|
اقتباس:
ماقدرت ،، حسيت إني في بيتي ماليا أي قيمة .. و هي كل مالها تتفرعن ،، و أمس تقول لي ( زوجك ما عنده شخصية و تضحك ) لإنه ساكت لها علشاني موو علشانها .. و إذا يبغى شئ يتكلم بأدب ..؟؟؟؟ تبغى أحد يشتمها مثل أخوي ما كان يعاملها .. ما رديت عليها و الغلط مني ، علشان كذا كنت ناوية خلاص أقلبها أمس .. بس مسكت في أعصابي و قلت أكتب هنا ، قبل لا أستعجل .. مشكلتي ، إنه أهلي دايما يقولوا ( إني حارة و ما أسكت عن حقي ) .. فصرت أخاف أرد ،، و أظلمها .. و حلوةة مصورك هههههه :d أما الردود المثاليةة ، فأنا كنت كذا لحد ما أخدت على راسي .. مشكلتنا نتعاطف معهم ، و هم يفهموا إنه ضعف شخصية و خوف .. بس طبع ابن آدم إنه جاحد للنعمة بالفعل .. و يوم حكت لي عن زوجي ، ما فهمتها في البداية .. لإنها تكسر بالعربي و الإنجليزي تقول لي He is criminal .. He is a big actor يعني هو مجرم و ممثل كبير ،، و إني ما أعرف إيش بيصير لإني أكون في الجامعة ؟؟؟؟ و قالت بأحكيلك ليش ؟؟؟؟ و أنا حاولت أسحب منها الكلام ،، و طلع في الأخير خرابيط .. لإني فهمتها خلاص .. و تعلمت ماأسمع أي شئ عن زوجي .. هههههههههه لا لا ماني في لندن .. إذا بديت الدكتوراة أجي عندك علشان تمسكيه :d:d:d |
اقتباس:
و أنا في غرفتي .. و ولدي بيلعب مرة يجي و ألعبه و مرة يروح الصالة و يتفرج تلفزيون و أنا ما عمري طلبت منها تعمل لي شئ ، علشان كذا ماهي فارقة معاي يعني أخدم نفسي بنفسي ،، علشان كذا زوجي دايما يعاتبني ليه ما أشغلها في البيت ؟؟؟ و إذا كلمتني اليوم ،، بأقول لها ( اسكتي و امشي من قدامي ) .. و حكاية ولدي ، أنا ماكنت ماخدة الموضوع بجد .. و يوم نزلت السعودية و أحكي لأمي و أهلي و أضحك قالولي يا غبية ،، ترى كلامها ما ينسكت عليه ،، و أختي قالت لو إني مكانك أقول لها : لو سمعتك تفتحي الموضوع هذا مرة تانية ، يا ويلك مني ،، و قالت لي كيف سكتي لها ؟؟؟؟ المهم ، رجعت الشغالة و فتحت المووضوع من جديد .. قلت لها ، أنا لو أقول لك أعطيني ولدك تعطيني ؟؟؟ قامت سكتت بس رجعت كمان بعدها بشهر ، و تقول ( أعطيني ولدك ، أنا ما أمزح و أتكلم بجد ،، دحين قولي ايوة ) أطنشها و ما أرد عليها و أقول لها ، أنا كل الأشياء هذه و سفري و دراستي لمين ؟ مو لولدي ؟ تقول : جيبي غيره و هاتيه أبغاه ، هذا صار حقتي خلاص |
اقتباس:
اقتباس:
أنا كنت أسمع القصص هذه و كنت أقول علشان أهل البيت يمكن يسيئوا معاملتها ؟؟؟؟ علشان كذا كنت أتحملها و أقول أنا بأغير النظرية هذه و أبدأ من نفسي ،، و هي بنفسها تقول لي إنت مافي مثلك ، و عمرك ما حسستيني إني شغالة أبدا و لاتتغيري أنا أحبك مرة ( الآدمية فاهمتني مررررة ) و المشكلة ، أمي حسستها إني بحاجة لها ،، و قالت لها كم مرة .. و اليوم اللي عرفت منها ، تقول أمك قالت لي بنتي محتاجة لك و ولدها و اهتمي فيهم عشان كذا كل شوي تقول لي ،، جيبوا غيري إذا ماني عاجبتكم .. و ما يكون أحد مضايقها بشئ ؟؟؟ و هي كانت قدام أهلي تتنقب من حالها ، علشان شايفة أمي كيف تتنقب و تخرج و هي تعرف كيف ترضي اللي قدامها و تكسب ثقته ،، و جات هنا و كل شوي تقول لي : أنا أصلا ما ألبس حجاب في بلدي ،أخرج بطولي ( تبغاني أقول لها اكشفي شعرك و اطلعي بطولك ) .. بس ما أعلق على كلامها ،، لإنه الشئ هذا بينها و بين ربها ،، بس في بيتي تلتزم باللبس الساتر و برة البيت ، ما أهتم إيش ما تلبس بكيفها .. و إن شاء الله بأخد بنصايحك لإنها نصايح ذهبية بالفعل |
اقتباس:
بالضبببببببببببببببببط و الله ،، كلامك نسخة من كلام زوجي ،، إنت ملكة البيت ، مو هي ؟؟؟؟؟ المشكلة يوم أعمل كذا ،، ترد و تجلس تعاند و تقهر في ولدي و ما تعمل شئ .. تبغاني أترك كل شئ على راحتها ،، مثلا قبل الكريسميس من شهر ، أقول لها خذي ولدي وديه البلاي قروب يلعب شوي ،، تجلس تقول ( مدام ، أنا أروح هناك كلهم يطالعوا فيا و يكشروا عشاني لابسة حجاب ، خلاص ما أبغى أروح ) قلت لها ، طيب لا تروحي بكيفك .. مو لازم جاتني أمس و صحيت من نومها ، و تصيح من بعيد ،، ( تقول صحيييه خليني أوديه البلاي قروب ) ؟؟؟ ( كان نايم في غرفتي علشانه ) .. و طنشتها و لا كأني سمعتها و تركته نايم ،، و كنت مشغولة مع الواجب أحله .. و إن شاء الله ما أحتاج للشغالات أبدا |
اساسا يابنتي شوفتي لمت شنطتها ازاي
واراهنك انها عشان عاملة علاقات هنا بالهبل مش هاممها وممكن تروح عند اي حد وممكن تبلغ عليكوا كمان وفي شهود ماهي طول الوقت بتحكي والناس شاهدة !! عشان كدا قولتلك مشيها من سُكات |
اقتباس:
|
اقتباس:
مو أنا يوم حكيت لزوجي ، إنها بتكره الجارات ( قبل لا ننقل من بيتنا القديم ) .. إنها تكرههم فيني و معاملتهم فجأة تغيرت معاي و تحسنت معاها و يعطوها هدايا و يحزنوا عليها مررررررة و ماعمري شكيت فيها ، غير يوم جات و قالت لي بالغلط .. إنه جيراننا القدامى ، كانوا دايما يتكلموا عني و عن زوجي و يقولوا السعوديين كلهم يستعبدوا الشغالات ، و جات بتصلح غلطها و ترقعها و قالت لي ،، بس أنا دافعت عنك و قلت لهم ( إنه إنت غيييير عنهم كلهم ) و ربطت أنا ما بين كلامها و بين تغيرهم المفاجئ ؟؟؟؟؟ و فهمت الحكاية ________________ و يوم قلت لزوجي .. قال لي هذه ( حابكتها مضبووووووووووووووووط و مو هينة ) .. علشان إذا بيوم اشتكت لا سمح الله .. تخلي الجارات يوقفوا معاها شهود .. |
اقتباس:
بأقول شئ ،، أمي قبل لا أخدها و أنقل كفالتها ،، كانت مرة خايفة علي منها و كنت أقول لأمي لا تبالغي .. و حتى أخواني كانوا خايفين علي منها ، فقلت لهم ،، أنا بأكرمها و أحسن معاملتي معها .. السبب : أمي تقول ، إنت معاك وظيفتك و دراستك و ولدك و زوجك ،، و هي مهما كان راح تحس بيوم بقهر أو بحسرة ، و تتمنى إنها تكون مكانك .. و أخاف تضرك لا سمح الله لإنها أكبر منك و أضخم منك و في بلدة أجنبية ،، و دايما أمي كانت تقول لي ، ألاحظ نظراتها لك غير و أنا فاهمتها .. و كانوا أخواتي يقولوا ، إنها تستغل طيبتك معاها ،، لإنها تستنى تاخديها معاك للخارج .. فكنت أقول لهم ،، ما راح تضرني إذا عاملتها كويس إن شاء الله لكن إلى الآن ، بأراعي ربنا في تعاملي معها ،، و هي راح يجي يوم و تندم .. |
اقتباس:
أنا بجد ،، نقطة ضعفي مع الناس الفقراء و العمال ( قلبي ) .. أحزن و أشفق عليهم .. مع إني مع غيرهم ، مثل شخص مسؤول و كذا .. عادي أتكلم و ما أسكت عن حقوقي ؟؟؟؟ و علشان كذا اليوم ناقشتها على موضوع ( الشرطة و السفارة ) ؟؟؟؟ قلت لها وضحي ؟ إيش تقصدي ؟؟؟؟ أحد مضايقك بشئ ؟؟؟؟؟ و بريطانيا إن شاء الله أهون من أمريكا .. ممكن لو تركتنا و راحت تشتغل عند ناس .. فمن حقها هنا ، و مالنا حق نتكلم .. بس تروح أحسن ، تريحنا من مشكلة فيزتها على الأقل .. و حكاية حقدها ، ما كنت أبدا أشك ،، بس بعدين درست الموضوع مع نفسي ؟ و جلست أراجع كل اللي حصل من قبل ؟ و أقول في نفسي .. إيش بها كل ما تعدي فترة طويلة الحمد لله من غير أي شئ بيني و بين زوجي ،، تجي تتنكد و تحاول تعبي راسي ؟؟؟ و إذا شافتني قلبت مثلا أو تنكدت ،، أشوف ملامح وجهها تغيرت و تصير مبسوووطة وو تلعب ولدي ؟؟ |
اقتباس:
و لما أكون حازمة ، تمشي كوييييس ،، بس برضو ترددددد بوجهك و ما تسكت ترى حتى هي بنفسها تقول لي ( أنا أحيانا أنسى إني حرمة ، لإني زي الرجال اعتمد على نفسي ) قلت لها ، تبغي تسافري من اليوم .. جهزي شنطك .. بس التذاكر على حسابك .. خلاص كل واحد يعرف اللي له و اللي عليه .. و هذا الشرط موجود بالعقد ،، و أنا ما راح أظلمها كذا بإذن الله .. يكفي إنها بدل ما تجي و تكون عون لي ،، صارت حمل تقيل على قلبي و تستغل حاجتي لها و ما راعت حسن المعاملة و الأخلاق و الله فكرتني بالحرمة يوم تقول لزوجها طلقني طلقني ،، و في الأخير يقول لها بالسلامة إنت طالق :D |
اقتباس:
انا بقلق من النوع ده من الناس عارفة فيلم سلام دوج ميليونير عارفة في بعض من الناس الفقرا اللي الدنيا خدت منهم راقات وقلبهم مات دول بيكون قلبهم جامد جدا ومبيصدقوش حتى المعاملة الحسنة ولا يطمر فيهم الخير يعني تدبح بقلب بارد وتقول انا معرفش الا كدا والدنيا معلمتنيش الا كدا فاهمة قصدي ربنا يأمنا شرهم يارب الواحد بس يديهم عشان ربنا انما مايدخلهمش بيته ابدا ويأمنه على اي حاجة |
اقتباس:
نعم استغفر الله واتوب إليه كل يوم وكل لحظة وكل ثانية وحركة وكل كلمة تلفظ بها ,استغفر الله ولكن أنا فعلا نعتهم بالجنس الأصفر..(فعلا فيها عنصرية) لكن قلتها ولم أفكر في الكلمة ومعناها لأني كنت أفكر في أفعالهم ومعتقداتهم وشركهم وشعوذتهم ومصائبهم التي جلبوها لنا ولكن الخطأ منا نحن!! لأن نحن اللذين أحضرناهم عندنا بمعتقداتهم الخاطئة و استقبلناهم بحسن وصفاء النية بالرغم من سواد نيتهم !! والله لو اللذي حصل لي حصل لك لنعتهم اكثر من ذلك!! بالرغم من معاملتنا الحسنة لهم وكأنهم فرد من أفراد الأسرة إلا أنهم خونه في كل طرقهم من شعوذة وشرك لأن لو رأيت القرآن في الحمام لنعتهم بالكفره والمشركين!! لو رأيت الدم والبول في أكلك فبماذا ستنعتهم؟ انا اقول ليس البعض لكن أغلبهم,وفعلا هم يلاقون من بعض كفلائهم الظلم وسلب الحقوق من البعض الذين لايخافون ربهم. أنا لست عنصريه يا حفيد الأنصار لذا لا تستخلص النتائج حتى تعرف كل الحقائق!! بالعكس أنا أعلم إننا من تراب ومن خلق آدم وحواء لم أنسى ذلك!! فإذا رأيتهم انهم مظلومين بالرغم بما فعلوه في البيوت من مصائب فتأكد بأن هنالك ايضاً مظلومين من بلدنا بأفعالهم لكن لن تشعر بذلك إلا عندما تعاني من خادمة ساحرة تشعوذ بتدنيس القرآن و تضع لك البلاوي في الطعام وقتها سنرى هل ستقول عنها إنها مظلومة أو من ذوات الجنس الأصفر و أكثر!! شكرا على تذكيرك لي بالعنصرية!! |
أنا تعاملي معها برسمية و احترام .. و أتجنب إني أقابلها ..
بس هي متى تستغل الوقت اللي تجي تكلمني فيه ؟؟؟؟؟ يوم تكون بغرفتها أو بالمطبخ ،، و تسمعني ألعب مع ولدي .. لإني مع ولدي أتعامل معه ( على قد سنه ) .. أجري وراه و ألعب كورة معاه و زي كذا فهي تسمع صوتي بأضحك و أنكت مع ولدي .. تستغل الفرصة هذه و تجي تعمل نفسها تمزح مع ولدي و تعلق أي تعليق ،، و شوي شوي تبدأ تاخد وجه علي ،، و أنا أكتم غيظي علشان لا أغلط عليها و إذا رديت ، ترد بعشرة ردود و ما تسكت .. ______________________________ أنا بجدددددد ،، بأتعلم من ردودكم و أخد حذري .. لإني دايما أحط في بالي حسن النية .. بس بجد ما أبغى أغير موقفي .. و زوجي رافض إننا ندفع لها قيمة التذكرة .. و الحق مع زوجي ، لإن شروط العقد سنتين ، و أنا سألتها قبل لا أجيبها و أنقل كفالتها .. قلت لها ما تجي بيوم و تقولي غيرت رأيي ؟؟؟ و قالت طيب و وعد .. و تشرطت بعد ما اتفقنا و قبلنا بشروطها ، و كمان جاية تهدد و يكفي تحملت كلامها سنة و شويات |
استودعتكم الله الذي لا تضيع ودائعه ..
ادري انك حريصة ومثلك ما يتوصى ..لكن من باب التذكير .. كرري دائماً .. اللهم من اراد بنا كيداً فرد كيده في نحره .. ((اللَّهُمَّ! إِنَّا نَجْعَلُكَ فِي نُحُورِهِمْ، وَنَعُوذُ بِكَ مِنْ شُرُورِهِمْ)). ولا تنسي اذكار الصباح والمساء ودعاء الخروج من المنزل ..وتحصين ولدك وزوجك .. |
سبحان الله تتذكرين ياقلبي
كلامي معك ومشكلتها تصدق تذكرون كيف استغربتوا كلامي ؟! كنت اقول والله ان يجي اليوم وتندمين على معاملتك الطيبة معها وكثير من الاعضاء قالوا اني قلبت "نسرة" على شان انها غير عربية .. وقلت لهم هالاشكال ماينفع معهم العاطقة ابدا .. المهم جاء اليوم وطلع كلامي صح .. حبيبتي .. عامليها بحزم حتى تفارق .. الله لا يحوج لكم ابد ابد ابد |
اللي يقهرني كمان ..
( زوجي محيرني .. طبعا هو متابع للموضوع .. بس أنا متضايقة بجد ) رجع زوجي ، و يقول ما كأنك استعجلتي و قلتي لها سافري ؟؟؟؟؟ ( زوجي دايما متردد في قراراته ) قلت له : تبغاني أسكت و أتفرج عليها و هي مرررررة زودتها ؟ لمتى و أنا من أسبوع متحملتها و هي تنافخ علي ؟؟؟؟ و كل شوي تذلني .. أنا جالسة علشانك و لا أنا أبغى أسافر ؟؟؟؟ قال لي ، كنت طنشتيها ؟؟؟؟ قلت له : لمتى ؟ و هي جالسة تتريق عليك قدامي و تقول ما عنده شخصية زوجك و يخاف من أخوانك و تضحك ؟؟؟؟ سكت زوجي .. بعدين قال لي ،، كنت رديتي عليها من وقتها و خرستيها ؟؟؟؟؟ ____________________________________________ يعني يوم رديت اليوم و طولت لسانها علي ،، قال لي كنت طنشتيها على موضوع أمس .. و يوم طنشتها أمس ( علشان لا أستعجل بالرد و أطلع غلطانة ) .. قال لي تستاهلي ليه سكتي لها ؟؟؟؟؟ مو اللي خلاها تطول لسانها ، إني أطنش دايما ، علشان لا أكويها من ناري ..؟؟؟؟؟؟؟ و أنا لما أرد عليها و ترد علي ،، ما أتحمل و ما أمسك نفسي و أنفجر و هي تخاف من عصبيتي .. علشان كذا حابسة نفسها لحد ما تهدأ أعصابي .. و أنا إذا ( انفلت ) خلاص ( عنادي صعب مررررة و شديييييد ) خاصة لو اعطيت أكثر من فرصة .. و أدري بعد ما تسافر الشغالة .. بيقول لي ( ماحد قال لك تسفريها ؟؟؟؟ ) ____________________________________________ تركتهم كلهم دحين ، و جالسة في الغرفة أبغى أريح شوي .. صليت المغرب ، و استخرت ربنا إني أسفرها ( لإنه ربنا الوحيد اللي أرتاح يوم استخيره و ما راح يخيبني أبدا ) دحين بأبدأ أذاكر ،، بس متضايقة مرررررة .. بالقوة أتحمل هم الدراسة .. ( و الله يصبرني ، قبل لا أفقد عقلي ) ملاحظة : أنا أدري إنها ما تبغى تسافر و تبغى تجلس ،، لإنها عايشة عيشة ما تحلم بها أبدااااااااااااااااااااا .. بس هي كانت بالقصد تهددني علشان ماحد يقول لها اعملي و سويي ،، و لإنها عارفة إني بحاجة لها بس أنا كنت أستنى اتفضى لها و بعدين أبدأ أتحاسب و أتفاهم معها .. و كلها كم يوم و راح تجي و تقوول تبغى تجلس .. بس أنا قلت ( إذا عاندت خلاص تقفل معاي ) و ولو بتسافر بالسلامة ،، الله لا يردها |
حبيتي روح الطير من خلال كتاباتك اشعر انك انسانه ناضجه وتحلين الكثير من المشاكل بعقلك واسلوبك الجميل ولم اكن اتخيل ان لديك مشكله في حياتك حبيبتي ان الخادمه مهما كانت اكيد تعاني من الشعور بالنقص وانها مظلومه مهما عملت لها من خير فهذا لك به اجر عظيم عند رب العالمين ان شاء الله هذا من جانبك
اما من ناحيه الخادمه بالنسبه للراتب قال النبي محمد ص( اعط الاجير اجره قبل ان يجف عرقه )حتى لو كانت ظروفك الماديه صعبه الخادمه لا ترحم فكان تدايني من شخص عرف او بعدين تسددي وصدقيني سوء تعاملهافي المنزل في هذه الايام من وراء الفلوس حتى احتمال يكون عندها شك بانك لم تعطيها الفلوس فكانت لدينا خادمه واعرف تفكيرهم حافظي على اعصابك والله يكون في عونك |
أختي علياء الصالحي
اشكرك لك ردك و رأيك ،، لكن لو قرأتي ردي على الأعضااء فالموضوع ماله علاقة بالراتب أبدا هي تعرفني ما أكل حق أحد و الحمد لله ،، و تعرف إني دايما أعطيها من قبل لا يجي موعد راتبها أمي لإنها ما تحفظ التورايخ و كانت تنسى ،، فكانت تعطيها أحيانا بعد 3 شهور و هي تفكر أمي و أمي تكلم أخوي و ماا عمرها عملت كذا عند أهلي ،، و أنا كل شهر بشهره وو هي تعرفني الموضوع في إنها تستغل حاجتي لها ،، قلت لها لمي أغراضك و تسافري الأسبوع هذا ،، و دخلت المطبخ دحين بعد العشاء و تغسل الملابس و المطبخ ( لازم نشد عليهم علشان يتحركوا ؟؟؟؟؟ ) أنا ما فقدت أعصابي إلا بعد أكثر من سنةة و أحسبي السنة هذه كم يوم فيها ،، و كم موقف عملته و هي ماهي حاسة بضعف وو لا بظلم ، لإنه ( فيها شوفة نفس ) .. و تعتبر نفسها تتمنن علي لإنها جالسة عندي بكيفها هي و علشاني بحاجة لها ، لكن تزودها و تتريق على زوجي و تجلس تقول شرطة و سفارة و لما أسألها ليش تقوولي كذا ، ترد علي لأأأ ،، بس خليه يحط في باله ؟؟؟؟ العقل و الحكمة مو معناها نسكت للآخر ،، و أنا للآن ماني ندمانة عن تصرفي معها ،، و الراتب تأخر لظروف و هي راضية و استأذنت منها و هي أصلا ما تصرف شئ منه و كل شئ بأجيبه لها ،، و ما جات على شهر واحد .. بس هذه مو أول مرة تقل أدبها ،، و اسكت لها .. بس سكوتي عنها ( حـلم ،، مو خوف ) .. لو عندك طريقة تعلميني بها أتصرف معها ، قوليلي عليه .. بس أنا متحملة هنا كل شئ ،، و كل شئ له طاقة .. هي المفروض تكون جاية هنا تخفف عني ، مو كذا تتعبني ؟؟؟؟ و كل شوي أقول لزوجي لا أحد يزعلها لا أحد يضايقها ؟؟؟؟ ماا صارت عيشة هذه ؟؟؟؟ يعني بجدددددد ،، انسانة مثلها ما قابلت ؟؟؟؟ الواحد يقابل المعروف بالإحسان ، مو بقلة الأدب .. و زي ما قلت ،، مو أول مرة تقل أدبها بس كنت دايما أسايرها و أطنش .. -------------------------------------------------------------------- عالعموم حسابي و حسابها عند ربنا و هو اللي شايف و مطلع على كل شئئئئئ .. و بداخل قلبي ألم ماحد حاس به .. و كاتمة غيظي عشان ربنا أختي لو مكاني ، كانت شدتها من شعرها و خلتها تمسح الجدران كلها و الأرضيات و شتمت فيها و خلت زوجها يبهدل فيها ،، بس خليها تسافر بالمعروف ، ما أبغى أي شئ منها .. و أنا راح أروح الجامعة من الصبح بكرة لحد الليل علشان ما أشوفها ،، ( أحس كأني غريبة في بيتي ،، كرهت البيت بشكل ماحد يتصوره بسبب وجودها فيه ) |
انا ما تابعت الردود كلها وما اعرف التفاصيل
بس من يوم عرفت معك من يساعدك الخادمه انا حطيت ايدي على قلبي اختي ايش لك بوجع الراس رجعيها لامك رجعيها بلدك بلدها اي مكان و اسلمي على ريشك قبل لا تعمل لك بلاوي مع السلطات تحكي لاحد اي شي من خيالها كيف تخليها تاخذ ولدك تطلع فيه لوحدها و تكلم الجارات يا سلام الله العالم ايش تتقول لهم عنك كويس ما جابولك SOCIAL SECURITY و يحققو معاكي و راتبها قليل وما عندها عطلات ولا تسهر ولا احد تخرج معاه هذا كله مخالف لحقوق العمال و MNEMAM WADG الي هو اقل تسعيره للعمل بلساعه و ما تخرج بلويك اند تبات بره البيت لو اشتكت لاي احد انت تروحي فيها وشكلها في احد معلمها بهلسوالف ولا اهلها قايلين لها تروح وتهرب منك اعرف وحده هنا جابت شغاله و الشغاله ما تطلع من البيت الا وهي معاها و اولادها اصغر شي بلجامعه جابتها بحجه مرضيه لانها محتاجه مين يساعدها الله سترها معك هلفتره و عدت على خير بس عجلي بسفرها و ابنك لو تحطيه عند زوجك ولا CHILD MINDER او DAY NURSERY احسن لك من وجع الراس |
اقتباس:
لكل فعل رد فعل يااخي لا أصدق أن كل هؤلاء البشر شريرون بطبعهم ... هناك ظلم وهناك انتهاكات يتحدث عنها القاصي والداني .. هناك تعالي وهناك كبر وهناك عجرفه وهناك معاملات غير انسانيه بالمره هؤلاء في بلدانهم مسالمون منتجون بسطاء .. فاذا جاؤا عندكم صاروا سحره ومشعوذين وقتله ومجرمين ... لماذا ياترى ؟ و |
اقتباس:
لافض فوك ياأخي .. كتبت فأنصفت .. فأنا كنت أتابع ردود الأخوات وأشعر بالغضب والحنق لما يكتبنه و يتناصحن به .. لاحول ولاقوة إلا بالله .. صدقت ياعمر حين قلت متى استعبدتم الناس وقد ولدتهم أمهاتهم أحرارا ! |
اقتباس:
|
معليه الردود السابقة ،، حابة أعلق على رد الأخت ( مشاعر مرهفة )
هل المقصود ردي ؟ موضوعي ؟ و لا إيش بالضبط .. ليت توضحي أكثر .. علشان نقدر نرد مضبوط .. لإنه ردك لو كان على موضوعي .. فهو بعد المشرق عن المغرب .. _____________________________ الأخ حفيد الأنصار .. ليت ما نخرج عن الموضوع ،، إذا عندك مبدأ فممكن نفتح موضوع و تتناقش فيه مع الأعضاء .. و الشكر لك لمرورك |
اقتباس:
تعليقي جاء على كل ماورد في موضوعك وردود الأخوات من صور نمطية وأحكام مسبقة وتصنيفات ماأنزل الله بها سلطات للعمالة الأجنبية في بلداننا ! عجيب والله .. |
سبحااان الله
مافيه موضوع دخلو الا وسوو مشاااكل!!!!! اتقو الله والتزمو بمسااار الموووضوع هدااكم الله يحبو الموااضيع تتقفل!!!!! طيب ليه وايش تستفيدو؟؟؟؟؟؟؟؟؟؟ |
اقتباس:
من تقصدين ؟؟ لو كنت أنا المقصود .. فأنا كتبت وجهة نظري في مشكلة الاخت ثم انتقلت إلى وجهة نظري عن موضوع الخادمات عامة لان هذا منتدى حواري من يكتب فيه عليه توقع أي رد ..نحن نكتب على الشبكه الدوليه ولذلك نكتب بمفهوم أوسع .. ولا أرى ضيرا أن نكتب مثلا عن مشكلة المعامله السيئه للعماله بينما تستمر الاخت في عرض مشكلتها على الاقل نأتي بشيء جديد يثري الموضوع .. لكن بالله عليك أنظري لاغلب الردود السابقه .. كلها تتشابه في المعنى والمضمون .. ثم لعلمك لست أنا أو الاخت مشاعر مرهفه من وسع باب النقاش .. بل من فتح الباب على مصراعيه فانتقد امه بحالها وجنس كامل وعمم حكمه على ملايين البشر لمجرد قراءته قصه في الانترنت أو سماعه قصه من امه أو اخته أو خالته هؤلاء هم وسعوا باب الحوار وأضطروني وغيري للدفاع عن هؤلاء البسطاء المستضعفين هذه وجهة نظري .. لكن بما أن الاخت روح الطير لا تحبذ فتحنا لافاق جديده في النقاش .. فليكن ذلك اعتذر لها |
اقتباس:
وهل قول الحق أصبح مرادفا اليوم لافتعال المشاكل ?!!! وهذه ساحة حوار للجميع وابداء وجهات النظر ليست حكرا علين أنتن فقط .. ثم أن ردودكن جميعها لم تخلو من ظلم ومبالغة وافتراء وتعميم عجيب ! ونحن نكره الظلم أيا كان نوعه ومصدره وحجمه .. ونعمل بقول حبيبنا صلى الله عليه وسلم من رأى منكم منكرا فليغيره بيده فأن لم يستطع فبلسانه فأن لم يستطع فبقلبه وذلك أضعف الأيمان .. على العموم أنتن من سيتحمل وزر ذنوبكن ... اللهم إني بلغت .. |
اقتباس:
الله اكبر الله اكبر الله اكبر جميعنا يعني انا من ضمنهم ليه انا تكلمت عن شغالتي والا شغالة الجيران؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما ادري وش صاير في بعض الردود استغفر الله المنتدى صاير مااااااااااااااااااااااااااش:( |
تعليقي جاء على كل ماورد في موضوعك وردود الأخوات من صور نمطية وأحكام مسبقة وتصنيفات ماأنزل الله بها سلطات للعمالة الأجنبية في بلداننا ! عجيب والله .. الأخت مشاعر مرهفة الحمد لله إنك رديتي ، علشان لا أظلمك .. لإني قبل لا أعمل أو أتخذ أي خطوة ، بأتأكد دايما .. رجاءً .. و قبل كل شئ .. المثالية المطلقة هذه من أجل ( خالف تُعرف ) .. و حكاية اتفق العرب على ألا يتفقوا .. أتمنى إظهارها بمكان آخر غير موضوعي ،، و السبب : التصنيفات اللي تكلمتي عنها ،، فكل انسان له تصنيف يصنف على كيفه .. شئ يخصه و راجع له .. أما الأحكام المسبقة هذه .. فواضح جدا ،، إنه كل شئ واضح وضوح الشمس هنا .. و مافي مجال للشك .. و انا عندي عقل ،، أعرف إيش الشئ المناسب و الغير مناسب .. و لو إني تعديت على العمالة الأجنبية تعالي تكلمي ،، و متأكدة لو أحد سأل ( الشغالة ) عني .. ما راح يلقى ذرة وحدة من سوء المعاملة أو الظلم بإذن الله ،، لإني أحاسب نفسي قبل لا أحد يحاسبني .. و أنا بأراعي ربنا في تعاملي معها ،، ما بأراعيك و لا أراعي غيرك .. علشان كذا .. لا عاد تتكلمي كلام و أحكام من فراغ .. أما العجيب .. فما عجيب غير الشيطان و كذلك ردك اللي تطلقي فيه الأحكام بدون مبررات .. عندك كلام منطقي ، تعالي تكلمي و ناقشي بكل احترام و تهذيب و احترمي عقلياتنا .. أما إن ما كان عندك ، فالأسلوب هذا .. أسلوب يجبر الشخص على إنه ( يتجاهله ) .. __________________________________________ اقتباس:
و حكاية العمالة الأجنبية و الإستعباد : و الله أنا شايفة إنها هي اللي مستعبدتني .. و هذه موظفة جاية تشتغل بعقد رسمي بيني و بينها .. يعني مثل ما أنا موظفة و أراعي حقوق ربنا في الوظيفة اللي أعمل بها ،، و أراعي الأمانة و الثقة اللي منحني هي المسؤول عني .. فهي نفس الشئ المفروض ،، تراعي العمل اللي هي فيه و تراعي ربنا في عملها .. شروط العقد ( سنتين ) .. و على أساسها تكفلنا مبالغ و خسائر مادية .. و ماحد ضربها على يدها و قال لها تعالي ،، إذا هي ما تبغى ،، ففي غيرها بحاجة للعمل عندي .. و هي قبلت و أخلت بوعدها مثل ما كل شركة ،، إذا الموظف أتغنى عن الوظيفة .. ففي غيره يتمناها .. و واضح جدا إنه ( ما عمرك تعاملتي مع شغالة و لا عاملة منزلية ) .. لإنه في العقد مكتوب .. إذا العامل بيسافر قبل المدة المفترضة ، فهو يتكفل بسعر التذكرة .. و الراتب 600 ريال .. الحمد لله ،، ما يحتاج أكتب عن كل الميزات الي متوفرة لها .. - تخرج و تدخل بدون حسيب و لا رقيب ، أقول لها اتركي الشغل و روحي تمشي .. - راتب بضعف راتب الأخريات و الحمد لله .. - ما أطلب منها أي شئ غير ( ولدي ) فقط .. و مجرد ما أرجع من الجامعة ، تجلس في غرفتها و تتركه - تنام قبلنا و تصحى بعدنا .. و نرجع من الجامعة و البيت حالته حالة و تنظيف أي كلام .. - فوق هذا كله ،، قلة أدب و عدم احترام و نحن اللي نراعي مشاعرها ؟؟؟؟؟؟؟؟؟ ( مين اللي ما راعى حقوق ربنا ؟؟؟؟؟؟؟؟؟؟؟؟؟ أنا و لا هي ؟؟؟؟؟؟؟؟؟؟ ) و رجاءً .. لا تحفظي أحاديث و تجي ترميها في غير مواضعها .. أنا ما ضربتها و كويت جلدها و شديت شعرها و أكلت فلوسها .. و لا استغليت ( حاجتها ) للمال .. و حتى تكون عندك فكرة .. فالشغالة تبغى تسافر بلدها ،، لإنها جمعت من شغلها عندي ( مبالغ طائلة ) و الحمد لله .. وو بترجع ، علشان تشتري لها بقالة و تستقر أخيرا .. و تحمد ربنا ليل و نهار إنها اشتغلت معاي .. و تقول لي ( ما عمرك عاملتيني إني شغالة ) .. فلا تجي إنت و تتكلمي من فراغ ،، و تقولي استعبدتم الناس ،، إذا كانت صاحبة الشأن بنفسها ما اشتكت من الشئ هذا |
اقتباس:
وهذه ساحة حوار للجميع وابداء وجهات النظر ليست حكرا علين أنتن فقط .. إيش مكتوب فوق ؟؟؟؟؟؟ ساحة حوار و نقاش ؟؟؟؟ و لا مشاكل اجتماعية ..؟؟؟؟؟؟ أنا جيت استفسر عن ( مشكلة ) .. فلا نجي نتعاطف .. علشان المشكلة اسمها ( خادمة ) .. لإنها ليست ( أمة أو عبدة ) عندي .. و مو ذنبي إذا اسم الوظيفة كذا .. تعاملت معها كإنسانة و احترمتها لآخر لحظة .. راجعي الموضوع من بدايته .. فلا نطلق ( أحكام عامة ) __________________________ ثم أن ردودكن جميعها لم تخلو من ظلم ومبالغة وافتراء وتعميم عجيب ! يا سبحان الله ؟؟؟ تعميم عجيب ؟؟؟؟؟ مين اللي تعميمه عجيب ألحين ؟؟؟؟؟؟ __________________________ ونحن نكره الظلم أيا كان نوعه ومصدره وحجمه .. ونعمل بقول حبيبنا صلى الله عليه وسلم من رأى منكم منكرا فليغيره بيده فأن لم يستطع فبلسانه فأن لم يستطع فبقلبه وذلك أضعف الأيمان .. على العموم أنتن من سيتحمل وزر ذنوبكن ... اللهم إني بلغت .. أتعجب من الناس اللي تحفظ آية أو حديث و ترميها هنا و هناك .. و يخلوا الواحد تصيبه العقد النفسية .. أية ظلم ؟ و أية منكر ؟ و أية وزر و ذنب ؟؟؟؟؟؟؟؟؟؟؟؟ أنا جاية هنا علشان استفرد عضلاتي ؟ وو لا علشان استشير ؟؟؟؟؟؟ إذا جاية هنا ، علشان تكتبي كم كلمة حفظتيها .. فهناك مواضيع مخصصة للشئ هذا .. و المرة الجاية و لا يهمك .. أخليها تسب فيا و تسب في زوجي و أهلي و أضحك لها .. و مو بس كذا .. أدخل غرفتها و أنظفه لها و أبوس راسها .. كذا تمام ؟؟؟ علشان ما يكون ( ظلم و منكر و وزر و ذنب ) ؟؟؟؟؟؟ و أمي إلى الآن تحسب إنه الشغالة تحبها و تعاملها كأنها ( أمها ) .. و هي أول ما جات هنا ، قالت لي ( أمك مخها تعبان ) ؟؟؟؟؟؟ إيش أعمل لها ؟ ابتسم لها و اصفق لها ؟؟؟؟ ________________________________________ على فكرة : لإنه مجرد ما ينزل الراتب أعطيها مباشرة .. فراجعت الحسابات اليوم و شفت إني معطيتها راتبها قبل التاريخ المستحق .. و المفروض تاخد راتبها يوم 20 ،، شهر واحد بالميلادي .. يعني استلمت مستحقاتها قبل التاريخ بـ 10 أيام .. فلا أحد يجي يتفلسف .. __________________________________________ لا تجي تعلميني كيف أحسن تعاملي معها ،، لإنه لو ما كان هناك صنف من البشر مثلها .. ماكانوا قالوا ،، اذا اكرمت الكربم ملكته ... واذا اكرمت اللئيم تمردا لكن هي نسيت ،، إنه الواحد يتق شر الحليم إذا غضب .. |
اقتباس:
حبيبتي .. أنا ما ندمت على تعاملي الطيب معها ،، لإنه مافي أجر يضيع عند ربنا .. و أنا تعاملي مع ربي ، مو معها .. و قلت لها ( ربي شايف كل شئ ،، و بأخد حقي منك يوم القيامة ) و كل شوي تذل فيا ، و تهددني إنها بتروح ..؟؟؟؟ و يوم أسألها إيش السبب ؟؟؟؟ ما تعرف تجيب أي شئ علي ،، و تقوم تبكي ( تمثيل ) .. و تجيب أي مصيبة على زوجي علشان أتخاصم معه .. و كله بس عشانها مقهورة إنه ( أتأمر عليها و طلب شئ تعمله من واجباتها ) .. لإنه يوم يقول لي أطلب منها ،، فأنا أقوم و أعمل له من حالي ،، ما أحب أطلب منها شئ .. و أول مرة هديت فيها و طلبت من زوجي لا يطلب منها تعمل أي شئ .. عجبها الوضع ،، و جات تاني مرة كمان تشتكي و تتبلى و هي كذابة .. و طنشت الموضوع .. قلت ليه أزعل زوجي على شئ ( فاضي ) ؟ و نفس الوقت هديتها و أخدت بخاطرها .. ثالث مرة من كم يوم ،، و علشان كذا قلت لها ،، تبغي تسافري لمي شنطتك وو ألاقي لك حجز خلال الأسبوع هذا ،، ( لإني أعرفها كذابة .. تبغى تجلس معاي ،، بس كانت تستغل حاجتي لها ) .. و أنا إلى الآن ،، محترمة انسانيتها و ما ذليتها و لا أسأت معاملتي لها .. لكن مثل ما قالت الأخت حلاوية .. لابد من وضع حدود .. بعدين إنت جاية تتشمتي ؟؟؟؟ :25: ترى ما يرضينا نزعل الغاالية ( مشكلتي أصدق ) :11: |
اقتباس:
راجعت الحسابات كلها ،، و الحمد لله إنها مستلمة حقوقها كلها قبل الموعد المفروض تستلم فيه .. و المفروض أعطيها هو بعد 10 أيام أو أسبوعين بالضبط .. فالحكاية مالها علاقة بالفلوس أبدا .. لإنه الحمد لله ما نبخل عليها بشئ أبدا .. و هي عارفة الشئ هذا .. |
اقتباس:
إنه لكل فعل رد فعل .. صح و لا غلط ؟؟؟؟؟؟؟؟؟؟؟؟ و ليه ما يكون ( فعلنا نحن ) .. هو ( رد فعل ) لتعاملهم السيئ ؟؟؟؟؟؟؟ لا تعمم ياخوي ،، و لا تنظر للأمور ( بمنظار واحد فقط ) .. كرم + مال + تعامل طيب + كل شئ تبغاه متوفر ؟؟؟؟ إيش ناقصها ؟؟؟؟؟؟؟؟؟؟؟؟؟؟ إذا على الغربة علشان لقمة العيش ؟؟؟ فحتى أنا متغربة علشان لقمة العيش ،، و علشان وظيفتي .. يعني كل انسان له ظروفه ، و أنا ما جبتها علشان أتباهى بها .. و لعلمك ،، لقيت اليوم رقم وحدة مسلمة هنا تمسك الأطفال و ترعاهم بمبلغ بسيط جدا .. يعني ربي لا يحوجني لها ،، بس كل واحد المفروض يلتزم بالشئ اللي عليه و اللي له .. و هي ما التزمت باللي عليها ،، بس ربي يحاسبها على أمانتها .. |
اقتباس:
مشكورةة يا قلبي .. و هي كانت قبل لا أنقل كفالتها ،، تقول ( خذيني معاك بريطانيا ) .. و يوم جات هنا ، صارت تسألني إذا أي وحدة من زميلاتي تبغى ( عاملة ) ،، علشان تجيب قريباتها لإنها جلست تحكي لهم قد إيش هي مبسوطة هنا .. و قلت لها مو بالسهولة الشغالة تجي هنا .. و أنا ما تحملت إلا علشان خاطر عيون ( ولدي ) .. و تقهرني يوم تقول ،، خليك مع دراستك ،، و هاتي ولدك أخده لي .. و أنا قايلة لها ،، اتركي كل اللي في يدك ، و انتبهي له أهم شئ .. ( أقول لها ، و أنا ليه متعبة حالي أدرس ؟ و ليه جبتك معاي ؟ تمشية ..؟؟؟؟؟ و لا هذا كله علشانه ؟؟؟ ) |
اقتباس:
لا تخافي عليها ،، تتكلم انجليزي أحسن مني ،، و تعرف حقوقها أحسن مني .. بس اللي مخليها تخجل على عمرها ( إني بأحسن تعاملي معها و أكرمها ) .. فما زال عندها شوية حياء و الحمد لله .. و ما عمري قلت لها ، شوفي كيف أتعامل معاك ؟؟؟ هي اللي دايم تتكلم .. و تقولي ( و الله و الله مدام ،، إنت ما تعرفي إنت قد إيش كويسة و مافي مثلك أبدا ) .. يعني الموظف في الشركة ،، إذا المدير أكرمه ،، فيخجل أحيانا إنه يتبلى عليه .. و أنا أبغى على الأقل هذه الثلاث أشهر تخلص و تروح بالسلامة .. بس إذا هي تبغى تروح من دحين ،، فماحد ماسكها .. |
اقتباس:
مشكور أخوي ما قصرت .. أنا ضد إطلاق الأحكام بشكل عام ،، علشان كذا تعاملت مع العاملة على إنها ( انسانة ) لها حقوق راعيت حقوقها و الحمد لله ،، قدر استطاعتي .. و أحاول أبري ذمتي أمام الله ( لإنه ممكن الإنسان يغلط أحيانا بدون قصد ) فأحاول تعويضها مثلا بأي شئ .. و أي رأيي يذكره العضو هنا ،، فأنا لي عقل أخد اللي يناسبني و اللي ما يناسبني ما أحاسب الشخص على رأيه ،، لإني جاية استشير ، حتى لا أتخذ موقف و أظلمها .. |
المستجدات
تكلمت مع زوجي ، و هو مقتنع بإن تصرفي صحيح ،، بس كان متخوف من اللي جاي ؟؟؟ و جاب لي اليوم رقم وحدة عربية وو مسلمة و ممكن تهتم بالأطفال و ترعاهم ،، و تاخد أقل حتى من راتب الشغالة .. و نحن ما جبناها إلا علشان تمسك ولدي لحد ما يدخل المدرسة ، و أخلص الماجستير و هي عارفة الشئ هذا .. و باقي بس 3 أشهر أقل شئ و كنت صريحة معها من البداية .. فإذا هي تبغى تسافر ،، فلا تجلس تذلني كل شوي و تمسكني من اليد اللي توجعني و تقول أنا جالسة غصب عني ؟ و هي اللي كانت تترجاني أخدها معاي ؟؟؟؟ و كل شوي تقلب وجهها علي و تتمنن علي إنها جالسة بكيفها .. بس إذا بتسافر من دحين ، بتدفع هي قيمة تذكرتها ،، مو من مسؤوليتي إني أدفع قيمة تذكرتها .. و هذا شرط العقد اللي بيني و بينها ،، و أنا كمان عندي التزامات مادية إذا بأسفرها .. فيزا و غيره و غيره .. إلخ و قبل لا أنقل كفالتها ،، قلت لها مو تخسرني فلوس بعدين تقولي خلاص أبغى أسافر ؟؟؟؟ ماتبغي تكلمي من دحين و أقدم على وحدة تجي معاي .. و قالت ( طيب خلاص ) و بعدها جلست تتشرط و أخلت بوعدها .. إذا بتجلس معاي لحد شهر 3 ، و أخلص فيه اختبارات الترم التاني ،، و المفروض عقدها معاي يخلص في شهر 9 .. فأنا مستعدة أتحمل كل التكاليف ،، بس تكون في نفس الوقت تأدبت و تبطل كل شوي و التاني تطول لسانها .. و عرفت حدودها .. و قلت لها أمس ،، علاقتي مع زوجي مالك دخل فيها ، بكيفي أتعامل معاه ما تجي تعلميني .. و أظن هذا هو التصرف الصح ..!!!!؟ أشكر كل اللي شاركوني بالرأيي .. أظن كذا انحلت الحكاية و الحمد لله .. و أنا قمت الصبح و رتبت البيت و كل شئ ، علشان لا تحسب إني ما أقدر أستغنى عنها و ما كلمتها .. رجع زوجي ،، و قال طول ماهي جالسة هنا لحد ما تروح ،، هي تنظف البيت ،، ماهي ضيفة عندنا .. لإنها بتاخد أجرها كامل لآخر يوم .. و قلتله ، ما أبغى أي شئ منها ،، لو غرفت لي الأكل ، فما راح أكل .. بس قمت أكلت في الأخير علشان زوجي و علشان النعمة ما تترمي .. بس بأروح الجامعة من الصبح اليوم علشان ما أتقابل معها ،، و أركز في دراستي .. |
بس حابة أقول إنه الشكر لكل مين شاركني و كل مين عارض ..
و الأخت أخدت مستحقاتها كاملة ،، و قبل الموعد بأسبوعين .. فالموضوع ماله علاقة بالراتب أبدا ،، لإنه أحيانا بأجمع لها تبع شهرين علشان توفير مبلغ التحويل .. التحويل بياخد 150 - 200 ريال تقريبا .. بس افتكرت حتى حكاية حصلت من مدة ،، إنه ناس تكلموا كلام غلط عننا .. و يوم زوجي سألهم ،، قالوا ( شوفوا شغالتكم إيش جالسة تتكلم عنكم و حاسبوها ) سألني زوجي ،، و قلت له مستحييييييل الشغالة تتكلم .. ما عمرها شافت إلا كل خير ،، ليه تتكلم كلام كذب من راسها ؟؟؟؟؟؟؟ و لو بالفعل تكلمت كلام من عندها ،، فأنا ماني مسامحتها لا دنيا و لا آخرة .. __________________________________________________ ____ و هنا انتهى ردي و الحمد لله و الشكر :) |
الحمدلله رب العالمين..موفقة ياروح..والله يبعد عنكم كل سوء
|
يــغــلــق .. |
| الساعة الآن 10:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©