|
سنعه وطباخه ومشهورة بالشيء هذا و فوق هذا كله بكالوريس اقتصاد منزلي مع مرتبة الشرف ومع ذلك مازلت متأنية (عانس) في بيتنا ... والأجر على الله * * وفي المقابل اعرف الكثير ممن لا يعرفن سلق البيض او تحضير القهوة و مع ذلك متزوجات وسعيدات كله بتوفيق الله سبحانه وتعالى |
اقتباس:
اختي ياماما ياعمتي ياخالتي ..انتي وكثير من الاخوات اللي ردن على الموضوع..... ياماما الرجال يقصد سبب من الاسباب ماقال شي ثاني سبب سبب سبب سببسبب سبب سبب سبب سسب من الاسباب يعني حرف السين وبعده ب وبعده باااااااااااااء وبعده ميم وبعده نوووون وبعده الف وبعده لام وبعده الف وبعده سين وبعده باااااااء وبعده الف وبعده باااااااااااااااااء اتصور واضح الحين لك ولاخواتي الثانيات..... سبحان الله حنا الرجال فهمنا عليه وانتن كل وحده شطحت في ديره...... الله يعينك ياقزاز.....اختارك مواضيعك بعنايه المره الجايه......ترانا ياربعك نشقف الكلام شقف هههههههههههههه |
لا اظن عدم اجادة الطبخ او التفنن فيه او التنظيف قد يكون سبب من اسباب الطلاق.. يا اخي الطلاق مو هين خصوصا لو فيه اطفال..
تجربة صديقك صدقني فيه خفايا ماقالها لك ولا يمكن انه طلق زوجته لعدم اجادتها الطبخ مع احترامي الشديد لصديقك لو فعلا هذا السبب فاسمحلي عقله خفيف.. بالاساس هو لما اتزوج البنت هذي ماكان الهدف الرئيسي انه تطبخله وتكنسله لانه لو كذا كان اختصر المشوار وجاب خدامه اوفرله بدل مهر وشكبه وخراابيط.. عموما الشرهه على الرجال اللي لما يطلب زوجه يركز على الجمال والجمال فقط وبعدين بعد ما يتزوج ويطيح الحطب ويمل منها تبدا الاعذار والعيوب تطلع اللي بالاساس هو مانتبهلها ولا ذكرها ايام تشرطه في مواصفات الزوجه.. شوف انا بقولك تجربتي المتواضعه واللي اتوقع اغلب البنات زيي انا كنت مشغوله بالدراسه من وقت عمري 6 سنوات الين صرت 23 سنه لما اتخرجت وبعدها انخطبت مباشره وخلال فترة الملكه اتعلمت المبادئ الاولى في الطبخ.. واتزوجت وبديت اطبق المعلومات البسيطه اللي عرفتها بوقت الملكه وشوي شوي بديت اتحسن..الين تمكنت..سواء بالطبخ او الكوي او التنظيف وزوجي الله يحميه ما قصر كان يساعدني ويشجعني بالكلام ودايما يكرر انتي ام عيالي وزوجتي رفيقة دربي ما اخذتك عشان تاكليني وتغسليلي.. وصدقني انا زميلاتي مايعرفو الفرق بين الملح والدقيق ومتزوجات وازواجهم شايلينهم على كفوف الراحه (يادهينه لا تنكتين) وعمرنا ماسمعنا انه من اسباب طلاق عدم اجادتها الطبخ والتنظيف.. عموما هذا درس لكم يالشباب لما تجوا تخطبوا لا تطيروا وتفرحوا بالجمال والبياض اتشرطوا انها تكون سنعه وتطبخ وتنظف من بيت اهلها عشان ما تنصدموا بنفي المطب اللي صدم فيه صديق قزاز.. |
شكرا لك أخي الفاضل
اقتباس:
يا خوي و سع صدرك و حاول تتفهم الموضوع |
أخالفك الرأي
كثير بنات تطلقوا وكثير بنات ماتزوجوا بس ماشاء الله سنع لكن ما تقدر تقول إلا نصيب ...سبحان الله على فكرة لو فكرنا بنفس طريقة تفكيرك بنلاقي إنه حتى الرجال مو زي قبل يعتمد عليهم أتمنى طرح المواضيع بحيادية أكثر |
للمعلومية أختي
معروفة عند كل الناس إنها دين وخلق<<< مو بشهادتي أنا الكل يشهد عليها بهاشي اجتماعية ومحبوبة من الجميع مافيه أحلى من طبخها حتى إنها فنانة في الطبخ وفي طريقة التقديم لكن ماجاها نصيبها لحد الآن أنا عمري 27 وهي أكبر مني بسنتين صدقوني ما تتشرط كل شروطها رجل يخاف الله فيها قبل كل شيء ما أقول إلا يفرحنا فيها بأقرب وقت قولوا آمين |
ليدي سوفت
صدقتي في ما أشرتي اليه بخصوص بعض الرجال . حالتي صعبة مين قالك ان الزواج بس امسحي واطبخي لابد تفهمين اني قلت انه سبب من اسباب الطلاق . همة عالية ماشاءالله عليك والله يرزقك الزوج الصالح. المترو شكرا لك اخي اقتباس:
Crestalla شكرا لك وكلامك صحيح ولا يتعارض مع كلامي فالمشكلة كما قلت مشتركة والعنصر الاساسي فيها الزوجة. &&همسات&& اعتقد انك فهمت الموضوع بالمقلوب . ولكن اختي اريد أن أسالك سؤال : هل الزوج اذا اراد من زوجته ان تطبخ له وتنظف ملابسه يشبهها بالخادمه ؟ اليس من حق الزوج ان يشاهد زوجته تقوم باعباء المنزل بكل اخلاص وتفاني !!! اليس من حق الزوج ذلك سبحان الله كيف تفهمون الموضوع انتم . اقتباس:
الحـــــــائرة شكرا لك وأقدر وجه نظرك والله يرزقك أنتي وأختك بالازواج الصالحين . |
ترى احنا في بيوت اهلنا معززااااات مكرماااااات خاصة في التنظيف والطبخ يعني عندنا خدم
وانا ماانكر اني اعرف كثير في الطبخ والتنظيف لكن مو لدرجة اني يجيني واحد يغصب علي في يوم وليله اخلي البيت مثل المرايه وهو اذا طلبت منه فلوس قال ماااامعي !!!! انتم تعودتوا ان اللوم والتقصير واسباب الطلاق من جانب الزوجه// ودايم تطلبون من الزوجه انها تقترب من الكمال والرجال يقصر ويعاند ولا يقدر وعاااااااااااادي هذا رجال عالعموم زي ماقالوا لك البنات اننا نعرف كثييييييييييييييييير والله مايعرفون شي في شغل البيت وماشيه حياتهم يابنات الدور الجاي علينا نسوي موضوع نقول فيه عن القصور اللي في الازواج ويكون سبب من اسباب الطلاااق |
أخوي الكريم..
أنا تطلقت..أقصد خلعت نفسي وأنا ولله الحمد والمنة مو بس سنعة..سنعة جدا!! أطبخ وأنظف وأغسل وأكوي وأعمل كل شي..ويوميا..لكن ابتليت برجل قليل دين وخلق..مين السبب هنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ رجاء لا أحد يعمم "أكثر أسباب الطلاق قلة السنع"...المفروض جملة مثل هذي تنقال لما يكون فيه بحوث وإحصائيات مو كلام عشوائي.. وبعدين....زميلك لما خطب زوجته ماسأل هل هي ربة منزل والا بنت اتكالية؟؟؟ اسأله وش كانت شروطه وأسئلته عن البنت...رح يقول لك في الغالب إنه سأل هل هي حلوة..بيضا..دلوعه....إلخ ما أحد ضرب أي شاب تزوج بنت قليلة السنع على يده..هو اللي راح لبيت أهلها وخطبها..كان على الأقل اللي يخطب بنت ما تعرف شي يقول لها قبل الزواج "ترا يا فلانة لازم تتعلمي الطبخ وإدارة المنزل".... وأنا من مشاهداتي ومما حكت لي بعض الزميلات..كثيرات اللي نجحوا بحياتهم ما كانوا يعرفوا شي بالطبخ والتنظيف وغيره..ومن مدة بسيطة تزوجت وحده من قرايبي ما تعرف تصب كاسة شاي- مو تسوي شاي-..ومع ذلك ماشاء الله تبارك الله الغدا والعشا يا بمطاعم أو ببيت أهلها أو أهله..وما يبغاها تسوي شي!! وبعج كم سنة تتعلم وتصير سنعه...يعني ما عابها ولا ضرها قلة السنع..بالعكس تدللت وانبسطت بأول حياتها ..ولو إني ضد إن الوحده تتزوج وهي ما تفهم بإدارة المنزل.. كلامي صح والا لأ؟؟؟ |
قلة السنع =رفلا= قليلة دبرة=دبشة
مجرد توضيح لبعض المصطلحات القروية التي تطلق على الفتاة التي لا تعرف ان تدير شؤون المنزل بالطبخ والنظافة ...الخ |
| الساعة الآن 06:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©