اللي تابع مشكلة الأخ mas يعرف مشكلة زوجة ابتي.. وبما إني كتبت المشكلة حبيت أشارككم المستجدات..

يوم الخميس الماضي جاني ابني وفي فمه وعينيه كلام ولكنه لم ينطق بشيء..

تعجبت من مكوثه الطويل جدا لأنه لم ينطق بشيء مهم.. طول الوقت ضحك ونكت هو طبعه مزوح.. خرج من عندي الساعة 2 بالليل..وهو خارج حضني بقوة شديدة على غير العادة وقال بكرة الغدا احنا بنجيبه..
قلت له يعني ماأطبخ غدا؟ قال: لا ياست الحبايب ونزل..

ما أعطيت الموضوع أي اهتمام لأن الجمعة مرات أنا أطبخ ومرات عيالي يجيبون.

جو العيال وأبوهم من صلاة الجمعة جهزوا عيالي السفرة ونادوني وألقى طبخ بيت!!!!
تعجبت قلت هذا طبخ من؟؟

ولدي الصغير مرتبك شوي...قال يمة(فلانة) تبي تصلح مابينك وبينها....ماخليته يكمل كلامه قاطعته قلت له شيل الصحن من قدامي قبل ما أكبه ........

قاطعني زوجي وقال: المسامح كريم..
قلت إي نعم المسامح كريم لكن مو بها الأسلوب..

قال ولدي أمي تكفين لا تصعبينها .. السالفة طالت ومانبي نعيد واحنا زعلانين...

قلت له الحين زوجتك ظالمتني ومتكلمة علي عند اللي يسوى واللي مايسوى آخرتها ترضيني بصحن رز؟؟!!!!!! ....................

قال ولدي يمة وش يرضيك؟؟
قلت له إذا زوجتك ......... فأنت ..........لا تحس ولا تفهم.. قدر أمك صحن رز مرسول منها؟؟؟ هذا هو قدري عندك يا.............؟؟!!!!!

لما زوجتك زعلت وطلعت من البيت عرفت كيف ترضيها وترجعها بيتك.. لكن أمك ترضيها بصحن رز منها يا................

قال لا والله مو هذا القصد بس هذه بداية خير وإن شاء الله تتصلح الأمور..ومايصير إلا اللي يطيب خاطرك..

قلت له شيل الأكل من قدامي.. ما بي بدايات ولا نهايات... وخرابيط وكلام فاضي..

زوجتك إذا تبي تصلح الأمور تصلحها بالعقل زي كل الناس..وإنت أخبر كيف لازم يكون الصلح وش هو قدر أمك عندك... وهالمرة ماتتصلح الأمور إلا بحضور أمها وأبوها..

شالوا عيالي الأكل وجابوا تونة وخبز وتغدينا.. لأني رفضت أحد ياكل منه...والوقت تأخل صار عصر مع طول الحوارات وقفلت المطاعم..
أنا انفعلت مرة وزعلت من ولدي لأني حسيت قدري عنده صحن رز منها بدون اعتذار ولا أي اعتبار..

يوم الأحد بعد صلاة العشاء طلع عندي ولدي وجايب أخوانه وأبوه معه (حماية له مني(
فجعني منظرهم وهم داخلين علي كلهم دفعة واحدة قلت ياااا الله خير هالدخلة.. ضحكوا وقالوا مافي إلا الخير..

ولدي الكبير قال : (فلانة زوجة ولدي فلان) بتزورك بكرة مع أمها وأبوها..
جلس ولدي عند رجولي يترجاني أنسى وأسامح ويوعد بصفحة جديدة..

قلت له خير ان شاء الله..
جات زوجة ولدي مع والدينها.. واتضح لي من كلام الأم والأب إنهم ماكانوا راضين عن الوضع أبدا ولا هم مصدقين بنتهم بكذبتها علي..

اعتذروا هم عن اللي صار واعتذرت متي زوجة ابني وقالت لي إنها ندمانة والشيطان لعب عليها وكانت لحظة غضب ووعدتني إني بشوف التغيير وراح تصير واحدة من بناتي..وإني أمها الثانية..

المهم كان الحوار طويل جدا وحطينا النقاط على الحروف....

اليوم اللي بعده جو أمها وأبوها وأخوانها وأخواتها بعشاهم عندي وجو عندي عيالي وحريمهم... وجابت لي زوجة ولدي طقم ذهب وإسورة وحلفت يمين إنها من مكافآتها حقت الجامعة ولا قرش فيها من فلوس ولدي،،أنا ضحكت منها وقلت لها إنتو واحد مافي فرق بينكم.. قالت لا يمة عشان تعرفين قدرك عندي فوق وإنك زي أمي..

الحمد والشكر لله حمدا وشكرا يليق بجلال وجهه وعظيم سلطانه صبري أثمر.. وربي حسيت كل شي من حولي سعيد وفرحان حتى أثاث البيت حسيته يضحك ... حسيت الألوان تغيرت صارت مبهجة..
والله مدري شقول لكم بس حبيت أشارككم اللي صار. .. كل شي صار فجأة وكل شي صار بسرعة..

يارب ماتجيب الأحزان لبيتنا واصرف عنا شياطين الجن والإنس..

يااااه ! ماشاء الله تبارك الله

والله حسيت بالسعادة وانا أقرأ... ألف مبروك الصلح 💕

الله يجمع شملكم دايما على الخير ويصلح ذات بينكم ويجعلكم على قلب رجل واحد ❤❤

السلام عليكم ورحمة الله وبركاته.

ماشاء الله تبارك الله.

تستحقي ياخالة مكلومة الفرح، سعدت لأجلك جدااااا.

يارب تكونوا دوما أسرة واحدة ويخليهم لك ياخالة ياحنونة .

الحمدلله والله فرحت عشانك

سبحان الله كتبتي قصتك قبل اسبوع او اسبوع ونص ولكم فتره طويله متزاعلين
يمكن دعوات الي قراء قصتك الكل دعاء لك

الف مبرووك يالغاليه الله يرزقك برهم وحسن طاعتهم

وربي يامكلومة ودي ابكي ترى من قرأت قصتك قي مشكلة الأخ وانا والله مارحت من بالي زعلت ان ام الزوج لاسارت طيبة ينداس عليها ولا سارت قوية كل مين يحسب حسابها بس ماشاء الله عليك تصرفك كان رائع ماتنازلت بسهولة وعرفتيهم قيمتك صح وسبحان الله لها ثلاث سنوات مقاطعتك وربي راد تتصالحون بعد ماحطيت مشكلتك لعلها دعوة صالحة جاتك وقتها لأننا كلنا وقتها تأثر .. تصدقي اكثر شسء حزني ولدك واضح انه كان بين نارين الحمدلله اللي ربي فرجها .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

ماشاءالله تبارك الرحمن
عجبني جدا تصرفك كان حكيم وعقلاني
الله بسخرهم لك ويسعدك اكثر واكثر

ماشاء الله احداث روووعه والصلح خير دائماً سبحان الله ..
تأثرت جداً وأنا اقرأ رغم اني مدري وين الموضوع الرئيسي بليز دلوني عليه .. في اي قسم؟

مكلومه:
الله يسعدك ويخلي لك عيالك ويوفقكم دااااائماً ويجمعكم على خير وبالأفراح يارب..

__________________
استغفر الله العظيم وأتوب إليه .. سبحان الله ..الحمد لله.. الله أكبر

الحمد لله على هدايتها ورجعتها لكم
والله يحفظ لك زوجك واولادك ويحفظك لهم

ماشاء الله تبارك الله..الله يوفقكم جميعا

__________________
سبحان الله وبحمده سبحان الله العظيم

وماجزاء الاحسان الا الاحسان
تذكرت هذه الايه وانا اقرا مستجداتك
شكرا لتعليمنا درس جميل
احبك في الله