السلام عليكم
(اخي بحال سيء بسبب عطالته وعدم زواجه )
اخواني لدي اخ يصغرني بسنه عمره 30
معه ثانوية عامه
من صغره قليل الكلام ..واعتمد على نفسه في سن مبكر جدا
لكن باعمال صعبه شوي وليس لها دخل ثابت
توظف اللي اصغر منه بسنه
وحسيت من بعدها بدا يتغير نفسيا
صار يجلس لوحده كثيييير وماينام وبه قلق غير طبيعي
واشوف معاه حبوب نفسيه
هو كتوووم جدا جدا مايبغى احد يدري بموضوعه
حتى امه وابوه
لكن تجيه حالات بكاء شديده لكن محد يعرف عنها غير اخي الي اصغر منه ب10 سنوات
تجيه حالات بكاء شديد ويحس بالم في قلبه ويشد شعره من شدة الصداع وصار حاليا لدرجة يقطع ملابسه
ويجيب سكين لاخوي اللي عمره 20 يقوله اقتلني خليني ارتاح
وطبعا محد يعرف عن الموضوع وهو لهدي يقول امانه ماتقول لاحد ايش اللي يصير لي.
من ضمن الكلام اللي يقوله لاخوي اللي اصغر منه يقول انا محد يبغاني انا كل اللي في سني تزوجوا ومعهم اولاد الا انا
انا ايش سويت عشان يصير فيني كذا
للعلم خطب مره وانرفض
راااافض جدا يروح شيخ
رافض يروح مستشفى راح مره سوى تحاليل وماراح للنتيجه
تكفووون تكفوون ساعدوني ايش يتبين لكم من خلال الاعراض
وكيف ممكن اساعده
وهل يكون مرض نفسي اللي فيه ..والا قولون والا شو
لاني سمعت ممكن القولون يؤدي لحاله نفسيه
هو اكثر شيء متعبه في حياته انه مو موظف ومو متزوج
(تم التعديل ليتناسب مع المضمون)

شخصيته:
حنون لابعد حد
اذا احد طلب منه طلب مستحيل يقول مقدر او ماعندي لدرجة مرة صديق له طلب مبلغ من المال ماكان عنده هالمبلغ راح استدان واعطاه.
طيب جدا جدا وخلووووق
محافظ على الصلاة لكن في البيت
يحب يخدم الناس
قليل الكلام من صغره
لايهتم في المظاهر احسه يعيش اكبر من سنه

الله يجزاكم الجنه ساااعدوني كيف اساعده
الان نسعى لان نخطب له ويتزوج ..مع صعوبة الحياه والاجارات مع عدم وجود وظيفه
لكن ودي يرتاااح يمكن همه الزواج والاولاد
ولاتحرموه من دعووواتكم

قبل تفكرو تزوجوه لازم تشوفوا أيش فيه انصحيه يروح لدكتور نفسي يمكن الحبوب الي يأخذها هي السبب

الله يشافيه ويعافيه يارب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

مشكلته حساس جدا ومايبغى احد يدري بموضوعه وانا على اساس ماادري
لكن اخوي اللي اصغر منه ب10 سنوات يقولي كل شيء بدون علمه.
وبحااااول باذن الله

مع هذا الرأي

اذا في امكانكم تأخدوا اسم الحبوب او عينة منها و تشوفوا ليه ياخدها

لا تفكروا في تزوجيه قبل تتاكدوا من حالته

شششوفي اختي

قولي له عادي الدنيا ماتستاهل

انا اقسم لك بالله ان اخوي خطب يمكن 6 مرات ويرفضونه تقعد نفسيا وبعدها شاف الدعوه ماتستاهل

اعلمك كيف شاف الدعوه ماتستاهل

هيئنا له جو حلو يعني ضحك وفله بعدناه عن الجو النفساني الي هو فيه وضحك ووناسهه يعني وقفنا معه وهنا دور الاهل لازم يوقفون مع بعض دام عنده اخو وعنده خوات ضحكوه وخلوه ينبسط ونتي عاد بدورك دوري له زوجه اكيد تعرفين انسانه عمرها 26 او 27 وأكيد راح ترضى فيه ومليون بالميه ترضى لن تبي الستر وانسانه ناضجه ماهي صغيره

وبنسبه للوظيفه خليه يقدم على القطاع العسكري اذا كان هو بالسعوديه يحاول يدخل على احد الامراء وراح يتوظف

انتم وقفو معه لاتخلونه الحاله

وبنسبه للأنتحار هذا ضعف بالأيمان حاولو توجهونه لدين وتذكرونه فيه وتخلونه يلتزم بصلاهه

وخليه يكون علاقه كويسه اصحاب كويسين وخليه يبعد عن عيال الحرام

اتمنى اكون قدرت على المساعده

بالنسبه لتغيير الجو والوناسه
انا اسكن في مدينه اخرى وتوه البارح زارني
ويسولف ويضحك طبيعي جدا
هو مشكلته كل هالاشياء تحدث له لما يكون لحاله ويفكر
اما لما يكون مشغول او يكون بين اهله فقد اللي يلاحظ عليه
شرود الذهن والتفكير .
وبالنسبه للوظيفه والله ماابالغ لو اقولك يمكن قدم على اكثر من 150 وظيفه لكن ربي ماكتب نسبته ماتؤهله
والعسكريه رفضوه بسبب الطول وضعف النظر
دعوووووووواتك له.

هيا شوفي اقسم بالله ان ماخليت وظيفه ماقدمت فيها الين يأست من الوظايف كل شي رحت وجيت ولا خليت شي ولله العلي العظيم ان يوعدوني الساعه 7 الصباح اكون عندهم وجيهم الساعه 5 بتمام طبعا الفجر

ودخل عليهم الساعه 9 او 10 واخر شي يرفضوني وتعبت وحالتي حاله واخر شي ربي رزقني بوظيفه عسكريه

ومرتاح جدآ

يعني الدنيا قسمه ونصيب وكل شي قسمه ونصيب يعني ماوقفت على اخوك خليه يشوف العالم

ياكثرهم العاطلين

وحاولي تدخلينه منتدى خاص بالعطاله وذا يسامحوني المنتدى بذكر اسم المنتدى ذكرته منتدى حق للوظائف ومعروف شوفي كم العطاله فيه وكم شخص يشتكي من العطاله اقوى من اخوك

يعني ربي يرزقه بالوظيفه

وبنسبه لزواج يروح يختار اي بنت براسه وتقبله على طول فيه خطابه يروح ولا انتي تخطبين له صاحباتك بس لايعرف وذا وافقت وحده علميه قولي فيه وحده اخطبها لك وذا وافق اخطبي له والله يوفقكم

الله يكون في عونه ويسعده ويحقق مرادهه

الله يهنيك ويوسع رزقك
المنتدى هذا اعرفه
واقسم بالله العظيم اني مسجله فيه يمكن من1427 اظن او 1426
من اول ماتخرج هذا اخوي كله عشان اابحث له عن وظائف
وهو و4 من اخواني عاطلين لكن 2 توظفوا قطاع خاص
و1 حكوميه ولله الحمد
وهو اكبرهم وسبحان الله ربي ماكتب له
ماتصدق قد ايش شايله همه وابحث له
بدون عملمه واصلا هو مو حق نت وكمبيوتر
دعواتك له بس