|
فضفضة ودي ارتاح
كنت معزومة بزواج ونفسيتي تعبانة ماأحب أقاربي يشوفوني للأسف أنا أكبر بنت في عايلتنا ماتزوجت!
والله لو تشوفوني كأني مراهقة لي فترة طويلة ماخليت مكان ولامحل الا رحت له أبغى شكلي ذاك اليوم يصير تمام عندي مبدأ غريب اني اذا طلعت لازم شكلي يرضيني تماما لكن بدون تكلف عشان اسكت الناس وأكون واثقة جدا من نفسي اول مادخلت وقفت عند المراية وطلعت العطر وبحركة غريبة صرت ارشه فجأة اختي تقولي بشويش بشويش تبقع فستانك حسيت اني حركتي في العطر من الضيقة اللي بداخلي شوي واناظر شكلي قلت بنفسي الحمدالله بدخل وانا واثقة جلسنا.. امي تقولي شفتي فلانة عمرها 20 وعندها ولد.. وفلانة اصغر منك ب5 سنين وعندها بنت وحامل.. وفلانة مطلقة وتزوجت مرة ثانية حتى المطلقة تتزوج مرة ثانية وانت كنك هالطاولة جامدة مايتغير فيك شي!!!!!!!!!!!!!!!!! قلت يماه والله لو ماتسكتين بروح اجلس بزواية لحالي عشان يقولون بنتها مهبولة:30: بديت اضيق بزيادة وماني متحملة هالمكان.. شوي جت وحدة عمرها 20 لنا 10 سنوات ماشفناها وامها مرة غالية علي ناديتها وجلسنا مع بعض وصرت اسولف معها واضحك وانا بالعادة رسمية جدا مع اقاربي عشان ماياخذون راحتهم معي بالكلام ومرة كنت مروقة مع قريبتي هذي وحسيت اني لفت نظرها كثير فجأة قالت انت متزوجة؟ رديت بابتسامة وبسرعة لا قالت معقول؟؟؟ ليه؟ مارديت عليها قالت انا سمعت ان الرسول عليه الصلاة والسلام داعي للشينات صح؟ انا عيوني كلها دموع والعبرة بحلقي وحالتي حالة أشرت لها بكتفي ماادري قالت الا انا قد سمعت شوفي الشيون هم اللي يتزوجون فلانة شينة حتى لبس ماتعرف وتقول امي انها ماخذه احسن الرجال طنشت ومارديت حسيت انها بدت تناظرني أكثر وطنشت صار تتسولف وابتسم ومارد واكيد هي حست لأني انا اللي ناديتها وانا اسولف معها كثير وفجأة ماقدر ت اكلمها والله غصب عني ابي ابكي طبعا هي تفشلت لأن مااحد يكلمها وقامت ومن بعدها وانا ابليس فوق راسي حسبي الله عليه والله استحي اقولكم وش الأفكار اللي جتني بس المهم جتني افكار حسيت اني انسانة تافهة جداا وعقليتي صغيرة وهالأحساس بحياتي كلها ماقد حسيت فيه وانا أمشي مريت من عند مجموعة اغلبهم بنات اصغر مني واعدادهم كثيرة وكنت ناوية أسلم عليهم واسمعهم يقولون هذي؟ واشكالهم متحمسة وكل وحدة تنادي الثانية عشان يناظروني يوم شفت نظراتهم تصدقون خفت!! كانو مرة متحمسين مريت من عندهم وسويت نفسي ماشفتهم وماسلمت!! << حسيت حماسهم اني لفت نظرهم لأني ماتزوجت كتمت ومرة بين علي وبعد العشا امي حاولت نمشي كثير ونغير مكانا قلت يماه ليه؟ قالت خل الناس تناظرك انا مت قهرررر زود الله ياالدنيا يوم انا ادرس بالجامعة كانت تقولي لاتدخلين مجلس الحريم عشان مايناظرونك الحريم والحين بتمشيني قدامهم غصب اكره هالحركة اني امر امام حريم عشان يخطبوني احسها استنقاص بحقي ربي اللي يجيب النصيب مونظراتهم كم وحدة دخلت بيتنا وشافتني وتطور الموضوع وفجأة وقف.. واللي ضايقني أكثر ان أختي قالت لي اذا نفسيتك راح تصير كذا لاتروحين لأي مكان ترى شكلك بالزواج واضح انك ضايقة والناس بيفسرونها انك ضايقة عشان العروس او شي زي كذا انا ماتوقعت ان شكلي مرة مبين بس سبحان الله غصب علي رجعت البيت وانا ضايقة واي احد يكلمني ممكن ارد عليه واخذ واعطي معه الا امي حسيت بداخلي شي عليها واني زعلانة مرة منها وعرفت السبب بس يله الحمدالله والله مالقيت احد أفضفض له غيركم ادعولي مااشوف اقاربي مرة ثانية الا وانا متزوجة |
اختى شوبارد
أصبري وتحملى فمنازل الجنة ودرجاتها تستحق والله الصبر على أكثر من ذلك ، انت لاتزالى صغيره وربما أن الله كتب لك الخير في الآخرة بهذا الامتحان ثم رزقك من خير الدنيا زوجاً حنونا طيبا كريما عوضك صبرك فتكونى حصلتى على الفضلين وذلك فضل الله يمن به على من يشاء من عباده ، اصبري وبإذن الله ستجدين كل خير وسعادة بحول الله وقوته الله يوفقك ويسعدك ولك تقديري |
والله يااختي ضاق صدري للي صار لك بس صدقيني امك ما كان قصدها لكن انتي صايره حساسه مره وامهاتنا يقولون كلام بحسن نيه واحنا اذا بغينا نعديها نعديها والا نفسرها ميه تفسير ..؛؛؛
ومو كل متزوجه مستانسه وسعيده لكن احنا ومجتمعنا دائما تفكيرهم متحجر ومستحيل يتغير ,, على الاقل احمدربك والله ماكتب لك بهالتأخر الا فيه خيره مو مثل حالتي يااكثر مانخطبت وبصراحه مارتاح ولمن جاء هالاخير بس قلتلهم بستخير على طول ردوله وصارت ملكه حتى ماشفته لان ولد خالي وماعندنا نظره شرعيه ولمن مره زعلت وعصبت وقلت للوالده ماابي اتزوج قالت ..وش ابغى فيك تجلسين عندي<<<<<< تخيلي يااكبرها عند الله مع اني كنت الكل بالكل بالبيت وماتستغنى عني لمن جات مسأله الزواج طاح كل شي سامحيني خرجت على موضوعك انا حبيت خفف عنك والله وعليك بالصبر حبيبتي والله يكتب لك مافيه الخير لك ولي وكل بنات المنتدى يااااااااارب وبقولك على سر ,, وان شاءالله البنات مايزعلون تصدقين انتي الوحيده الي لأجيت افطر ادعيلك مادري ليه بصراحه ياالله حبيبتي هوني على قلبك وافرديها ترى الدنيا ماتستاهل صدقيني |
اختي لا تزعلين واضيقين على نفسج
الدنيا ماتسوى والله كل اللي الله كاتبه خير بزواج وبدون زواج ونصيبك بيجيك في وقته والوالده تحمليها وصديقني منتي لوحدك الاف من البنات مثل حالتك واكثر بس الانسان ما ايركز حياته على شي واحد عيشي حياتج واستمتعي وتوكلي على الله :22: |
ياليتني مشرفه
كان نقلت الموضوع لفضفضه بنت مقبله على الزواج ... |
ياشوبارد
لولا حساسيتك من هالموضوع ياسلام عليك إنتي رهيبه ودمك خفيف ونشيطه جداً جداً جداً ... وعلى فكره كلام قريبتك صحيح لأني كنت أستغرب من زميلة لنا العام الماضي * * * كل سنه تسافر بلد وماخذه ولد عائلة معروفه جداً والمفاجأة إنها طلعت متزوجة ولد أحد أقاربنا وإستغربت ؟!!! لأنني أعرف أخواته كل وحده أحلى من الثانية ... وتوقعت بيجيب قمر زمانها لقيتها مثل ماقلتي ؟!!! ... سبحان الله دعوة الرسول مجابه ... ثقي ياشوبارد كل هالكلام بيصير ذكريات في يوم من الأيام وبكره فوفو تذكرك مومهم الزواج مهم رجل طيب ... وعلى فكره إذا بتجلسين تفكرين بالموضوع بهالطريقة وربي بتحرقين أعصابك تدرين ليه كلهم تزوجوا وإنتي لأ لأنك جالسة تعدين وتستثقلين ... تناسي وإشغلي نفسك بالعكس شوفي أقاربك علشان اللي ماشافك يشوفك وكوني واثقه من نفسك مادمتي لست أقل منهم ... بيدك تعيشين وبيدك وحدك تموتين ... روقي دمتي بحب |
إييييييه يا شوبارد
أمك الله يهديها ليه كذا تقول ؟ فهميها إن هذا الكلام يقلب وجهك ويعكر مزاجك فالناس تعتقد إنك غيرانه ذكرتيني بالعرس اللي رحته آخر مرة.. أشغلت الناس بلبسي والعفو حذائي ومناكيري وطولي.. وأنا قلبي ينحرق على ذبولي.. بس الفرق في العرس كانوا في بنات أكبر مني بمراحل ما تزوجوا وهذا قهرني أكثر.. سبحان الله كل شي قسمة ونصيب.. أعتقد لو والدتك الله يحفظها لو تبطل تعايرك في الأفراح وغيرها راح تكون نفسيتك أحسن والناس تتقرب أكثر.. فهميها إنها هي اللي تهرب العرسان.. بينيلها خطأها بينك وبينها قولي لوالدك.. تخيلي أمي كانت تبغى تنزلني فنفس الفندق اللي فيه الفرح واللي راح تنزل فيه العروس.. قلت لها إذا مصرة الله معاكِ تقول مافيها شي.. قالت الكلمة ذي وأنا على قولك إبليس فوق راسي.. عصبت قلت لها تخيلي نفسك عمرك 27 وبنت مفعوصة أصغر منك بست سنوات تتزوج تنزلي بنفس الفندق اللي فيه ليلة دخلتها ؟!!! قالت لأ .. وبرضوا راحت على بابا حتى يأثر في وسمعته قال لها حقها كلامها صح !! وتحججنا لأهل العروس ويسألوا بكل وقاحة واستهبال ليه ماتنزلوا بنفس المكان قلت لها والله أربع أيام نقابل حيطان ؟؟ أنت على الأقل عندكم أرحامكم إحنا لو طفشنا ننزل للسوق ونتمشى!! فيا ريت تكلمي والدك ولين متى راح يضل الموضوع مكتوم إنت تتعرضي لضغوط !!! خجلك من والدتك هو اللي جايبلك النكد.. أنا ما أحرضك عليها وأقلك صرخي بوجهها.. لكن قولي لها إذا المرة الجاية قلتي مثل هذا الكلام أنا راح أجلس في البيت ما أطلع وشوفي من وين تجيبيلي عرسان وقتها!! واشرحيلها وخليها تكون مكانك.. يعني لو إنت بمكاني وأمك تضغط عليك إيش شعورك ؟ أو إنك تعودي نفسك وتخلي إذن من طين وإذن من عجين.. ووتخلي أمك تتكلم ولا كأنك سامعة شي !! الله يعينك ويعيننا ويرفع عنا ويفرج همنا ويرزقنا من حيث لا نحتسب.. هونيها تهون. |
السلام عليكم ورحمة الله وبركاته
بإذن الله ، تنالين خيرا عظيما في القريب إن شاء الله أسعدك الله وكتب لك السعادة في الدنيا والآخرة وفقك الله |
أخوي الكبير
أنا صابرة ومحتسبة الأجر لكن تجي لحظات خارجة عن الإرادة وابن آدم ضعيف جزاك الله خير على كلماتك هونت علي كثير أختي الهم والله السالفة ماهي سالفة حساسية انا امي دايم تقولي هالكلمة: ملييييييييييييت منك متى تطلعين من بيتي!! اقولها انا جالسة في بيت أبوي والله يفرج همك ويسعد قلبك ويرزقك الزوج الصالح عاجل غير اجل شاكرة لك من اعماقك قلبي على كلامك وخصوصا أخر شي مس قرين مشكورة انا الحمدالله عايشة حياتي لكن بوجود منغصات t3b2006 اقتباس:
ماهو بس تأخر زواج لأني انخطب وفجأة ينتهي الموضوع يعني قبل ماكنت اافكر بالزواج بهالشكل ..وانا ياعزيزتي ماقلت ليه هم تزوجو وانا لا اعرف ان هذي أرزاق من عند رب العالمين انا محزنة على حالي واللي صار لي بحفلة الزواج بس أتمنى تقرين موضوعي مرة ثانية عشان تفهمينه وشاكرة لك الله يسعدك دنيا وآخرة |
السلام عليكم
هلا بالغالية شوبارد صدقيني بأن الفرج قريب تفاءلي ولا تضيعين عمرك بلحزن والفرج قادم أكيد انتي تدعين وبإلحاح خلاص ثقي بأن الله سيستجيب لكِ ولو بعد حين لأن وعده حق ولكنه ما اخر هذا اليوم إلا لحكمه نجهلها عزيزتي شو بارد توكليي على الله وفوضي كل أمرك له وترا في وقت القهر والضيق والحسرة لو تدعين الدعاء يكون طالع من القلب فكل ما ضقتي ادعي من كل قلبك ولو إنك بين الناس ادعي في قلبك وقولي يارب لاأحد يعلم بحالي غيرك فرج همي توكلت عليك وفوضت امري إليك يارب صدقيني راح ترتاحين وما يدريك قد تكون ساعة يستجيب فبها ربي لكِ تفااااءلي عزيزتي وأحسني الظن بالله وسيأتي الفرج وأهديك هذا البيت أحفظيه دع المقادير تجري في اعنتها ××× ولا تبيتن إلا خــالي البـــال أسأل الله العظيم بأسمائه الحسنى وصفاته العلى أن يرزقنا ما نتمنى بالقريب العاجل |
هوني عليك يا أختي
اللهم لك الحمد و الشكر كما ينبغي لجلال وجهك و عظيم سلطانك مش عرفه كلامي هيكون كويس و يواسيك و لا هيكون مش مناسب لكن بصدق و بأمانه إنتي في حالتك و وضعك ده أحسن من ناس كتير ، و أقصد ناس مخطوبين و متجوزين مش عارفين معنى السعاده ناس متطلقين و ألم الطلاق بوظ لهم حياتهم و ناس على أبواب الطلاق و مش عارفين الدنيا هتعمل فيهم إيه - زي حالتي دلوقتي- ، اتخطبت و انكتب كتابي و بعدها اتصدمت في الإنسان اللي اخترته و في طباعه ،، ما علينا مش دي القضية دلوقتي لكن صدقيني اللي يشوف مصيبة غيره تهون عليه مصيبته تعرفي ،، كل البنات اللي اتجوزوا حواليه ، و باقسم بالله على كلامي ،، كلهم بيقولوا و لا يوم من أيامك يا بيت أبوية اسغلي وقتك و مش تخلي عندك و لا دقيقة فاضية و ربنا يكرمك بإذن الله ربنا يسعدك و إن شاء الله يرزقك بالزوج الصالح اللي يعوض صبرك و يستاهلك و اللي يخليك أسعد إنسانه في الدنيا إن شاء الله |
أختي الكريمه شوبارد
أسأل الله العلي العظيم باسمائه الحسنى وصفاته العلى ان يرزقك من اوسع ابوابه الزوج الصالح والذرية الطيبة وكل ما تتمنين . وياختي والله لن اجمالك انت ما زلتي صغيره خاصة في هذا الزمن انا لي اخت في نفس عمرك وتقدم لها شباب كثير لعدم المناسبه وإن شاء الله بيرزقها الله وبيرزقك . والله لا يخلق احد ويتركه . وأسألي الله من فضله أما أمك الله يحفظها فهي السبب من كلامها فانصحك تكلمي معها بهذا الموضوع وقولي هذا الكلام يزعجها وانا كنت اتمنى أن اختك الصغيره او أحد اخوانك يتكلم مع امك في هذا الموضوع ويكلمها ان هذا يؤثر على نفسية المرأة ---------------- أما مسألة الزواج فسبحان الله رزق لا يعتمد على جمال او جاه او مال فكثير من النساء لا يتمتعن باي صفه ومتزوجات وبعضهن تملك كل هذه الصفات ولكن لا تتزوج أو تتزوج اقل الرجال سبحان الله قسمه ونصيب ولا تنسين الدعاء خاصة في هذا اليوم الفضيل و لن ننساك بالدعاء الله يفرج لك همك تحياتي وفي حفظ الله |
حببيتي الله يفرجها عليج ياااااااااااااارب ..
انا فاهمة هالاحساس .. تدرين أمس واليوم عندنا مناسبة عروس من الأهل ..بتنزف اليوم الله يبارك لها . والكل يقولي تعالي وأنا راااااااافضة ..حتى قريبتي اللي من سني متزوجه ..اتصلت لي تقول تعالي قلت لها لا ماأبي .. أدري ومتأكدة أنهم يفسرونها اني متضايقة أو أو أو عشان موضوع العرس .. بس لا والله ..خلااااااااااص ماعاد يهمني ..بس أنا ماحب هللنوعية من التجمعات ,,,وماراح أروح عشان محد يقعد يناظرني ويتشفق علي .. الحمد لله ..على كل حال ..والله يفرجها علينا كلنا قريب يارب |
حبيبة قلبي شو بارد
أولا شي أحبك في الله ثانيا أعلم أن النفس أحيانا يصيبها من الضعف يجعل الشيطان يوسوس إلى أن يصيبها الهم وخاصه عندما لا تجدين السند والونس من أقرب الناس إليك ولكن حبيبتي أرجو أن تجعلي هذه اللحظات قليلة في حياتك وكوني أقوى منها ... فالمؤمن القوي أحب إلى الله من المؤمن الضعيف تاخر زواجك أكيد لحكمة وهدف يريده الله لك فكري في حياتك وستعرفين لماذا تأخر هذا الرزق عنك اجعلي لنفسك برنامج يومي للتقرب إلى الله كالتسبيح وقرأة القران ... فالقرب من الله رغبة في رضاه أسمى مايمكن أن يتمناه المرء من هذه الحياة زوجك الله الزوج الصالح الحنون الطيب الذي يسعدك ويعوضك خيرا قريبا إن شاء الله أسأل الله لك فرجا قريبا وزوجا صالحا يحسدك كل من حولك عليه وكل يقولك صبرتي ونلتي يا شو بارد اللهم امين |
حاسه فيك والله
الناس مدري ليش صارو قليلين ذوووق ووقحين كذا وكل وحده تسأل وكنها هي اللي اشترت الزوج ولاجابته باجتهادها وخلك كذا دايم لارحتي زواج اخر كشخه عشان نفسك مو عشانهم مافي احد يستاهل والله وبعدين امك الله يهديها ويصلحها وش هالكلام؟ اقعدي معها وفهميها ان اللي تقوله يجرحك ويضايقك نبهيها لهالنقطه اكيد ماتقصد بس من قهرها مسكينه تقول كذا وماتدري ان النار تصير نارين الله يفرحها قريب بشوفتك عروسه ويفرح قلبك بالزوج اللي يغنيك عن الكل |
حبيبة قلبي شوبارد ..والله اني مانسيتك من دعائي طول ماكان المنتدى منقطع ..قبل وقت المغرب على فطوري ادعي لنفسي وللبنات اللي هنا وطبعا انتي معاهم ... الله يفرج همومنا عاجلا غير اجلا ويمتعنا بشبابنا في ظل ازواج صالحين ...
شوشو ولا يهمك .. احتسبي الاجر عند ربك وبإذن القادر الكريم يرزقك خير .. ويعوض صبرك وتحملك خيرا بإذنه سبحانه وتعالى .. والله احنا بنعمه كثيرات يحسدونا عليها .. اللي متزوجه واحد سكير واللي متزوجه واحد يجيب البنات لغرفة نومها .. واللي هالكها ضرب .. واللي اهله منكدين عليها عيشتها .. واللي واللي .. كثير اولله ... الحمدلله انه احنا ببيوت اهالينا مستورين .. امس بنت عمي تخبرني بحملها الثاني وهذا انا وهي تزوجنا مع بعض .. والله رجعت البيت اتحسر على نفسي .. لكن مانسيت ان ربي بيعوضني خير .. وقبلها صديقتي المقربه حامل بالثاني وكمان ماكان في مده بين زواجها وزواجي وهذه اللي فسخت خطوبتها الاولى وتزوجت ثاني .. واختي اللي اصغر مني ولادتها بعد كم شهر ... يعني انا محاطه بظروف تحسر .. ربي ان شاء الله بيعوض صبرنا خير .. لاتحزني وتتعبي نفسك وتهلكي بشرة وجهك .. عشان لمن يجي عريسك المنتظر يشوفك بأحلى صورة:14: .. انا اول هلكت نفسي بالبكى الين ماجاني القولون العصبي وعندي ادويه كأني بالــ50 سنه حتى الدكتور يقولي: ( لمن يجيكي عريس بتخرجي كل هذي الادويه !!! .. انتبهي على صحتك ) حبيبتي ترا الفرج ان شاء الله قريب.. استغلي اليوم بآخر ساعه من نهار الجمعه ..ادعي كل اللي بقلبك وان شاء الله تفرج .. بس لاتنسيني من دعواتك ..:o |
السلام عليكم
صدقينى يا شوبارد هذا حال الدنيا مثلا خذى أنا تزوجت بسن صغير و لكنى لم أحمل حتى آلان لما نجتمعوا فى مناسبة الكل يحكى عن أولاده و شلون متعبين و اللى ماعندهم أفضل و الثانية متأففة لأنها حامل مرة تانية و اللى تسأل للحين ماصار شى و اللى تحكى قصة و حدة متأخرة بالأنجاب و زوجها تزوج عليها تعرفين أنا طلعت من هذا الدوامة بالرضا بانصيب و أن كل واحد ياخذ نصيبه من عند رب العالمين و أنه هو العادل لا يظلم أحد تصورى أختى و صلت بى حالات أمر من الشارع أرى المتبرجة و بطنها قدامها أقول لو الرزق بالتقوى كان هذى ما شافتهم و صدقينى كل واحد فى الدنيا له منغصاته مثلا اللى تزوجت و زوجها ما ينفق عليها شو تحس نفسها أمام الى تقول هذا الطقم هدية من أبو العيال فى العيد و هذه الساعة وو............... و الشينة المتزوجة إيش حالها لما تسمع كلامكم الحل أخت الرضى تمام الرضى عن رب العالمين و ما أخلى شى يتحكم فى مظهرى أو شكلى أو تصرفى أنت حساسة مثل ما كنت أنا بالأول لهذا أنتى بتحسى بالتعب عليك التخلص من الحساسية الزائدة لتستطيعى العيش أسأل الله أن يرفع عنك هذا البلاء عاجلا غير آجل بزوج صالح تقر به عينك يارب |
اقتباس:
والله فاهمته وفاهمتك وأدري إنك متضايقه بس ترى الوحيدة اللي كتبت لها بالمنتدى هي إنتي مافيه أحد غيرك لأ بس لأني أشوفك أكثر وحدة متضايقة تضحكين وحكيك طيب وياكثر الحكي الطيب وبعدين إنتي تقولين من سنه شفتي إني صادقه هذا إنتي تعدينها سنه ... وقبل عادي اللي جاب هالسنه بيفوتها بعد سنه ونذكرك خففي حساسيتك لأن أي أحد نفسه ضعيفه بيستخدمها نقطه ضدك ... ولاودي منك أسمع بدأت المعاناة إنتي في خير وإحنا بخير لأنك معانا ... وأمك ياقلبي أم ودها تطمن بس طريقتها غلط ... ياشوبارد حتى أنا ودي أفرح فيك متى بتروحين ونشوفك في عالم المتزوجين مضايقتني إنتي هنا ... قريب ببارك لك بس يارب يكون طيب والمهم يستاهل إنك صبرت عليه هالوقت كله * * * دمتي بخير |
الغالية مس هاواي
اقتباس:
من جد امي الله يطول بعمرها ماقصرت معي بأي شي الا بهالموضوع مرة متعبتني الله يفرحها قريب ويفرح قلب والدتك قريب والله مااحب اقاربنا ولو بيدي ماشفت ولااحد منهم ياحلو السوق والمطاعم ونااااااسة ودوامي طبعا بس! والدي ماتجرأ اقوله.. اصلا هو دايم يبين لي اني ماني متأخرة ولاشي وان أمري طبيعي جدا ومن ناحية اناقشها دايم أظهر لها اني اتضايق من كلامها بس ماطلع اللي بخاطري كله لها مااقدر فكرت اسويها بعدين بطلت! ماتتخيلين كيف كلامك يأثر علي ويهمني جدا رأيك تسلمين يالغالية أخوي سنون ومنون وعليكم السلام ورحمة الله ويركاته آمين ولك بالمثل.. جزاك الله خير أختي الذئبة وعليكم السلام هلا وغلا الله لايجرمني من ردودك المريحة والله يفرج علينا عاجلا غير آجل Sun_of_me جزاك الله خير شاكرة جدا لك أخي صاحب رأي سديد والله لو امي تغير نظرتها ماكان هذا حالي صدقني.. تصدق تقولي صار بوجهي تجاعيد والسبة انت!!!!! قلت يماه انت كبرتي لازم يطلع فيك تجاعيد زعلت وقالت وش قصدك انا عجوز!! << لأنهامرة مهتمة بحالها بس فعلا امي كبيرة فوق 50 سنة! هي اذا صارت مروقة ياحلوها بس اذا عصبت ولاضاقت ياويلي منها ومشكلتي يااخوي انا غير اخواتي اخواتي مهما امي كلمتهم او نقدتهم مايهتمون ابد بكلامها وانا لو قالت شي بسيط يضيق صدري مررررة لاتقول حساسة.. انا من النوع اللي يأثر فيني كلام امي مرة مدري ليه واخاوني استحالة اقولهم ماأملك الجرأة.. واختي مرة قلت لها كلمي أمي قالت والله اذا شخصيتك ضعيفة عند امي هذي مشكلتك وامي هذا طبعها وانا ماتهزني اي كلمة تقولها امي لأنها حرمة كبيرة وكل شي تبيه كامل وعلى كيفها << عقلية اختي خطيرة ماشالله جزاك الله خير اخوي على دعائك |
الأخت الفاضلة ...
أسأل الله أن يوفقك وييسر أمرك ... آمل منكِ إضافة موضوع في عالم الرسائل الخاصة ... |
الله يوفقج شوبارد
|
لاحول ولا قوه الا بالله
الله يعينك ياشوبارد شوبارد مافكرتي بيوم تتكلمين بالموضووع هذا بجد وبوضوح مع والدتك ؟؟؟ انتي تقولين كل شي اتكلم فيه مع امي الا موضوع الزواج ... مع ان هذا اهم موضوع لازن تناقشونه لأنه مسبب ازمه لكم ... اختاري وقت مناسب وكلميها بكل اللي مزعجك وبكل كلماتها معك بموضوع الزواج .... قولي لها بس انا الوحيد ه اللي ماتزوجت ؟؟؟ كل بنات الدنيا تزوجوا وبقي بس انا ؟؟؟؟ البيوت فيها ثلاث واربع وخمس بنات كلهم بدون ازواج .. بديرتنا مليونين بنت ماتزوجت ... والله سبحانه هو اللي يقسم الأرزاق ويوزعها .. ذكريها بقوله تعالى ((ولاتمدّن عينيك إلى مامتعنا به أزواجاً منهم زهرة الحياة الدنيا لنفتنهم فيه ورزق ربك خير وابقى ))... قولي لها الله اعلم وين الخير ووين الشر فيه ... وهو ارحم بعباده من الأم على ولدها ...وله ملك السموات والأرض ومابينها يفعل بهما مايشاء ويصرف عباده بما يشاء .... قولي لها اختاري طيب اتزوج اليوم رجل يبهذل بي ويعذبني ويعذبكم معي والا اصبر ان شاء الله عشر سنين واتزوج زوج صالح ؟؟؟ صدق اننا كلنا حنا وامهاتنا نفسياتنا تعبانه و نفسنا ومنى عيننا نتزوج بدري وهذا لمصلحتنا بعد .. لكن ااذا ماكتبه الله بدري سبحان الله له له حكمه وفيه خير لنا حتى لو ماعرفناه ....ولازم نرضى فيه .... الصراحه الصراحه الصراحه ياشوبارد ولاتزعلين والله قهرني كلام امك واحسه قرص قلبي .... ليه بس تقول كذا ليه ؟؟؟ اللي تزوجوا يعني هم اللي جايبينه لأنفسهم ؟؟؟ الله اللي معطيهم ورازقهم .. حرام حرام حررررررررررراااام عليها تقول هالكلام هذا كأنه ااعتراض على حكمه الله والعياذ بالله .. نصيحه من اخت محبه لك .. وانتي تعرفين معزتك بقلبي .... شوفي لك وقت مناسب تكون الوالده وانتي مروقين ومرتاحين وكلميييييييهاااااا ... انا حاسه انه فيه صعوبه عليك تكلمينها بالموضوع هذا .. لأني اتوقع انه لو كان بأستطاعتك كان تكلمتي معها من زمان ولا انتظرتي احد يقول لك انا مااعرف ظروف وطبيعتك وطبيعه امك .... لكن حاولي ماراح تخسرين شي .... وخلي في بالك ونيتك اهم شي انك تكلمينها فقط علشان تخففين عنها واحتسبي الأجر على الشي هذا وربي بأذن الله راح يجازيك اذا ريحيتها وخففتي عليها وطمنتيها واطلبي منها تدعي لك ..... ويااااااااااااااارب ياحي ياقيوم تفرح بك عاجلاغير اجل .... |
حبيبتي ..
ممممممممممممممممممممكن .. تبتسمين شوي :) جذيه ؟؟ لالالا أبغي جذيه :d :d :d أمورتي الحلوه .. ليش كل هالهم انتي شووووووووووووووووو ينقصج ؟؟؟ حروفج تدل على ثقتج بنفسج إعجاب اللي حوليج فيج على مستوى حلو من الاهتمام بشكلج ومظهرج خلااااااااااااااااااااااااص ارفعي راسج فوق.. اقنعي نفسج ..ان ..الخير جاي وإن تأخر شوي ولاااااااااااااااااااااااا تتحسسين لهالدرجة شو خليتي يا شوبارد حق اللي ما عندها ثقة بنفسها؟؟ اللي ..يمكن ..ربها ما عطاها لي عطاج اللي اللي اللي ..وعلى فكرة تراهم وايد.. تدرين يا الغليه .. أنا لما أشوف النظرة الحلوة في عيون لي حولي ..أقول الحمدالله ..كان ممكن ربي يجمع علي همين ..لكن ربي لطيف في عطائه ومنحه اللي أبغي أقوله .. طالما عندج الثقة بشكلج ومظهرج ..لاااااااااااااااااااااااااااااااااااااتنكسرين يا شوبارد ..ولا ينكسر خاطرج أبداااااااااااااا |
غاليتي شوبارد
كان الله في عونك أفهم معاناتك جيداااااا لا ألومك أبدا فأنا اذا كنت بمجلس وتكلموا إن فلان أو فلانه تزوجت مادري وش يصير فيني ودي يغيرون الموضوع عشان محد يطالع فيني وأمي من فر حها تقولي أحيانا بالمجلس لو العائلي شفتي يا غلااا فلانة بتتزوج وقلت لها تكفين لاتقولين كذا لاتخصيني بالخبر بس ياعمري تنسىى ودها اني اتزوج وتشوف عيالي كم مره طلعت دمعتهاا وتقول يارب ما اموت الا شايفه عيالك وربي بعدها أتاثر حاولي اذا جاء هذا الإحساس لك إنك تقولين ((( إنا لله وإنا إليه راجعون اللهم أجرني في مصيبتي وإخلف لي خيرا منها ))) قوليه بيقين أسئل الله العظيم أن يرزقك بالزوج الصالح الذي تسعدين معه ومابعد الصبر إالا الفررررررررررررج |
اقتباس:
ليست انتي وحدك من يؤثر فيه كلام امه انا اتوقع تقريبا الكثير من الناس ، فأنا لا اتحمل زعل ابوي او امي الله يحفظهم لي ابدا ابدا . وياختي انا استشفيت حالتك من خلال مواضيعك انت تحتاجين وقفه من أخوانك مثل أخوك الكبير ما يحتاج تقولين له المفروض يحس فيك ويكلم امكم الله يحفظها وينبهها عن كلامها وأنه يؤثر عليك وانا عارف ان امك قلبها عليك ولكن طريقتها تحتاج تعديل وإذا لم يقم اخيك بالدور قومي انت بالدور اجلسي معها وكلميها عن مدى معاناتك وحزنك من كلامها بين حين وآخر ولكن اختاري ساعة وناسة وصفاء . وانا عندي تجربة مع امي إذا زعلت علي شوي ما ارد عليها ابدا واقول ابشري وسمي وانت آمري بس . وبعد كم يوم إذا زال الزعل كلمتها وجبت لها هديه وانتهى كل شئ الله يوفقك للخير |
ياهلا والله بشوبارد وربي إني جالسة في غرفتي وجيتي على بالي وقلت ماأدري وش صار عليها
يــارب إنه فيه شي جديد بحياتها وألقى لها موضوع وفعلا ً دخلت المنتدى ولقيت موضوعــك ولو إنه مو مثل ماتمنيته بس يالله الجايات أكثـــر وأحلى بإذن الله تصدقين شوبارد أمي صارت تعرفك لأني أحب أسولف عليها اللي أقراه في المنتدى وقلت لها عن موضوعك وهي اللي جاوبتك هالمرة عني : ) تقولك : إنتي فيك خيييير كثير لأنك ماتحبين تزعلين أمك رغم إنه كلامها يزعلك وتدورين على رضاها وماتحبين تقولين لها إنها مضايقتك ولأنه قلبك فيه خير لأمك وهذا من البر ربي بيرزقك من غير ماتحتسبين .. وأنا أقولك كذلك مهما كان الأم من كثر خوفها يخونها التعبيــر وتحس إنها بقساوتها بتغير شي !!! ماعليك ياشوبارد بإذن الله ربي بيرزقك قرررريب وبيرزقنا جميــعا ً باللي يرضينا ومثل ماقالوا مو مهم إني أتزوج وبس المهم إني أكون سعيدة بزواجي وبإختياري فضفضي ولاتخلين في قلبك شي علشان ترتاحين وكلنا هنا نهون على بعض الله يفرررج همك ويكشف ضرك ويرزقك على قدر نيتك عاجلا ً غير آآآجل ويرزقك كل البنات اللي هنا وجميع المسلمين والمسلمات |
قولي آمين الله يفرجها عليك وعلينا ذكرتيني بزواج قريبتي بعد شهر تقريبا.. كل اللي حولي شايلين هم لبسهم وماكياجهم كيف يسوونه وانا شايل هم نظرات الشفقه من الناس اللي في العرس الله يمضيه على خير واحس اني بروح مشحونه على الآخر بس ياشوشو لا تواخذين ولا تشرهين على الوالده انا الحمدلله امي من هالناحيه مريحتني وتراعي مشاعري كثير لكن انا مشكلتي اكبر منك ... انا مشكلتي ابوي معقدني من هالناحيه مره سمع اني ذكرت وحده لقريبتي علشان يخطبونها لولدهم قالي ... انفعي نفسك بالأول وربي كأنها خنجر في قلبي بس الصراحه ضاق صدري في وقتها وبعدين تناسيت الموضوع وغيره كثير والمشكله يستحيل اني اناقشه او اتفاهم معه لأنك تعرفين وضع الاب مو مثل الأم امون عليها واقدر اصارحها الله يكون في عونك ويفرجها عليك وعلينا عاجلا غير آجلا |
اللهم امين
ان شاء الله ياشوشو المره الجايا تروحي مناسبات اهلك وانت عروس والكل يدعي لك بالتوفيق شوبارد الي حسيته فيه نحسه احنا حتى لو ماحد قالنا شي انا سرت احس بثقل على صدري يوم اخرج كانه جبل افضل اجلس بالبيت ولا اطلع احزن على نفسي الحمد لله الكمال لله لكن ماينقصني شي واستغرب ليش ماانخطب لو لمرة وحده بس الله كريم ياشوبارد اللهم فرج عنا فرج بلاضيق فرج تتعجب منه المخاليق |
ســلام ..
هلا شوبارد .. اممم شوفي انا ماعمري شاركت بالمنتديات هنا .. بس الفراغ مخليني ما اخلى منتدى الا داخلته :) بس حبيت اقول لك ترا ضاق صدري الايام الي فاتت لان فقدت كتاباتك تصدقين ؟ وجودك مميز بالنسبه لي .. وتراني احبك بالله .. وتراني بنت .. اخاف تشكين ولا شي :) وصدق صدق البنت الوحيدده الي اتمنى اتعرف عليها اكثرر بجد تدخلين القلب .. ولايضيق صدرك ياعيوني وانا اعرف الي تمرين به .. بس انا ضيقتي نوع ثاااني توصل بك بعض الاحياانن .. وش اقول بس استغفر الله ... توصلين القااع ويوم تطلعين وكل يوم بحاال .. الله يفرج عن كل مسلم ومسلمه .. |
يا قلبي والله ياشوبارد على ماعليك من كلام أحد وعلى قولك ماشاء الله انخطبتي كم مره يعني ومن خلال كلامك فهمت انه انتم تطلعون عادي عن عائلتكم احسن من اللي مجبورة على عائلتهم ولا احد منهم إلى الان تقدم لها وإذا شافني احد من برأ وخطبني وكلم أمي على طووول ترده من دون ماتعرف عنه شي على قولتهم لو تقعدين ماتعرسين مالك إلا من الجماعة
والله يوفق الجميع |
يارب يارب ادعوك في الثلث الاخير من الليل .. يارب ارزقنا جميعا بالازواج الصالحين ... عاجلا غير اجل ........ عاجلا غير اجل عاجلا غير اجل اميييييييييين اميييييييييييييييييين امييييييييييييييييييييين
شو بارد ............ امس قراءة الموضوع ....... وكانت واصلة معاي الحد .............. وجاء موضوعك كالملح على الجرح ........... و الله اني جلست ابكي و ادعى الله الفرج لي ولكل المهمومين ............ واملي كبير بفرج قريب تصدقي لما ازعل و اتضايق ما اكلم احد من اهلي ... بس لما اتعوذ من الشيطان و ارجع واستغفر ............ اقول ايش ذنبهم ........... الحين اذا صار الي ابغى ...اذا اتزوجت و رحت عنهم ......... اكيد بتمنى انى لو ما ضيعت الزمن بالزعل و الانعزال ... و استمتعت بوقتي معهم مدام الصحة موجودة . اتمنى انك فهمت قصدي ........... و الحمدلله على كل حال ........... |
* الله يزوجك الرجل الصالح.
* فإنه على ذلك قدير. |
جزاكم الله خير
|
اللهم فرج همها ويسر أمرها
اللهم أسألك بوجه الكريم أن لا تنهي أختنا الفاضلة هذه الأحرف ....ونصيبها قد أتى اللهم أنك قادر على ذلك .... اللهم زوج شباب المسلمين ..اللهم إرزقهم حفتة سيدنا يوسف اللهم زوج ناء المسلمين اللهم إرزقهم عفة مريم عليها السلام اللهم آمين |
اختي العزيزه شوبارد
والله حاسه فيك تصدقين قبل فتره كنت معزومه في زواج ومثل ماقلتي شخصت وكل شئ اهتميت فيه تقولين عروس بس عشان امشي واثقه من نفسي المهم اول مادخلت للزواج سلمت على وحده وسمعت كلمه ضايقتني وتغير وجهي والله جيت وجلست على الطاوله ماتحركت من مكاني :29: وكان زواج وحده قريبه لي اصغر مني والله كل من شافني قال وش فيها متضايقه لدرجة فيه ناس يعرفوني دائما ابتسم قالوا وش فيها ماشاءالله لبسها حلو وتسريحتها ومكياجها ليش شكلها متضايقه وتدرين كيف فسروها قالوا منقهره من قريبتها لانها صديقتها واصغر منها وتزوجت قبلها:11: وقبل فتره في زواج ثاني كنت مع مجموعة من قريباتي في نفس الطاوله كلهم متزوجات ماعدا وحده وانا كنت مضطره اجلس معهم عشاني وحيدة امي وهي كانت مع الحريم صعبه اجلس مع الحريم الكبار :24: ولاعندي خوات اجلس معهم ولما طقوا الطقاقات قمت رقصت قالوا ايه تبي ترزز نفسها عشان تنخطب وهم اصلاً يعرفوني احب ارقص وكنت دائما ارقص بس الحين نادر ماررقص الا اذا احد طلب مني الله يفرجها علينا والله ياشوبارد صرت اكره المناسبات والحفلات عشان كذا احتار مين اجلس معه لاخوات عندي ولااقدر اجلس مع امي ولا اقدر اجلس مع اللي بنفس عمري كلهم متزوجات ولا اللي اصغر مني عشانهم مااتزوجوا يعني اجلس لحالي :18: |
شوبارد
والله حسه بيكي لاني انا كمان الي فضله من اقاربي لسه متجوزتش ولكني اختفيت يعني مش بحب احضر افراح ولا خطوبات عشان لا دي تبصلي ولا دي تعلق اصلا لو اقاربي شافوني يقولوا سبحان الله جميلة وفيها كل المواصفات ودي مش ذيها ومش حلوة واتجوزت و هيا لسه! عاوزه اقولهم انهم من حسدهم فيه ده الي حصلي ولكن مقدرش ربنا ييسر ليكي ولينا يا حبيبتي معلش قضاء اخف من قضاء ومين عارف احسن منتجوز لا قدر الله وميحصلش نصيب وكل تاخيرة وفيها خيرة ان شا الله |
اللهم اني اسالك ان لا تغيب شمس يوم الاربعاء الاوقدمت زوجا صالحا ل شوبارد الغاليه
وان تشفي بنت صديقتي وتكشف ضرها |
انتي بعدك صغيره اش لج بزوج و عوار راس ؟؟؟ فى حرمه صديقة جدتي عمرها 50 سنه او اكبر منقطعه عنه الدوره مو متزوجه و عندها امل انه بتتزوج انتي بعدك صغيره الفرص كثيره جدامج
الله يوفقج |
اقتباس:
شوبارد .. أبغى أفهم العبارة اللي فوق عن الرسول عليه الصلاة والسلام.. كيف يعني ؟؟ قصدكم حديث ؟؟ والله ما سمعت فيه !! اديني النص بلييييز ! |
| الساعة الآن 11:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©