كنت معزومة بزواج ونفسيتي تعبانة ماأحب أقاربي يشوفوني للأسف أنا أكبر بنت في عايلتنا ماتزوجت!
والله لو تشوفوني كأني مراهقة لي فترة طويلة ماخليت مكان ولامحل الا رحت له أبغى شكلي ذاك اليوم يصير تمام
عندي مبدأ غريب اني اذا طلعت لازم شكلي يرضيني تماما لكن بدون تكلف عشان اسكت الناس وأكون واثقة جدا من نفسي
اول مادخلت وقفت عند المراية وطلعت العطر وبحركة غريبة صرت ارشه فجأة اختي تقولي بشويش بشويش تبقع فستانك
حسيت اني حركتي في العطر من الضيقة اللي بداخلي شوي واناظر شكلي قلت بنفسي الحمدالله بدخل وانا واثقة

جلسنا.. امي تقولي شفتي فلانة عمرها 20 وعندها ولد.. وفلانة اصغر منك ب5 سنين وعندها بنت وحامل.. وفلانة مطلقة وتزوجت مرة ثانية
حتى المطلقة تتزوج مرة ثانية وانت كنك هالطاولة جامدة مايتغير فيك شي!!!!!!!!!!!!!!!!!
قلت يماه والله لو ماتسكتين بروح اجلس بزواية لحالي عشان يقولون بنتها مهبولة
بديت اضيق بزيادة وماني متحملة هالمكان.. شوي جت وحدة عمرها 20 لنا 10 سنوات ماشفناها وامها مرة غالية علي
ناديتها وجلسنا مع بعض وصرت اسولف معها واضحك وانا بالعادة رسمية جدا مع اقاربي عشان ماياخذون راحتهم معي بالكلام ومرة كنت مروقة مع قريبتي هذي وحسيت اني لفت نظرها كثير
فجأة قالت انت متزوجة؟ رديت بابتسامة وبسرعة لا قالت معقول؟؟؟ ليه؟
مارديت عليها قالت انا سمعت ان الرسول عليه الصلاة والسلام داعي للشينات صح؟
انا عيوني كلها دموع والعبرة بحلقي وحالتي حالة أشرت لها بكتفي ماادري
قالت الا انا قد سمعت شوفي الشيون هم اللي يتزوجون فلانة شينة حتى لبس ماتعرف وتقول امي انها ماخذه احسن الرجال طنشت ومارديت
حسيت انها بدت تناظرني أكثر وطنشت صار تتسولف وابتسم ومارد واكيد هي حست لأني انا اللي ناديتها وانا اسولف معها كثير وفجأة ماقدر ت اكلمها والله غصب عني ابي ابكي
طبعا هي تفشلت لأن مااحد يكلمها وقامت
ومن بعدها وانا ابليس فوق راسي حسبي الله عليه والله استحي اقولكم وش الأفكار اللي جتني بس المهم جتني افكار حسيت اني انسانة تافهة جداا وعقليتي صغيرة وهالأحساس بحياتي كلها ماقد حسيت فيه
وانا أمشي مريت من عند مجموعة اغلبهم بنات اصغر مني واعدادهم كثيرة وكنت ناوية أسلم عليهم واسمعهم يقولون هذي؟ واشكالهم متحمسة وكل وحدة تنادي الثانية عشان يناظروني يوم شفت نظراتهم تصدقون خفت!! كانو مرة متحمسين مريت من عندهم وسويت نفسي ماشفتهم وماسلمت!! << حسيت حماسهم اني لفت نظرهم لأني ماتزوجت
كتمت ومرة بين علي وبعد العشا امي حاولت نمشي كثير ونغير مكانا قلت يماه ليه؟
قالت خل الناس تناظرك انا مت قهرررر زود

الله ياالدنيا يوم انا ادرس بالجامعة كانت تقولي لاتدخلين مجلس الحريم عشان مايناظرونك الحريم
والحين بتمشيني قدامهم غصب

اكره هالحركة اني امر امام حريم عشان يخطبوني احسها استنقاص بحقي ربي اللي يجيب النصيب مونظراتهم

كم وحدة دخلت بيتنا وشافتني وتطور الموضوع وفجأة وقف..
واللي ضايقني أكثر ان أختي قالت لي اذا نفسيتك راح تصير كذا لاتروحين لأي مكان ترى شكلك بالزواج واضح انك ضايقة والناس بيفسرونها انك ضايقة عشان العروس او شي زي كذا
انا ماتوقعت ان شكلي مرة مبين بس سبحان الله غصب علي
رجعت البيت وانا ضايقة واي احد يكلمني ممكن ارد عليه واخذ واعطي معه الا امي حسيت بداخلي شي عليها
واني زعلانة مرة منها وعرفت السبب بس يله الحمدالله
والله مالقيت احد أفضفض له غيركم
ادعولي مااشوف اقاربي مرة ثانية الا وانا متزوجة

__________________
اللهم لك الحمد والشكر
"ولئن شكرتم لأزيدنكم"

اختى شوبارد

أصبري وتحملى فمنازل الجنة ودرجاتها تستحق والله الصبر على أكثر

من ذلك ، انت لاتزالى صغيره وربما أن الله كتب لك الخير في الآخرة بهذا

الامتحان ثم رزقك من خير الدنيا زوجاً حنونا طيبا كريما عوضك صبرك

فتكونى حصلتى على الفضلين وذلك فضل الله يمن به على من يشاء

من عباده ، اصبري وبإذن الله ستجدين كل خير وسعادة بحول الله وقوته

الله يوفقك ويسعدك ولك تقديري

والله يااختي ضاق صدري للي صار لك بس صدقيني امك ما كان قصدها لكن انتي صايره حساسه مره وامهاتنا يقولون كلام بحسن نيه واحنا اذا بغينا نعديها نعديها والا نفسرها ميه تفسير ..؛؛؛
ومو كل متزوجه مستانسه وسعيده لكن احنا ومجتمعنا دائما تفكيرهم متحجر ومستحيل يتغير ,,
على الاقل احمدربك والله ماكتب لك بهالتأخر الا فيه خيره مو مثل حالتي يااكثر مانخطبت وبصراحه مارتاح ولمن جاء هالاخير بس قلتلهم بستخير على طول ردوله وصارت ملكه حتى ماشفته لان ولد خالي وماعندنا نظره شرعيه ولمن مره زعلت وعصبت وقلت للوالده ماابي اتزوج قالت ..وش ابغى فيك تجلسين عندي<<<<<< تخيلي يااكبرها عند الله
مع اني كنت الكل بالكل بالبيت وماتستغنى عني لمن جات مسأله الزواج طاح كل شي


سامحيني خرجت على موضوعك انا حبيت خفف عنك والله وعليك بالصبر حبيبتي والله يكتب لك مافيه الخير لك ولي وكل بنات المنتدى يااااااااارب

وبقولك على سر ,, وان شاءالله البنات مايزعلون تصدقين انتي الوحيده الي لأجيت افطر ادعيلك مادري ليه بصراحه

ياالله حبيبتي هوني على قلبك وافرديها ترى الدنيا ماتستاهل صدقيني

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(

اختي لا تزعلين واضيقين على نفسج

الدنيا ماتسوى والله

كل اللي الله كاتبه خير بزواج وبدون زواج ونصيبك بيجيك في وقته والوالده تحمليها

وصديقني منتي لوحدك الاف من البنات مثل حالتك واكثر بس الانسان ما ايركز حياته على شي واحد

عيشي حياتج واستمتعي وتوكلي على الله

__________________




لم يخلق الدمع لامريء عبثا

الله اعلم بلوعة الحزن

ياليتني مشرفه

كان نقلت الموضوع لفضفضه بنت مقبله على الزواج

...

__________________

ياشوبارد



لولا حساسيتك من هالموضوع ياسلام عليك



إنتي رهيبه
ودمك خفيف
ونشيطه

جداً
جداً
جداً

...


وعلى فكره كلام قريبتك صحيح

لأني كنت أستغرب من زميلة لنا العام الماضي


*
*

*

كل سنه تسافر بلد

وماخذه ولد عائلة معروفه جداً

والمفاجأة
إنها طلعت متزوجة ولد أحد أقاربنا

وإستغربت
؟!!!

لأنني أعرف أخواته
كل وحده أحلى من الثانية

...
وتوقعت بيجيب قمر زمانها

لقيتها
مثل ماقلتي

؟!!!

...


سبحان الله
دعوة الرسول مجابه


...


ثقي ياشوبارد


كل هالكلام بيصير ذكريات في يوم من الأيام وبكره فوفو تذكرك


مومهم الزواج

مهم رجل طيب


...



وعلى فكره إذا بتجلسين تفكرين بالموضوع بهالطريقة وربي بتحرقين أعصابك



تدرين ليه كلهم تزوجوا وإنتي لأ

لأنك جالسة تعدين وتستثقلين



...



تناسي
وإشغلي نفسك
بالعكس شوفي أقاربك
علشان اللي ماشافك يشوفك
وكوني واثقه من نفسك
مادمتي لست أقل منهم


...


بيدك تعيشين وبيدك وحدك تموتين


...
روقي

دمتي بحب

__________________

إييييييه يا شوبارد

أمك الله يهديها ليه كذا تقول ؟ فهميها إن هذا الكلام يقلب وجهك ويعكر مزاجك فالناس تعتقد إنك غيرانه

ذكرتيني بالعرس اللي رحته آخر مرة.. أشغلت الناس بلبسي والعفو حذائي ومناكيري وطولي.. وأنا قلبي ينحرق على ذبولي.. بس الفرق في العرس كانوا في بنات أكبر مني بمراحل ما تزوجوا وهذا قهرني أكثر.. سبحان الله كل شي قسمة ونصيب..


أعتقد لو والدتك الله يحفظها لو تبطل تعايرك في الأفراح وغيرها راح تكون نفسيتك أحسن والناس تتقرب أكثر.. فهميها إنها هي اللي تهرب العرسان.. بينيلها خطأها بينك وبينها قولي لوالدك.. تخيلي أمي كانت تبغى تنزلني فنفس الفندق اللي فيه الفرح واللي راح تنزل فيه العروس.. قلت لها إذا مصرة الله معاكِ تقول مافيها شي.. قالت الكلمة ذي وأنا على قولك إبليس فوق راسي.. عصبت قلت لها تخيلي نفسك عمرك 27 وبنت مفعوصة أصغر منك بست سنوات تتزوج تنزلي بنفس الفندق اللي فيه ليلة دخلتها ؟!!! قالت لأ .. وبرضوا راحت على بابا حتى يأثر في وسمعته قال لها حقها كلامها صح !! وتحججنا لأهل العروس ويسألوا بكل وقاحة واستهبال ليه ماتنزلوا بنفس المكان قلت لها والله أربع أيام نقابل حيطان ؟؟ أنت على الأقل عندكم أرحامكم إحنا لو طفشنا ننزل للسوق ونتمشى!!

فيا ريت تكلمي والدك ولين متى راح يضل الموضوع مكتوم إنت تتعرضي لضغوط !!! خجلك من والدتك هو اللي جايبلك النكد.. أنا ما أحرضك عليها وأقلك صرخي بوجهها.. لكن قولي لها إذا المرة الجاية قلتي مثل هذا الكلام أنا راح أجلس في البيت ما أطلع وشوفي من وين تجيبيلي عرسان وقتها!! واشرحيلها وخليها تكون مكانك.. يعني لو إنت بمكاني وأمك تضغط عليك إيش شعورك ؟

أو إنك تعودي نفسك وتخلي إذن من طين وإذن من عجين.. ووتخلي أمك تتكلم ولا كأنك سامعة شي !!

الله يعينك ويعيننا ويرفع عنا ويفرج همنا ويرزقنا من حيث لا نحتسب.. هونيها تهون.

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

السلام عليكم ورحمة الله وبركاته

بإذن الله ، تنالين خيرا عظيما في القريب إن شاء الله

أسعدك الله وكتب لك السعادة في الدنيا والآخرة

وفقك الله

__________________
رب اغفرلي ولوالدي

سبحان الله بحمده

سبحان الله العظيم

عزيزي القارئ : إن كل ما أكتبه ليس لي فيه أدنى فضل .. بل الفضل لله

ثم لوالدي وأناس قد قرأت لهم أو تحدثت إليهم .. من أجل هذا ليس لك أن

تستأذنني في نقل ماتراه مناسبا وصالحا للنقل إلى أي منتدى وأي مكان

ومن غير أن تشير حتى إلى إسمي .. لكنني أتبرأ إلى الله إن كان فيما نقلت

أي زلل مني لم أدركه والله يغفر لنا ولك.

أخوي الكبير
أنا صابرة ومحتسبة الأجر لكن تجي لحظات خارجة عن الإرادة وابن آدم ضعيف
جزاك الله خير على كلماتك هونت علي كثير


أختي الهم
والله السالفة ماهي سالفة حساسية
انا امي دايم تقولي هالكلمة: ملييييييييييييت منك متى تطلعين من بيتي!! اقولها انا جالسة في بيت أبوي
والله يفرج همك ويسعد قلبك ويرزقك الزوج الصالح عاجل غير اجل شاكرة لك من اعماقك قلبي على كلامك وخصوصا أخر شي

مس قرين
مشكورة انا الحمدالله عايشة حياتي لكن بوجود منغصات




t3b2006
انا ماعديت.. انا يااختي مابدأت بالمعاناة الا من سنة من صار عمري 25 سنة وانا منقلب حالي
ماهو بس تأخر زواج لأني انخطب وفجأة ينتهي الموضوع
يعني قبل ماكنت اافكر بالزواج بهالشكل ..وانا ياعزيزتي ماقلت ليه هم تزوجو وانا لا
اعرف ان هذي أرزاق من عند رب العالمين انا محزنة على حالي
واللي صار لي بحفلة الزواج بس
أتمنى تقرين موضوعي مرة ثانية عشان تفهمينه
وشاكرة لك الله يسعدك دنيا وآخرة

__________________
اللهم لك الحمد والشكر
"ولئن شكرتم لأزيدنكم"

السلام عليكم

هلا بالغالية شوبارد

صدقيني بأن الفرج قريب تفاءلي ولا تضيعين عمرك بلحزن والفرج قادم

أكيد انتي تدعين وبإلحاح

خلاص ثقي بأن الله سيستجيب لكِ ولو بعد حين

لأن وعده حق ولكنه ما اخر هذا اليوم إلا لحكمه نجهلها

عزيزتي شو بارد

توكليي على الله وفوضي كل أمرك له

وترا في وقت القهر والضيق والحسرة لو تدعين الدعاء يكون طالع من القلب

فكل ما ضقتي ادعي من كل قلبك ولو إنك بين الناس ادعي في قلبك

وقولي يارب لاأحد يعلم بحالي غيرك فرج همي توكلت عليك وفوضت امري إليك يارب

صدقيني راح ترتاحين

وما يدريك قد تكون ساعة يستجيب فبها ربي لكِ

تفااااءلي عزيزتي

وأحسني الظن بالله

وسيأتي الفرج

وأهديك هذا البيت أحفظيه

دع المقادير تجري في اعنتها ××× ولا تبيتن إلا خــالي البـــال


أسأل الله العظيم بأسمائه الحسنى وصفاته العلى أن يرزقنا ما نتمنى بالقريب العاجل

__________________


سبحان الله وبحمده عدد خلقه
ورضا نفسه وزنة عرشه ومداد كلماته