|
خلاااص بعد كلام آستاذتي سيدة الموقف نقوول بي باااي للوسوسه ..
نفذ كلامهــا وبترتــاااح نفسيا مع اني من اللحين بقولك انها حلوووه لانها طلعت بدون ميك آب .. .. وآنا نفس الشي يآستاذتي .. لازم انا في الواجهه وآختار لهم . مع اني صغيره على الشي هذا .<<< ورررررطــــه بجد .. |
هههههههههههههههه
خل عنك الوساوس وانا اختك يكفيك انها طلعت بدون ميك اب وهذا دليل انها ما تبي تغشك وحيائها وش قلت كمان نسيت وما فيني ارجع اقرا ايوووه وتمسكها فيك لما التحاليل مدري ايش>> صدق اني مخي ضارب الموهم انها هاذيك السالفه واولا واخيرا الجمال يروح مع الايام عليك بالاخلاق والطباع لانها هي اللي بتدوم دامك ارتحت بعد الاستخاره وهي كمان ارفس الشيطان رفسه توديه القطب الشمالي وخلاص الله يوفقكم ويسعدكم |
ماقريت مشكلتك كاملة ولا قريت الردود
بس بقولك قصة وحده اعرفها الله يذكرها بالخير كلها ملح ورجلها ودك تصوره وتخوف فيه البزران تالي الليل لاعيوا ينامون:d المهم هالشيفة ذا ماخذ مقلب بعمره انه زين:25: مادري من لاعب عليه ويخرفنونه البنات عشانه مقرقش ويرقصونه ويقولوله انه وسيم وهو يصدق:22: ويالله كل ماطق عود عود وتهاوش مع مرته قام يقول لها احمدي ربك اني خذتك:29: ومن هالحكي الزبدة شوف الرابط هذا وبعدين اشور عليك وش تسوي بمشكلتك http://www.youtube.com/watch?v=uX9oj52KLBU اهم شيء اللي يقول للمذيع اذكر الله لاتنظلني :d اشك انه يشبه واحد مسنتر هنا :25: |
مستقبل غامض
ووالله جبتييييييييييييها و من جد قويييييييييييييية و تناسب صاحب الموضوع :P عاد اكثر شي احبه في زوجي الصراحة، انه دائماً يتريق على نفسه و يحط تعليقات حلوة على نفسه .. لانه مو حلو تشوفي رجال جالس يمدح بحاله ؟ من جد المقطع ضحكني، مافي ولا واحد منهم وسيم و كل واحد شايف حاله قمر .. الله يعين حريمهم عليهم، :P* |
افاااا اجل طلعت ماعندي ماعند جدتي
ياالله .. انا .. انا كنت ضايع .. انا كنت تايه .. حسيت اني امشي في ظلام وفيه شوية ضباب كذا على لون ازرق < سالفة حسيت الدنيا دارت فيني .. كنت اظن نفسي كوز تروم مدري شسمه كنت .. وكنت وكنت ولكن .. اصطدمت بالواقع المر .. والحمدلله مافي اصابات ياجماعة الخير مو موضوعنا اني وسيم والا لا , لان هالامر محسوم يعني ولا قد تعاملت مع بنات ابد, كل المدايح من الزملاء والاصدقاء وحتى الزملاء الجدد في العمل خلاص لحد يسوي سالفة ويضحك علي تراني اتحطم الموضوع اني هالشي خلاني اغتر شوي واطلب جمال اكثر واطمع بالمزيد وجيتكم اقول مشكلتي عسى واحد يعني يعدل تفكيري ويساعدني .. قولوا كلام قولوا شي يغير قناعتي الله يصلحكم ياالشعب السعودي ياحبكم للتطنز تدرون الشرهة مي عليكم والا خلاص خلاص الشرهة عليكم, سامحتكم ذي المرة الله يبارك فيكم وسعتوا صدري وجاري الرد على الاخوات اللي شرفوني بنصايحهموكلامهم اللي ريحني وبرضه تشرفت باللي قعدوا يضحكون علي , والله وناسة اثر البنات ينكتون وكذا حركات |
مستقبل غامض
الله يسعدك ع ذا الرابط والله فكيت خنقتي ههههههههه ويا صاحب الموضوع اعقلها و توكل كل البنات حلوين ^_^ |
مستقبل حرااااام علييك
وربي نزلت دموووعي من كثر ماضحكت .. أمـا أجمل رجل في العالم هذي لحالها تعجبنــي الثقــه بصرااحه ههههه .. |
كانت ماسكة يد امي !
يوووه يالبيه تو كنت اسولف مع امي وقالت لي اول مادخلت انت مسكت هي يدي وشدت عليها تو تعلمني تعلمني امي وتحسبني ادري وانا توني ادري منها الحين مادريت عنها والله هي ماتعرف امي بس قبل الشوفة بيومين وديتها لها وهذي معرفتها بها ووقت الشوفة مسكت يد امي من الخوف او الحياء او ماادري وشهو لكن الزبدة خلااااااص انا ضعت والله غثيت امي عشان نقطة مسكة اليد ذي يالبيه ياناااس يوووه ياويلي ويلاه وين اروح علموني |
يا أخي انت حيرتنا ........الأعضاء ما قصروا معاك وكلهم مجمعين على انت تتوكل وتتزوجها وربي يبارك لكم ما أدري ما هو اللي متردد منه..؟ أظن إنك من حبك لها تريد تسولف معنا هنا لكي نذكّرك بها .. عادي بنعطيك اللي تبي ...........بس لازم تتوكل عليها خلنا نفرح معاك عسى الرد عاجبك .بس لا تزعل |
والله ياخي الشيطان حريص على المسلم حتى لدرجة انه يصيبه بالتفكير اللي يحزنه
مجرد حزن المسلم هو فرح وسعادة له يقول تعالى انما النجوى من الشيطان ليحزن الذين امنوا فحزن المؤمن من اهداف ابليس بحسب الاية انا جيت هنا لاني ماقدرت ادافع هالتفكير وقلت هذا الكلام في ردود سابقة احتجت توقفون معي بالكلام وماقصرتوا صراحة مثل ماقلت ياعزيزي المتفائل والحقيقة اشكركم جميعا كل واحد رد علي هنا وكذلك الاخت صاحبة التجربة , سيدة الموقف ابد مازعلني ردك حبيبي وابي منكم الدعاء لي لان اكيد وقت الملكة بشوف بالدليل القاطع اللي يدحر ابليس تحياتي لكم |
| الساعة الآن 02:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©