيد يحب يفضفض للاخت قبل الاخ بعدها توكلي على الله وارجعي لة اذا لقيتي كل المعلومات حلوة في صالحك.واطلبي من اهلك الزيارة بشكل اسبوعي ومتكرر عشان يحس با المسؤلية اكثر والله يوفقك .

رد : ارجع او لا محتاااره ؟؟!!
 

هلا اخ بدر الواصل اكيد اني اعرفه عشرة سبع سنوات ، وبالنسبه لوضعي النفسي مو متقبلته مااتخيل اني باقدر اشوفه او حتى اسولف معه ، بس اذا جيت للعقل اقول ارجع هو انسان عادي فيه حسنات وفيه سيئات وانا كمان نفس الشئ ، غير العصبيه هو كان مقصر شوي في الاشياء الماديه بالنسبه لي انا مو للبيت لا لي انا بس هذا الشئ ممكن اني اشرطه في العقد وينحل ، بس اذا جيت للقلب ابد مو متقبلته والشئ هذا مو بيدي والله .
واذا كان ممكن اصبر عشان اطفالي مااتوقع اهم شئ راحتي النفسيه هو كسرني اقول لنفسي كفايه سبع سنين راحت من عمري ماابغى اضيع باقي عمري على احتمال انه يتعدل او لا هذي قناعني مدري صح او خطأ .
او اصبر على حبي انا مااحبه مافي اي مشاعر تجاهه واخاف اظلمه اذا رجعت ،وهو جاد في الرجوع وطبعا قال بتكون معززه مكرمه ومن ذا الحكي .
اما سالفة انه ندمان على تصرفاته معي لا مو ندمان بالعكس محملني الخطأ كله واني انا الغلطانه مع ان سبب الطلاق كان مني ومنه وهو تسرع اكثر مني ويمكن هذا كمان سبب اني اخاف ارجع .
عالعموم الخيره فيما اختاره الله وانا لسه افكر وانا كتبت الموضوع لاني فعلا محتاجه اكثر من راي والاعضاء ماقصروا .
ويعطيك العافيه ماقصرت ..

رد : ارجع او لا محتاااره ؟؟!!
 

السلام عليكم اخت كبرياء ورحمة الله وبركاتة
اخت كبرياء انتي وضحتي الصورة اكثر طيب فية حل عندي بسيط وهو انك تصبري لمدة انتي تشوفينها مناسبة مثلا سنة او سنتين في هذة المدة راح يتضح لك اشياء انتي ما تعرفينها وكنتي تتمنين انك تعرفيها عنة وهو راح يوضح لك اكثر في جديتة وتعاملة معاك وراح تلاحضين الشي هذا .طيب انتي في الفترة ذي حاولي تشغلي نفسك شوي في اولادك شوي , طيب بعد هذة المدة انتي استفدتي اشياء كثيرة اولا زوجك يتضح مدى جديتة اذا هو يحبك ولا لا ,فراح اكيد يقنعك بحبة ويرضيك وراح تكون نفسيتك لة مرة حلوة لانة ما راح يخلي المواضيع زي ماهي بيتحرك ويسوي لك اشياء يقنعك انة فعلا نادم على تصرفاتة .ثانيا انتي في الفترة هذي قدرتي تجمعي قواك وترتبي الاوضاع النفسية والعاطفية وقدرتي يعني تنضرين لمستقبلك بكل جدية .ثالثا اولادك هم بحاجتك اكثر واكيد انتي ما راح تتخلي عنهم ابدا ففي هذة الفترة راح يكبروا على يدك وانتي اولى فيهم منة لحنيتك واهتمامك .في الفترة هذي هو ما راح ينساك با العكس راح يكون في قمة شوقة لك وراح يراجع نفسة كثير ويعتبر مثل العقاب لة وصدقيني ان هذة الامور انشاء الله بسيطة وعادية وراح تنحل بحل يرضيك كل الرضى بس اصبري لا تستعجلين في اتخاذ القرارات . مني لك الدعاء الله يوفقك ويعينك ويصبرك ويوفقك ياكريم .

رد : ارجع او لا محتاااره ؟؟!!
 

رد : ارجع او لا محتاااره ؟؟!!
 

أنا مع الأخت أمل فيما قالته

رد : ارجع او لا محتاااره ؟؟!!
 

سلام عليكم. .. يا اختي ما اعرف شو سبب يبا يرجعلج ... هل يحبج لين الحين واذا فعلا اول سبب ترجعيله ... ولا تنسين بيكون صعب عليج تبدين حياة جديده وغير هذا لعيالج. .... وايضا انتي طلبتي من الله سبحانه تعالى ان يرجعلج والله سبحانه استجاب دعاء له دعيتي ويابته لين باب بيتج. يا اختي بعض الاحيان نحنا الرجال ما نفكر في تصرفاتنا ... وصدقيني اذا هو ندمان عن له حصل في حياتكم ويبا يصلح اعطي فرصه لان اساليني انا حالتي اخس من حالتج انا تصرفت بالعصبية وما اهتميت بزوجتي في فتره الاخيره لين راحت عني ... والحين صارلي 8 اشهر منفصلين وقسم بالله مافي لحظة تمر الا هي وعيالي في بالي ...اتمني ترجع لي ادعي وادعي وادعي لاكن الله سبحانه لين الحين ما استجاب لي .. حاولت بكل الطرق ممكنه مافاد. الحين عايش وحيد وحالتي يعلم به فقط الله سبحانه. وتدرين اذا هي رجعت لي والله لاخلليها تاج راسي ... بس للاسف انا تعبت ومنهار والدمور الندم والانتظار كسرتني مب عارف كيف اعيش من دونهم مب. عارف كيف انام كيف اكل كيف اضحك ... ما عليه قلت كل هذا فقط لسبب واحد ان الله سبحانه استجاب دعاءج واعطاج فرصه اخري لكم ولعيالكم. انا من رايه انج تعطينه فرصه وتتوكلين على الله ... والله يوفقج ويسعدكم

رد : ارجع او لا محتاااره ؟؟!!
 

السلام عليكم

كبرياء فكري زين واوزني امورك وحددي

ما ادري شلون تدعين ان ربي يصرف عنه الزواج مرتين ثم تقولين مو متقبلته نفسيتي فيه تناقض بمشاعرك

تعوذي من الشيطان واستخيري يمكن وساوس ومحاولات من الشيطان لمنع رجعتكم فكما نجح اول مره في التفريق بينكم يحاول ان يحافظ على انجازاته ويمنع رجعتكم

اشرطي عليه وقت الخطبة قبل الملكة لاتعصب علي قدام العيال ولا تغلط علي بالكلام

اذا تبي تهاوشني ناديني للغرفة ونسكر الباب وتكلم براحتك

مالومك والله الرجال اذا صار يهاوش ينكره بس حاولي تشرطين هالشرط انه ما يهاوش ولو بيتكلم معك على شئ يضايقه يتكلم بالليل قبل النوم علشان ما تنامون الا واموركم عسل

مهما كان الام لها احترامها ولو الاب ماحترمها كيف بيتعلم الاطفال احترامها

الاطفال بيخافون من ابوهم لانه يهاوش دايم وماحيحترموا الام لان الاب دايم يهاوشها واضاع قيمتها واحترامها امام الاطفال

الله يوفقك اذا في رجعتك خير ربي يتممها على خير يارب

رد : ارجع او لا محتاااره ؟؟!!
 

اخ بدر الواصل هو مو ندمان اصلا بالعكس حاط اللوم كله علي وينتظر التغيير مني انا ؟؟! يمكن السبب الوحيد اللي خلاه يفكر يرجعني انه على قوله يحبني وماقدر ينساني .
واللي فهمته منك اني اصبر سنه او سنتين من غير رجعه هذا اللي افكر فيه ، واني اشغل نفسي اكيد اللحين ماافكر الا في دراستي وبس وقريب باخلص جامعه وبعدها لكل حادث حديث ، واكيد مشغله نفسي باولادي وأكيد ماراح استعجل بقرار مثل هذا لانه قرار مصيري بالنسبه لي وخاصه بيكون فيه تحدي لاهلي لان اهلي رافضين الرجعه وابوي خيرني قبل كذا بينه وبين طليقي .
ماقصرت اخوي ..
اخ نواف للتوضيح فقط الزواج دام سبع سنوات اما الطلاق لي سنه مطلقه ، وقلت قبل كذا هو مو ندمان اقرأ ردي اللي قبل .
اما موضوع الزواج لا مافيه تجريح ولا شئ عارفه الشئ هذا بس أنا ماأفكر في الزواج اللحين مع ان عمري 27 سنه بس اللحين تفكيري كله دراستي واني اتخرج واتوظف وبس وبعدها لكل حادث حديث وفي النهايه كل شئ قسمه ونصيب ، وعارفه ان حقي باولادي يسقط اذا تزوجت بس كمان لكل حادث حديث وكمان ماعندي مانع يكونون فتره عندي وفتره عنده في النهايه هو ابوهم .ومو معنى ان محد بيفكر فيني اني ارجع لهذا السبب لا ، والاستخاره اكيد استخرت أكثر من مره وبأستخير بعد .
ومشكور ماقصرت ...
ام عبد المجيب كلام الاخت امل صح هذا اللي احس فيه .
بوسارا سبب انه بيرجعني لانه يقول يحبني ويمكن كمان فكر في الاولاد مع اني ماعتقد الشئ هذا وبعدين هو مو ندمان اتمنى تقرا ردودي اللي قبل وكمان خطب مرتين بعد الطلاق وكل مافكت خطبته رجع يبغاني ،ياليت يكون ندمان بس ماعتقد، تقريبا مريت بنفس حالتك حزن وندم وتأنيب ضمير بس الحمد لله فتره وعدت وصدقني فتره وتعدي ، وفوضت امري لله اذا في الرجعه خيره يرجعه واذا شر يصرفه عني ، والله يلم شملك انت وعيالك وام عيالك ياااااارب .
ريانه شعور طبيعي اللي احس فيه ودعيت في وقت كنت فيه تعبانه ومنهاره ونفسيتي مره تعبانه ومكتئبه تخيلي سبع سنين زواج مو هينه يعني ماتخيلت انه بيكون مع وحده ثانيه ماتخيلت وحده غيري بتدخل بيتي اللي انا اخترت بعض اثاثه ماتخيلت وحده غيري بتدخل مطبخي اللي انا اخترت صحونه وكاساته وفرنه وكل شئ فيه ماتخيلت انه بيجيه عيال غير عيالي وبيوديهم ويجيبهم وعياله بينساهم وماتخيلت وماتخيلت وماتخيلت ماحد بيحس الاحساس هذا الا اللي مرت بنفس حالتي حتى لو اني ماحبه بس تظل فيه موده وعشره بينا وفيه ذكريات مو سهله انساها .
ومثل ماقلت هو حاول قبل كذا يرجعني وفرحت وقتها وحمدت ربي والله ماكتب لنا الرجعه لان ابوي رفض يشوفه ورفض يدخله البيت وخيرني مثل ماقلت في الردود اللي قبل وصعبه الوحده تخسر اهلها وخاصة ابوي ماقصر علي بشئ الله يخليه لي ،عشان كذا المره هذي مافرحت يوم قال بارجعك بالعكس قلبي انقبض ، في النهايه اذا ربي يسر لنا الرجعه باعرف انها خيره واذا ربي ماييسر لنا الرجعه كمان باعرف انها خيره .