السلام عليكم ورحمه الله وبركاته ..

مساء_صباح .. الخير

بدخل بالموضوع على طول ... لكن بعطيكم شويه معلومات عن اختي وزوجها ...

زوج اختي عنده الكلى ... زارع كلى من 3 او 4 سنوات تقريبا ... عمره 40 سنه .. واختي عمرها 29 ...

ماعندها اولاد ...

وزوج اختي عنده ضعف في حركه الحيوانات المنويه ... طبعا اختي متزوجه من سنتين ونص تقريبا ...

مواصفات اختي ... عصبيه كثثير لدرجه انه ماعندها مانع تجرحك وتقول ماسويت شي ... تفهم الامور

عكس ... الصح تفهمه غلط ...

تطلع كثير ولو زوجها مايطلعها لو لبيت الجيران قالت بتطلق.. اذا صار عندنا سوء فهم وهواش تكذب وتزيد

بالكلام بعدها تقول انا ماقلت!!

نجي لزوجها ... ضعيف شخصيه جدا ... متطفل ... بعطيكم مثل .. لو عرف انه اختي الكبيره طلعت مع انها

طالعه مع زوجها...يجي يسئل امي ليش طلعت ومتى بترجع ... واذا تاخرت ليش تاخرت كنها زوجها... واذا

رجعت وش جابت .. وبكم ... وليش ماشرت من النوع الثاني...

ادري اني طولت بدخل بالسالفه ...

من شهر تقريبا اختي صار عندها التهاب بالمعده ... هي زودتها شويه .. تجلس تصارخ وتقول بموت ... جت

البيت ونامت وجابت زوجها كالعاده عندنا ينام مع العلم بيتهم بالمشي تاخذ لها 5 دقايق بس ماهو بعيد

ابدا ... جلست شهر تقريبا وهي تقول مريضه ... وللعلم انه زوجها نايم عندنا شهر معاها ... وبيتنا صغير

مافيه غرفه زياده غير مجلس واحد ... هاذي المشكله الاولى ... والمشكله الثانيه .. زوجها مايحترم احد ...

يعني يروح بين الصاله المجلس ماكأنه في بنات غير زوجته بالبيت ... هي زودتها مافي احد يمرض ولا

يشفى ... انا صارحتها وقلت لها مو معقوله للحين مريضه...

قالت لي الحين انا مو مريضه .. انا الحين فيني مس !!!؟؟ انا استغربت منها كيف فيك مس ولا احد حاس

فيكي ابدا ... تقول انا احس ..

مع اني ادري وكل اهلي انها تمثل ... اختي فيها مشكله من زمان ... تموت بشي اسمه اهتمام زايد عن

اللزوم ... يعني مثل ماقالت لي قبل .. انا لو اقول آهـ من الالم ماشوفكم حولي ... هي تقول حتى لو زوجي

معاي بالغرفه تعالو لي ... حتى ابوي الله يحفظه قال لها ... اذا زوجك معاك وش تبينا نسوي ... حتى انها

تقول انتو ماتزوروني في بيتي ... انا بقولكم شي ... حنا كرهنا نزورها لانه زوجها يجلس معانا في الصاله او

المجلس ... وحنا نطفش وحنا مغطيين وجهنا ولابسين عباياتنا نبغى ناخذ راحتنا ... ولمن قلنا لها قالت

مافيها شي عادي هاذا زوجي وين تبونه يجلس ... مع انه حنا جالسين بالمجلس الي برى عندهم وش

يجيبه !!!

الحين انا قلت لها الي فيه مس مايصير عاقل كذا زي مانتي جالسه عاديه ... تدرون انها بنفس الليله سوت

نفسها مجنونه وانها ماتدري وش تقول ... وقالت بعد انها مو حابه زوجها باللقاء الخاص فيهم ... وحتى

زوجها مادري شفيه تصرفاته تصرفات طفل ماكانه رجال يعني...

لو تمرض لو زكام يقول لها انا خايف انك مريضه دقي على ابوك خليه يجي ياخذك ... بقولكم مثل ...

ليله من اليالي دقت على وهي تصارخ ... لحقيني بموت ... وزوجي مو قادر يسوق حتى ... دقيت انا على

خطيبي ورحنا لها ...

طلعنا من بيتهم الا وزوجها راح سيارته وساق السياره ووصل بيتنا قبل ودخل المجلس وقال لأمي هاتي

فراش علشان انام هنا !!

اقول لها كيف تقولي زوجك مو قارد وهو الحين ساق السياره ... ولا جاوبتني ابدا ظلت ساكته ...

ادري طولت ... اخر موقف اليوم قبل الفطور ... راحت لوحده ساحره تقول علشان تفك السحر الي مسووينه

لها ... مع انها مافيها شي حتى تدق على خواتي المتزوجات وعلى اخوي المتزوج تقول له وديني دكتور

نفسي ... وتقول انها ساكنها جن ...

تحب الاهتمام الزايد ... يعني حتى تقول تعالو نامو معاي ببيتي حتى لو زوجي هناك ... واذا مو جايين انا

بنام وراح اجيب زوجي ينام معاي ... الحين الجيران استغربو سئلو ابوي ليش زوج بنتك نايم ببيتكم وش

السالفه وانتو ماعنكم مكان وهو وين ينام ؟؟

الحين صار لها تقريبا شهر ونص نايمه هي وزوجها عندنا ... انا صارحتها انه نومه زوجها باليت غلط لانهم مو

بمدينه ثانيه حتى نعذرهم ونقول عادي نخليهم ينامو علشان مشوار الطريق... بين بيتنا وبيتهم 5 دقايق

بس .. ومشي بعد ... جلست تبكي ... وسوت نفسها مجنونه ... وقالت قلبها يدق بسرعه ... على فكره

نسيت اقول انها اي مرض يصيب معارفنا تقول فيها ... سكري وقالت فيها كبد وقالت فيها طحال وقالت فيها

مراراه وقالت فيها الزايده وقالت فيها الكلى وقالت فيها واخر شي قالت فيها الغده ... كل هاذا علشان

نهتم فيها اكثر واكثر وعلى فكره هي سوت تحاليل شامله مافيها اي شي ...والحين هي من مستشفى

لمستشفى وكلهم يقولون مافيك شي ابدا ....

بعد ماقالت انه قلبها يدق بسرعه .. وحملتني مسؤليه وقالت اذا دخل فيني جن من سببك ؟؟؟؟ كل هذا

علشان قلت لها ترى من استمرض مرض ... الحين امي وابوي مايقدرون يقولون لهم روحو بيتكم لانه زوج

اختي فضيحه بيقول للناس طردني عمي ...

ابغى حل ياناس لـ ادعائها للمرض .. كيف نتعامل معاها اذا سوت نفسها مريضه ... ولا تقولون ماهي

مريضه ... انا سويت شي طليت عليها مره وهي ماشافتني ... جالسه تطالع التلفزيون ... وتضحك

وفرحانه ... دخلت عليها فجأه حطت يدها على قلبها تقول تعبانه قلبي يعورني ترى بموت !!!!!!!!!


الي عنده حل يقول لي ... والي ماعنده حل يدعي لها بالهدايه ...


اختكم ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

مافكرتي تقنعينها تروح لعيادة نفسية ؟

الله يكون في عونها يـارب ويشفيها .

راحت ياختي لعياده نفسيه ... تدري الدكتور قال ليش جايبينها هنا مافيها اي شي ...

الي فيها انها تحب الاهتمام الزايد عن اللزوم ...

تسلمين اختي غاليه ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

يالله الله يعينكم والله

يعني تقدرين تقولين اختك وزوجها وافق شن طبقه

طيب اختك كانت محرومه من طفولتها ؟؟

اعتقد محتاجه مريض نفسي

وزوجها غريب اطوار انسان سلبي وغير مسؤول

مالكم الا الدعاء

طيب اهل زوج اختك وينهم من الموضوع ؟؟؟؟؟؟؟؟؟؟؟؟؟؟؟؟؟

يعني ليه ما يقولون لولدهم نومتك ببيت اهل زوجتك عيب وخطأ ؟؟

__________________

اختي ماهي محرومه من شي ابدا ... زيها زينا ... الي كان يصير علينا يصير عليها ...

اهله يدرون عنه انه ببيتنا ... حتى اذا احتاجوه بشي يعرفون انه عندنا ... ويجونه البيت على طول ...

يعطيك العافيه اختي ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

عندي لكم طريقه حلوه وهي انكم تطنشونها ولا كأنها موجوده في البيت

اتفقوا انتي مع اخواتك انكم ماتردون عليها اذا تكلمت وهي اكيد بتحس بنفسها مع اني احس انها فيها خلل نفسي الله يشفيها ويهديها

وبالنسبه لزوجها يبي له كلمه من العيار الثقيل تخليه يستحي شوي

خلي واحد من اخوانك يلمح له انه طول عندكم وان البنات يبون ياخذون راحتهم في البيت يمكن يحس شوي

الله يسعدكم ويفرج لكم من اختكم وزوجها

امس عالفطور حقرناها ... قالت انها ماتشوف ... بس محد رد عليها ... بعدها راحت الصاله بحالها ...

وجلست تغير التلفزيون من محطه لمحطه ؟؟؟ انا قلت لأمي هاذي الي ماتشوف ؟؟؟ وبعدها صارت تسولف

وتضحك !!!

وبالنسبه لزوجها اخوي البارحه كلمه ..البارحه مانام بالبيت لكني احسها فتره وراح ترجع ريما لعادتها القديمه

كالعاده ...

يعطيك العافيه اختي ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

الله يعينكم استهبال واستخفاف وكله السبب من اختك المفروض ابوك وامك يدقمونها بكلمتين توصل عظمها وبتمشي عدل ومع الاسف الزوج كمل الناقص الله يعينكم قمة السخافة هي مستانسة وتضايقكم الله يفرج عليكم يارب ويهديها هي وزوجها .

__________________
((رب اجعلني مباركا حيثما كنت.))

السلام عليكم ورحمة الله وبركاته...
أختي هموم....أنا مع الاخت(هند)...
وصحيح أنها وزوجها يستهبلون عليكم...لكن مجرد تصرفها بهذه الطريقه وتأليف القصص المستمر معناته أنها عندها خلل نفسي...يجب أن يعالج..حتى اذا مارزقها الله بأطفال تعرف كيف تربيهم...
لكن بالنسبه لمبينهم المستمر عندكم... فهل هم غير مرتاحون بمنزلهم؟
يعني المفروض لو زوجها عاقل ولم يكن بها مايستدعي المبيت عند أهلها أن زوجها يهددها..أو يطنشها ولا يسأل فيها لغاية ماترجع وتعرف قيمة البيت.
ممكن أحد من اخوانك يتكلم معاه بهذا الخصوص ويفهمه أن مو عاجبه وضع أخته وهي غير مستقره في منزلها ومع زوجها يعني ممكن يدخل له من باب كف كلام الناس ...
شكله ضعيف شخصيه ومطاوعها بكل شي...وهي الله يشفيها لاني أعتقد أنها تحتاج لعلاج والله أعلم
وتحتاج لتصرف حازم وسريع يضا...الله يفرجها عليكم ويريح بالكم .
وآسف للاطاله.

__________________