|
حسبي الله و نعم الوكيل فيه
مش عارفه أقولك إيه ،، لكن و الله عصرت قلبي من الألم حسبي الله و نعم الوكيل فيهم قولي (اللهم أؤجرني في مصيبتي و اخلفني خيراً منها) و ربنا على الظالم ربنا يعوض عليك إن شاء الله بالخير لكن إنت استحملي شوية و اصبري ، صدقيني إن شاء الله ربنا هيفرجها قريب ، لكن ده بس امتحان من عند ربنا بيختبر فيه صبرك و بعد كده هتشوفي الخير اللي ربنا إن شاء الله هيجازيك بيه معلش خففي على نفسك و هونيها تهون و خليك فاكرة قول الله تعالى (إنما يوف الصابرون أجرهم بغير حساب) و مش تقنطي و لا تيئسي من رحمة الله إن شاء الله المرحلة دي مش هتكون أكتر من عنق الزجاجة و إن شاء الله كل شئ بعد كده هيكون أحسن من اللي بتتمنيه ربنا يكرمك بكل خير إن شاء الله |
اقتباس:
احسن انا اعصابي مل يوم بتتحرق في اليوم ميت مرة تحسي انك في عراك مع شيطان مش انسان والمثل بيقول يا فرعون ايه فرعنك..... حسبي الله عليه هو وكيلي وان شاء الله ربنا يرد كيده عليه |
شوفي حبيبتي بوبو..
الشغل شغل.. و المرؤوس لازم يلتزم بأوامر الرئيس.. صح؟ الاختلاف بينك و بين هذا الزميل .. يجب أن لا يمس العمل بأي ناحيه من النواحي.. أدري صعب بس إنت لازم تضغطين على نفسج.. زين .. إنت ليش اعتبرتي تصرف المدير ظلم؟.. يمكن إهو يبي يوفق بينكم.. يعني يزيل الخلاف.. يمكن إذا انت سألت زميلك عن الملف و بأسلوب راق جدا و عملي و بعيد عن المشاحنات و الخصوصيه .. يمكن زميلك يعتذر .. يعني لا تفرضين سوء النيه دائما.. يمكن فيه نية حسنه من المدير.. و الله أعلم بالنوايا.. صح بوبو؟؟ و بالنسبه للعمل.. أعلم كم هو صعب إيجاد وظيفه و في مكان محترم.. و لكن تذكري أن الأرزاق بيد الله .. و أيقني بعدد ذرات الكون أنه الذي خلقك لن ينساك.. و إنه القادر على أي شيء و كل شيء.. يعني لا تيأسي.. تفاءلي بالخير دوما.. و البنسبه للصديقات و الزميلات .. لا بأس عليك.. كفاك أنك مع الله فهو حسبك و نعم الوكيل.. |
اقتباس:
والله ما حبيت ازعجك او ازعج اخواتي واخواني الفترة الي مضت وقولت كفاية كل واحد عنده الي مكفيه بس حبيت اقولك اني محتاجة لدعواتكم كلكم الحال لسى قائم على ما هو عليه والمدير ضغط عليه وعلى نفسيتي دعواتكم بان ربنا يفكنى مما انا فيه يارب الله لا يحرمني منكم |
انا قرات مشكلتك منالاول وجميع التعليقات وردك عليها وحسيت انك مكبره الموضوع000 انا اسفه انا لااستهزء بمشاعرك اطلاقا فنحن جميعآ نجد داخلنا امور مرفوضه ويراها الاخرين عاديه بس خلاص القلب قفل من ناحيتها انا فهماكي كويس جدا وحاسه بيكي لاني مثلك فانا لو زعلت من احد لااحب ان اسمع اسمه او تاتي سيرته امامي لاان اراه كل يوم في وجهي زي العمل الردي0000
الموضوع واخد عندك جانب نفسي 00 انا براي ان تاخذي اجازه لو امكن وتريحي اعصابك وراجعي نفسك ولا تخليه ينتصر عليكي ابدآ خليكي قويييييييييييييييييييييه جدآآآآآآآآآآآآآآآآآآآآآآ لان صاحبة حق وعلى فكره من الواضح انك سريعة الاستفزاز وهو عارف دا فيكي وعارف ازاي يستغله ضدك ويثير اعصابك فما تخليه ينتصر عليكي ولا تعطيه اكبر من حجمه انتي اكبر من كده بكتيييييييييير 00 تجاهليه تمامآ وكأنه مش موجود ممكن تتعبي في الاول بس مع الوقت حتتعودي وترتاحي الله معاكي ويوفقك لكل الخير والسعاده |
اقتباس:
اختي العزيزة شكرا على ردك بس دعيني اوضح ليكي امر انا اكون مكبره الموضوع لو بقالوا شهر ولا اتنين ولا ثلاثة لكن انا بقالي اكثر من سنة ونصف وذي ما وضحت وانك قريتي كل الردود بتعتي اني لولا احتياجي للوظيفة لكنت تركتها من اول مشكلة وكنت ارتحت الله يعلم اد ايه الشخص ده اذاني وتعبني في نفسيتي وفي حاجات كتييير تانية انا لم احكيها لاني اريد احتساب اجري فيها عند الله انا والحمدلله معروف عني الصبر واني رزينة وده من اراء الناس فيه ولا ازكي نفسي على الله بالنسبة للاستفزاز تخيلي انتى لو بتشتغلى مع واحد همه الاول والاخير انه يدمرك لو فكرتي انك تتركي المكان وذي مقالي قبل كده لو انتي مش ليه مش لغيري وتموتي احسن كل ده وتقولي مكبره المشكلة انا والله استحملت بلاوي ومحتسبة اجري عند الله انا بدعي في كل وقت وفي قيام الليل ربنا يخلصني على خير ودعواتكم ليه جزاك الله خيرا |
حبيبتي بوبو ، انا لسة راجعة المنتدى بعد ابتعاد طويل لان كان عندي ظروف كثيرة ، ولكن ألمني جدا وضعك
بصي يا ستي بالنسبة 1. الموظف: أولا واضح أن شخصيته غير سوية ثانيا: قد يكون في صراع في الشغل ، نحن لا نعلمه ، كأن يكون يخاف أن تأخذي شغله مثلا أو مركز (غيرة يعني) وتزيد عند هذا النوع من الرجال إذا كان من موظفة امرأة ثالثا: رفضك له يجننه ولا يستطيع اخفاء هذا الشعور ، فيظهره بهذه الطريقة 2. المدير : في احتمالين الأول: إنه يكون مضحوك عليه من هذا الموظف وبالتالي هو شايف إن الموضوع بسيط ويهمه انكم تكونوا كويسين وده اللي وصله من هذا الموظف الثاني: انه يعيش بسياسة فرق تسد ، والنوع ده أنا مجرباه ، الله يعينك عليه 3. انت : طبعا أنت مشاعرك رقيقة وده مش عيب ولا حرام ليه بتزعلي لو حد قالك كدة سنة ونص مش قليل بالنسبة لناس وبالنسبة لناس تانية عادي ، يعني اللي متزوجة واحد زي كدة ومستحملاه تعمل إيه يا بوبو كل شيء نسبي ، إحنا إيماننا و تجاربنا وشخصيتنا هي اللي بتكبر الموضوع أو تصغره ، وتأكدي إن كل يوم بيمر مع مشكلة ولو كانت صغيرة جدا بتكبر عقلك وقلبك ، انت في اختبار من اختبارات الله اصبري وصابري ، أنا عارفة احساسك (انا صابرة اهه ومستحملة لكن لغاية امتى) لغاية أقصى شيء ممكن ، بعدها ربنا هايقولك ، خلاص نجحت في الاختبار ، صدقيني الموضوع مش موضوع وقت سنة ، اتنين ، ثلاثة ، الموضوع انت من جوة بتكبري قد إيه ، إنت من جوة زاد إيمانك قد إيه في بيت شعر درسته في أيام الكلية بيقول a sadder and a wiser man he rose the morrow morn معناه الضمني إن الواحد بيصحى كل يوم أكثر حزنا من التجارب التي مضت عليه ولكنه يكون أيضا أكثر حكمة ، رب أتنا الحكمة فإنك لا تؤت الحكمة إلا من تشاء بوبو ، انت فكري واختاري ، الشغل بمشاكله وثوابه ، ولا القعاد في البيت بمشاكلها وبرضه ثوابها ،،، ابعدي عن الصورة شوية علشان تشوفيها ، خدي أجازة ولو يومين ، أحيانا نكون قريبين جدا من الصورة حتى أننا لا نراها ،،،، ابدأي طبعا في البحث عن وظيفة أخرى ، لا تنسي شركات الوظائف عن طريق الانترنت ، والله لا يضيع أجر من أحسن عملا، في دعاء مجرب والله ، كان عندي مدير الكل كان بيحذرني منه ومن عصبيته أول ما اشتغلت معاه ، والله بعد استعمالي هذا الدعاء صار مثل البلسم ، حتى أن الكل يتساءل ماذا فعلت في هذا الرجل ، قولي كلما رأيته " يا مالك يوم الدين ، إياك نعبد وإياك نستعين " جربيه وادعيلي، سهل حفظه ولكن في الموقف قد تنسي أن تقوليه حاولي ألا تنسي ، قوليه وكل قلبك يقوله ، في نصيحه أخيرة ، كلما كان عصبي ، كلما لا تردي ، كلما تكوني أنت هادئة ومبتسمة ، حاولي أرجوك ، بمعنى أوضح "اعملي ودن من طين وودن من عجين" الله يصبرك وينصرك |
اقتباس:
ياه يا حبيبة قلبي يا قهوة والله وحشاني جدا جدا جدا من كل قلبي فينك الفترة دي من رمضان :25: والله فكرت اعمل اعلان في المنتدى يا جماعة محدش شاف قهوة مغلية:24: بعدين اقترحت من فترة على الادارة نبعت ايميل للناس الي بتغيب فترة نطمن عليهم كلامك عسول وجميل ويهدي القلب شكرا جدا على الدعاء وجزاك الله الف الف خير بس لازم نعرف ايه الي حصل واختفيتي ليه انا والله في هم وكرب كبييير ياربيت تدعيلي وانا فعلا بحاول على كل مواقع التوظيف والجرائد بس لسه ربنا مأذنش دعواتك يا حبيبتي دعواتك ليه الف الف حمد الله على السلامة |
والله وانت كمان وحشاني جدا جدا ، كنت ساعات أفتح المنتدى أقرأ بسرعة جدا وأمشي
الله يسلمك ، أنا كنت في مرحلة حل المشاكل اللي بيني وبين زوجي وكنت تقريبا سأتطلق ولكن بدأ الأمر يهدأ، نقلت لبيت جديد وطبعا لن تتخيلي مرحلة العزال ، سبت شغلي في سبيل أولادي ، حاجات كتيره ، هاحكيها لكم جميعا ، لكن للأسف مش دلوقتي . |
اقتباس:
حبيبتي قهوة انت فعلا حللتي بطريقة ممتازة شخصية الشخص الي معايا بطريقة تصف سلوكه: هو كما قلتي: واضح أن شخصيته غير سوية وكمان هو: ثالثا: رفضك له يجننه ولا يستطيع اخفاء هذا الشعور ، فيظهره بهذه الطريقة اما المدير فما شاء الله عليكي هو بذبط: الثاني: انه يعيش بسياسة فرق تسد ، والنوع ده أنا مجرباه ، الله يعينك عليه والله كانك معايا والله يبعدني عنه يارب بسرعة اما انا فلا انكر اني من النوع الرقيق الحساس لكن مع الشخصيتين دول خلاص بتجنن انا بحمد الله اني لم اقع في شراك الشخص ده وتجوزته والا كنت زماني يا اما مقتولة او في مستشفى الامراض العقلية وكما قلتي فانا صحيح انكسرت جامد في الموضوع ده واتبهدلت وشوفت المر لكن يارب يكون ده في ميزان حساناتي ولو ده تكفير لذنوب في الدنيا ارحم من عذاب الاخره انا فعلا اتغيرت كتييير بعد الموضوع ده بس كمان مشاعري اتجمدت ومش عارفة اذاي بعد المشاكل الي مريت بيها دي ممكن احب اي انسان في المستقبل او ابادل اي انسان مشاعر الحب والحنان الانسان ده خلاني اكره نفسي في كتير من الاحيان انا كلي ايمان بالله وبدعي ربنا في الليل والفجر وربنا يستجاب يا رب والقيام وادعيلي ربنا يهديني ويهدي بالي __________________________________________________ __ اولا مبروك على المنزل الجديد وربنا يجعله قدم السعد والهنا عليكي وعلى جوزك وعيالك خير قلقتيني على موضوع جوزك وفي انتظار موضوعك في اقرب وقت ابقي دايما طمنيني عليكي واوعي تتاخري كده تاني |
| الساعة الآن 04:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©