|
غزلان حبيبتي كانت اجمل سنين عمري اول خمس سنوات زواج وما كنت شابفه غيرو
كان النفس اللي اتنفسو والعيون اللي اشوف فيها ورجلي اللي تمشي على الارض ما كنت احس بفارق العمر ابدااااااااااااا بس كثر المشاكل وكل يوم عم تزيد امام عيوني فقلت اكتب ربما اتذذكر وارتاح شويه لاترفق فيه لان بجد تعباااان بس المهم يفضل هادي مع اولادو وكلو سهل عليي ان شاء الله رح ابدا انسق الباقي وانزلو لاني كتبت قسم كبير انا وفي الرحله هاليومان كل الناس عندهم شهر عسل انا كان عندي خمس سنين عسل ولو في كلمه اكثر من عسل كنت كتبت واكثر من خمس سنين كانت غلطتي وقت يزعل مني وكان بالنادر جدااااا اصلا وقت يكون شي يشتاهل الزعل والله ما يزعل وكان يسامحني تصوري مره كان ماسك وجبة اسنانو فاخذتها منه ووضعتها بجزداني بورقه محارم ونسيت وانا اردت ان اخرج مفتاح السياره طارت وانكسرت على الارض وكان عتم انا شفت شي طااااار بس ما عرفت شو وسمعت طااااااااااااااااااق وتذكرت يومها شو بكيت وه وولا فتح تمو ابدااااااااااااا كان دافع ثمنها 800 دولار تصوري ثاني اخذها ولصقها عند الكتور واحد تاني الله اعلم شو كان عمل انا غلطتي كنت اقول له : تعيش وتجقرني (يعني تعبس بوجي ) الله اعلم من كثر ما ارددها كانت ساعة استجابه صدقيني |
كان يعود من العمل واكثر ما يقهره ثيابي لان الدنيا برد وانا ابرد كثيرا \
نسيت العربي لان كل النهار ما في حدا اتكلم معو ووقت يرجع اذا اقول له :اقول له كيف صحتك ما يرد ارجع اكرر السؤال مره اثنان وثلاثه بالاخير ازعل واصمت ووقتها ينتبه ويعتذر ويقول ارفعي صوتي عندي ضعف بالسمع من المصنع وما اسمع الا 41 % مره ثانيه وقت ارفع صوتي ما يعجبو يعترض ليه تصرخي طيب لا الصوت الخافت نافع ولا العالي وان صمتت ويسأل :ليه صامته ايضا ما يعجبو ويتهمني ويقول :انتي كل النهار جالسه تفكري باهلك طيب انو شو اعمل كل النهار حدا يخبرني والله تصدقو سنه ونسيت اتكلم عربي وان احد كلمني اطقطق بالكلام والانكليزي ما افتح التلفزيون مقهوره منو كلو انكليزي وما افهم عليه ولا حرف كانت دراستي فرنسي عربي ويا دوب الفرنسي وما نهتم فيه واذا فتحتو وتعلق كلمه براسي وقت يرجع ونحن عم ناكل او يكون مخلص اكل انو قصدي سيكون مرتاح اسألو : حبيبي شو يعني هالكلمه ويا ساتر شو يصير يبدا يصرخ ويرفع صوتو وانتي ما عم تلفظيها منيح وانا ما عم افهم عليكي وانتي تتكلمي كأنك تقري فرنسي وانا حماره اصدقو واجلس اراضيه وما يخبرني شو يعني وان كان يتسمع على الاخبار ومر شي مخيف حادث او شي وما فهمت شو يقولو ويصير وقت الدعايه اسسألو شو قالو يرجع يصرخ ويقول : انا بدي اشتغل عندك ترجماان واذا بدي ترجم لك ما رح الحق الباقي وارجع لصمتي المطبق ووصلنا لرمضااان اول رمضان في الغربه قبل ياسبوعان بدا باحضلر الاكل او نسميها مونة رمضان تقولو هالمونه تكفي لمئة شخص اقول لكم اكثر وانا لم اكن اتسحر في بلدي لعقده نفسيه وانا صغيره كنا نسهر ونأكل ونناك او نبقى سهرانيني وننزل للمسجد مع اخي وابي ونصلي الفجر في المسجد تفاجات انه لن يصووم ,يا ساتر يا رب يقول انو يدوخ حاولت المستحيل معه ولكن لم استفيد وجا اول يوم وصمت لوحدي اول مره اصوم لوحدي اين الشوربا تفاجئت ما في شوربة ماجي ممنوع ازم تاكلي منيح الشوربا تسد لك نفسك وما تاكلي . وقضيت اليوم دمووووع وبكا على اهلي واهوتي ورمضان في بلدي واصعب شي وقت كلمتهم وقلت لهم رمضان كريم يا له من يوم قاتل قضيته بكاء على التلفون جا المسا حضر هو الاكل ممنوع تقتربي من المطبخ ارتاحي انتي ممنوع اتحرك من مكاني اذا تحركت واردت ان ادخل المطبخ يزعل وفطرت على الساعه الامساكيه تقول الافطار الساعه 8 ننتظر الساعه تتصير 8 وافطر وصليت المغرب وسألته : متى ستذهب للمسجد رفض رفض قاطع ويتحجج انه تعباااان وغدا يوم عمل صمتت ولكن جا الجمعه وثاني يوم السبت شجعته وسألته ان نذهب لزياره ناس من العائله اعلم انهم يذهبون للمسجد وشجعته على الذهاب معهم وكانو ثلاث رجال وذهبو بسيارته هو وانا كنت سعيده جداااااا جا السبت وليس هناك عذر للافطار واراد ان يفطر جنيت وقلت له : حرام لا يجوز .رفض وقال ان جسمه غير متعود على الصيام ورح يدوخ وامام اصراري وافق يصوم الاحد وهو دايما يتفاخر انو يقدر يصبر على العطش والجوع وانا وصايمه ما كان يفطر ليحن اذان المغرب كان يكتفي فقط بالتخين كان يقوم معي على السحور يحضر لي السحور بيديه وشاي وكان يشرب الدخان على السحور اول يوم قرر الصيام استيقظ دااااااايخ ويلطم جسمه يمين يساااار ويفوت بالباب ويجي رح يوقع وانا حماااره صدقته وانا مستغربه اللي يشوفو يصدقووو ومستحيل يفكر انو يحتال (ااما انا اكبر مغفله او هو اكبر ممصل بتاريخ البشريه) ويجلس يقول دايخ انا قلت لك ما اقدر اصوم ويفطر ياحذركم كم الساعه وقت مسلسل الدوخه حد يصدق الساعه التاسعه صباحا او الثامنه وما اكثر يعني اصلا الواحد لو صايم بهالوقت مستحيل يدوخ صح ويفطر الاخ على الدخان ويبقى كل النهار لا اكل ولا شرب فقط دخااان يموتني فيه وجا العيد ولم يشتري لي ثياب العيد وانا لم اكترث كثيرا عندي والحمد لله رب العالمين وقت التنزيلات يشتري لي الكثير واان امنعه واقول له كفايه احيانا كان يحدثني ويكلمني ويقول لي ما كان بفعل بزوجته الاجنبيه مثلا مره اخبرني انه كان يشخر لتحسبه انه نايم ويلبطها برجله ويوقعها ارضا وهي كان وزنها 130 كيلو وهو 90 كيلو وانا كان وزني 65 كيلو تقريبا نص وزنها كنت مثل اللعبه بالنسبه له لم يكن عندي عفش في البيت اجبرته غصبا لنسكن لوحدنا لان اول سفري سكنني مع والده وابن عمه وزوجته في نفس المنزل تعبت كتير اقضي كل وقتي بالغرفه اخجل اخرج وانا محجبه حتى لدخول الحمام يلزمني الحجاب واصعب شي وقت الاستحمام هذا عدا عن والده رحمه الله كان يفتح علينا باب الغرفه بنص الليل لاي سبب كان ويدخل وما نلاقيه الا بنص الغرفه وكان والده كل يوم ما في حديث عنده الا هذا : ما تعملوه بالمسا بيكون تعباااااان وما تعملوها باكر تأذي العيون وما تعملوها بعد الاكل تضر المعده كل يوم نفس الدرس مر شهران ونفس الكلام وبالاخير قلت له : خال شو رايك خذه ينام معك بالغرفه لا يلزمني حماتي متوفااااة انما والده والله ما قصر قام بالواجب والزياده واللي يمكن ما يخطر على اي حما تعملو بكنتها كان اذا اح اتصل واخبرني اني لي مراسيل وصور من اهلي لي وآخذ العنوان ونحن على السفره يجلس خالي معنا ويكون آكل انما لينظر ويستمع ما نقول وما ان ابدا واخبر زوجي واقول له : حبيبيت اذا مش تعباااااان جايين مكاتيب من لبنان وما ان يهم رأسه بالموافقه الا واسمع صوت والده يصرخ : بتعرفي وين العنواااان وشو بعيد وبدك تاخذيه وهو جايه تعباااان من الشغل رديت وقلت له : سمعتني خالي اسأله ان لم تكن تعباااااااااان ودموعي تسبقني وادخل غرفة النوم اكمل بكااااااا ولكن كان يلحقني زوجي ويطلب مني البس ثيابي لنخرج ونحضر المكاتيب والصور اقتحهم وانا على الطريق وتحت ضور الاشاره الحمرا يكون واقف السير اقرا الرساله وانظر للصور اخوتي عم يكبرو وابن اختي وصور امي وابي كم انا مشتاقه لهم اصعب مره بحايتي ووقتها قلت له خلاااص اريد الانتقال من عند والدك طفح الكيل . جانا ضيف من سدني قريب لنا ابن خالي الثاني وابن عم زوجي واخوه ساكن مع خالي دخل حضرته في يوم الى الحمام ليستحم وكان يوم احد ونظف عانته وابطه وترك الوسخ وخرج وجلسس مع الرجال يلعب ورق دخل اخوه اللي ساكن معنا ورأى الشعر سمعته يقول لزوجته :اطلبي منها ان تنظف وسخها وعاد الى لعب الورق وشويه وتطلب مني الحضور وقالت : ليه ما نظفتي وراكي اصبت بالزهول وقلت لها : لست انا كان فلان آخر واحد دخل هنا وانا سمعته يقول وهو خارج من الحمام : ها صار فيني الاقيه بس ما عرفت ليه قال هيك ولكن وقت شفت المنظر عرفت وانتشر خبر بالعيله كلها انني نظفت نفسي وتركت الوسخ بالحمام انا هنا انفجرت وقلت له : خلاص , اصلا من كثر الطلبات والدفع ما كان عم نقدر ندخر ولا دولار يدفعونا الفواتير , والله باقل من اسبوع وسكنت لوحدي استرى براد غساله وفرشه فقط لا غير وكان اشترى لي سابقا فيديو وتلفزيون يتبع القصه رتبتها بس كل يوم اعتقد انزل مقطع افضل تتقدرو تستوعبو المواقف اللي جايه وانا اكمل تحضير الباقي انا بهذه الاثناء ما كنت شايفه غيرررو بعيوني وطايره فيه طيرااااان يمكن كثر الطيران دخت وانعميت على قولة ابو حكيم الحب اعمى |
كملي ياخاله مستمتعين
اسلوبك يجنن |
عارفة كثروا الى كانوا
وعارفة النتيجة كرهت الزواج اكثر ليس منك بل منهم خلاص صحيح فيه ناس فيهم الخير لكن خلاص نفسي انسدت وبقوة اعانك الله |
انفاس مشكوره رح اتابع ان شاء الله
انوثه اللتي ابكت القمر تقول هيك انا اكتب لتتعلمو القوه وتشوفو حواليكم وليس لتنسد نفسك حبيبتي الحب اعمى وهناك حدود للحياة لو كنت مشيت عليها ما وصلت الى هنا للزوج طاعه ولكن ليست عمياء كل له حدود هناك اشياء كنت كتير سعيده بها ولكن ان لنفسك عليك حق ولزوجك عليك حق وللوالدين عليك حق وللاولاد عليك حق وللجيران عليك حق ولبطنك عليك حق ولجسدك عليك حق ولنفسك عليك حق ولروحك عليك حق صح ام انا غلطانه |
اقتباس:
كلامك كله صح اقتباس:
وردة فعلك واولادك يشوفو ردة فعلك انت من خوفك عليهم مش حابه انهم يعيشو التجربه الي مريتي فيها صعبه ومقرفه بس طلعتي قويه تعتمدي على نفسك زوجة ابنك مبدئيا كله تمام بس قبلها كانو اهلها ماثرين طب اهلها او اي احد ثاني تضمني يضلو ساكتين المشاكل ما تخلص بكل البيوت بس الفرق يا جرين انك بتتعبي وتتفاجئي ونفسيتك تتعب ويبان عليكي وهذا ياثر على اولادك وعلاقتهم فيك مزيج بين يتمردو ويزهقو وبين انهم يحنو لحضنك بنتك كرهت حياتها وصداعها وتعبها لان في صراع جوها بين الي تريده وبين اترضيكي واتفاجئتي بردها تابعت موضوعك لان هي بصراع بين عيشتها ببلد غربي وبين اصلها وكيف كانت عايشه بلبنان خليها تكلمك بصراحه عن كل الي مر عليها ولو تحب تنقل لمدينه ثانيه هي وبنتها بعيده عن اهل زوجها وتبدا مع زوجها حياتهم من جديد نفس المدينه الي راحت تزور صاحبتهافيها |
خالتي جـــرين..متابعه
يارب اجعل السعادة من نصيبها وأصلح حال زوجها |
اقتباس:
بتحسبيني فرحانه انو تطلقت بنتي الكل يقول لي : شوفي اللي دللتيه شو عم يحكي علييكي قلت لهم : الحمد لله عليي وما ع بنتي اهلي وابي خصوصا ما كان يطيقووووووو ابي الاخلاق والفضيله تتوزع على الناس منو تشوفيه كيف يشتمو وبس يشوفو يجن بس ما حدا عارف ليه زوجتها وهربتها من بلد وتضيع بين الاجانب بسبب انشغالي بمرض ابوها وظلمه لها كل ما حد يتكلم اقول لهم : كان ضاببها ومشيها على العجين ما تلخبطو ما كان عاجبهم دايما معترضين وما كنت ارد على احد ديني وحياة بنتي اهم من كل شي ما بدي زوجها لا امير ولا وزير انتظري خلينا نكمل بس اخاف وقتها عليكي حبيبتي لا طاعة لمخلوق بمعصية الخالق ولو كانو امك وابوكي امي خدعتنا بالكلام عن اهلها و انا حسبتهم مثل اهل ابي هادين كافيين خيرهم شرهم اهلها الدين لا يقرب لهم لا من قريب ولا بعيد كان ومازال في بيوت اكثرهم جميع انواع المشروبات الروحيه ويتفاخرو بذلك واللي عمرو فوق الستين وساكن مع صاحبتو انتظري انتظري ما تخليني اسبق الاحداااث ياما شيوخ تغربو وضيعتهم الغربه ويماما صياع تغربو وتشوفيهم بالمساجد التزمو وتفى وايمان ونور في وجوههم انتظري خلينا بالاحداث الحلوه قبل ما ننتقل للمصايب والتضحيه المبالغ فيها بنظري حاليا لاكتشف بالنهايه انو كلو تمثيل انتظري الله يخليكي وشويه شويه عليي والله ماني ناقصه جسمي كلو جرااااااااااااااح |
اصلا ما كان في راحه وحريه ببيت خالي ابن عم زوجي واللي هو ابن خالي وزوجته
وزوجي ينام باكر يتعب شو اللي يسهرني معهم ادخل الغرفه انام قرب زوجي واحيانا ما اقدر انام افتح التلفزيون احضر مسلسل عربي كانو يستأجرو شرائط فيديو كل اسبوع ومن ثم خالي ايضا ينام بكير بس ما بعرف شو يصحيه ما الاقي الا باب الغرفه بكل عنف يفتحو وحتى بالنهار والله اكون عم البس ثيابي خارجه يفتح ويدخل وانا اخجل واقول له :خالي عم البس . يكون جوابو :آه وشو رح شوف يعني حسبي الله ونعمى الوكيل عليه وزوجي وقتها كان يشتري لي شوكولا وغير واضعه في دولاب ثيابي الداخلي ووالد زوجي يحب ياكل حلو بعد الاكل بس ما كان يخطر على بالي احيانا ادخل غرفتي اجده يغلق الدولاب وفمه يتحرك وا مصيبتاه يفتح دولاب ثيابي الداخلي ابي عمرو ما عملها ولا حتى احد من اخوتي الشباب يا للهول والله احيانا اقول له : خالي عيب والله اخجل انا كيف تفتح دولابي |
ووقت رأينا البيت كان فيه كنبايات فطلب زوجي من صاحب البيت انو يتركهم
اشترينا فراش فقط وبراد وغساله وشوية صحون بدولار القطعه وطناجر كانو عاملين عليهم تخفيضات بافخم محل في الغربه اسمه ماير ولكن تنزيلاته تجنن ولكن واجبرته انو ما بدي شي الا فقط مكنة لفرم البصل واللحمه مولينكس وفعلا مشكورااااا قلت له اجلس على الارض ولكن اريد هذه (ابي مدخوله على قده ولكن كان يشتري لامي مولينكس حتى ما تتعب ) فرحت كثيرا وقتها وطلعت حامل بابنتي وبدا الوحم والحمد لله رب العالمين الله ستر وكنت لوحدي الوحم كان كتير صعب دوخه وتقيء وجا رمضان واردت الصيام الطبيب منعني وقال انتي باول اشهر الحمل صمت اول يوم ولكن كان انتحار كان كتير صعب ولم استحمل وبقيت يومان من غير اكل ولا شرب وفطرت رمضان وكنا في الصيف الحراره تصل ل42 ولم يكن يوجد مكيف لم تكن الناس تهتم لان الصيف في مالبورن ايام قليله كنت سعيده معه ولم اكن اهتم ولا اكترث لكلام اي شخص مثلا اللي تقول لي : هل خصص لك مبلغ معين يعطيكي ايااه ويكوت جوابي : لست محتاجه كافيني الله من فضله ويرجعو يسالو ويشجعوني ان اطلب منه مال وادخر منه وارسل لاهلي ولم اكن ارد وهو في الحقيقه كلما دخرنا مبلغ من المال يرسله لامي ويسالني شو رأيك وانا اوافق على طول وبقيت حوالي خمس سنين من غير اي فرش للبيت فقط اللي كتبتو لكم , واللي يسألني متى ستذهبين لزيارة اهلك في لبنان يكون جوابي رجلي على رجلو اخاف اتركو حراام والله كان يتعب كتير وكل اسبوع لازم يرجع البيت محروق او مجروح او وبوجو ثلاث قطب كنت سعيده جدااا معه وانتظر اليوم اللي يخرجني فيه من البيت اي ديقه اي مكااااااان اجده جنه قربه كل الوقت امسك يده وهو يقود السياره واستغفر الله العظيم على صوت ام كلثوم انت الحب انت عمري (الحمد لله رب العالمين اللي تاب عليي ) لا يهمني اين ياخذني المهم انني معه وبالسوق لم اكن اعترض لان للحقيقه كلو حلو ولكن اذا شي ما عجبني ارفضو وما ارضى وهو يصر انو رخيص وانا ارفض ولكن لم يكن يعزمني على فنجان قهوه او حبة شيبس مستحيل والله لو اموت الجوع ولا يحس ولا يفكر وانا لا اطلببولكن اعود البيت منهكه ميته دايخه وارتمي على الفراش لم اكن اشعر انه هبوط بالسكر كل اللي اعرفو انو وقت اجوع ما اعرف احد يزيغو عيوني وووجع راس قوي جدا وان اكلت يبقى الالم برأسي واحيانا ونادرا جدااااااا اطلب يكون جوابو :انتظري رح نخلص ونروح البيت ناكل بهذا الوقت كل اللي هاجرو للغربه من عرايس بنات الكل فرش بيت كامل وشراء بيت بالتقسيط وما هي الا سنه ونصف وتلاقيهم وحده ورا وحده يرسلوهم ازواجهم زياره ليشاهدو اهلهم وانا محلك سر , كل المال اما اكل او يرسلهم لوالدتي والله واكون سعيده ولكن كان يقدر يفصل بين هذا وهذا اتذكر الآن وانا اكتب يشتري 5 كيلو كوسا ونطبخهم واكون انا وهو فقط ما شاء الله الفواكه بالصناديق وانا لم اكن اتناول منهم الا ما يطعمني بيديه اصعب شي عليي كان وقت يعف انو نوع هالفاكهه احبه ,والله ما يعود يحط حبه بفمه ابداااا ويتركهم لي انا وبالمقابل اذا كنت بحب طبخه وهو ما يحبها واحاول اطبخها يكون عندو اكل له والله يفضل وراااااي تيكرهني فيها ويطبخ شي ويجبرني آكل منو وما يخليني آكل من اللي احبو ويرميه بالزباله العصافير كانو يستفيدو كتير من وراااه لان مكان مكب النفايات اسميه انا مجمع العصافير اكثر من الف عصفور وزوزوزوزوز كان سيء الطباع مع جميع العائله الا معي يعني مثلا اخوه وقت اشترى سياره بدل ان يقول له : مبارك تتهنى حلوه . لا والله نزل فيه اهانات وامام اهل زوجته وسلفي يحمر وجو ويسكت ولا يرد اي كلمه ويصير كل ما يشوفو ولو بعد شهر نفس الكلام . اذا سمع خبر والله فلان رح يرسل زووجته زياره لاهلها يقول له وامام زوجته: ليه وانت غلطان ومصروف عليك وثم التيكت ( طيب الوحده يمكن تعبت توافق زوجها وثانيا على حسابه هو وليس على حسابك يكفي ان تقول له ان شاء الله تروح وترجع بالسلامه , ووقت نكون على الطريق السياره كل شويه يبزق من الشباك من كثر ما يشرب دخان يحس بوسخ بزلعومو واذا اي احد كان سارع او خالف يشتمو انما بلغة الانثى مثلا حماره . ويفضل كل الطريق يشتم ويقول اخت اللي علمك قيادة السياره , حاليا وقت بدو يبدا بالشتم اقول له : شو رايك انزل اضربلك ياه مزعلك حبيبي . |
| الساعة الآن 09:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©