شكله مريض نفسي الله يشفيه ولا يبتلينا -اتوقع الطلاق افضل حل لوضعك وانتي براحتك

السلام عليكم ورحمة الله
تخيلوا بعد مكالمته بيوم العيد ماعد كلمني والان اتصل عليه علشان ابي اتواصل معاه علشان يرسلي اغراضي واطلب الانفصال يعطيني حظر شكله فاصل جواله بالله انسان مثل هذا كيف يتفاهم معاه وانا ماابغى ارسل عليه احد من اخواني لايفكر اني بجري وراه بس غلطتي لمن قالي متى تبي الطلاق قلت له متى مانت طفشت وماتبغاني على ذمتك الاخ صدق وسابني كذا بدون تواصل مع انه قبل مااسافر سألني سبتي صورك قلت بعضها وسكت بعدها قال لاخذيها كلها اخاف احن ؟؟؟؟؟ولمن وصلني المطار سألني اخذتي جوازك قلت ايوه وسرح ياناس قمت التناقض كله ملخبط وانا بصراحة ماابغى شوشرةة علشان كذا لجأت للموقع كل الي اتمناه اعيش بسلام حتى لو انفصلت حابه انفصل بسلام

[COLOR="Blue"]كل عام والجميع بالف خير

عزيزتي كان الله في عونك وياليت توضحين كيف علاقته مع ربه وكيف صلاته

وبخصوص انك تقولين صعب انفصل بدون سبب ..الحين الله يهداك كل عيوبه هذي والذل والمهانه وتقولين بدون سبب...واستغرب انه اهله مايدرون عن زواجه ..وانه مقاطع اهله وعاق بامه وانتي تقولين من اتاكم من ترضون دينه وخلقه طيب وين الدين والخلق الي رضيتوا فيه وهو عاق بامه وقاطع لاهله على اي اساس وافقتوا ..
هذي مشكلة اغلب البشر يرمون انفسهم الى التهلكه بدون تفكير ويقولون نصيب المفروض الشخص يفكر ويشغل مخه قبل لاياخذ نصيبه..

واهم شي انتبهي من الحمل.../COLOR]

قالي اسمعي ياامساك بمعروف او تسريح باحسان وانتي روحي لبيت اهلك قلت اذارحت بتكون مرتاح فال ايوه ولاحياة المذله والمهانه الي معيشك

يعني هو مقتنع انو معيشك بذل اعتقد عنده حاله نفسيه كلمي اخوه طالما عاقل بس على مااظن صعب العيشه معاه وانتي بدون عيال كدا اجل لو جبتي

استخيري وربنا يطتبلك اللي فيه الخير

السلام عليكم ورحمة الله وبركاته
حياكم الله اخوتي واشكرلكم تجاوبكم معي وارائكم الي ارى فيها الفائدة الكبيرة لي والي شجعتني ورفعت من معنوياتي جعله الله جميع ماكتبتم في ميزان حسناتكم
اما بالنسبة لاخي الفاضل / ابو مريم راح استمع لنصحك واتروى واعتبرها اجازة زوجية مزعجة لان من الصعب جالس ع اعصابك وموعارف ايش مصيرك مع انسان منت عارف ايش بيفكر .........
اما اختي /ليه الغرور
أما بالنسبة لسؤالك كيف علاقته مع ربه وكيف صلاته ؟
علاقته بربه علاقه عادية يؤدي فروضة لاافراط ولاتفريط بس بعد زواجنا اقترحت عليه كماهو تجري العادة ان نذهب نؤدي العمرة كمايفعل اغلب العرسان وعلشان ربي يطرح البركة رفض ؟؟؟؟؟
اما بالنسبة لصلاته الحق يقال فهومحافظ عليها
أماوبخصوص اني بتقول صعب انفصل بدون سبب ..والي قصدته ان اهلي لايعرفون انا ليه جايه عندهم وفكرهم اني جايه عندهم علشان عملي ماحسستهم انه فيه شئ بيني وبين زوجي ولاانا اكيد عارفه السبب أما ان اهله مايدرون عن زواجه لاهم عرفوا..بعد ماملك لانه كان مخبي عليهم لانه بعيد عن المكان الي ساكنيين فيه وانه مايبي يكلف عليهم
ومن كلامه انه مقاطع اهله وعاق بامه وانتي تقولين من اتاكم من ترضون دينه وخلقه طيب وين الدين والخلق الي رضيتوا فيه وهو عاق بامه وقاطع لاهله على اي اساس وافقتوا ..
موافقه الاعل جات على اساس الي سألهم مااعطوهم الكلام الصح لاني ماعرفت ه المعلومات الا بعد الزواج ولاقبل الزواج سبحان الله كامل مكمل طبعا مطلعينه للسما ولكن قدرالله وماشاء فعل الدين موجود لكن الخلق مدحوه بس معاملة الناس غير معاملة زوجته سبحان الله
هذي مشكلة اغلب البشر يرمون انفسهم الى التهلكه ؟؟؟؟؟الله يسامحك على كلمة رميته النفس انا موقليلة علشان ارمي نفسي لكن هذاالي صار اوقات الانسان يكون حريص وحذر لكن مايستفيد شئ منه ولكن الحمدلله
اما بالنسبة للحمل مااعتقد لانه ماجلي نهائي بعد الاسبوع الاول من الزواج شكرة لك ماكتبي يجزاك الجنه

سبحان الله زوجك ذكرنى باخى المريض نفسى الى تزوج وطلق بعد اسبوع نفس اعراض وتصرفات اخى بس الفرق نحن بلغنا الزوجة ومع ذلك الواقع اصعب بكثير
الله يكون فى عونك

السلام عليكم ورحمة الله وبركاته
حياكم الله اخوتي واشكرلكم تجاوبكم معي وارائكم الي ارى فيها الفائدة الكبيرة لي ولغيري والي شجعتني ورفعت من معنوياتي جعله الله في موازين حسناتكم
امابالنسبة لاختي/ مدلعه حبيبها موالمشكله انه عارف هذاالشئ وبالعكس هذا دليل انه متعمد هذاالشئ وكأنه اسلوب تنفير علشان انفر واهج منه او انه اثبات لنفسه انه رجل ويحق له التصرف كيفمايشاء فيك وان شاء الله بحاول اكلم اخوه واتمنى انه يتجاوب معاه شاكره لك تجاوبك
أما اخي الفاضل / عمران والذي قرأت ماكتبت اكثر من عشر مرات لاحساسي بأنك قرأت معاناتي بامعان وحللتها تحليل منطقي من وجه نظر احترمها واقدرهاجدا جع الله ذلك في ميزان حسناتك اما بالنسبة للحب فأعتقد ن وأد من اول وهله خاصة انه تعامل معاه باسلوب القمع فأنا الان لااكن له اي مشاعر سوى مشاعر التعاطف معاه لاني اشعر انه وحيد واتمنى ان احد من اهله يتجاوب معي ويعالجوه فعلا انصدمت وماتوقعت هذالتغير خاصة وانه بنى لي جسور من الاحلام وانه هو الوحيد الذي يستحقني .........لكن هيهات هيهات فعلا هو كئيب وانا بطبعي فرفوش واضحك اغلب الوقت لكن تدريجيا قربت تتلاشى ضحكتي حتى اني كنت متفأله فقلت له ان شاء الله تتحول حياتك الى بسمه وضحك فقال مدري مين الي بيأثر في الثاني ياناس مايضحك الا مع اصحابه والغرباء اماانا ماالي الي العبوس حتى لمن يجي من برى واستقبلة بابتسامه في الاول يجاملني وبعدين صار يتجاهل ابتسامتي ...........والمشكله في زوجاته السابقات انه يقول هو الي مايبيهم وهم الي ماهم عاجباته ؟ واهله يؤكدوا ذلك انه هو الي مايبي زوجاته لانهم يكلمونهم وانهن يبكين لايرغبن الطلاق وهو يطلقهن وانه هوالي كان يطلقهن دون سبب غير انهن لايعجبنه في اشكالهن وتصرفاتهن لكن ماادري عدم رغبته بهم بارادته او خارج عن ارادته الله واعلم
والي اتمناه فعلا ان الله يقيض له من يعالجه العلاج الروحاني أو العلاج النفساني
اما بالنسبة لحلك فهو بعين الاعتبار وجزاك الله خيرافي كل كلمه خطيتها يمناك
ربي يسعدكم ويوفقكم دنيا واخره