طلبت الطلاق بعد ماضربني(مستجدات بالرد 69-131)
 

اقسم بالله اني منهاره اليوم وابكي بحرقه على كل شي تعبانه

طلبت الطلااق

اليوم بكت بنتي الصغيره ومو راضيه تسكت حاولت وحاولت فيها انواع البكاء والازعاج ومن هنا بدأت الشراره ناديت زوجي عشان يتحمل معي شوي مسئولية الاطفال لانه عايش بغرفه بعيده عنا ولوحده والمسئوليه كلها علي قلت طلع البنت خذها معك غير لها جو برا البيت وديها السوبر ماركت ملاهي اي شي حاول يسكتها مارضت اخذها بيدها بالقوه وضربها ودفها وقال اسكتي وبنتي انهارت بكاء وخوف جيت انا صرخت فيه قلت خلاص اتركها مانبي منك شي وجاء بيمسك البنت بقوه وهي تبكي بخوف ومنهاره تبغاني وهو بياخذها بالقوه صرخت فيه انا ودفيته بقوه وقلت اتركها لاتلمسها قام ضربني ودفني بقوه حتى صدمت بالجدار وصلت لاهانتي بالضرب والله العظيم حرام عليه اخذت بنتي وانا ابكي وقفلت علي الغرفه
ابي الطلاق وابي الله ياخذ امانتي ان شاالله وارتاح واريح

لا حول ولا قوة الا بالله حسبي الله ونعم الوكيل بعد كل هالصبر الي تيه وبعد كل الي تحملتيه توصل الامور للضرب الك ولبنتك على كل الاحول اختي طولي بالك ممكن هو كان مضغوط تصرف طلع بدون وعي اصبري شوي وشوفي ردة فعله وعلى اساسها اتصرفي اذا ما اهتم فلازم تاخدي قرار لانه معناه انه ما ضل عنده احساس مع اعتذاري عن الكلمة لكن اذا اعتذر او حاول يبرر اسمعيها وحاولي تغيري حياتك معه استغليها فرصة واحكي كل الي عندك الله يكون في عونك ويفرج همك

لاحول ولاقوة إلا بالله أرجوك ثم أرجوك يادلوعة لاتتسرعي في قرارك وفكري زين إحتمال زوجك سوى معاك كذا يبغاك تزعلي وتطلبي منه الطلاق بالذات يوم شاف إبتعاده عنك وعيشته لحاله ماجابت معاك نتيجه وشافك صابره عليه ولاطالبتيه بشئ ولا زعلتي منه قام سوى كذا يبغاك تكرهينه وتطلبي فراقه لأنه حاس بتأنيب الضمير تجاهك وحاس إنه مايستاهلك وأكيد إن زوجك ظروفه النفسيه صعبه وأنتم بينكم عيال فأرجوك لاتضيعوا ذولي الأطفال في لحظة غضب في وقت ظروف صعبه من كل الطرفين وكان من الأولى منك إنك ما تنادينه علشان يساعدك بالبنت وأنتي عارفه ظروفه النفسية وعارفه إنه متضايق وإللي فيه كافيه زوجك يحس بتأنيب الضميروزاد عليه الهم والوسواس والشك بأنه مريض وحالته النفسيه مو مستوعبه أي شئ يقوم فيه أرجوك لاتستعجلي وأنا متأكده إنه راح يجيك ويعتذر منك بعد مايحس بغلطته إذا ماكان قاصد إنه يطفشك ويخليك تكرهينه ولاتنسين إن زوجك حياته مثل اليتيم ماعنده غير أنتي وعياله وبعد الشئ إللي صار له يحس إنه صار وحيد ونفسيته متحطمه وحالته متدهوره حبيبتي دلوعه أنتي صبرتي بما فيه الكفاية وتحملتي وهذا شئ يحسب لك أجره بعون الله فكملي معروفك مع زوجك علشان أولادك فلذة كبدك علشان مايضيعوا وتتحطم نفسيتهم أهدي وفكري زين ترى الإنسان وقت الغضب ماينفع يتخذ قرار بالذات إذا كانت قرارت مصيريه
أسأل الله أن يكون في عونك .

خلاااااص اقسم بالله بس ابكي ومقهوره لاني تعبت وصبرت وتحملت وتجملت وراضيت ودست على قلبي وعلى مشاعري وعطيت وضحيت وآخرتها يمد يده علي
فكرت لو تطلقت ما راح اضيع اكثر من ضياعي هذا

ماراح انتظر ردة فعله انا طلبت الطلاق لانه انسان لايستحق التضحيه والاحترام

خلاص يا بيتا انا مو الانسانه اللي تعرفينها انا انسانه محطمه من الداخل والخارج اعرف بيجي اخونا البليغ يقول ليه ارى ضعفك في حروفك اقوله انا مو جبل انا بشر لحم ودم ونصيبي جاء مع انسان جاف وقاسي بمعنى الكلمه حتى وهو غلطان
اللهم ان كانت الوفاة خير لي فتوفني

والله ماعاد فيني صبر ولا فيه دافع يدفعني لاصبر كنت انتظر منه لمسه حانيه كلمه طيبه ابتسامه من القلب واتفاجأ انه يمد يده علي