منتدى عالم الأسرة والمجتمع

اقتباس:

المشاركة الأصلية كتبت بواسطة ومين اختار (المشاركة 3114960)

بدون مقدمات هذي مو مزحةانا ضميري يأنبني لأني صرت أكره أبوي و أتمنى له الموت تكفون اسمعونيمحتاج نصيحتكم مالي غيركم ابث له همومي انا رجل عمري 29 سنة ماني متزوج والسبب ابوي اما عن ابوي عمره 70 سنة

بقولكم قصتي من البداية أنا يتيم ..ماتت امي و عمري 4 سنين أبوي هو اللي رباني وكان لي الأم و الأب و ما قصر معي و اعترف بهالشي لكنه من كم سنة تردت حالته الصحية و صاير طريح الفراش مشاكله الصحية كثرت و صار ما يتحرك و يحتاج عناية حاولت اسهر على راحته ... يوم .يومين ...اسبوع ....اسبوعين لكن مليت ...مليت ...مليت ماصارت و الله ... كل شوي يبيله احد يعطيه دواه أو يضربه ابره ... صرت كني ممرضة ...

تكفون افهموني... ادري بتقولون بر الوالدين و هالكلام ... لكن صدقوني لو انتو في مكاني بتملون ... و المصيبة يا اخوان (سامحني ياربي ) المصيبة اني بديت اكره و صار صوته يستفزني... خصوصا اذا صرخت بوجهه و سوا نفسه طيب و قال (احبك يا وليدي مهما سويت فيني) احس انه يسوي نفسه طيب يبيني ارحمه الصراحة (سامحني ياربي سامحني ) ...احس انه يمثل و يسوي نفسه مسكين عشان ارحمه

والله محتار محتاااااااااااااااار اليوم بالذات انبني ضميري لاني مديت يدي عليه لأول مرة بحياتي استفزني صوت كحته و وناته ...قلتله اسكت و ما سكت شته برجلي على كلاه ليت رجلي انكسرت قبل اشوته و ندمت على اللي سويته... لكن ما اضمن اني امد يدي او رجلي عليه صرت اكرهه احس انه ممل و بثر و مستفز و ضميري يأنبني اكثر و أكثر تكفون تكفون قبل تحكمون علي حاولوا تفهموني و تنصحوني

أولا.. الحمدلله الذي عافاني مما ابتلاك به وفضلني على كثير من الناس

ثانيا.. ما أدري أعلق على عقوقك لوالدك أو على خبث نيتك وسوء ظنك بوالدك لما تقول "احس انه يسوي نفسه طيب يبيني ارحمه" و "احس انه يمثل و يسوي نفسه مسكين" أو على السبب يلي ضربت والدك عشانه لأنه فقط كان يكح ويون أو على وقاحتك وقبح مافي قلبك لما تقول "ما اضمن اني امد يدي او رجلي عليه"

أقشعر بدني من هذا الموضوع وجلست كم يوم ماعندي كلام أرد فيه على موضوعك لكن قررت اني بدل ما أدعي عليك أدعي لك ان الله عزوجل يهديك ويردك إلى صوابك ويوفقك لبر أبوك خصوصا انه ما قصر معك وكان لك الأب والأم بعد وفاة والدتك.. يا اخي فيه أبناء ينجلدون من آباءهم ويذوقون الويل منهم ومع ذلك يجتهدون في برهم فما بالك بأبوك اللي ماقصر معك وتحملك وانت وصغير وانت كبير بعد يقولك (احبك يا وليدي مهما سويت فيني) فديته الله يرفع عنه ويجزاه الجنة