رد : الى هنا انتهينا
 

السلام عليكم
اسعد الله صباحكم بكل خير

يوم الجمعة ابوها خذاها وطول ما اهي هناك وانا قلبي ناغزني

لما وصلت والا مجروحة على خشمها - شكلها طاحت وتزلق خشمها-

قبل لما كلن يصير فيها اي شي ما كان يرحمني وكان يكيل علي بالسب والفاظ التجريح كأني رامية بنتي

مع ان زوجته بالفعل رامية بناتها ومع هذا ما يحاسبها ابدا

دزيت له مسج شفيها بنتي وهذي ثاني اتيي منكم وهي متضررة ، الاسبوع اللي طاف يات مريضة وهالاسبوع طايحة

قالي عندج الخدامة سأليها

قلت له انت قلت انك انت اللي بتجابلها بروحك وماراح تخليها لا عند خدم ولا عند امك


المهم شد وجذب بيني وبينه وعلى طول راح دز مسج حق امي وامي ما ردت عليه - امي ما تبي ترد رد فيه تحيز لاحد

وعقب قام اتصل على ابوي شوف بنتك تبي تحرمني من بنتي وانا قلت له دامك مهمل بنتي ماراح اخليها اتييك الا مرة وحدة بالاسبوع قالي مو على كيفج ولا لج حق تحاسبيني على بنتي

يا سلام يعني انت اللي لك حق تحاسب زوجة وزوجة ثانية تخليها نايمة بالعسل


بعد ما اتصل على ابوي دزيت حق امه مسج وقلت لها علمي ولدج يحتوي المشاكل مو يكبرها

طبعا عنده اهو لما قال حق امي وابوي ان منجز ومنتصر

الله لا يبلينا انا خابرة الريال يحل مشاكله بنفسه بس طلع مو ريال

هو من قال حق ابوي اضطريت ان ادر حق امه اقولها علمي ولدج شلون يحتوي المشكلة مو يكبرها

امس ما خذاها


بس صج الله ينتقم منه

م

رد : الى هنا انتهينا
 

موهبة

البنت تحتاج لابوها مهما كان و صار ..
دام انه يسال عنها و يهتم فيها .. اتركيها عشان مصلحتها ..

فيه رجال ما يسألوا عن بناتهم ..

رد : الى هنا انتهينا
 

يا أختي كل اليهال يطيحون ويتعورون وتصيدهم أصابات ..
يعني لو هو جالس معاها وهي تركض والله كاتب لها تطيح ماراح تطيح بوجود أبوها ؟؟
إذا إنتي قصدج إنج بتعاملينه وحدة بوحدة والعين بالعين ..
ترا إنتي الخسرانة ..
إنتي اللي بتتعبين ..
لما أبو بنتج علم امج وأبوج .. وإنتي علمتي أمه وقلتي (علميه يحتوي المشاكل مو يكبرها ) .. إنتي بفعلج هذي احتويتي المشكلة ولا كبرتيها ؟؟

وبعدين للحين تتكلمين عن زوجته الاولى ؟؟ خلاص انسيها وشيليها من بالج ..
سامحيني على القسوة .. بس أبي مصلحتج..

رد : الى هنا انتهينا
 

موهبة ليه مصرة بكل حزة تجيبي سيرة زوجته؟؟؟؟؟؟؟؟؟؟؟
اغلب مشاكلك معه لازم تجيبي سيرتها وتصعدي الموضوع بناء على سيناريو يدور براسك.

نصيحة اتركيها بحالها سواء كانت جيدة او سيئة، طيبة او شريرة.

خلص عيشي لحالك ومع نفسك.

رد : الى هنا انتهينا
 

تعرفين يا موهبه بردتي قلبه اعرف انش للحين تفكرين فيه ومقهوره

تبين تجاكرينه على خدش بسيط ليش تحتكين فيه وتخلقيلش سبب من تحت الارض بس عشان تطلعين حرتش عليه

رد : الى هنا انتهينا
 

موهبه انتي بذمته الحين
ولا تم الطلاق
وطيحه البنت انتي بالغتي فيها
لان فيه تراكمات بقلبك

رد : الى هنا انتهينا
 

كوكي شلون بردت قلبه فيني

والله مقهورة على بنتي وعلى نفسي

عقب صبري وتعبي ووقفتي معاه طلق


حسبي الله ونعم الوكيل


انا اصلا ناسيته بس طيحة بنتي شعللت قلبي وذكرت اشلون كان يعاملني لما يصير فيها شي

................

رد : الى هنا انتهينا
 

مرجانه لان مافي اي عدل وظلم واضح جدا

اكيد كل مظلوم بينقهر


الحين هو مرتاح و انا مرتاحة


للاسف مو حاسين فيني

رد : الى هنا انتهينا
 

الا حاسين
انتي مضغوطه حبيبتي
شرايك بروحه عمره

رد : الى هنا انتهينا
 

الله يرزقك بمن هو خير منه ويقدرك ويحفظ لك بنتك

لي نصيحة اتمنى تعييها حتى لا يقع الفاس بالراس

لا تجعلوا ابنتكم اداة لانتقامكم من بعض البنت تحتاج الاب والام يجب كل طرف يتنازل من اجل تربية سليمة للبنت الله يحفظها ويقر عيونكم فيها

تحملوا وتعالوا على بعضكم عشان هالبنية ما تستاهل