منتدى عالم الأسرة والمجتمع - جسمي لايتفاعل مع انواع الرجيم اسعفوني جزاكم الله خيرا

منتدى عالم الأسرة والمجتمع (http://www.66n.com/forums/index.php)

- الريجيم والحمية وضبط الوزن (http://www.66n.com/forums/forumdisplay.php?f=120)

السلام عليكم ورحمة الله وبركاته

اول شي يالغاليه وسعي صدرك وتأكدي مافيه شي مستحيل وبنفس الوقت مافيه شي سهل وخصوصاً بنزول الوزن لازم تشدي حيلك شوي عشان ترتاحين بالنهايه
وحطي ابالك هالكلام: ماااااااااااااافيه نظام غذائي بدون رياضه & مااااااااااافيه رياضه بدون نظام غذائي
لاااااابد من وجود هالاثنين عشان يتحقق المطلوب
والله مو مستحيل تنحفين انا اعرف ثلاثه كانت اوزانهم فوق الميه والله بعد ست شهور وصلو للوزن المناسب وكله من النظام الغذائي المتوازن + الرياضه ( كلهم كانو متابعين مع اخصائيه تغذيه واذا كنتي بالسعوديه ممكن ادلك عليها)

* * * * * * * * *
وبالمناسبه هذا نظام غذائي من الدكتور طالب الشمري وهو معروف بدولة الكويت
وصاحبة النظام نزلت 40 كيلو خلال 3 شهور (انا الصراحه ماجربته بس هذا كلامها وهي صادقه ان شاءالله)

الفطور : - نسكافيه + حليب أو كوفي ميت.

الضحى :- يعني اقل شي بينهم ساعه
(1) كاكاو بالمكسرات ( اي نوع مثل سنيكرز + قهوه او شاي أو دايت بيبسي او دايت سفن).
(2) من 2_4 حبات بسكويت أو بقصم أو شابوره + قهوه او شاي أو دايت.
(3) 2 توست + جبنه او لبنه + طماط وخيار + قهوه او شاي او دايت.
(4)عصير غير محلى او 1 - 2 حبة فاكهه.

الغداء : - سلطه أو تبوله + دايت بيبسي أو سفن مع الاختيارات التاليه :-
(1)صحن مشويات او صدر دجاج أو من1-2 همبرجر أو سمك.
(2) من 3 - 10 ملاعق رز ( عيش ) + قطعة لحم أو دجاج أو سمك.
(3) وجبه سريعه بدون مايونيز + شبس صغير + دايت بيبسي .
(4) بطاطه مشويه.
(5) خضار سوتيه.

المغرب تقريبا الساعه 7 : - اي نوع قهوه +اختيارات الضحى مع التنسيق = يعني الي تاكلينه الضحى مايتكرر المغرب

العشاء : -
سلطه خيار مع روب
او السلطه اليونانيه تتكون من خس + جبن مبشور + طماط وخيار

وبس
* بالنسبه للخيارات فا تختارين كل يوم اختيار ومو شرط بالترتيب بس اهم شي ماتكريين الخيار يومين ورى بعض.

أشكرك أخي الكريم على نفسيتك المتواضة أشكرك لأنك ترفع من معنوياتي

مشكور على ردك وأعطائي الثقة بنفسي بس أدعو لي بالتوفيق

والله مالي عرفانة أختي الكريمة كيف أشكرك لك جزيل الشكر على معلوماتك القيمة

لاداعي ياحبيبتي للأعتذار

شكرا لك أختي الكريمة

أود أن أشكر كل من الأخوة والأخوات الكرام على نصاثحهم القيمة ومرورهم الكريم لكم جزيل الشكر

اقتباس:

المشاركة الأصلية كتبت بواسطة فاتن 2

مافي شي مستحيل مع الارادة .... صدقيني

انا بعد الحمل والولادة استسلمت لزيادة الوزن سنة وانا انتظر حصول معجزة تنقص من وزني دون جهد
لكن هالشي (((( مستحيل )))) ولازم نتعب شوي عشان نحقق هدفنا
التزمت بحمية خمس شهور نزلت خلالها تقريبا 20 كيلو ورجع جسمي احلى من قبل الزواج
ومازلت محافظة على رشاقتي وصدقيني حتى لو تعبتي في البداية لكن بعد ماتحققي هدفك راح تحسي براحة نفسية ورضى وثقة بالنفس وهالشي بيخليك تحاربي حتى مايرجع وزنك يزيد

حبيت اكتب لك عن تجربتي عشان تعطيكي دافع وتتشجعي مثل ماتشجع ناس كثير اعرفهم بعد ماشافوا النتيجة اللي وصلت لها
علما باني لم اكن بدينة او مفرطة
وصل وزني للسبعينات بعد الولادة والان وزني 57 وهو وزن مناسب لطولي 163 سم

قوي عزيمتك وخذي حمية مدروسة من عند الطبيب واتبعيها واستعيني بالله ولاتستعجلي النتائج وبتحققي هدفك باذن الله

اختي العزيزة
انا ماره بنفس المشكلة بعد الولادة وزني ما نقص شئ حبيت اعرف بالتفصيل منك طريقة الحمية التي اتبعتيها ارجووووووووووووووك فانا بصراحة اتعقدت من وزنيوتكوني مشكورة