|
اختي غرشوبه حيااااك ... انا طلع الشيب براسي وانا اقول بس مافي فايده ... وسالفه نومها هنا
حلها اخوي الله يحفظه ... نامت ببيت زوجها لكن الحين مشكله ادعائها للمرض المتكرر حتى على زوجها انا مابيها تهدم بيتها لكن هي مو فاهمه هالشي ... نورتي اختي تسلمين ... هموووم |
يا عزيزتي يا هموم..انت على ما يبدو قرأتي ردي بشكل سريع و ما انتبهتي ... اللي اقوله .. انك انت و واحد من اخوانك او اخواتك اللي فاهمين الوضع.. تروحون عند دكتور نفسي و تشرحون الوضع له ، و هذا بدون ما تكون اختك(صاحبة الموضوع) موجوده يعني انتو روحوا من غير هي ما تعرف اشرحوا للدكتور الوضع كله.... احكوا له قصة حياتها .. تصرفاتها في المواقف المختلفه... و تصرفاتها اللي الحين مضايقتكم و خلوه هو يعلمكم كيف لازم تتعاملون معها هي و زوجها بس طبعا لازم يكون دكتور كويس... مو حي الله فهمتي علي يا قلبي؟ |
أختي هند ... أقرأي رد لي هنا ... وديناها قبل مرتين وقالو مافيها شي !!!
عالعموم ... حنا هالايام هاذي نوديها لشيخ يقرأ عليها ولازالت على حالها ... دايم بطني .. فيني سكر فيني ضغط ... عندي التهاب ومدري ايش وهي راحت قبل امس عند دكتوره انا رحت لها قبل وتعالجت والحمدلله خفيت ... وهي جت تقول لي الدكتوره ماتعرف ... رديت عليها انا وقلت ( يعني كل الي هنا يقولون انك طيبه ومافيك شي وكلهم غلطانيين يعني ؟؟؟ ) لكنها ماردت علي ... واليوم عالفطور تقول لأخوي هات الدوا الي عندك .. مع العلم انه اخوي عنده الربو وادويته غير لكنها تبيهم عناد علشان تمرض ... وانا عارفتها انها كذابه لانها مااتاكل شي ابدا وتقول بطني يعورني ودايخه بالله يعني مو هبال !! طبيعي الي ماياكل شي اكثر من يوم يتعب لكنها تبي تتعب صدق الله يهديها ... هموووم |
الله يعينكم اختي هموم اعتقد اختك هذي تعاني من حاله نفسيه او مثل ماتقول فيها مس وهو االي يتكلم على لسانهاويخليها تتصرف هالتصرفات ودوها لشيخ يقرى عليها وقولي لها لاتدعين المرض لانه لو مرضتي وصرتي طريحت الفراش بتعرفي معنى الصحه والعافيه الله يشفيها يارب
|
اختي قمر وديناها ومااافيها شي ابدا ... تسلمين ...
هموووم |
يا هموم يا قلبي.. انت مافهمتي علي اختك لا تروح للدكتور النفسي... انت و الوالد أو احد من اخوانك روحوا للدكتور و احكوا له كل شي تجلسون مع الدكتور و تحكون له كل شي عنها و تفهمونه شخصيتها من كانت صغيره و كيف لما تزوجت و ايش التغيرات إذا كان فيه تغيرات.. تحكون له عن ادعاءها للمرض و نومها عندكم في البيت هي و زوجها.. يعني تحكون له كل شي بس انتو من غير هي ما تروح معكم ... و يفضل دكتور غير اللي اخذتوها له اتوقع وجود الوالد او الوالده مهم.. علشان يعطون الدكتور خلفيه عن طفولتها لأنها مرحله مهمه أتمنى تكون فكرتي واضحه |
اقتباس:
لكي يعطيكم الدكتور خطة علاجية تمشون عليها أنتم لكي تستطيعون بها ردها إلى جادة الصواب مع الزمن . هي تعاني من نقص والدكتور بمشيئة الله تعالى سيرشدكم كيف تكملون النقص الموجود في شخصيتها . |
اختي هند ... اخي في الله ..
اعرض هالرأي على اخوي واشوف كيف ... بس ان شاء الله تجيب نتيجه .. حبيت اوضح شي ... هي بهالفتره دايم تفكر بالانجاب لانها لها سنتين ونص ولا حملت والسبب زوجها عنده ضعف بحركه الحيوانات المنويه لانه زارع كلى وياخذ ادويه تاثر عليه ... من البدايه وقبل ماتوافق عليه حنا قلنا لها بكل شي وشرحنا لها وقالت بصبر وباخذ نصيبي .. لكنها الحين تشتكي من الوحده ... وقلنا لها حنا الحين انتي الي رضيتي فيه والحين جايه تشتكي من الوحده وتتحسري على الاولاد!! تفكر هالايام بالانفصال الله يهديها مع انها مالها حق لانها هي عارفه كل شي قبل زواجها منه.. ووافقت عليه ..والحين ندمت !!! الله يهديها ... هموووم |
الله يعينك يا اختي ويهدي اختك
اغتمني العشر الاواخر بالدعاء عل وعسى ان يشفيها الله والله يا اختي من كلامك على حالتها مدري اضحك مدري ابكي كاسره خاطري احسها هي بذات نفسها مو عارفه وش تبي من الدنيا من اول كان موقفي منها سلبي بس الحين لا وما اعتقد انسان بكامل قواه يجيب لنفسه الغثا والمشاكل والنكد الله يشفيها عاجلا غير اجل اختك بالله جينز |
اختي جينز ... تسلمين والله ... هي الي تبيه الاهتمام الزايد عن اللزوم وقالتها ... الله يهديها بس
هموووم |
| الساعة الآن 06:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©