|
رد : ارجوكم ساعدوني اخي وصل به الحد بانه يهدد بالانتحار
ما فكرتوا تاخذون بإيده وتفتحون له مشروع خاص؟
او اي شي حافلة وياخذ طلاب او موظفات ترا الشغل ما عيب فيه يقضي وقته ومنها تروح حالته النفسية |
رد : ارجوكم ساعدوني اخي وصل به الحد بانه يهدد بالانتحار
لا تخلونه بروحه ولازم الاهل يعرفون عشان يوقفون معاه مو لازم يعرف انهم عرفوا
حتى ما يتحسس ويخبي ألمه اخوش عنده احباط ويعتبر حاله فاشل الله يوفقه وييسر أموره |
رد : ارجوكم ساعدوني اخي وصل به الحد بانه يهدد بالانتحار
مثل ما قالوا الأخوه والأخوات ...يمر بحالة نفسية من الاحباط اللي هو فيه ومعاه حق الصراحه ... بال 30 ولا اشتغل ولا تزوج !!!
مو لازم الأهل يعرفوا بحالته النفسية لكن لازم يفهموا منك قلقك عليه ... كيف بيتزوج وهو ما يقدر يفتح بيت ماديا ؟؟ مو لازم يتوظف أو باب رزق من أي نوع ... مثل ما قالت أوراق ملونه ..ما دام الرجل طيب وخدوم ويستاهل ليه ما اخوانك وابوك وعمامك ..كل واحد شوي وتفتحوا له مشروع هدية منكم . والرزق يجيب الرزق خاصة لما يبدأ يدخل عليه دخل ثابت بتتحسن نفسيته وبتصير مقابلاته للعمل مجدية أكثر وناحجة وبنفس الوقت دوروا له على عروس بجدية ..هذي مهمتك انتي :) لما تكلميه عززي ثقته بأن تمدحي الصفات الطيبة اللي فيه وكمان تذكري صفات القوة والتحمل ... صراحة أعتبره قوي اللي قادر يتحمل ظروفه . ... امدحي روح النكته عنده .. امدحي بصفات كثيرة مو بس أنت طيب وتعطي الناس ... ترى العطاء الزيادة لدرجة أن يخسر نفسه مو كويس على المدى البعيد . ولنفسك عليك حق ..وحق قبل الناس الثانية . ليش يستدين عشان غيره ؟؟ ليه مو صاحبه اللي راح استدان ؟ وامدحي فيه كرجل ..أن فلانه شافتك وأعجبت فيك بس يا خساره كبيرة وما تصلح لك ..أو متزوجة أو عجوزه ... واذكري له أمثله عن شباب صارلهم فترة يدوروا عروس ولسه ما صار نصيب ... لازم يفهم أنه شخصيته ووضعه مو سبب بدمار حياته وعدم تقدمها . وأنه في أمل يتزوج عادي حاله حال غيره . |
رد : ارجوكم ساعدوني اخي وصل به الحد بانه يهدد بالانتحار
اقتباس:
اذا في امكانكم تأخدوا اسم الحبوب او عينة منها و تشوفوا ليه ياخدها لا تفكروا في تزوجيه قبل تتاكدوا من حالته |
رد : اخي بحال سيء بسبب عطالته وعدم زواجه
والله أنا وحده كنت عايشه فاكتئاب لمده سنتين عشاني ماكنت متزوجه
عدم الزواج بالذات للرجل موضوع صعب جداً جداً احباط قويّ وخصوصاً لو كان انسان فيه خير و مبتعد عن الحرام.. يا الله في هالزمن شقد صعب الواحد مايرتكب المعاصي مع كل المحفزات و التسهيلات. طبعن أنا كان فيني مسّ ومو مخليني اتزوج ولا اعمل ولا ادرس واعتزلت الناس مع اني جدا اجتماعيه لابعد الحدود وقلّ وزني.. أنت تواصل مع شيخ مثقف وفاهم علشان تشخصّ حالة أخوك لأن احتمال يكون معه مس ولكن ممكن جداً يكون السبب الرفض وعدم الزواج وممكن يكون احباط لانه وصل 30 سنه وماكوّن نفسه ولا نجح.. لازم تفهم المشكله وين.. بالتشخيص! بما انه منطويّ (وحط فبالك أن المس قد يسبب انطواء) خل الحوار يكون مع الانسان الي يفهمه مثلا اخوكم الصغير. وخله يجيب له امثله فالحياه عن ناس ابتدوا حياتهم متأخر وعاشوا بسعاده و أن العمر ماله علاقه بالارقام .. الواحد ممكن يتزوج في سن ال20 لكنه لا ينجب و يموت بعد خمس سنوات !! وانسان ممكن يتزوح ف30 سنه وينجب اولاد وبنات و يعيش 20 سنه أخرى بسعاده. وبالنسبه للزواج هذا كلام الشعراوي رحمه الله جدا جدا مفيد و يغير النفسيه وفيه حلّ عظيم لكل عازب http://www.youtube.com/watch?v=n9iFuQ29tjg لا تخلون أخوكم .. دائما ادعوا له (اللهم سخر له من عبادك الصالحين من كانت حاجته عنده وفيها خير وصلاح له فالدنيا والآخره) وخلوا الوالده تكرر هالدعاء هالدعاء أنا وجدت في العجب ! والله يجعل لكم في تدبيره ما يغنيكم عن الحيل .. وفقكم الله |
رد : اخي بحال سيء بسبب عطالته وعدم زواجه
..
اخوك يبغاله شخص قلبه حي .. يكون ورأه ومعاه .. حتى لو يلجأ لانه يشد معاه بالكلام .. بس من أجل يخليه يتحرك .. اخوك يحتاج اول شيء لشيخ جيد يقرأ عليه .. للاحتياط .. والافضل يقرأ هو على نفسه اذا استطاع .. اذا رفض انه يروح لشيخ .. ممكن ادلك على مشايخ تأخذي منهم فقط زيت وعسل وغسول للجسم وهذه الامور .. ويسنخدمها بنفسه او يكون شخص معاه يلزمه ويصر عليه .. بالاضافه تأكدي ان موضوع الزواج والوظيفه وواحده منهم تكفي لتدمير النفسيه والاحساس بالفشل والاحباط .. هنا يحتاج انكم تبحثوآ له عن انسانه جيده وشخصيتها حلوه وطموحه .. عندي اسئله / ... من ان انهى الثانويه حتى الان ايش كان يعمل اخوك خلال هالفتره ! انجز شيء او لا ؟ ما سبب تركه للدراسه الجامعيه او اي كليه ؟ تلاحظوآ عليه بعض التصرفات الغريبه والتصرفات .. حركه دايم يقول فيها بإيده ؟ |
رد : اخي بحال سيء بسبب عطالته وعدم زواجه
فيه شخص يقرب لي
صار معاه نفس الشيي ايضا لسبب الوظيفه وكان بنفس العمر بس الفرق اللي بينهم ان اخوك محد لاحظ عليه الا اخوه فقط اما اللي يقرب كل الناس عرفت مشكلته طبعا هذا قبل سنتين اما الحين تغير وتوظف وتزوج الحمدلله و صاير مايسمع يإحد بنفس وضعه الا يفزع له محد يقدر يطلعه من هالحاله الا هو بنفسه او فزعه احد قريب له |
رد : ارجوكم ساعدوني اخي وصل به الحد بانه يهدد بالانتحار
اقتباس:
هيا شوفي اقسم بالله ان ماخليت وظيفه ماقدمت فيها الين يأست من الوظايف كل شي رحت وجيت ولا خليت شي ولله العلي العظيم ان يوعدوني الساعه 7 الصباح اكون عندهم وجيهم الساعه 5 بتمام طبعا الفجر ودخل عليهم الساعه 9 او 10 واخر شي يرفضوني وتعبت وحالتي حاله واخر شي ربي رزقني بوظيفه عسكريه ومرتاح جدآ يعني الدنيا قسمه ونصيب وكل شي قسمه ونصيب يعني ماوقفت على اخوك خليه يشوف العالم ياكثرهم العاطلين وحاولي تدخلينه منتدى خاص بالعطاله وذا يسامحوني المنتدى بذكر اسم المنتدى ذكرته منتدى حق للوظائف ومعروف شوفي كم العطاله فيه وكم شخص يشتكي من العطاله اقوى من اخوك يعني ربي يرزقه بالوظيفه وبنسبه لزواج يروح يختار اي بنت براسه وتقبله على طول فيه خطابه يروح ولا انتي تخطبين له صاحباتك بس لايعرف وذا وافقت وحده علميه قولي فيه وحده اخطبها لك وذا وافق اخطبي له والله يوفقكم الله يكون في عونه ويسعده ويحقق مرادهه |
رد : اخي بحال سيء بسبب عطالته وعدم زواجه
إذا له خاطر في العسكرية ياخذ ملفه ويروح لوزارة الحرس الوطني وتراهم يقبلونه فوراً
سمعت إن اللي عمره من ثلاثين وفوق يقبلونه على طول بس لازم يكلمهم والا يروح لأي قطاع عسكري أو شركة طيبة خلوه يقدم على الوظايف وإن شاء الله ربي بيرزقه |
رد : ارجوكم ساعدوني اخي وصل به الحد بانه يهدد بالانتحار
اقتباس:
لكن لانستطيع وكذلك جميع اللي حواليه ظروفهم على قدهم وهو فكر يستدين وياخذ حافله بس يقولي بس المرور يرفضون لازم يكون شخص متزوج وعنده 7 اشخاص وهو فعلا في الشغل ولما يكون مع ناس او يشتغل ابدا ابدا ابدا ولامره جاته هالحاله فقط القلق هو اللي يلاحظ عليه اما باقي الاعراض لما يكون جالس ماعنده شئ ويستغرق في التفكير |
| الساعة الآن 06:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©