|
شكر لك اخت جمانة كلامك صحيح وساعود على ما كنت افعله
|
معليش يا جماعة اعذروني لاني كنت مشغولة مرة الفترة الماضية لكن ما حبيت اني اسيب الموضوع فترة طويلة .. عندي موقفين راح اذكرهم بعد ما ارد على الاخوات
|
اقتباس:
خساارة كان نفسي اعرف ايش كتبتي :( التقنية وما ادراك ما التقنية فعلا تصرفك رااائع مع انه مجرد كاسة عصير بس له تاثير قوي .. يعني تخيلي نفسك راجعة من العمل والجو حار وقرف وتلاقي مين يستقبلك بعصير بارد وبابتسامه وكمان لا تنسي تشغلي المكيف و معطر الجو واضاءه خفيفة .. اكيد التعب راح يزول وكمان انتي كذا بتمتصي غضبه لو جا معصب من العمل .. رهيييبة ... وحركة انك تعملي بنتك تركض لزوجك عجبتني مررة ... لانها راح تعلق البنت في ابوها حابدأ اعودها انا كمان معاكي لانها كانت فايتتني تسلمي على هذي الاضافات الرااائعة تقبلي احتراماتي ولا تنسينا من هذي المشاركات الفتاكه :22: |
اقتباس:
شوفي ياقلبي انتي لازم تكوني ذكية تعرفي متي تعبري عن حبك ومتى تكوني عادي ومتى تزعلي ... بس لو طول الوقت بيكون حب في حب وغزل في غزل الوضع راح يكون ممل وعادي .. لكن اهم حاجة ولازم ما تنسيها انك بتتعاملي بحب .. لكن بذكاء :22: جربي انك تغرقيه بالحب فترة وبعدها خليكي عادي مررة .. هو اكيد يكون مبسوط بس يا انه بيسوي ثقيل يا انه مو عارف كيف يعبرلك عن مشاعره .. حاولي انتي تجّري منه الكلام جرّ مثلا تبغي يقولك احبك اسأليه تحبي ؟ تبغيه يحضنك قبل ما يخرج من البيت قوليله ما تبغي تحضن ؟ خليكي صريحة معاه بس بحب وانتي راح تشوفي الوضع كيف راح يتغير انا صرت أومن بالمقولة الي تقول الحب يصنع المعجزات |
اقتباس:
ممكن تشاركي باللي تبغيه .. لو عندك مواقف تعاملتي فيها بحب ولقيتي لها تاثير ممكن تشاريكنا فيه بالنسبة للروتين انتي لازم تعرفي متى تعبري له ومتى تكوني عادي لانه الوضع لمن يكون غزل في غزل دايما راح يصير الغزل شيء عادي وماله قيمة ... الحب مو بس غزل .. الحب اهتمام ... وكمان مشاعر والدليل في ناس تحبيهم وبدون ما تقوليلهم هما يحسوا بهذا الحب ؟؟ فهمتي قصدي .. وبعض الاحيان الحب يترجم لأفعال ومثل ما قالت ام كريم لانها تحب زوجها وتحس فيه يرجع في الصيف حراان وتعبان تجهزله عصير بارد وتستقبله عند الباب ... مادري هل قدرت اوصلك الفكرة ولالا ؟ اهم شيء انك تتعاملي بحب وبدون تكلف .. وتزيف يعني لمن تكوني مضايقة منه لا تقوليله احبك لانه وقتها يكون تزيف .. واتركي لنفسك العنان عشان تحب وراح تشوفي كيف تترجم ... دمتي بسعادة ياقمر |
اقتباس:
بشرينا عنك .. وعن تجاربك مع الحب .. والله يوفقك انتي كمان ويسعدك دايم .. سعيدة جدا بمداخلتك وتغيرلك للاحسن بتعطووني شجااعة اكمل معاكم .. دمتي بسعادة وحب دايما |
اقتباس:
الحب يصنع المعجزات ... ومافي رد بعد رد الخبيرة ام جمانة على هذي النقطة اقتباس:
دمتي بسعادة يا عزيزتي بعيدة عن الملل والكئابة |
اقتباس:
الله يجزاك انتي الف خير .. شهادتك اعتز فيها وفخورة بتواجد الدايم معانا .. تعرفي اني بجد احترمكم لانه متابعة موضوع ومحاولة تحليله من جميع الجوانب .. بالاضافة الي الرد مرهق نوعا ما .. محاولة إصال الفكرة إلى القاريء مو سهل فجوزيتوا خيرا على هذا المجهود بعدين تعالي ابغااكي في سسر ... عارفة اني اتلهف لقراءة تجربتك الشخصية في اي مداخله لك .. لاني بجد احسك مدرسة استفيد منك في كل كلمة تقوليها سسعيدة جدا بهذي المداخلة وياريت ما تحرمينا غيرها .. اقتباس:
فكرتك او فكرة الوالدة ذكية جدا بس يبغالها صبر وطوولة باال .. يعني ما نتعجل النتائج عشان تنجح رووعة دمتي في سعادة عزيزتي |
راح اغير لون مشاركاتي باللون الارزق عشان افرق بينه وبين الردود على الاخوات :
اليوم حبيت اضيف لكم موقفين كان للحب فيه تاثير قوي .. علاقتي في عمتي "والدة زوجي " اتغيرت بسبب الحب وبصراحة هذا الشيء اسعدني جدا وما توقعت الحب راح ياثير فيه .. زمان كنت اروح عندهم واجلس متكلفة نوعا ما وكمان عمتي الله يهديها لها تصرفات تنرفز صحيح اني ما اعمل منها مشكلة .. بس كنت ما احب اروح لهم كثير لاني اخد في خاطري واسكت .. كنت دائما اقول هيا كذا وما راح اقدر اغيرها فلازم اتقبلها زي ما هي .. ما كنت ابدا انبسط لمن اروح عندهم .. لاني دائما ارجع بشوية ضيقة لا تسمن ولا تغني من جوع يعني ما اسوي منها مشاكل ولا حتى اقولها لزوجي ..لكني ما احب روحاتهم بس بعد ما قررت اني احب واعيش بحب لا شعوريا لقيت مشاعري نحوها اتغيرت .. تفاجأت اني لقيت نفسي باحبها رغم انها مثل ما هيا .. بس صرت احزن عليها واحاول دايم التمسلها الاعذار ليش هيا بتسوي كذا واقول في خاطري عقليتها كذا ولا ازعل ولا شيء .. وكمان احاول دايم اني اسويلها الشيء اللي يسعدها مهما كان تافه وبسيط .. الانسان لمن يكون بيحب بيكون سعيد فيحاول دايم انه يسعد الي حولينه الآن ما صرت استثقل روحاتي عندهم .. ولاني عارفة اني لازم اروح وواجب علي زيارتهم صرت احاول اسعد نفسي بنفسي ... وهذا كله انا صرت اسويه لاني احب زوجي وكل ما اشوفها اقول يكفي انها جابتلي هالكائن الطيووب :) وتتغير النفسية عندي ====> ياجمااعة حبووا صدقووني الحب يصنع المعجزاات الموقف الثاني الي احب اني اشاركم فيه هيا المضاربة في الحب .. صحيح احنا بنحب بس مو معنااته انه حياتنا كلها عسل في عسل لازم شوية منغصات الله لا يكثرها .. مو يقول الزعل ملح الحياة ! الاسبوع الي فات اضاربت مع زوجي وهيا اول مضاربة فعلية بعد الحب :( قبل الحب كنا لو اضاربنا اتذكر كل السيئات ولا افتكر له حاجة اجابية .. واجلس احطم فيه بيني وبين نفسي ولا شعوريا احس نفسي ما احبووه لكن دحين غير .. مع انه اضاربنا بس لا شعوريا احس اني التمسله الاعذار .. هو سوا كذا اكيد مو قصده بس لانه كان كذا حتى لو اجلس مضايقة واتذكر بعض السيئات لكن بعدها على طول تجي الحسنات وابتسامه رضا داخليه .. يعني انتو لمن تحبووا غصب عنكم راح تلتمسوا الاعذار مو هو دا حبيبكم ... ؟ مع اني احبووه بس ما رحت صالحته ... هو جا الي صالحني لانه هو الغلطان ... هذا دليل انه حتى في الحب في مضاربات .. بس اضاربوا بحب ====> كيف تجي ماعرف انتو جربوا في حاجات ما تنفع تنقال ولا حتى تتوصف ... اهم شيء انكم تحبوا بشفافية وبدون تكلف لان التكلف والتنميق يرهق الحب ويعجله ممل واعذروني يمكن اقطع عندكم الفترة الجايا لانه ما راح يكون عندي نت اول ما تتوفرلي راح اجيكم بالجديد اتمنى اني اجي ولالقي مشاركات تسعدنا جميعا وتشجعنا نكمل مع بعض دمتم جميعا في حب وسعادة وعشق وهياام |
صباح الخير
من جد الحياة صار لها طعم ثاني وزي ماقلتي صرت التمس الاعذارله ايش اقولك صار حتى هو ينتظر اي حاجه اسويها بس من جد يناس احبـــــــــــــــــــــــــــــــــــــــــــــــ ـــــــــه الله يخليه ليه وفعلا صار نظرتي ايجابيه لكل شي |
| الساعة الآن 06:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©