طبعا الجواب باين من عنوانه

امس قلتلكم على الموقف الي بمر به يوميا واليوم بنفجر

الحل الوحيد اني استقيل من العمل بالرغم من بعد كده بصير في الشارع والله اعلم ايه الي بيحصلي

بس خلاص مش قادرة الموضوع زاد عن حده واتهنت اهانة فظيعة لا يستحملها بشر

لو اتحملت لا اما اروح مستشفى المجانين او سكتة قلبية

اتكلمت مع المدير وقلتله بس عاوز يعرف السبب وانا مش حقدر اقوله

يا جماعة اعمل ايه

والله الشارع ارحم وكل مرة الي يصبرني اني اقول لا اصبري علشان حاروح فين واجي منين بس

خلالالالالالالاص

__________________
والدي الحبيب

اشتقت إليــــــك

الله يساعدك ويكون بعونك ياليت تحطين رابط المشكله علشان تكتمل الصوره

المشكلة اني بستحمل واضع على قلبي ونفسي حجر من شخصية معي في العمل

شخصية قاسيت منها مر القسوة والمتني وجرحتني وطعتني وذبحتني

كنت كل يوم اقول اليوم بستقيل لكن اخاف واقول لقمة عيشي اروح فين

بس خلاص طفح الكيل وخلاص انا بشر ومش قادرة استحمل اكتر من كده

بس انا خايفة الان اني ارجع اقعد في البيت وخصوصا ان والدي لو عرف ما راح يستحمل

وهو كمان بيمر بمشاكل وخايفة يحصله حاجة بسببي

انا بين نارين

اعمل ايه يا جماعة...اعمل ايه قولولي

__________________
والدي الحبيب

اشتقت إليــــــك

اختي هدي من روعج واذكري الله

ارتاحي انتي شوي الحين اخذي اجازه كم يوم ترتاحين فيهاا

امه سالفة تستغيلين صبري شوي عليها

وهدي قلبج ومن مضايقج من الموضفين ابي اعرف

وشنو الي مضايقج وبهدوء ولا تردين اله تقولين لا اله الا الله وبعدين ردي

عشان نتعمق في الموضوع

بنتضارك

__________________

لا اله الا الله

اخي الكريم والدتي تقول لي افتكري اباك واهدي ولا تتسرعي بس انا والله

مش متسرعة انا بقالي اكتر من سنة ونص وانا صبره على بلاء وهم وغم وشخصية لا تطاق

كل يوم في جدال ومشاكل واقول معليش انت محتاجة للعمل لكن اليوم فاض بي الكيل

اخي

__________________
والدي الحبيب

اشتقت إليــــــك

معليش حبيبتي إتركي النت وروحي صلي ركعتين وإقرأي سورة يس

بعدين تعالي فضفضي لان ما نقدر نفهم شيئ وانت بهذه الحاله رجاء إتركي النت الان

لا حول و لا قوة إلا بالله

أختي الفاضلة: استفسار بسيط ، الشخصية اللي انت مدايقة منها مش ينفع تتجنبيها ؟؟ و لا ليها عمل مباشر معاك ؟؟؟
كمان هل هيه شخصيه أعلى منك في السلم الوظيفي أم أقل ؟؟؟

اهدي يا بوبو و استغفري و إن شاء الله كل مشكلة و ليها حل ، لكن حاولي تهدي علشان مش تتصرفي بطريقه غلط و ترجعي تندمي

هدي نفسك و إن شاء الله ربنا معاك و إن شاء الله يهديك للحل الصواب

و مش تقلقي كلنا جنبك حاولي بس تتكلمي و تفهمينا الموضوع على قد ما تقدري

__________________

	[blink]"و اصبر حتى يحكم الله و هو خير الحاكمين"[/blink]

الحكاية ان زميل معي في العمل من يوم ما اشتغلت وهو بيعاملني بجنون وعصبية

شوية يكون كويس وشوية يتجنن وانا مستحملة ومرت الايام انا بستحمل

عصبي لدرجة الجنون واذا به يوم من الايام يعترف لي انه بيحبني وانه بيتعصب عليه علشان بيغير عليه

طبعا في الوقت ده انا قلت في نفسي استحاله بتجوزه لانه من جنسية مختلفة وكمان لقلة صلاته

وعصبيته وجنونه الي لو اتكلمت عنه تشيب له راس

لكن مع مرور الوقت وانغلاقي في الغربة على نفسي ولا احد بيشوفني (من البيت للعمل ومن العمل للبيت) بدات

اغير رايي وقلت ليه لا بدل ما العمر يجري ونفسي اشوف ليه بيبي واتجوز ذي كل صحباتي

__________________
والدي الحبيب

اشتقت إليــــــك

وفعلا تحدثت مع اهلي وحاولت اقنعهم ولما هما كمان شافوا الوضع الي انا فيه قالوا اما نشوفه

اتقابلنا مع اهله وحسينا انهم ناس محترمه ولكن انا ووالديه واخوتي كانوا حسين بمرارة وكل واحد مخبي على

التاني

ماما بعد كده قلتلي لما الموضوع انتهى اني بشوفك امورة وجميلة وكل شاب يتمناك وكنت مستخسراكي فيه

والمهم راح سافر شهر ورجع ولاقيته كدب كدبه خظيرة انه لا يستطيع الزواج لانه لن يكون الزوج المناسب

طبعا انا انهرت في الوقت لاني بعد ما ضغطت على نفسي يحصل منه كده! هو الي يعمل كده!

المهم بعد كده ارتضيت بقضاء الله وحمدته ونور ليه بصيرته وشفت اني كنت حعيش في جحيم معاه وكان

ممكن يموتني او يدخلني مستشفى الامراض العصيبة ولو اني فعلا حسة اني بدخلها من الي مريت بيه

طبعا انا بحكلكم باختصار شديد لاني شفت منه على مدار سنة ونصف والا الان هوائل ومصائب

بحاول اسعى ان اتنقل من المكان ده لكن مش لاقيه فرصة وربنا ما اذنش

المهم انه كل ما يسمع اني ممكن اتزوج حد غيره او حد يتقدملي يتجنن ويعمل تصرفات جنونية ويتعصب عليه

وانا بحاول اوقفه عند حده لكن لما بيزيد بالكلام مش بقدر ونفسيتي بتنهار واقول حسبي الله ونعم الوكيل

وفي رمضان اتقدم لي عريس وقولت خلاص بطلع من الهم والغم ولكن لم يحصل نصيب لانه مدخن وانا حطيت

الموضوع هنا في المنتدى انه كان عاوز واحده ياخد كل مرتبها وكان طماع

مش عارفه ليه مليش حظ مع ان كل من شافني يقولي لي ليه متزوجتيش للان والناس بتستغرب

بس المشكلة ذي ما قولت مفيش حد بيشوفني

المهم انه عرف وانا بتكلم مع اهلي بالتليفون بموضوع العريس الي جالي وسود حياتي

عذاب فظيع وجنون محدش ممكن يشوفه والله احس اني برتجف وانا بكلمكم

اكيد ربنا له حكمة في الى انا بمر بيه ويارب يكون في ميزان

حسناتي لكن الان انا وصلت لانهيار عصبي و

ذهقت من الدنيا وعاوزه ارتاح من العذاب

لو استقلت بكون في الشارع واهلي بيتعبوا ولو قعدت بموت كل يوم وكل لحظة

اعمل ايه

امانة تدعولي احسن انا حسه اني بموت

__________________
والدي الحبيب

اشتقت إليــــــك

لا تتركوني وحدي وقولولي اعمل ايه

__________________
والدي الحبيب

اشتقت إليــــــك