ما دمت تحبني فلماذا تخليت عني ؟
السلام عليكم ورحمة الله وبركاته ..
انا اول مره اشارك بهالمنتدى وحابه اقولكم على اللي متعبني .. وماودي اتعبكم معايه ..
بس محتاجه احد يوقف جنبي ..
انا تزوجت من 5 سنين .. وزواجي مادام 10 شهور مع اننا بنحب بعض كثير .. وجبت منه بنووته حلوه
لاكن للاسف دايم يتخلى عني ويتركني عن اقل ظرف ..
وتعبنا من المشاكل اللي حصلت بيني وبينه وبين اهله وتدخلاتهم بحياتي وبحياته ..
حتى هوا ماقدر يواجهم يوقول لهم اننا من حقنا نعيش ومحد يتدخل فينا ..
وشاف انسب طريقه انو يتخلى عني ويطلقني ..
تعبت .. انجنيت .. كثرة الاسئله براسي .. وماصرت انام .. تعبت من البكا ..تعبت كثر ماسرحت بهالدنيا ..
ليه تخلى عني بكل سهوله .. وبكل بساطه .. آمنت بالله وقلت هذا نصيبي ..
بعد ماطلقني جلسنا 6 شهور ماادري عنه شي .. الا انه يجي عشان بنته لانو مره متعلق فيها
قررت مااترك نفسي .. كملت دراستي .. تخرجت بمعدل حلو .. واستغلت بقطاعات خاصه
وهذا كلووو هروووب من الواقع .. بس هروبي كان بهدف ..
طووول هذي المده وهو متعلق ببنته واغلب ايامها معاه .. ماحبيت اعانده بهالشي لانو هو فعلا طيب مع بنته
وحتى معاي .. عمره معاندني فيها .. وعمره ماحرمني منها ..
وانا احمد الله انه كويس مع بنته ومدلعها ومو مقصر معاها .. وشايل مسئوليتها من جميع النواحي
ماديه - ترفيهيه - الحنيه - الطيبه ..
شي طبيعي الانسان مو دايم يكون سيء .. مرات يكون فيه شر ومرات يكون فيه خير ..
وصعب مااعترف بتصرفااته الحلوه مه بنته ..
انا مو هذي مشكلتي .. طول فترة ال4 سنين وهو دايم يكلمني .. ودايم يطمن علي .. ومرات يحتاجني عشان بنته ..
ودايم يبكيلي انه متعلق فيا وانه يحبني .. وانو نفسه يرجعني بس مو قادر لانو في شي يمنعه (( مع اني انا مو مصدقته بهالنقطه ))
مليت الانتظار .. زهقت من وعوده .. صارت خلالاص ماتفرق معاي ايش مايصير ..
وماقدرت اتركه الا هالسنه ..
غيرت رقم جوالي .. صار يرسلي عن طريق بنته .. صار يرسلي هدايا بصفة انها لبنته ...
تعبت .. مو قادره اوافق على شخص غيره .. مو قادره اعيش مع غيره ..
اتخذت قرار قلت له خلالاص يكفي هال4 سنين عيشتني بكذب ومرااوغه ..
اذا انت تبيني كلم ابوي .. او اخوي الكبير ..
بس انا مليت من التفكير .. اذا هو يحبني عن جد ليه يلعب بمشاعري
ليه يوعدني ..
ياعالم والله لو ايش مااطلب منه كان مستعد ينفذه لي .. الا انه رافض يرجعلي
طيب ليه يلاحقني ويلاحق اخباري ويرسلي انه تعبان من غيري ..
معقوله يحبني ؟
عمره ماحاول يرجعني .. بحياته ماسوا شي لاجل يصلح الامور اللي بيني وبينه ..
مدري احس الضيقه تذبحني .. وضايعه من غيره .. ومازال يحاول يرجع علاقته فيني ..
ادري انو انا غلط .. واسلوووبي من الاول اني اكلم رجل غريب عني ..
لاكن يشهد الله عليا اني بعد طلاقي عمري ماسلمت نفسي له ..
كل علاقتي معاه مكالمات على الجوال .. من كثر ماضحك علي ..
حتى الدعااء دايم ادعيله بالهدايه .. مع انو ظلمني وعمري مادعيت عليه .. بالعكس دايم ادعي ان الله يسخره لي ولبنته ..
الإشراف / تم تعديل العنوان (كتابته بالفصحى)
التعديل الأخير تم بواسطة أطيـــــــاف ; 15-08-2009 الساعة 09:47 PM
15-08-2009, 06:25 AM
ضوابط المشاركة
العرض الشجري