|
ابتسامة زوجي لي اجمل هدية..ووجوده ايضا
والتقديم المعنوي اجمل واجمل ..( في نظري ) ممكن يكون الزوج زي ما بتقولي مو جاي في باله اهداء الزوجة يعني غير مدرك او رايحه عن باله هالفكرة ان شاء الله بتغرقي بالهدايا من زوجك ..بس لاتفكري بانه الهدية كفيله بالمحبه فقط هناك اشياء اهم واغلى |
اقتباس:
سلمت يداك اختي الكريمة اعجبتني هذه النصائح الممزوجة بالمعلومات المفيدة والأدلة الدينية بالفعل الهدية لها مفعول سحري على الطرف الآخر خاصة النساء للافضل طبعا فنحمد الله على وجود الهديا في حياتنا تحياتي |
اقتباس:
وعليكم السلام ورحمة الله وبركاته نعم هي تهاديني ولا تقطعني بالهدية ابدا ً ... واعترف لا يمر شهر واحد بدون ان تهديني هدية.... الهدايا مستواهم متفاوت ولكن بالنسبة لي قيمات حتى وان كانت عود كبريت ... بالطبع اي هديه على حسابي لانها غير موظفة واعترف بان هداياي لها لاتمثل ولا نص بالمية من هداياها لي ..... ولكني اعبر لها عن امتناني وعظيم شكري لها على هديتها بعكسها هي ... التي تاخذ هديتي بصمت وتقول ماهي زينه هديتك .... |
هدايا ؟؟؟؟
احم احم ... انا جديده بالمنتدى الرائع ... مع انو كنت من الزوار اليوميين لهذا المنتدى ... بس بصراحه اللي خلاني اسجل هو ذا الموضوع .. موضوع هدايا الزوج :( انا بصراحه فقدت الامل من سالفة الهدايا :25: زوجي ماادري شلون يفكر في ذا الموضوع ... مافهمته لما اقوله عن قيمة الهديه من الزوج يقول انا اوديك افخم الاسواق واشتريلك اغلى الملابس وملحقاتها هذا مايكفي ..:29: لما يقول كذا اقول ادري بس مهما كان الهديه لها قيمتها ... مع انو انا كل فتره اجيبلوه هديه واقول يمكن يستحي على وجهه ويهديني بس لاحياه :23: لذلك حلفت ماعاد يشووووووووووووووووووووووف مني هديه بشووووووف يتسنع او لا ... بس بصراحه احسن لي بعد توفيييييييييير لانو دايم تكلفن الهدايا 1000 ريال وزياده :11: امـــي اولى فيها :25: واسفه ع الاطاله بس بذات ذا الموضوع يقهررررررررررررررررررررررني ........ تحياتي
|
اعجبني بقوة رد اختي اطياف بارك الله فيك ..
تعليقي عالموضوع بالنسبة لي واي امراة في العالم تحب ان تهدى ومن الزوج بالذات وكنت في السابق اعاني من زوجي مع الهدايا وكان اذا لمحت بشي انه مثلا ناقصني الشي الفلاني ابغاه على طول ياللا اوديك السوق وجيبي اللي تبغيه هذا في رايه انه يهديني ,, لكن جات في بالي فكرة وقلت مافي قدامه الا هذا الحل يمكن يفيد واذا مافاد خلاص بافقد الامل .. اول شي بما اني مو موظفة فجلست اجمع من المصروف اللي يعطيني لين جمعت مبلغ محترم واشتريت له هدية حلوة وبصراحة كانت اول مرة اهديه وخليتها ليوم ذكرى زواجنا وعملت له ليلة حلوة وقدمت له الهدية تفاجا مررررررررررة مو مصدق .. وجلس مبحلق ,,من وين,, وكيف ,, وليه ,, وايش المناسبة قلت له بمناسبة مرور ثمان سنوات على زواجنا صحيح مو نفس التاريخ بس لازم ناخر او نقدم يوم عشان نتجنب البدع في الدين قاللي صح اول مرة تسويها .. قلت له ايش رايك في الهدية قال والله فرحتيني واحس انها اغلى هدية تجيني كفاية انها اول هدية منك قلت له شفت كيف فرحت بالهدية انا كمان احب انك تهديني وافرح فيها زيك بالضبط ابغى هدايا منك وعلى ذوقك مو لازم انا اللي اروح السوق واختار حتى لو وردة لها معنى كبير عندي .. والحمد لله جابت نتيجة وصار بمناسبة وبدون مناسبة يهديني ولما تكون بسيطة يقدمها مع اعتذار بالظروف بس مو مهم اهم شي اني وصلت للي ابغاه .. وعشان ما اظلمه كان بس يجيب لي هدية في ولاداتي في كل ولادة قطعة ذهب عشان كذا خلفت 7 ويش رايكم ازيد هههههههههههههههههههه |
اقتباس:
الله يزيد ويبارك ويجعلهم بارين وصالحين ما اعرف ظروفكم ولا قابليتك علتربيه لانه التربيه تكون من يكبر الاولاد ويعدو مرحله ال7 سنوات لانه الي قبلها كلها لعب وضحك و بعدها يبدا الجد :23: |
اقتباس:
صحيح هيه مقصره بالشكر لكن انت كريم وهي تستاهل زوجتك و ام اولادك البدوي من شيمه الكرم من غير ما ينتظر المقابل اختنا جناين ورد وزوجتك وانا ايضا نبحث و نرى و نتعب و احنا نرى الهديه المناسبه و الي يحتاجها ازواجنا فتكون لها اثرها بلنفس فتكون فعلا صدمه ما بعدها صدمه ان تاتي هديه الزوج من غير تعب و بحث ولا اعداد ولا تغليف يعني حتى لو ورده وحده و مغلفه بعنايه مع كلمتين حلوين و العنايه بوقت وطريقه التقديم حتجد كلمات الامتنان التي تنتظرها تطير من عينها و من ابتسامتها |
هلا فيك اختي
مشكورة على الاطراء والذي اتمنى ان استحقه .... القضية ليست قضية اني انتظر مقابل .. فانا اقوم بما تمليه علي المسؤولية تجاه عائلتي ... لكن الزوج بشكل عام انسان ذو مشاعر واحاسيس يبحث عن كلمه حلوة تقدر مايقوم به تجاه الزوجه .. والا بناتي فانا اقدم لهن بدون حدود ولا انتظر المقابل الا من الله سبحانه .... وعلى العموم ام البنات تستحق الكثير حتى لو لم تقل شكرا ً ، وتستحق عمري هديه لها حتى وان قالت ماهو زين .... تحياتي اختي الكريمة |
| الساعة الآن 12:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©