و أبغى أحد يساعدني كيف أتصرف معها ؟؟؟؟؟ لإنها مرة زودتها و كأنها صاحبة البيت
و أنا و زوجي عندها نشتغل ؟؟؟؟؟؟؟؟ و أزيدكم ،، إنها أكبر مني و من زوجي و هذا اللي مخليني كمان أحترمها ؟؟؟؟؟


بأسميها ( فلانة )

خليني أبدأ من هنا ،، أقرب شئ حصل .. تقريبا من أسبوعين


الحكاية بدأت تقريبا من أسبوع ، قلت لها يا ( فلانة ) .. معليه سامحيني تأخرت عليك شهرين في الراتب ،، علشان
مشكلة في الرواتب مع الملحقية ، و بأعطيك راتب شهرين إن شاء الله هذا الشهر .. و هي تعرفني ما أتأخر عليها بالراتب
مع إنه كثير قالوا ،، شيلوا راتب 3 أشهر معكم احتياط ،، و أنا أقول لهم ( أبري ذمتي عند ربنا ) ..

مشكلة الرواتب مع الملحقية مانتهت و نزلت الفلوس ناقصة و عندي تجديد للفيزا و متطلبات مالية ووو إلخ ..
فأعطيتها راتب شهر واحد - و كشرت بوجهها و أنا انحرجت - بس أنا في بالي أعطيها الشهر هذا فلوسها كاملة -
و مبلغ كانت شايلته معاي أعطيتها هو ،،

فأعطتني جزء من الفلوس علشان أحوله لها على حسابها في بلدها ،، و لإنه كانت عندنا إجازة الكريسميس و البنك هوليداي ،، يعني البنوك تتقفل كلها .. فأتأخرت في التحويل و ما أخبي عليكم إنه لازم أمشي ساعة تقريبا أو نص ساعة أقل شئ علشان أروح للبنك و أدخل المبلغ في حسابي ، ثم أدخل من النت و أحوله لها ..

و كانت عندي اختبارات و مرة جونا ضيوف و جلسوا كم يوم في الإجازة تبع الكريسميس ووو إلخ .. يعني مافضيت ..
و غير إني كنت مشغولة علشان تجديد الفيزا و ظروف جات ..
فأتأخرت ، لإنه البنك مرة بعيد و أنا بالقوة ألقى وقت لنفسي ،، لكن مجرد ما جات فرصة ،، و رجعت الباصات تشتغل من
أسبوع رحت و دخلت المبلغ في حسابي و حاولت أحوله لها ،، بس ماقدر أحولها بالنت و رحت للبنك تاني يوم و قالولي ما
تقدري ، لإنه البيانات فيها شئ غلط ،، و تالت يوم أرسلت زوجي و نفس الحكاية و اليوم كمان ضيعته علشان أحول فلوسها
و في الأخير ،، قالوا الموظفين ما يصييييييير ياناس ،، و حتى قالوا إنتوا أمس ما جيتوا و قلنا لكم ما يصير ؟؟؟؟؟؟
( يعني و بعدين معاكم ؟؟؟؟ ) .. طبعا أنا في بلدة أوروبية عايشة ..

( طبعا هي ما تفهم الشغلة الطويلة هذه ، على بالها أظن بناكل فلوسها ؟؟؟؟؟؟ و لا نكذب عليها )


المهم ..
جاتني الأسبوع اللي فات و طلبت مني أشتري لها بطاقة تلفون علشان تكلم أهلها ،، و رحت مشييييييييي برجولي
( ساعة طبعا لوسط المدينة ) علشان أجيبه لها ،، و الوقت هذا على حساب دراستي و اختباراتي ..
و بعد ما جبته لها ( تتشرط و تقول لي البطاقة مو كويسة ، قلت لها هاتيه أرجعه لك إذا ماهي كويسة )
قالت خلاص المرة الجاية ، لا تجيبي هذا ،، جيبي غيره ،،
( و أنا و الله ، كل شوي أقول بداخلي .. يا شيخة هي كذا أسلوبها دفش تحمليها و تغاضي عن أسلوبها ) ..
و أبتسمت لها و مشيت ..


قبل لا تجرب هي بطاقة التلفون ،، تلفون بيتنا كان مفصول ، لإنه جات فاتورة بمبلغ مررررررررررررة كبير ..
و عندنا كانت مشاكل مالية مع الملحقية ،، و فلوس ندفعها علشان تجديد الفيزا ووو إلخ

جات تقول لي أبغى أكلم أهلي ، قلت لها التلفون مفصول ،، إن شاء الله الأسبوع الجاي ترجع الحرارة ..
مع إني ما كنت أبغى أسدد الفاتورة حتى تنزل الرواتب ،، بس جاتني بعد أسبوع و تسألني بطريقة كأنها تضربني ؟؟؟؟
( متى التلفون يتصلح ؟؟؟؟؟؟؟؟؟؟؟؟؟؟ ) .. قلت ( معلييييه ،، ما رجعت الحرارة ،، يمكن بكرة ) ..

حزنت عليها ،، و رحت سحبت من رصيدي في حسابي اللي في السعودية ، علشان تكلم أهلها ..
و ليتني ما سددت الفاتورة ،، لإنها من يوم كلمت أهلها و هي قالبة وجههها و نفسها تتضارب مع أحد ؟؟؟؟؟؟؟؟

انقلب الآية ، صار بدل ما هي تتحملني و تاخد بخاطري ،، أنا اللي أخد بخاطرها و أقول طنشي طنشي ؟؟؟؟؟؟؟

( يتبع )

بعد ما سددت فاتورة التلفون و كان مبلغ و قيمته شئئئئئ ..

قلت لها ، ترى معليه تأخرت في التحويل يا ( فلانة ) علشان الكريسميس و البنك هوليداي ..
و رحت أمس و دخلت الفلوس في حسابي علشان أحول لك ،، و قالت لي طيب ..

طبعا تاني يوم حاولت بالإنترنت أحول الفلوس ، بس ما بيعطيني بيانات البنك تبعها ؟؟؟؟؟؟؟؟؟؟ و جلست أحاول ساعتين
و تأخرت عن اجتماع عندنا ( شغل مجموعة مع بعض ) بس قلت ما أتأخر عليها ..
و تاني يوم نفس الشئ و حتى ناديتها ،، و قالت لي ( ليه ما تروحي البنك و تحوليه من هناك ؟ ) ..
قلت لها إن شاء الله بكرة بأعطيه لزوجي و يحوله في طريقه ..

و تاني يوم ، زوجي نسي ،، علشان خرج مستعجل ( و كان الشئ هذا يوم الجمعة ) ..
جاتني السبت ،، و مطرطعة ،، و تقول لي ،، أعطيني جواز سفري و الفلوس و أنا أروح البنك أحوله بنفسي ..
قلت لها ، معليه يا فلانة ، أمس نسي يحول لك زوجي ،، و خلاص الإثنين بيحوله لك ،،
و دحين البنك ما راح يحول في الويك إند .. و قلبت وجهها ..

كلمت زوجي ، و قلت له ، شفت كيف ؟؟؟؟؟ الشغالة تضايقت و زعلت و اليوم قالت كذا و كذا ..
قال لي زوجي ، أبشرررررررررري ،، من يوم الإثنين بأروح و أحوله لها ،، و راح الإثنين أمس و قالوله ما يصير ؟؟؟؟؟
اسم البنك مو موجود ،، و قلت لها ( و هي تغلطني و تغلط زوجي و الموظفين و تجلس تجادلني و تعارض ووو إلخ )
قلت لها ( خلاص أنا بكرة أروح و أكلمهم ) و تجلس تقول ( كيييييف ؟؟؟ هذه مو أول مرة إنت تحوليه لي ؟؟؟ )
قلت لها ( كل مرة أروح لهم ،، يجلسوا نص ساعة لحد ما يعملوا اتصالات و يجيبوا اسم البنك ... )
و المشكلة كل ما قلت لها ، جيبي لي الرمز تبع البنك ،، رمز BIC ؟؟؟؟؟
ما تفهم علي و تروح تجيب لي شئ تاني ..؟؟؟؟؟

المهم ،، رحت اليوم و نفس الشئ قالوا لي ،، و تضايقت ،،
قلت ( بكرة بأجيبها بنفسي للبنك علشان تصدق بأذنها ) ،، المشكلة ،، إني مشغولة و الله و عندي اختبارات

انتهينا من مشكلة التحويل ــ و اليوم بأرجع البيت و أقول لها كلمي البنك في بلدك و جيبي الرمز BIC
أو تعالي بكرة البنك معايا علشان تسمعي بأذنك

و اللي يقهرني إنها تكذبني ؟؟؟؟؟؟؟؟؟؟؟؟
يعني أقول لها بالإنترنت ما يطلع لي ، تجلس تسأل و تحقق و تقول ليش ؟ و إيش معنى ؟ وووو إلخ
أقول لها زوجي راح البنك و ما صار ، تقول و ليه دايما بيصير معاك ؟ أقول لها كل مرة كذا بيعملوا معاي ،،
و كل موظف يختلف عن التاني ،، و دايما أقول لها جيبي الرمز و ما تجيب ..

بس دايما تطلعني الغلطانة ،،
تجلس تحاجج الواحد لحد ما نفسك تقولي لها ( اسكتي خلاص ، صدعتي راسي ) ؟؟؟؟؟
و تجلس أسبوع ،، تعمل إضراب و تكشر بوجهها و ما تنظف و لا تهتم في شئ ..؟؟؟؟

انتهينا من حكاية التلفون و التحويل .. نجي بعدها ..

__________________________________________________ _________

طبعا كلها في الأسبوع هذا تقريبا ،، بس حكاية بتتكرر كل شوي معاها ، و أتحمل و أصبر حالي بس خايفة دحين إني أرجع
البيت و أشوفها و ما أمسك حالي و أعصب ،، و إذا عصبت بأصير بركاااااااااااااااااااان .. و ما أحب أستغل ضعف أحد ..

- من كم يوم من غير أي سبب تبغى تتمشكل ، تعاند على أتفه شئ ،، تبغى تمشي كلمتها ،،
و أنا أقول لها كل شوي ( طيب ،، طيب ،، طيب ) إلخ ..

- من كم يوم ، هي متضااااااااااااااااااااااااااايقة و نفسيتها مرررررة سيئة و أنا أمشيها و أطنش و أقول مسكينة متغربة ..
طبعا مو علشان التحويل ،، بس تجيها فترات كذا ،، نفسها تعمل مشاكل في البيت ،، و ألاحظ دايما يوم تشوفني مبسوطة
مع زوجي ،، تجي تنقل لي كلام علشان أعمل مشكلة مع زوجي ،، يعني نفسها تشوفني أتضارب مع زوجي ،،
علشانها تنقهر من زوجي ،، لإنه ( دايما يشغلها و أنا مريحتها ههههه )

- أمس زوجي ، كتب قائمة بالأكلات اللي يبغاها تطبخها لمدة 10 أيام ،، و هي ما تبغى أحد يتأمر عليها
( هذا شرطها علشان تجي معانا هنا ،، زايد شرط زيادة الراتب لها و بالباوند كمان و قبلنا شرطها ،، لإننا وقتها تورطنا
و نقلنا كفالتها ،، بس هي خبيثة و ذكية و داهية بجددددددددددددددد مو سهلة ) ..

و قلت له ، ترى راح ترد عليك ،، و ترى راح تكشر و أنا مو ناقصني و الله ،، عندي مشاريع و واجبات نهائية أسلمها
و بندخل الترم التاني ..

و بالفعل ،، من أمسسسسسس تعاندني و ترد و نفسها تضارب ،، علشان زوجي حط الورقة و كلمها و الله بكل ذوق
و قال لها ،، هذه ورقة عشان كذا و كذا و كذا .. و هي فهمت إنه نحن ماهي عاجبتنا ،، و أنا بطبعي أمشي و أطنش
لحد ما تهدا ، و أعمل نفسي معصبة من ولدي و تقوم تعدل وجهها و تخاف ،،

يعني تكشر و تجي تبغى تعمل من الحبة قبة ،، فألاحظ تكشيرتها و أقوم أجي و أسمع ولدي يبكي ..
و أكشر و أقول له ( إيش فيييييه ؟ ليه البكاء ؟؟؟ ) .. هي تشوف شكلي معصبة و تقوم تعدل وجهها تخاف أعصب عليها


- قبل أمس أعطيتها راتبها تبع الشهر هذا ،، و قامت تقول لي ( إنت قلتي حقة شهرين ؟؟؟؟ فين حقة الشهر هذا ؟ )
تقولها بنفس مسدودة و نفسها تضاربني ؟؟؟؟؟؟؟؟؟؟؟؟؟؟
قلت لها إن شاء الله ،، بس الراتب نزل ناقص ، و الحمد لله كلمت الملحقية اليوم و عدلوالي المشكلة ..
( و أنا اليوم سحبت راتب الشهر المتأخر و إذا رجعت بأعطيها هو إن شاء الله)


- أمس جات و تقول لي ، أنا متى أسافر ؟؟؟؟؟؟؟؟؟؟؟؟؟ متى تحجزوا لي ؟؟؟؟؟؟؟؟؟؟؟؟؟؟؟
طبعا تتكلم بأسلوب - الله لا يوريكم - و هذا اللي مو مخليني أذاكر و حاسة إني سكتتتت كثييييييييييييييير

و الشيطان يقول لي يا هبلة ليه ساكتة لها ؟ ردي وريها شغلها ووووو إلخ
و بعدين أجلس أقول ،، لا لا لا ،، تحملي و اصبري و ولدي تحت يدها كمان و ما أبغى أظلمها على آخر فترة وووو إلخ


صارت تقول ؟ ( متى أسافر ؟؟؟؟؟؟؟؟؟؟؟؟؟؟؟ )
طالعت فيها ببرووووووووووود ( قلت لها ، و لييييييه متى المفروض تسافري ؟؟؟؟؟؟؟؟ )
قالت ( في رمضان ،، بس أنا غصب عني جالسة علشان الأوراق تقول لازم أكمل سنتين ) ..

- أول كنت أتحملها و أطيب خاطرها و أقول لها ،، يا شيخة إنت بس متضايقة علشان ما شفتي أهلك ..
بس تحملي كم شهر و خلاص إن شاء الله بأحجز لك ؟ و لييييش كذا تعملي أحد مضايقك ؟ أحد مزعلك ؟؟؟؟؟؟؟


درت وجهي و قلت إن شاء الله بعد شهر 3 نحجز لك ،، و أنا كلمت ( مستر = زوجي ) علشان يدور لك على حجز ..

حسيتها انقهرت ، لإنها ما قدرت تقهرني و تعمل لي مشكلة .. لإنها جاتني و شكلها تبغى تتمشكل ؟؟؟؟؟؟

__________________________________________________ __

انتهينا من النكد تبعها ،، و السفر ،، و قائمة الطعام ..

جات اليوم و زودتهااااااااااااااااااااااااااا بجدددددددددددددددددددد ..
حتى طلعت من البيت ، لإني لو جلست كان ما راح يصير شئ طيب ..
و أخاف أرجع و ما أمسك حالي ،، أعرف نفسي
( هادية ، لكن إذا عصبت بجدددددددددددددد بجددددددددددد أصير مثل نورين ؟؟ أقلب 180 درجة و ما أحس بحالي )

اليوم قمت و صار موقف ضايقني من زوجي شوي ،، و هي حست إنه وجهي مقلوب شوي ..
( انقلب وجهها 180 درجة ، و مبسوووووووووووووووووووووووووووووووطة و تضحك ) ..

قالت لي ما تبغي تفطري ؟؟؟
قلت لها ،، ( ما أبغى أكل ،، شوي متضايقة )
عاد هي فهمت إني متضايقة من زوجي و فيه شئ ..

( موووو أول مررررررة تجي تفتن علشان تعمل مشكلة بيني و بين زوجي ،،
كل ما شافتنا مبسوطين ،، تقلب كم يوم لحد ما يصير شئ و أحسها تنبسط ..
كنت ما أصدق ، بعدين انتبهت و تأكدت )

تركت شغلها و جلست معاي ..
و جلست تقول ،، أقول لك شئ ،، بس استغفر الله العظيم ، استغفر الله العظيم .. ما أبغى أتكلم ؟؟؟؟
و عاد الإبتسامة من هنا لهنا ،، و التكشيرة تبع أسبوع راحت و اختفت

جات و قالت لي أوعدها و أحلف لها ، ما أقول لزوجي .. إنها قالت لي علشان ما تبغى مشاكل ..
جلست تقول لي ،، إنت مسكينة على نياتك ،، زوجك هذا ( ممثل كبيييييير و يضحك عليك ، إنت لازم ما تعيشي معاه )

طبعا اللي خلاها تتجرأ كذا ، إنها كانت عند أمي تشتغل و أمي تحكيلها كل شئ

و صارت تقول لي ( إنت ما تعرفيه ، هو يسرق فلوسك ) ..
و تقول لي ( يوم بطاقتك ضاعت من 3 أسابيع ،، أنا شفته يخبيه في جيبه ،، بس ما قلت لك علشان ما تصير مشاكل )
؟؟؟؟؟؟؟

طنشتها ،، لإنه بطاقتي طلعت بدل فاقد ،، و مماحد سحب أصلا من رصيدي فأدري إنه لو كان صح فرضا كلامها
فهو أصلا يعرف الرقم السري و يعرف إني أشيك بالنت ،، و تاني شئ عشان هناك مبلغ ضاع في البيت ..
فهي تبغى تقنعني إنه هو اللي أخده

شوية ،، قلبت الموضوع و تقول لي ،، تعرفي ؟؟؟؟؟؟؟

ترى بأي وقت إذا زوجك فكر مثلا يظلمني ، أنا ممكن أشتكي للشرطة عنه و أشتكي لسفارتي ..
لا يحسبني ضعيفة و ما أعرف أخد حقوقي ؟؟؟؟؟؟؟؟؟؟؟؟؟؟؟

( هذا كله مقهورة ، لإنه بس حط لها جدول بإسم الأكلات اللي تطبخها ) ..
لإنها ما تبغى أحد يقول لها اعملي و سوويي .. و علشان كذا كنت أقول لزوجي ،، تصدقني يوم تقلب عليك بكرة ..


كلامها الأخير ,,
شرطة و سفارة اندونيسية ؟؟؟؟؟؟؟
ماعمرها شافت مننا غير حسن المعاملة ،، إيش تقصد ؟؟؟؟؟؟ و حتى سألتها إيش تقولي إنت ؟؟؟؟
هو سوى شئ ؟؟؟؟ تقول لي ،،، لا أنا بس أقول يعني إذا بيوم فكر إنه يظلمني ،، فأنا فيه سفارة عندي ؟؟؟؟؟؟؟

عندي مباديئ في التعامل مع الشغالات ، بس قررت إني أغير من أسلوبي ..
و أنا مجبرة على تحملها ،،،

1 - أنا مغتربة و أدرس و دوامي طويل في تخصص صعب جدا ،، و كم شهر و أخلص إن شاء الله و فيزتها تنتهي ..
و أرتاح ، بس ماني قادرة أصبر أكثر من كذا ..

2 - و الأهم ، ولدي تحبه و تدلعه ( هذه الحسنة الوحيدة فيها ) .. و هي أفضل من الحضانات و المربيات ..

3 - خسرت أموال كثيرة علشان أجيبها ، و كل شوي تهددني ؟؟؟؟؟؟؟؟؟؟؟؟؟؟؟؟

4 - علشان أسفرها ، لازم أتفرغ لها علشان أخلص متطلبات الأوراق و التذاكر ووووووووو إلخ

و الله لولا ولدي و دراستي كنت سفرتها و ارتحت ،، و أنا أكره وجود الشغالات في بيتي ..
بجدددددددددددددد تعبانة منها ؟؟؟؟؟؟؟؟؟؟؟

اختي حتى نتمكن من مساعدتك نرجو ذكر مشكلتك معاها

__________________
اللهم لا اله الا انت سبحانك اني كنت من الظالمين

روقي وهدى اعصاابك كلهم كده اول كلمه على طول يبغوا يسافروا

ان شاء الاعضاء يعطوكى حل

__________________
ياررب ارح قلبي وعوضني خير

تهددك؟؟؟؟؟؟؟؟؟؟؟؟؟؟؟
اشلون؟؟؟؟؟؟؟؟؟؟؟؟؟؟؟؟؟؟

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

من جد انتم شغالين عند ابوها ذي .


والله عجيبة هالشغالة .



والله لو الأمر بيدي لقضبها الباب الله لايردها .


لكن يعينك ربي هانت كل كم شهر و تزين اموركـــ

__________________
ستشــعُر بحروفي تسير في عــقـــلـــك ...

سامحيني ،، هذا غيض من فيض فقططططططططط

و ماعرفت من فين أبدأ ، بس بجد خلاص أحس طفح الكيل ،،
لإني أعطي للشخص 3 فرص ،،

و أول مرة تفاهمت معها و عصبت بجددددد ،، بس برضو رجعت ..
و تاني مرة كمان علمتها حدودها ما تتعداها ،، بس ترجع

و تالت مررررررة ،، أعرف حالي ممكن يوصل بيا إني أقول لها
روحي بلدك و الله الغني عنك

________________________

تبغى تذلني ،، لإنها عارفتني محتاجة لها ،، لإني بالغربة ، و لإني جبتها علشان ولدي


أصلا هي ( مكارة ) ،، قبل لا أجيبها ،، قلت لها ( يا فلانة ) .. بأجيب شغالة علشان بعد سنة
بأخدها معاي هنا ،، تبغي تجي و أنقل كفالتك بإسم زوجي و ندفع فلوس و لا أجيب وحدة تانية ؟؟؟
أعطيني كلمة ،، علشان بندفع فلوس و نحول الكفالة

وعدتني و قالت ، خلااااااااااااااااااااص أنا أبغى أجي و أعتبريه وعد و خلاص ووو إلخ

بعد ما تأكدت و شافت زواج سفرها إنه الكفالة انتقلت بإسم زوجي

جات و قالت لي ،، أنا ما أبغى أجي عندكم إلا ( بشرووووووووووووووووووووووووطي )

قلت لها و إيش هي شروطك ؟؟؟؟؟؟؟؟؟؟؟؟؟

قالت الراتب تزوديه ليا لإنه بريطانيا غالية + تعطيني هي بعملة الباوند لإنه أغلى من الريال +
ماحد يتأمر علي و لا يقول لي اعملي و شيلي ووو إلخ ،،


في البداية رفضت ، و قلت لها ،، أصلا الغلاء في بريطانيا ،، يعني نحن بنتكفل بكل شئ ،، أكل و شرب
ووو إلخ ،، فقالت لي ، أعطوني راتبي و لا تفكروا بأكلي و لاشئ ، أنا أدبر حالي ..
( طبعا مستحيل أعمل الشئ هذا ، بس هذا شرطها )

بس وافقت ،، لإنها كملت سنة و ماقدر أستنى كمان استقدم وحدة و أستنى
سنة كمان ،، و بعدين جبتها هنا ،، و صرت أعطيها أكتر من الراتب اللي هي طلبته و الحمد لله

بس أنقهرت إنها تتشرط بعد ما تضمن الكفالة و تستغل حاجتنا لها

ماعمره أحد أزعجها و لا دعس لها على طرف ..
عايشة عيشة ملوك ،، لدرجة قالت لي مرة ( مدام أنا أشتغل عندك و لا إنت اللي تشتغلي عندي ؟ )
بس ما أبغى أقول إيش بأعمل ، علشان ما أبغى أخسر كل شئ بلحظة غصب


و كلنا نعرف إنه في بريطانيا ، الشغالة لو تركتني و راحت عند أي ناس تشتغل عندهم .. فالحق معها.،
حتى لو تكلفت بمبالغ علشان أجيبها و بيني و بينها عقد ..

بس و الله عمره ما جاء في بالي ،، و إني أعاملها علشان ( ربنا ) ..
لإنه دايما يحذروني و أقول أنا بأتعامل مع ربنا ، إذا هي ما خافت ربها ،، فبينها و بين ربنا ..



المهم ،، تجي اليوم و تقول لي .. و هي مبسوووووووووووووطة و تبغى تتشقق من الفرحة ..
علشان شافتني من متضايقة ،، و حضرتها متضايقة من كم يوم ، علشان شايفة زوجي يدلعني

ليه كانت قالبة من كم يوم و تبغى تعمل مشاكل و تبغى تسافر و يوم قلت لها اليوم ما أبغى أكل
متضايقة شوي ،، جلست تضحكككككك و والله العظيم بدون مبالغى إنه ضحكتها وصلت من المطبخ للصالة و بصوووووت عالي و تكركر ؟؟؟؟

بعدين تركت شغلها و جات في الصالة و فتحت سيرة زوجي - تبغى تحرضني عليه و تقول :
( أنا بيدي أروح و أشتكي للشرطة + أكلم السفارة الإندونيسية )

سألتها ؟ ليه تقولي كذا ؟؟؟؟
أحسب نفسي سمعت شئ غلط ؟؟؟؟؟

تقول لي ، لأ ..
بس لا يحسب مستر ،، إنه ماعندي أحد بيوم من الأيام و ياكل حقوقي ؟؟؟؟؟؟؟؟

و تجلس تقول لي ،، ليه تعيشي معاه مدام ؟؟؟
اتركيه هذا مجرم ؟؟؟؟؟؟

كنت بأحاول أسحب كلامها ،، لإنها تقول لي بأقول لك على أشياء ما تعرفيها بس أوعديني
و طلعت كلها خرابيط ,,

( لإنها دايما تتجسسس علي يوم أتكلم بالتلفون ،، و تتجسس على زوجي يوم يتكلم بالجوال ..
و كانت عند أهلي كمان تتجسس على كلامهم و ما كنت أصدق ،، و في بيتي صدتها كم مرة ،،
تعمل نفسها تدخل غرفتها و تقفل الباب ،، و تجلس تسمع من طرف باب الصالة ، أنا و زوجي إيش
نتكلم ، و لإني أمشي بشويش ،، فكم مرة أصيدها ، تجري و تدخل غرفتها )


هذه بالله كيف أتعامل معها ؟؟؟؟؟؟؟؟؟؟؟؟؟؟؟؟؟؟؟

و الله أعد الأيام علشان أخلص دراستي و أسفرها بدون رجعة ،، حتى أبغى أسفرها بعد الترم هذا
و ما راح أستنى لحد رمضان ،،