|
السلام عليكم ورحمة الله وبركاته
اختي الفاضله تصرفك كان طبيعي لانك كنتي في لحظة حرجه لانك امام الجميع وهو الله يهديه الخال مفروض ما يمد يده اختي نحن عاداتنا ما نمد ايدينا للنساء حريم اخواننا او بنات العم والخال نحن نسلم عليهم من بعيد لبعيد ولا نكون قريبين من بعض طبعا فيه بعض النساء تحرجك امام الاخرين وتمد ايدها لي للسلام بس بحركة ذكاء احط يدي على صدري او احط يدي في جيبي او امسك اي احد بيدي اليمين علشان ما اسلم على النساء او ما اعطي لبعض منهن فرصه وهذه الطريقه متبعه انك تمسكي اي احد بجانبك بيدك اليمين وان مافي مفر مدي كمام العبايه علشان لما يسلم يكون ماسك طرف العبايه وبكذا يفهم انك لا تسلمي باليد لا تهتمي او تقلقي كلنا معرضين لزلات وغفوات ما ارتكبتي ذنب عظيم ولكن عليك الحذر وتكوني قويه ولا يهمك ان جرحتي احد اهم شيء يكون بما يرضي الله تصرف زوجك كان سليم جدا ومتفهم وعارف انه خطاء منك وكنتي بموقف لا تحسدي عليه لانه عارف من هي بحرينيه وكان تصرفه طبيعي وليسى عدم مبالاه او غير ذالك بحفظ الله |
غلط فعلك و مالك عذر فيه
لكن أنتبهي على نفسك وخليك حريصة أكثر لا يكون هالفعل بداية للتنازلات الله يحفظك |
انتبهي في المره الجايه
والي فات مات |
جزاكم الله خير ..
|
اختي بحرينية
انا صار معي نفس الموقف لكن مع اخو زوجي الكبير هو في نفس عمر والدي (وصاحبه بعد ولما كنت صغيره دايما اكون جالسه معاه ولما كبرت متعوده ادخل بيتهم ومع بناته...) دخل اهو وعايلته انا كنت واقفه على اساس زوجته وبناته بنسلم على بعض سلم على اخواته وانا جالسه بينهم ومد يده لي لحظتها ماعرف ايش اسوي مددت يدي وسحبتها بسرعه بس بعدين ندمممممممممممممممممممممت وقلت ياليتني مامديت يدي :29: انا عارفه انه يعتبرني مثل بناته بس تصافح الايدي شيء مو متعودين عليه ولحد الان ندمانه اشد الندم |
المره الجايه تقدرين تبتسمين وبادب تقولين لهم اسفه انا ما اسلم على رجال ماهو محرم علي ومع ابتسامه راح ياخذونها عادي وتطوف السالفه ومحد راح يسلم عليك مره ثانيه
|
اختي بحرينية ولكن
انا مريت بنفس الموقف ...كنت في سوريا ...في الشمال وكانت المنطقة مليانة مسيح ..وكان ابني الصغير مريضا جدا حرارته مرتفعة كنا في السوق ندور على عيادة للاطفال وشفت لافته مكتوب عليها طبيب اطفال ... توني نزلت من السيارة وشفت رجال كبير في العمر من عمر جدي يمكن ... قلت السلام عليكم ...الا هو مد يدة بصافح ...وانا ارتبكت ما ادري وش اسوي ...ومديت يدي .. وانا تقولين مخدرة ... وصافحتة على اطراف اصابعي ... يعني الشغلة تصير في لحظات ...سبحان الله ... وزوجي كان جنبي لكن ما تدرين وش صار في حالي ...حسيت ودي اقطع يدي .. بعدين طلع انه هو الدكتور ومسيحي وما يعرف عاداتنا ...لكن هذا مو ذنبة ..هذا دنبي انا ...اللي مديت يدي وصافحتة الى يومك ..,وهذه الحادثة مر عليها سنين ...لكن اتضايق جدا واستغفر الله كل ما ذكرتها ربي يتوب علي وعليك وعلى الجميع |
اتخافين من ان يتضايق خال زوجكِ و نسيتي الله
اكثري من الاستغفار و قولي بصراحة لا اسلم لانه حرام و ما حد يزعل |
انا سمعت الشيخ العريفي
قال للرجل والمراه اذا وضعتهم في موقف محرج مثل موقفك ان يمد احدا يديه من غير المحارم بقصد السلام ضعي يدك على صدرك وردي السلام بكل ابتسامه وبهذه الطريقه لاتحرجين من مد يديه لك وهو فهم ماقصدتيه من حركتك هذي والله يزيد ايمانج يالغلااااا |
كل عام وانت بخير يا ام الدانه
قال تعالى (ولا أقسم بالنفس اللوامه ) أحي النفس اللوامه فيك تعرفين أزين شي بالموضوع إنك إستمريتي بتأنيب ضميرك رغم سكوت زوجك وعدم إكتراثه للموضوع إتبعي نصائح مراقبنا الفاضل أبو فيصل ولا يهون الاخوان والاخوات وتذكري إن الله سبحانه وتعالى أولى بأن نراعي حدوده من مراعاة الاخرين ودائماً حطي في بالك إنك إذا كنت على حق فلا يهزك الباطل ولا أهله دمتي بنفس راضيه |
| الساعة الآن 09:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©