رد: تم الصلح مع زوجة ابني والحمد لله
 

مكلومة ..

ما ينفع بس هي تتعلم من أخطائها ، إنت برضو لا تكرري اللي حصل
حتى لا ينحط ولدك بينك و بين زوجته ..

واضح إنه زوجته صريحة جدا و ما تعرف تنافق و تلون الكلام ..

رد: تم الصلح مع زوجة ابني والحمد لله
 

الف الف مبروك ملكومه .. يعلم الله فرحت لك من كل قلبي

مثل ماانتى عارفه موقفي مثل موقف ولدك ..

دعواتك لي ..



اللي يبى يقراء المشكله يشوفها بموضوعي ..

رد: تم الصلح مع زوجة ابني والحمد لله
 

سبحان الله ..

موقفك زادني حيره ..

هل استمر ع موقفي واحاول اعالج الأمور !!! ام اغض الطرف مثل ماغضيتي الطرف .. واقعد ع القطيعه اللي راح تصير بينهم ( امي - زوجتي ) الى ان الله يحدث بعد ذالك امر ..

ي رب ان تسهل امري ...

رد: تم الصلح مع زوجة ابني والحمد لله
 

حبيبتي شوك مافي أي شي يزعل ولو بزعل ما أطرح الموضوع هنا..

لكن أتوقع في قصور في كلامي عشان كذة إنت تأكدتي إني كثيرة تدخل وكثيرة نصايح..
والتمستي لزوجة ولدي العذر في إنها اضطرت توقفني عند حدي عشان ما أتمادى..

موقف الوظيفة صدقا ما كان عندي علم فيها والله وحده مطلع..
ومن رحمة الله بي ولدي هو اللي عنده العلم إنه ما خبرني بأي شي..فهي ثبتت على نفسها الإفتراء..وإلا أنا كان ضعت وولدي احتار يصدق مين فينا..أنا أمه وهي زوجته..

ثم من وين لي أحلم هي بتدور وظيفة بشهادة الثانوي وهي جالسة ببيت ولدي تكمل الجامعة!!

يا شوك حنا كنا نتكلم كلام عام .. كيف الوظايف تجي للنسوان بعيد ويتركون البيوت والأبناء والشتات والحوادث والوفيات....الخ

ولا عندي علم بمحاولاتها مع ابني لأجل الوظيفة.. واللي سعى لها أخوالها .. وجتها وظيفة في قرى الباحة مساعد إداري...هذا كله وأنا والله ماعندي علم... فكيف أخرب ابني عليها؟؟!!!

أنا مريحة راسي من ناحية حريم عيالي صدقا وليس كلاما وعايشة بشعار واحد مع الجميع لا أرى لا أسمع لا أتكلم مالي صلاح في أحد بكل المقاييس.إلا إذا اتعرضوني ومسوني بسوء..في هذه الحالة ما أرد بالمثل لكن أتصرف حسب الموقف..

بالنسبة لزوجة ولدي اليوم لما طلعت عندي ونصحتها.. والله ياشوك يمكن غلط مني نصحتها بس الموقف هو فرض نفسه.. وأنا ماكتبت لكم كامل الحوار اللي دار بيننا..

الحين من ضمن الحوار ترجع تقولي زوجة ابني ياخالتي صحيح أنا كبرت السالفة وأخطيت بس إنت كمان أخطيتي علي..
قلت لها كيف أخطيت؟ إذا إنت مو مصدقة إني ماعبيت راسك زوجك ليش جيتيني برجولك تعتذرين؟؟
قالت لا والله مصدقتك بس إنت غلطتي مالحقتيني لما زعلت؟
قلت لها كيف مالحقتك أنا لحقتك الين باب الشقة أناديك وإنت طنشتيني ونزلتي..

قالت ليش مانزلتي وراي عشان ما أترك البيت..
قلت لها والله مدري إنك بتتركين البيت..

قالت طيب ليش مانزلتي عندي تتطمنين علي..
وليش لما رحت بيت أهلي زعلانة ما اتصلتي فيني ولا سألتي عني..

جادلتني كثير كثير كثير أكلمها يمين ترد شمال ومصرة إني أنا أخطأت بحقها..
هي من وجهة نظرها كان لازم أروح لها وأتصل فيها ووو......الخ

فاضطريت أنصحها بالكلام اللي كتبته سابقا واعتبرتوه إنتو كثرة نصايح وتدخل.. مع إن الموقف فرض نفسه أتكلم وأنصح..

ضميري مرتاح ولله الحمد وبالي مرتاح من ناحية تعاملي مع حريم عيالي عارفة حالي ما أتدخل فيهم..الإنسان يقدر يقيم نفسه ياشوك..

ثانيا شهادتهم هم أنفسهم لي ومدحهم الكثير لي من خلفي ومدح أمهاتهم لي عند كل الأرحام... الحمد والشكر لله بيتنا آمن ومستقر..
ولا عندنا أي نوع من أنواع المشاكل..كلا ببيته مستور والحمد لله..

واللي أنا شايفته يا أخت شوك زوجة ولدي هي اللي كانت محتاجة وقفة صارمة رادعة عشان ماتتمادى أكثر ..

ياشوك اللي أنا شايفته بعيوني في حريم عيالي وبنات هالزمن بصورة عامة الواحدة منهم تعتبر الزوج ملك خاص لها وحدها.. وأي حركة وأي كلمة وأي شي من أم الزوج يعتبرونه تدخل ووو.....الخ..

هذول نسيوا من اللي كبرته وخلته رجال.. نسيوا أن الأم حقها عظيم وإن تدخلت وإن أخطأت.. فما بالكم بالأم اللي كافية خيرها وشرها...

بنات هالجيل ماراح يحسون ولا راح يفهمون وش يعني مشاعر أم الزوج نحو الابن والأحفاد غير لما يزوجون عيالهم... يعني بعد عمر طويل..

حريم عيالي يطلعون عند كل خلق الله زيارات وناسة زواجات كل شي ..وأنا يدخلون عندي بمواعيد وزيارات فين وفين
وبشكل أكثر من رسمي..ليش؟ ليش صارت أم الزوج تعامل كعدوة ؟؟

يوم يجون أنا اللي أخدمهم وأضيفهم وهم رجل على رجل ولا واحدة فيهم ما تتحرك.. مع ذلك ما اتكلمت ولا لمحت بشي لا لهم ولا لعيالي..وش يبون أكثر بعد..

أنا ما أتكلم عند عيالي عن حريمهم إلا بكل خير وحب ومدح أولا هذول اختياري وثانيا هالشي يزيد الإستقرار بينهم.. ثالثا صدقا أحبهم بكل ميزاتهم وبكل سلبياتهم لأنهم حريم عيالي وأمهات أحفادي ..ولا أحب ولا أريد عيالي يتغيرون على حريمهم..أبغاهم مثل ماهم يعاملونهم كا الأميرات..والحقيقة إني مبينة حبي ومعزتي بحريم عيالي قدام الكل..وباين على واحدة فيهم عز معزة زوجها لها ياربي لك الحمد والشكر...

ما أظن الواحدة منا تطمح لأكثر من زوج يكرمها وأهل زوج يعزونها ..وتعيش أميرة ببيتها.. حرة نفسها ولا ملزومة أي التزامات من أي نوع نحو أهل الزوج..ولا أحد له شي عندها..


سؤالي الآن
برأيكم الموقف اللي كنت فيه ما يفرض نفسه أنصح ؟؟يعني تجادلني وأسكت؟
يعني حتى مثل هذه المواقف ألتزم الصمت؟؟
نوروني الله يصلح حال الجميع..

رد: تم الصلح مع زوجة ابني والحمد لله
 

أنصحك خلك مع أخونا البليغ للنهاية..والله يكتب لك الخير يارب..

رد: تم الصلح مع زوجة ابني والحمد لله
 

ويش خطئي ياروح؟
كون إني نصحتها لما طلعت عندي هذا هو الخطأ؟؟
من فضلك اقرئي ردي الأخير.. وأنتظر مداخلتك..

رد: تم الصلح مع زوجة ابني والحمد لله
 

السلام عليكم ورحمة الله وبركاته..

خالة مكلومة لا لوم عليك بل تصرفك كان صحيحا وهدفك هو الحفاظ على مابنيتيه من أسرة ليكونوا يدا وحدة،

من الجميل أن صرحت بها ما في بقلبك وهي كذلك ..

أقدر جدا مدى انفعالك صراحتك لها أنت الأم التي ربيت وضحيت وفعلت لهم، فيكفي إنهن ضيفات وأنت من تكرمي..

لا لوم عليك وإنفعالك ما صدر إلا من إنسانه قلبها يسع الجميع فقط كل ما تحتاجه أن يقدرن تعب هذه الأم..

أسأل الله أن تكون أسرتك دوما يدا واحد دافئة :)..

رد: تم الصلح مع زوجة ابني والحمد لله
 

حلوه ليش ما لحقتيني
ليش ما نزلتي عندي
ليش ما اتصلتي
كنها ام الزوج وانتي الزوجه!!

انا اسحب كلامي السابق واايدك في كل شي سويتيه فيهم
يستاهلوووون ثنينهم ولدك وزوجته

عطيتيها قرصه ما بتنساها طول عمرها
وخليتيها عبره لباقي زوجات عيالك

احسن حقها وما جاها

رد: تم الصلح مع زوجة ابني والحمد لله
 

ما شاء الله تبارك الله
الله يهنيك و يسعدك بعيالك

رد: تم الصلح مع زوجة ابني والحمد لله
 

عداش العيب مكلومه

انتي الام والكل في الكل .. ولي مش عاجبه يشرب مية البحر

شو تريد ! تبوسين راسها وايدينها حتى ترضى !!