|
نور الاسلام - همس الاصيل - امير لندن يسلم مروركم وكلامكم .. ماقصرتم .. حبيبتي حديث الوقت .. انا غلطت اللي كنت احن له .. لاكن فعلا هو انسان غريب جدا جلس يرسل مع بنته هدايا ليه وقدام اهلي .. كل مره ياخذ بنته لاجل يجيب لها حلويات كان ينقي كل الحلويات اللي احبها .. يرسل مع بنته فللوووس بالهبل مع انو انا مو بحاجه لها .. لاني الحمد الله مرفهه عند اهلي .. بس مدرس وش يبغى يثبت .. مرات يرسل اشرطة فيها اغاني مسجل احلى المقاطع لي انا .. واذا سافرت خارج المملكه مايرفض ابدا انو بنته تروح معاي .. ولو ابي منه شي مستحيل يرفضلي طلب .. حيرني وتعبني معاه .. هذا اللي خلاني اصبر 4 سنين بأمل انه يرجعني ويردني .. بنته كبرت قدام عيني وعينه .. وانا ودي اني اعيش جو عائلي .. رفضت كل اللي تقدمولي عشاانه .. يوم اشوف اسلوبه معاي غصب اصبر .. غصب يجيني امل واسكت واقول يمكن .. الغريبه انه يسوي اشيااااء كثيره تملوون لو اقول تفاصيلها .. لاكن اللي يذبحني عمره ماحاول قدام العالم يردني ويتمسك فيني .. لهادرجه هو جباان .. لمن فعلا مليت من الانتظار وبديت احس انو كل وعوده لي كذب بكذب .. تركته .. وارسلت له رساله .. مافي رجال بالدنيا يرضى يلعب بمشاعر ام بنته ..ولو انت مثل ماتقول اثبتلي كلامك وانت اكثر واحد تدل بيت اهلي .. انا تعبت ومافي شي يجبرني اتحمل اكثر .. والله مارد علي بكلمة وحده يبرد فيها ناري تمنيت انه يرد بكلمه .. يحسسني انه متمسك ومن وقتها عرفت انه لعب بمشاعري وانه كذاااب وانو كل اللي كنت اعيش نفسي فيه احلام مزيفه والحمد الله بعد ماتركته طلعته من راسي وقلت يارب اذا انت كنت سيئه معاه يارب ترزقه بااحسن مني واذا هو ظلمني وانت اعلم بحالي تعوضني وتجبر كسري .. وفعلا من وقتها وانا مااسأل عنه ابدا .. لاكن مازال ياخذ بنته ويرسل هدايا وحلويات ويرسل مع بنته انه يحبني .. لدرجة انه مرات ياخذها شقتنا اللي كنا ساكنين فيها ويشرح لبنته انو هذي الصالة وهذي غرفة ماما وهذي خزانة ماما ..لانو ماتصرف بالشقه للحين ومازال يعيش فيها ويفهم بنته انو يبغاني .. بس بجد عمري مااتخذت قرار مثل هالحين .. مستحيل احن له او ارجع اكلمه .. مستحيل انا متوكله على رب العالمين .. |
اسأل الله في علوه ورفعته أن يرزقك بزوج تقر ه عينك وتسكن به روحك وتسعد به نفسك سواء كان طليقك أو زوج أخر اللهم أمين وأهتمي في بنتك لأنها هي أستثمارك الحقيقي في هذه الدنيا . يارب يوفقك |
يسلم حديثك ودعااائك .. ويسعدك يااارب انتي وجميع بنات المسلمين ياارب
|
السلام عليكم اختي ليه يالدنيا ... واضح انه ماهو راعي زواج ابدأ .. هناك دراسه في البريطاني على الرجال وجدو 20%
يفضلون العزوبيه مدى الحياة على الزواج فقط وليس الحب ... طبعأ هو ابو بنتك اتفق مع نفسه بعدم الزواج ..بس خوفه الكبير انك تتزوجين نجح معك اربع سنين انه يعلقك معه .. استخدم معك الحيله تحت مسمى الحب ... طيب المطلوب منك انك تحسسينه بالزواج من اخر وبشكل جدي وتكون السعادة باينه عليك ..امسكيه مع يده الي توجعه ...صدقين اي رجل راح يسوي المستحيل علشان زوجته او طليقته ماتشوف غيره خصوصأ انه يحبك على حد كلامه ..بس من دون مشاكل خلي الموضوع من بعيد وغير مباشر يعني لايجي منك الموضوع ابد ...وصدقين لو ماصبرتي اربع سنين ماراح اقولك كذا .. راح اقولك اصبري وصبري بس عمرك راح .. (مثل انجليزي يقول لاتنتظر السفينه اسبح انت اليها ) الله يوفقكم مع بعض ويرجعكم بعد العسر يسر واكثري من الدعاء الدعاء الدعاء ويلتم شملكم |
الحمد لله على النتيجة اللي وصلتي لها..
بصراحة فرحت لك كثير كثير.. لان اتخاذ الانسان لقرار يريحه مرة.. الله يعوضك خير.. |
انا اشوف انكم ترجعون لبعضكم احسن مو عشان حبكم ولكن عشان البنوته المسكينة اللي لما تكبر راح تتشتت بينكم وبعدين من كلامك عنه احسن ان زوجك طيب مرة وش المانع طيب انكم ترجعون لبعضكم
|
انا مع نهر الراين
كل رجال مايحب يشوف زوجته السابقه مع احد غيره لو مهما كان ... احسن حل انك توصلي له خبر انك موافقه تتزوجين اما عن طريق بنته او عن طريق الناس يعني تسوين تمثيليه قدام بنتك انتي واختك ... اختك تقولك .. ترى جاك عريس غني كثييير وطييييييب وقعد كثير مع بابا عشان توافقين تتزوجينه باسلوب الاطفال حتى بنتك تفهم وانتي تردين عليها لا لا مابي اتزوج .. اختك تقول تكفييييين وافقي الرجال برى ينتظر .. يبغى يتزوجك انتي تقولين : خلاص وافقت انا بتزوجه احسن ما اقعد كذا طول عمري طبعا قبل ماياخذها ابوها بشوي ... وتقولين لبنتك انا بتزوج حبيبتي رجال ثاني اسمه خالد بس لاتعلمين بابا طيب؟ يعني هذا مثال.. حاولي توصلين له باي طريقه تناسبك صدقيني بينهبل حتى ياخذك ولما يجيكم ويخطبك خلي اهلك يشترطون انكم تعيشون بعيد عن اهلك ويوعدكم مايسمح لهم يتدخلون بحياتك ولا رح يزوجونك بشخص يعزك ويحترمك |
زوجك قد يكون اب صالح و مميز ايضا و لكنه لا يصلح ان يكون زوج لا لكِ و لا لغيرك .. خلال هذه الاربع سنوات لو يريد ارجاعك لارجعك لكنه يريد ان يتسلى بك .. احزمي امرك و ابتعدي عنه واذا كان جاد و يريدك فسوف يتقدم لك مره اخرى .. فهو منذ ان طلقك لم يفقدك بل ظل طووول هذه السنوات يستلى بك و بمشاعرك .. |
اقتباس:
وهو قال نفس الشي انو ابيكم معايه وابي المكم ببيتي .. مرات يقول ابيكي لا رجعنا بيتنا نصمم غرفة النوم على ذووقك .. وقال وقال وقال .. اشيااء كثيره لاكن تعبت كل اللي يسويه كلالام .. ماشفت منه ولا شي من الافعال .. انا ماعندي مانع نتفاهم على كل شي .. لاكن هو ماعنده الجرأة انه يواجه اهلي ويجي يطلبني .. او يواجه اهله ويقول انه متمسك فيني .. لين زهقت ومليت .. تركته بكل اكاااذيبه .. |
اقتباس:
صدقيني .. بقرارة نفسي ارفض اسوي هالشي .. لانه علاقة 4 سنوات .. كفيله اننا نتكلم بااشياء كثيييره ووعدني بااشياء كثيييره .. وراح يفهم هالاسلوووب .. وانا قلت له بالصريح دامك تحبني حتى انا ابيك ومتمسكه فيك .. ولو يبغااني حيرجعني من غير اللي اسويه .. بس صدقيني هو عمره ماحبني ولا تمسك فيني .. يسلمووو ياقلبي .. ماتقصرين . |
| الساعة الآن 01:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©