|
الصراحه انا ما ادري هم ثقه ومن اهل الصلاح لكن يقولون ان فيه ناس يوفقون بين راغبي الواج واخاف انا منهم. يعني برايك اتصل عليهم بعد الا تكال على الله . والله اني اعتبرك اخ. فلا تبخل علي ولا تتضايق من اسألتي. التي تبدو غبيه.
|
بالعكس يا أختي أنا ما أرضى لك إلا بالشئ اللي أرضاه لنفسي وأهلي توكلي على الله وإتصلي عليهم و راح يتعاونوا معك والإخوة والأخوات هنا في خدمتك وخدمة كل مسلم ومسلمة |
انا واثقه منكم لكن قلت يمكن انك تجاملني انت والاخت حديث الوقت وتعطوني رايكم على اساس الرحمه .
انا بحاول اني اتكلم معهم طبعا عن طريق صديقتي وليس مباشر لاني ما اجرأ. واشوف واشكرك اخوي على تحملك لي وبرجعلكم ان شا لله اخذ رايك وراي الاخت حديث الوقت. |
أختي نوال أنتِ تفكرين في مشروع الزواج ،،، والخطابة .،،، في الوقت إللي تقولين فية تقدملك شخص قبل 8شهور لكن رفضه أخوك لأنك حطيتي فكرة عدم الزواج في راسة مسبقاً ،،،، ويمنعك الحيا من مصارحة أخوك في رغبتك بالزواج ، وتلجئين للمكاتب الزواج والخطابات بدافع الحيا ... أسمحيلي بما أني أعتبرك أختي ... أنتِ غلطانه كثير ...في الأول والأخير أخوك لازم يعرف سوى بالمشروع أو خطابة أو غيره . يا أختي ماتدرين يمكن البارح تكلم فيك واحد كفؤ لكن أخوك رفضه ( أنا أقول أخوك بالأول لازم يوصلة خبر رغبتك بالزواج لأن يمكن عنده رجل مناسب لك ) بعدين يا أختي مافي أحلى من أن البنت تصارح أختها باللي تتمناه وبأي طريقة مباشره وغير مباشرة الأخت تفهم أختها أكثر ويمكن من خلال أختك توصلين خبر تغير فكرتك لأخوك بسهولة . بعدين أختك من واجبها تفقد أحوالك ومناصحة أخوك باللي تشوفة زين لك ،وكمان مافي أخت ما تبغى أختها تتزوج وتسعد في حياتها ، هي المفروض تقنعك وتنصحك بتغير الفكرة ، أختك المفروض لها دور فعال في البحث عن الزوج المناسب لك . أختي أنتِ مشكلتك بسيطة لكن تصعبينها على نفسك بالخجل والحيا مع أن اليوم البنات بنفوسهم في المتوسطة يصرحون بدون حيا برغبتهم بالزواج تقول وحده عمرها 13 سنه ( ياربي متى أفتك من المدرسة وأتزوج وأرتاح ), . |
أختي الكريمة ما أطرحه هنا من رأي لي ، ليس على سبيل الرحمة أو الشفقة ، ولكن على سبيل الإستشارة لا أقل ولا أكثر ما فيه مجاملة في مثل هذه الأمور |
حديث الوقت انتي كلامك والله قمه في الحكمه وكلام ما عليه غبار لكن انا فعلا الله وحده يعلم اني اخجل من ان اقول لاهلي غيرت راي والله العظيم اخجل لدرجة اني رفضت واحد مناسب فقط من الخجل والا انا مغيره رايي وابي الاستقرار.
بس اش تبيني اقو ل لهم . اختي حاولت تكلمني في الموضوع وسكتها قبل لاتبدء مع اني كنت اتمنى اني اقول موافقه. يعني رايك غير راي الاخ عبد العزيز. الاخ عبدالعزيز رايك يشرفني وانا ما زلت اطلب رايك واستشارتك. |
بالعكس رأي أختي حديث هو الصواب |
يعني رايك من راي حديث الوقت عبد العزيز لا تزود حيرتي.
يعني رايك اعدل عن فكرة الكم مع اهل مشروع الزواج. اما اني اتكلم مع احد من الا خوان او الخوات هذي والله صعبه على نفسي. واخجل مره منها. انا اكلمكم وانا حاسه انكم تقولون عني كلام فكيف با خواتي واهلي اللي يعرفوني. اعذروني بس هذي احاسيسي. وحيرتي اكبر واعمق. وتقولون مشكلتي بسيطه!!! |
نــــــوال :16: يأختي أنا أكتشفت شي جديد من ردك الأخير ...تقولين إنك رفضتي رجل مناسب ( يعني لازال أهلك يستشيرونك وإنتِ اللي ترفضين ) يعني الخاطب اللي بيجي من عند الخطابة أو المشروع بتوافقين علية يوم يستشيرونك فيه عجججججججججججججججججيب أمرك :eek: أختي أنا أشوف المشكلة فيك وليس في غيرك ذبحك هذا الحياء اللي راح يدمر حياتك ومستقبلك ،، شوفي كلنا وأنا زيك نخجل لما أبوي وأمي و أخوي لجا عندي ويقول لي ولد فلان خطبك وشرايك موافقة أصير كذا ....:o:o:o أموت من الخجل لكن أقول لهم موافقة وأهرب لغرفتي أو أدخل الحمام الله يكرمك أتحمم إستعداد لتغير الجديد ------------------------------- أختك بنت زيك وش يخجلك منها هذه ما قدرت أبلعها ... يا أختي أنتِ شكلك من النوع اللي يحب الكبت وهذا مو زين أخرها بتنفجرين . :19: الشي الثاني ( تخيلي يمر عليك الزمن وتقولين أنا ما حرمني من العيش طبيعية زي زي البنات الباقي غير الحيا ) .------------------------------ بعدين تتوقعين إذا جاك عريس عن طريق المشروع أو الخطابة وماراح يسألك أخوك من وين جا وكيف عرف عنا هذا الرجال .:30: وإذا قلتي له راح يقول أخوك ليش ما قلتي لي أنا من الأول .:29: الله يهديك عندك أختك وعندك أخوك وعندك شوية جرئه تنحل مشكلتك للأبد بإذن الله . . |
رأيي هو أنك تكلمي المشروع ، وبعدها كلمي أخوك مباشرة حتى يكون عنده خبر أنك موافقة و راغبة في الزواج كلامي ما يتعارض مع كلام حديث ولكنه مكمل له |
| الساعة الآن 08:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©