السلام عليكم ورحمة الله وبركاته
بصراحه ترددت كثير قبل لا اكتب الموضوع بس حبيت اخذ اكثر من رأي ، انا مطلقه من سنه وعندي ولدين، سبب طلاقي كان ضغوطات نفسيه بالنسبه لي وهو يعصب علي بزياده ويرفع صوته والله عندي الواحد يضربني ولا يرفع صوته علي ،وحاجات مو راضيه عنها والله العظيم حاجات بسيطه ماتستاهل ونفسيتي وقتها كانت تعبانه وصار الطلاق ، عصبيته الزايده كسرتني كثير قبل الطلاق بس حاطه يدي على قلبي لا يرفع صوته علي .
طبعا بعد الطلاق قال عني اشياء المفروض مايقولها وطلع اشياء خااااصه كانت بينا وهذا اكثر شئ اثر فيني اكثر من الطلاق ، وانا والله من يوم قال طالق ماقلت له كلمه وحده ولا تكلمت عليه ولا شئ اعتبرته شئ وانتهى حتى اللي يسألني عن السبب اقول له نصيب ومااتفقنا وبس اما هو لا جالس يشرح لهم كل شئ حتى الاشياء الخاصه الله يسامحه ،المهم بعد الطلاق مباشرة خطب طليقي وتعبت وتعبت نفسيتي وجاني اكتاب الله حتى اكل مااكل استسلمت في البدايه وبعدها لجأت لربي وكنت ادعي بكل وقت ماخليت وقت اجابه مادعيت فيه ولا سبب اجابة دعيت ان الله يصرف الزواج الثاني عن طليقي ويرده لي ولعياله والحيت بالدعاء وبكيت وسبحان الله قبل الملكه بكم اسبوع فك الخطبه وجا بيرجعني وفرحت ووقتها العده انتهت والله ماكتب لنا الرجعه مع انه تعب و حاول بس الله مو كاتب ، ووقتها قلت خيره والحمد لله على كل حال .
واللحين وبعد سنه نفس الشئ سمعت انه خطب مااقول ماتاثرت بس قلت الله يوفقه وبعدها تعبت ونفس حالتي الاولى ولجات لربي ودعيت والحيت بالدعاء وقيام الليل بس كنت ادعي اذا في رجعتي له خير رده لي ردا جميلا واذا رجعتي شر اصرفه عني ووفقه في الزواج الثاني وسبحان الله بعدها بشهر تقريبا صارت مشاكل بينه وبين اهل خطيبته وفك الخطبه واللحين يبي يرجعني بس انا خااايفه ومحتاااره ومتردده .
هو الى اللحين يحبني ويفكر فيني بس انا لا مو اكرهه بس مااحبه نفسيتي مو متقبلته كزوج اكيد فاهميني يمكن احن له او افكر فيه احيان بس مره شفت صورته جاني غثيان ماادري ليش مره مو متقبلته يمكن من تراكمات الماضي هو جرحني قبل الطلاق وبعد الطلاق ، اللحين محتاره ارجع ولا لا متردده وخااااايفه والله حتى النوم ماصرت انام التفكير بيجنني واكثر شئ متعبني الذكريات بحلوها ومرها ، اخاف ارجع واندم وتتعب نفسيتي وانا مو مستعده اعيد ايام التعب والاكتاب واخاف ماارجع واندم كمان محتااااااااره .

ارجعي علشان الولدين

والله هم الولدين اللي مخليني افكر والا ماكنت فكرت في الرجعه بس والله العظيم محتاااره وخاصة انها عقد جديد ومهر جديد.

حسب أسباب الطلاق .. لأنها مو واضحة !
إذا كانت أشياء ممكن يوضع له حد بالشروط بالعقد الجديد فعووودي على بركة الله ...

__________________

اكيد هو مصر على ارجاعك لانه يحبك
واهم شئ الاستخاره في الرجوع..... ثم تشترطين في العقد الشروط اللي تعيشك براحه معاه
خصوصا وانك عارفته وعارفه اخطاؤه والاسباب اللي كرهتك فيه
اسأل الله ان يوفقك لما فيه خير لك ولأبنائك

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

ربما رجوعك له سيكون سببا في بطلان اكاذيبه وادعائاته عنك...

وبعيدا عن ذاك البعد الاجتماعي...

اطلبي التفكير في الموضوع لوقت ما ..
واذا كانت جروحك عميقه وضحيها واطلبي ان يقدم الاعتذار مع مبلغ معين كنوع من التأديب ... وهذه التجربة نقلتها لك
من واقع قصه لقريبتي ..فبعد ان دفع لها المبلغ ماعاد سمعنا مشاكل عنهم ماشالله ... وهذا يعتمد على شخصية الزوج ايضا..

الله يعينك عزيزتي ..
واي انسان عاقل ما يتمنى شتات الاطفال بين ابويهما لكن احيانا يكون الانفصال اسلم نفسيا للاطفال وهم يتأثرون
بالسلوك الجائر والقاسي وبالاهانه .. وليس بسبب الطلاق ذاته...

موفقه

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

زوجك عصبي واكيد انه اخذ درس وعرف قيمتك

ارجعي واشرطي عليه شروط

صراحه ماشوف سبب مقنع للطلاق ابدا ابدا

ارجعي عشان اطفالك

اذا مومتقبلته اعطي لنفيك فرصه

ليش ماتنادينه وتتفاهمون على كل شي وتشوفين اذا متقبلته ولالا ووقتها اتخذي القرار

وعليكم السلام ورحمةالله وبركاته

صراحة يا أختي استغربت منج..لما خطب زعلتِ ولجأتِ لله في صرف الزواج عنه
ولما فك الخطبه ورجع لج..ماتبينه
يا اختي انتي تعانين من القلق والحزن على أطفالج في حال عدم رجوعج لأبوهم
والخوف من عدم تغيره واستمراره على رفع صوته وغضبه
يمكن معاملته السابقه كان لها دور كبير في التأثير على نفسيتج ومشاعرج

اخذي حق روحج إجازة
ولاتفكرين في مسقبل حياتكم في حال التم الشمل بإذن الله
تخلصي من كل مشاعرج السلبية بذكر الله وكثرة قول لاحول ولاقوة إلا بالله مع الإستغفار

حبيبتي استخيري الله في أمره..وانتظري الفرج

استخيري وارجعي وتشرطي
على كيفج!!
انتي تحبينه والله استجاب دعاك
وصرف عنه الزواج

__________________
اللهم احفظ لي زوجي وسخره لي واحفظ لي اولادي

يعطيكم العافيه ماقصرتوا ..
شقيان 22 معك حق مافي سبب مقنع للطلاق يعني مشاكل بسيطه كان ممكن حلها بس هو الله يهديه ا مايبغى يتفاهم جا يهدد ويتوعد وتسرع في الطلاق من اول جلسه مفاهمه بينا وهذا الشئ خلى ابوي مايوافق على الرجعه في اول مره حاول فيها لانه يقول تسرع وتطلق ،وعلى اني اناديه واتفاهم معه واشوف اتقبله او لا اصلا انا مو متقبله فكره اني باشوف وجهه مره ثانيه يمكن في الاول افكر وشوي واوافق بس يوم اتخيل اني باشوفه واتكلم معه ابد ابد مااتقبله مو بيدي والله بس مدري اذا رجعت اتقبله او لا .
صفاء اكيد راح اطلب مبلغ اللي هو مهر لانه عقد جديد هذا اذا الله كتب لنا الرجعه .
زوج الصخره اكذب عليك لو اقول لك فيه سبب معين للطلاق ادور سبب مو لاقيه مشاكل بسيطه وعاديه في اي بيت وطلبات والله بسيطه او الطلاق بس هو اختار الطلاق ، وفيه حاجات ممكن اوضعها شروط في العقد واول مره حاول يرجعني وافق عليها بس الله ماكتب ، وفيه حاجات مايصير احطها كشروط لانها متعلقه في نفسيتي انا يعني صعب احط انه مايعصب علي او يرفع صوته لا تقولون هذي حاجات بسيطه لا والله هي اكثر شئ تاثر في النفسيه وخاصه قدام الاولاد .
نوره صح هو الى اللحين يحبني بس بعد كم حس بقيمتي احنا تطلقنا بعد اكثر من 7 سنوات زواج مو هينه تتوقعين بعد ماعفته باحبه ولا لا ؟
والله العظيم استخرت اكثر من مره وقلبي مقبوض .
امل كل كلامك صح وسويته بعد لان التفكير جنني .
ناني اكيد استخرت اكثر من مره اما اني احبه لا هو مو حب بس مثل ماقالت الاخت امل .
تدرون ليش انا خايفه ومتردده لان اول مره جا بيرجعني ابوي رفض وحتى رفض انه يشوفه رغم انه كان موافق على كل الشروط .
بس اللحين بعد سنه ماادري ايش هي ردة فعل ابوي اخاف اعاند ابوي واهلي عشانه وفي الاخير يطلع مايستاهل اللي سويته ووقتها باكون خسرت اهلي وخسرته .