|
اقتباس:
عجبني ردج الصراحة .. هذاك اول .. الي كنت اعطيه كل حقوقه .. وهو في بيتنا وبعدين يطلع ويخليني.. لا والله ماتمسكن ولا شي... بس كنت خايفه من العقويه لاني مادري عن شي .. واستحي ااسال ففكرت بعدها وسالت .. وطلع ان كل الحق معاي .. انا ماخذيت شي منه وهو خذ مني كل شي.. بوقتها عذرته قلت يمكن صغير بالسن عشان جذي.. وحسيت انه صادق بكلامه .. لكن بالفترة الاخيرة قلت لا والله بحب نفسي عشان الناس يحبوني ولا برضى بهالمهانة.. لاني والله والله ماستاهل هالاهانات .. كنت خايفه من فكرة الطلاق وخايفه على بنتي لا ياخذونها .. وبيني وبينج الصراحه عندي الموت اهون من عيشتها في بيت اهل زوجي.. (استغفر الله) لكن دام اني عرفت انها بتقعد عندي مايهمني شي.. صدقيني .. على كثر ماقعدت في بيت اهلي هالفترة هذي كلها.. على كثر ماسهل علي فراق زوجي.. والي مقطع قلبي بنتي بس.. يعطيج العافيه .. سمعت هالكلام وايد .. من اهلي بس ماقتنعت فيه مو لشي.. بس قلت يمكن لانهم كارهين ام زوجي عشان جذي يبوني اتطلق .. ولما انتي قلتي نفس كلامهم بعد .. ارتحت .. انا مادري شو الحل بالضبط .. بس اهم شي بخليه هو واهله يعرفون ان لي عزة نفس وكرامه وان لي نفس تستحق التقدير.. وبصلي استخارة .. مرة ومرتين وثلاث على الطلاق... وبغيت اقولج انا مو محطمة نفسيا .. بس كنت خايفه اكون غلطت في شي ولا ماعطيت زواجي فرصه .. وغير جذي انا قبل الزواج وقبل مانخطب كانت لي مبادىء وثقه بالزواج .. وكنت اقول بخلي زوجي اسعد انسان في الدنيا .. وكنت دايما افكر بالزواج على اساس انه استقرار وامان .. واتزوحت وعاشرت زوجي واهله وتحطمت احلامي وافكاري.. في البدايه كنت محطمة ودوم الدموع في عيني (هالكلام من كم شهر) بس الحين لا والله اتعودت .. وتبين لي الصح من الغلط.. ولهتني بنتي غاليتي عن المشاكل.. واكتشفت ان زوجي مو كل شي في الدنيا .. يعطيج العافيه .. وادعولي وان شاء الله يارب ماضعف ولا ثانية اذا تواجهنا انا وزوجي واطلع كل الكلام الي بخاطري وبقوة .. |
اقتباس:
اللهم امين ... مشكورة غناتي الله يفرج هم كل مهموم ... |
اقتباس:
ايه والله صح ... الظاهر زوجي جذي.. |
اقتباس:
ياختي هو يوم يكون معاي .. احسه يعشقني لكن من يروح يتغير حاله 180 درجة .. زوجي بروده مو عادي.. اهله كلهم جذي.. بيئتهم غريبه .. مع ان اسم العايله معروف.. بس امه خريت على بيتهم كله .. زوجي مو بارد .. زوجي مو لا مبالي.. زوجي ربا في بيئه غلط .. مافيها صح او غلط .. انا قعدت في بيت اهل زوجي كم شهر حسيت عيوني بتطلع من البلاوي.. ماعندهم قوانين واساسيات.. مافي هذا لا اخلاقي.. كل شي عادي.. عادي مانحترم الكبير عادي نعاند الي يستحقون الاحترام .. ام زوجي وعيالها جذي.. والظاهر زوجي واحد منهم .. حاولت اغير فيه .. والله اتعلق في اهلي وبدت الاوضاع تتحسن .. لكن امه اتييله من ناحية بر الوالدين ... واتخوفه .. ويروح يركض لها واتشيشه علي بطريقه غير مباشرة .. وتنقلب حياتي فوق تحت .. امه اتغار مني وصارت تبي ولدها عندها.. لدرجة انها اتقول له طلقها .. بس هو مايبي.. ياريته مايبي ومعطيني حقوقي كزوجة لا .. مايبي يطلقني ومعلقني.. وايد وايد اشياء عن بيت اهل زوجي لو اقولج عنها والله لا يشيب راسج .. |
اقتباس:
حلو اسمك على فكرة |
اقتباس:
ان شاء الله يطلع مسكين ولو اني بديت اشك مشكورة غناتي ادعيلي |
اقتباس:
الله يعين الجميع ويفرج همي وهمك وهم جميع المسلمين |
اقتباس:
مشكورة يالغالية على هالدعاء.. احتاجه...لا عدمناج... |
اقتباس:
ايه والله خففتي عني...انا خلاص في بالي ادرس ... وان شاء الله مايوقفني شي... مشكورة وايد يالغلا |
اقتباس:
ايه صح هذا الي كان في بالي انه لو يبيني انا وبنته انعيش بسلام نطلع لشقه.. بس هو الله يهديه خرب كل شي |
اقتباس:
والله ماودي بنتي تتريا بروحها... ان شاء الله يا غلا بصبر بس هالمرة صبري غير .. صبري بقوة واثبات شخصيه .. لان الاول تحول |
ربنا يصبرك على ماابتلاكى يا حبيبتى
عموما انا هضيف على اللى قالوه الاعضاء انك طلبك للطلاق هيبينلك حبه ليكى وتمسكه بيكى حقيقى وللا لا لو بيحبك هيعمل المستحيل علشان تكونى معاه وممكن يكون بيحبك بس شخصيته ضعيفه فبرده مش هيعمل اى خطوة قوليله انك زهقتى من الوعود وعدم التنفيذ طالما جده يقول له اشر على الشقه وانا اجيبهالك امال ليه مش بيتحرك بصراحه انا مش عاوزة اشعل فتنه بينك وبين زوجك لكن لو حصل الطلاق والله والله انتى الكسبانه وهو الف خسران وان شاء الله ربنا يعوضك بحياة كريمه وزوج يتقى الله وانتى لسه صغيرة واللى قدك لسه ما تزوجوا |
عمري .... قلبي معاك ..
وترا ما قريت الردود ... بس نصيحة من اختك .... حبيبتي ..اتصلي عليه .. واستغلي انوثتك ,,, تمسكني .. وطلعي انوثتك قدامه .. على حبتين دمعات..!!! .نصيحه ,,..لاتعاتبيه على طول .. بيني له اشتياقك وولهك .. وترى احنا الحريم دواهي ...( فاهمتني *؟؟؟) اول ولعيه فيكي .. بعدين عاتبي وازعلي .. وانتي مكبره المسأله ... معليش حبيبتي تعالي على نفسك شوي .. وانتي في النهاية اللي حتكسبي .. |
الله يفرج همك ويسخر لك زوجك ويرده لك ولبنتك ردا جميلا الله يصلح حالكم يارب
والله اقرأ موص\ضوعك وادعي لك يارب يهدي زوجك ويرده لك ويأجر شقة لكم وتعيشون بسعادة اللهم أمين اختي المشاكل كثيرة اللي تمرين بها وانتي ما تدرين وش تسوين اختي الجأي الى الله صدقيني الله وحده قادر على كل شيء استخيري ربك وادعيه واكثري من الصلاة والذكر والأستغفار والصدقة ليرزقك ربك بالخير والله لا أمك ولا أمه ............ينفعوك ولا احد غير الله سبحانه استخيريه ولا تكسلي وتلهيك الدنيا انتي في وضع صعب فلجأي الى ربك . |
والله انا من رأيي ان العجايز اشكال امه ماوراهم غير المشاكل العمر كله لو زانت الامور مؤقتا ماراح تخليكم
لان الاشكال هذي حسودة وماتبي الخير لاحد انا اقول تطلقي والله يعوضك خير منه الاشراف / من فضلك سارع بتغير الصورة الرمزية فهى مخالفة ( صورة رجال ) |
اقتباس:
مشكورة غناتي كثر الله خيرج .. |
اقتباس:
ههههههههههه ايه غناتي فاهمتج عدل.. وجربتها معاه .. واتفيد ماقول لا... بس مادري منو الي يقلب مخه ويخليه يتغير علي "امه اكيد" حسبي الله ونعم الوكيل.. بصبر بعد وبعد .. وبصلي استخارة اكثر من مرة .. الله يكون بعوني.. وبعون الجميع ان شاء الله مشكورة غناتي ... لا عدمناج .. |
اقتباس:
ان شاء الله يارب تتسهل اموري.. وصدقتي والله محد ينفعني غير ربي... مشكورة يالغلا.. دمتي بود ... "ام وداد " |
اقتباس:
ان شاء الله بصلي استخارة على الطلاق.. وان كان الطلاق خير لي بيتيسر.. مشكور ياخوي على مرورك .. ولا تنسى تدعيلي.. دمت بود .. ام وداد |
اختي اصبري واحتسبي والله سبحانه وتعالى العدل الحكم توكلي عليه ولا تدخري وقت في عبادته وهو سوف يهديك جمع الله بينكم بالمعروف
|
أختي الحبيبة والله اني تفاعلت جدا مع قصتك وتأثرت كثيرا ما راح أقول أكثر ولا أحسن من اللي تفضل فيه اخواني وخواتي في المنتدى بس ودي اضيف عليهم شغلة وحدة بس وتفكري فيها عدل
ربنا سبحانه يقول "ادفع باللتي هي أحسن ينقلب اللذي بينك وبينه عداوة كأنه ولي حميم" أختي الحبيبة والله يعلم اني حسيت فيج مثل أختي واكثر يا عمري صبري وأدري الصبر مرولكن لا يلقاها الا الصابرون الدنيا ترى مو هينة والزمن دولاب يفتر مرة لج ومرة عليج واللحين اهو عليك لكن اذا ايقنتي ان الله سبحانه راح ينصرج ويعزج الله سبحانه ماراح يقصر وياج تذكري يا حبيبتي انتي " أنا عند حسن ظن عبدي بي فليظن بي ما يشاء" ونصيحتي الاخيرة احتسبي عند الله يا اختي الفاضلة واكثري من الاستغفار والله انه علاج ولا أروع الله يعلم بس بكم المشاكل اللي كانت بيني وبين زوجي ولكن ربنا هدانا لبعض بنعمة الاستغفار واخلاص النية الموضوع يحتاج وقت وفكري بالقمر اللي عندج يا ربي يحفظها والله يا اختي ما فيه اروع من لحظة انج تشوفين بنتج بحضن ابوها وتحسين انتي وياها بالامان وعلى امه توكلي على الله واكثري من قول حسبي الله ونعم الوكيل والله يا اختي ربنا ما يقصر وان شاء الله تنفرج كربتج بحق نبينا محمد يا رب العالمين امين دمت بحفظ الله ورعايته الاشراف /عفوا : ان شاء الله تكتب على هذا النحو الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
ادعي الله ولا تنسي صلاة الليل والدعاء فهما خير معين .
|
حبيبتي والله عورتي قلبي... بس حاسه إن زوجج يحبج وايد لاتخسرينه حتى لوكانت أمه نكديه معاليج منها أنا عندي وحده من ربعي نفس السالفه بس صابره ....وأنتي بعد إصبري وعليج بالاستغفار في كل وقت وكثري منه.......أمنت الله عليج يحفظج ويحفظ بنتج وزوجج لج...........أمـــــــين
الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
الله يعينك بس لا تضعفي وتكلميه أنتظري يكلمك هو أرجوك لا تضعفي لازم يعرف أنك صرتي قوية
|
الله يفرج همك اختي قلبنا معك والله يسعدك ويهنيك مع زوجك اللهم اااامين
|
اقتباس:
ان شاء الله .. بصبر وبصبر.. ولا تنسى تدعيلي... مشكور على النصيحة |
اقتباس:
طمنتيني الله يطمنج .. ردج يريح القلب.. الله يكثر من امثالج .. ادعيلي ياختي.. وانا ان شاء الله بصبر وبتقرب من ربي اكثر واكثر.. الله لا يحرمنا منكم ... |
اقتباس:
|
اقتباس:
مشكورة غناتي على ردج الي يريح النفس |
اقتباس:
لا ماراح اكلمه ولا بضعف.. مشكورة على النصيحة .. |
اقتباس:
اميييييييييييييييييييييييييييييييييييييييين |
يارب يارب يارب
الحي بالدعاااااء وابكي بين يدين رب العالمين صدقيني والله ان ترين الخيره بين عينيك الثلث الاخير من الليل... وانا لن انساك ايضا وساشركك معي بدعائي دائما.. اسأل الله ان يصلح زوجك وان يسخره ويحنن قلبه عليك ويعطفه لك وان لايحرمك الله ان يقول له كن فيكون بين يديك يطلب رضاك ولم اسرته ويقول ربي كن فيكون..... اللهم اغننا بحلالك عن حرامك اللهم لم شمل هذه الاسره واكفهم بما تريد من اراد ان يفرق بينهم.. اللهم سخر ام زوجها لها وحببها لها واعطفها وحنن قلبها .. اللهم لاتحرم البنت الصغيره من حنان امها وامان وجود ابيها بجانبها اللهم ارزقهم وعافهم واسعدهم واعطيهم وسخر لهم عبادك... ولا تحرمها ولا تحرمني يارب العالمين من رحمتك وضاك وهدايتك وعفوك واصلح لنا ذريتنا... وكل من قال امين والمسلمين اجمعين...... |
اميييييييييييييييييييييييييييييييييييييين يارب العالمين
دمعت عيني لما قريت ردج مشكورة غناتي على هالدعاء الصادق.. لاعدمناج .. |
اللهم اقض ما انت قاض فقضاؤك الحق و انت الحق و قضاؤك العدل وانت العدل واعنا على الرضى بقضائك
و اعن اختنا صاحبت الرسلة و اجبر كسرها ولا تكلها الى نفسها طرفة عين فانك تقدر ولا يقدر عليك يا حي يا قيوم و اخلفها في مصيبتها خير منها |
اللهم اقض ما انت قاض فقضاؤك الحق و انت الحق و قضاؤك العدل وانت العدل واعنا على الرضى بقضائك
و اعن اختنا صاحبت الرسلة و اجبر كسرها ولا تكلها الى نفسها طرفة عين فانك تقدر ولا يقدر عليك يا حي يا قيوم و اخلفها في مصيبتها خير منها اميييييييييييييييين يارب العالمين ... |
الله يعينك حبيبتي...
والله يفرج همك وهم كل انسان مهموم |
مشكورة يا غناتي
|
اليكم اخر اخباري..
اتصل جد زوجي في زوجي .. يكلمه عن الجواز .. معصب عليه طبعا بعدين اتصل فيه عمه (اخو ابوه) فزوجي عصب على عمه وقال له .. انتوا مالكم دخل لا انت ولا جدي هذي حياتي قوله لا يتصل فيني يكلمني بهالموضوع .. واذا اهل زوجتي ولا زوجتي يبون شي يتفاهمون بالمحاكم .. يعني بيني وبينهم المحاكم .. |
ياقلبى ياحبيبتى ربنا يصبر قلبك خلاص انتى كده صبرتى بما فيه الكفايه عليه واتصرفتى كما تتصرف بنت الاصول وهو حسبى الله ونعم الوكيل فيه وان شاء الله مأجورة وادعى دايما اللهم اجرنى فى مصيبتى واخلف لى خيرا منها وان شاء الله ربنا يعوضك بزوج يتقى ربنا فيكى وفى بنتك ارمى همومك على الله وده ابتلاء ولا يهمك
|
مشكورة حبيبتي.. انا الحين والله مايهمني غير بنتي حياتي...
اذا اتعرفون شي عن امور الطلاق ساعدوني.. افيدوني لاني والله كنت ماتذكر المحاكم وان لي روحة هناك اتضايق.. واحس بالكآبه .. |
| الساعة الآن 07:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©