(وبشر الصلبرين ) اختي في ظلمة هذي المحنة والكربة ابشرك ان الفرج قريب جدا منك لان الفرج يولد من رحم الكربة , فاستعيني بالله واصبري , اشعر ان ساعة الفرج حانت وزوجك سيرجع لك افضل من السابق وهذا الموقف قد يكون لصالحكما , ان شاء الله سيخرج زوجك من عزلته وترجع علاقتك افضل من السابق بأذنه تعالى . اعلم ان الي سواه مو سهل عليك خصوصا انك تحملتي غلطته بس اصبري عشان اولادك وعشان نفسك لانك تحبيه , مهما صار بينكم انت تحبيه وربما هذي اول مرة يمد يده عليك لذلك اذا اعتذر منك سامحية لانه مسكين عايش صراع مع الحياة والحرمة اقوى من الرجل وعندها قدرة على امتصاص المشاكل والتكيف معها ! جرحك مب سهل بس وكلي امرك لله والله مارح يضيعك الله !

لا تتخذي قرار ساعة غضب..
لا أطلب منكِ أن تكوني قويّة لأن هذا أمر جبلي قد لا تُمكنين منه لكن أطلب منك أن تهدأي حتى يستقرّ بالك ويستريح حالك ثمّ اتخذي ما ترينه أنسب لحياتكما.. لا شكّ أنه أخطأ ولا شكّ انك ضحيّة هذا الخطأ لكن الحياة الزوجية لا يجب أن تنهار عند أوّل هزّه ولا تسقط في المطب الأول.

أخوك.

أنا مستغربة منك يادلوعة
ماشاء الله موظفة وعندك أطفال وعلشان مشكلة زوجية تدعين على نفسك بالموت
تقطعين عملك الصالح وتحرمين أولادك من حنانك علشان زوجك أخطى
رغم أن أخطاؤه كثيرة وكبيرة لكن أبدا مايبرر انك تدعين على نفسك
للأسف انتي للآن ماتعلمتي تحبين نفسك مثل مازوجك يحب نفسه
ماتعلمتي أن تضحياتك دائما بالمكان الخطأ
فكري زين بحياتك
انتي وش تحبين تكونين بعد سنة وبعد عشر سنوات؟ إذا الله عطاك عمر
صحيح الصبر مطلوب بس بالاشياء اللي مانقدر نغيرها
بس واقع بيدنا نغيره ليش نجلس نندب حضنا ونبكي
أنت بحاجة تلتفتين لنفسك أكثر من حاجة زوجك لك اللي بكل موضوع تنزل لك توصيات عليه
لاتنتظرين من أحد يراعيك إذا أنت مو مراعية نفسك
أعيد وأكرر الزوج مو أول ولا آخر الدنيا علشان تدعين على نفسك بالموت علشانه
أرسمي حياتك اللي تريحك من غير ماتلتفتي لكلام أحد المهم راحتك وبس

ليلة البارحه كانت ليله حزينه ومتعبه بالنسبه لي ولطفلتي انتظرت حتى جاء الصباح ورحت لأهلي
والدتي لما شافتني زرتها بهذا الوقت انفجعت قالت خير يابنتي فيكم شي قلت امي ممكن تفضوا لي غرفتي عشان احتاجها
قالت ليش بتجين هنا وقتها انهرت وبكيت وقلت امي انا تعبانه قالت صاير بينك وبين زوجك شي
قلت ايوه وطفح بي الكيل يا امي انا لي فتره تعبانه وكنت اكتم واسكت وامشي بس البارح مد يده علي ليه انا صابره علي ومتحملته راتبي وفلوسي كلها تحت تصرفه وخبرت امي عن المبلغ اللي سحبه مني بدون علمي وتبادلنا حديث طويل حول هذا الموضوع
وبالاخر قالت معليش يابنتي انا استقبلك عندي وقت ماتكوني انتي وزوجك متصافين لكن تجيني زعلانه من زوجك تجلسي عندنا ما نستقبلك قلت راح اجلس هنا وهذا بيت ابوي الله يرحمه ولي حق فيه ومن حقي اجلس وقت ما احب قالت بس ماعندنا بنات يتزاعلون مع ازواجهم و يجون يباتوا في بيت اهاليهم سامحينا
رجعت بيتي وانا خاطري مكسور


آآآآآآآآآآآآآآآآآآآآآآآآآآآه

لعلها خيره .. لا تحتكي بزوجك .. انتظري ..
الله يفرج همك يارب ..
والله هلت دموعي ... انتي اصبري وصلي اخر الليل اوقبل الفجر وادعي
اذا حبيتي رجعي لبيت اهلك ... خلي احد يكلم الوالده ويقنعها يعني اخوك او اختك
احنا معاك بقلوبنا والله ..

طبعآ انا لما زرت امي كانت عندها اختي وانهرت امامهم وشكيت لهم حالي
اختي تعاطفت معي وخنقتها العبره على حالي وكلمت امي بس امي قاطعتها وقالت لاتتدخلي
وناقشتني امي ببعض الامور طبعآ الحت تعرف اللي حاصل وليه صار وضعنا كذا كلمتها عن انه سحب مبلغ كبير بدون علمي ولم اخبرها بأي شيء يخص خيانته لي ولاحتى في نيتي ان اخبرهم وقلت لها اني طلبت فلوسي منه وقال ماعندي اصبري علي وبعد ما الحيت عليه اني ماراح اصبر قال اتنازل لك عن نصيبي بالبيت وقلت انا ابغى حقي فقط واتفقنا انه يعطيني الربع ورحنا المحكمه والشيخ رفض الا بوجود احد محارمي ليتعرف بي واجلنا الموضوع وحتى الان ماصار شي
قالت امي لاتاخذي نصيبه بالبيت وهذا زوجك وابو اولادك وخليه يعطيك اياها اقساط قلت مستحيل ماراح يلتزم
واختي مقهوره من زوجي وسحبه للمبلغ بدون اذني ودار حديث طويل بيننا