|
كلمة حماتي اقهرتني
امس كنت قاعدة مع حمولتي نسولف ونضحك وفتحنا موضوع عصبية الزوج وخاصة عصبيته على اليهال فكنت اقول لهم ان زوجي ( اخوهم ) كثر ما كان مدلل بنتي الكبيرة الحين العكس دلعه ودلاله كله على بنتي الصغيرة وطول اليوم يصرخ على الكبيرة جان تشوفني حماتي بطرف عينها وتبتسم وتقولي انتي خليه يهج شوي من البيت عشان ترتاح نفسيته انا انصدمت وقتلها اهو يطلع منو قال ما يطلع ردت علي باستهزاء لاااااااااااااااااااااااااااااااااااااااا ؟؟ زييييييييييييييييييييييييييين اللي يسمع الحين يقول انا مربطته عندي وقايلته اذبحك اذا طلعت انا وايد تضايقت انا كثر ما اراعي اللي جدامي بس اللي جدامي يقل علي حجي ما يثمنه قلت الموضوع لزوجي قتله صار كذا وكذا انت متكلم عني جدامهم اني مضايقتك بشي ؟؟؟؟ قام يحلف لي بأغلى ما عندي انه مو متكلم ولا قايل شي قتله انا احترمت نفسي وسكت بس لو وحده ثانية جان ابسط شي ردت عليها وقالت لها والله ما عرفتي انه كله مجابلني الا لانج كل يوم عند اهلج ( لان حماتي هذي متزوجة وام عيال بس يوميا من فترة الغدا الى اخر الليل عند اهلها وانا ساكنة بدور بروحي عندهم ) او جان رديت والله اخوج ما جابلني الا لاقي راحته عندي بس للأسف ما رديت لاني اتجنب المشاكل كثر ما اقدر انا سألت زوجي قتله كلمة اختك تضايق ولا انا مكبرة الموضوع ؟؟ فرد علي وقالي الصراحة ؟؟؟ كلمتها تضايق وماله داعي انها تقولها بس والله اللي قاثني ان وايد تصير اشياء احس انه اهل زوجي حاطين عينهم على اتفه شي يعني حتى قعدة زوجي معاي وطلعته حاطين عينهم على هالشي ؟؟؟؟؟ شالتفاهه !!!! |
والله اختي ممكن كلمتها تضاييق شوي بس مو كلش ممكن كان كلتيلها غير يموت في وتضحكين وتعديها انا يااااااااااااا مااااااااا كالولي هل كلام حتى مرة كالي حماي انت لو بس تهدين زوجك شوي هو يرتااااااااح انا ضحكت وكلت له لا والله ما اهد لاني اموت عليه وانتهى الموضوع وطلع هو متضاييق اكثر مني وما أثر على علاقتي بهم وما قلت لزوجي شفت السالفة ما تستاهل
|
السلام عليكم ورحمة الله وبركاته
الفاضلة متزوجة ولكن اقتباس:
قد تكون أخته في قلبها نوع من " الحسد " ، لماذا زوجك معك دائما ، إن شاء الله بسبب حبه لك. فقابلي مثل هذه المواقف " بالتطنيش " ولا تمنحين الموضوع اهتماما أكبر مما يستحق. ومع هذا وذاك .. قابلي السيئة بالحسنى وانت الرابحة في النهاية. أسعدك الله. ____________ اقتباس:
لا يجوز الحلف إلا بالله أو بأحد أسمائه الأخرى. أما " وفلان ، وراس فلان ، وغلاة فلان عندك " هذا شرك قولي انتبهي بارك الله فيك. أسعدك الله ونبهي زوجك على مثل هذا. |
ينقل الموضوع لقسم الثقافة و التوجيهات الزوجية مكانه الأنسب
|
انا اللي خلاني اتحسس من الموضوع انها نوعا مو مو جذي اسلوبها العادة اسلوبها الطف من جذي بس فجأة قالت لي الكلمة وجنه شي في قلبها لانها حماتي هذي وحماتي اللي اكبر منها يوميا في بيت اهلهم لان ازواجهم على طول بره البيت ومشاويرهم يسوونها بروحهم اما انا مشاويري اكثرها مع زوجي يعني عيب الواحد يبطل عينه على كل شي معقولة قعدة زوجي معاي جذي مضايقتهم !!!!! عيب والله عيب |
أختي ...
تصرفك كان صحيحا تمامافلا تندمي عليه فما فعلتيه كان يعكس أدبك وحسن تربيتك واقول لك "وسعي صدرك" فربما شيء من الغيرة في نفسها وربما كانت تتمنى أن يكون زوجها كزوجك وبصراحة ... إن كلمات حماتك جعلتك تتوصلين بنفسك لقيمة عظيمة في حياتك وهي أن زوجك سعيد في حياته معك والله اخوج ما جابلني الا لاقي راحته عندي افرحي جذلا بهذا الانجاز واجعليه دافعا لك لتبذلي المزيد من العطاء لزوجك تمنياتي لك بحياة سعيدة |
وحدة ونص حماتي اصغر مني بجم شهر وحماتي الثانية اكبر مني تقريبا بسنة او اقل وباجي حمواتي بالجامعة والمراحل الثانية من الدراسة وانا ساكنة في بيت اهل زوجي ولكن في دور مستقل يعني يوميا زوجي يمر على اهله واهوا صاعد الشقة وانا احاول على طول اطيب بخاطر خالتي يعني اللي سكت عنها اصغر مني بعدي عن المشاكل يخليني اتحسف احيانا اني ما ارد على بعض الاشياء اللي تنرفز |
يأختي تعودي علشان ماتتضايقي
انا الحين مملكه وخطيبي يجيني بين ليله وليله .. بس امه الله يهديها دايم تدق وبكل ساعه .. وين انت ...وليش جالس للحين معاها ... المفروض اهلي الي يتضايقو مو اهي :d ... وليش ماتجي البيت ... واذا راح بيتهم لقاها نايمه ... بس انا اقول هاذي امه وجالسه اعود نفسي على هالوضع حتى لمن نطلع .. لازم تحقيق ... وين بتروحو .. متى راح ترجعو ... واذا مرت نص ساعه بس .. تدق علينا .. ليش للحين ماجيتو ... وبس نرجع كالعادهـ نايمه :( بس انا بر ضو اقول هاذي امه ولازم احترمها في كل شي الله يعينك اختي ... انتي بس طنشي .. لانك لو اخذتي على كلامهم كله راح تجني منهم الله المستعان هموووم |
يا أختي ...
حتى لو كانت أصغر منك الشخص المؤدب يكون مؤدب مع الكل كما أن سكوتك يدل على عدم اكتراثك لكلامها وهذا ما يجدر بك أن تفعليه حتى لا تشعرأنها تستطيع استفزازك متى أرادت والموضوع أصلا لا يحتاج إلى تصعيد فهو صغير اعتبريها زلة لسان وأنت أكبر من أن تلتفتي لمثل هذه الأمور وفقك الله |
في مثل يقول: (طنش تعش)
|
انا الحين ادقق بالموضوع مو عارفة شنو تقصدين بحماتي :11: حنى نقول لام الزوج حماة واخت الزوج الصهرة الحموات عادة هم ام الزوج المهم انا عندي راي اولا عدم ردك لها يدل على حسن تربيتك مشاء الله وانشاء الله دوم تمسكين اعصابك وثانيا ترى تجاهلك وعدم ردك في بعض التحرشات منهم بعد فترة من الزمن راح تكبرين بعيونهم وياخذون لك الف حساب وراح تكون لك قيمة هذا لانك تحكمين عقلك قبل اى رد:22: بس انا اخالفك علشان قلتي لزوجك اختك قالتلي وقالتي وانت ليش قلتلها لان من الواضح يعنى مستحيل راح يقولهم زوجتى رابطتني في البيت وبعدين مراح تستفيدين شيء يوم قلتيلة غير انة يكرة اختة ويستحقرها وخلي نفسك مكانها لو غلطتى بدون قصد او شيء وراحت زوجة اخوك خبرت اخوك راح فعلا يكرهك وخصوصا انك قلتي انك مستغربة من اخت زوجك لانها دايما مهذبة معاك بالكلام وكلامها لطيف معك والرجاء ماتزعلين من ردى هذا مجرد رأي اختى والله يديم عليكم السعادة يارب
|
أختي الفاضله /
اللي فهمته من موضوعك أنكِ أمرأة صالحه ومطيعه لزوجها ومحبوبه لديه أحسبك والله حسيبك ( الله لا يغير عليكم ) المشلكه بسيطه جداً (( وتافهه )) كما قلتِ والحركة التي عملتها حماتك ــ نوع من الحسد والغيره ــ لأنها شايفها زوجك كثير الجلوس معك وهذا شيء محمود وجميل أن يكون الزوج كثير الجلوس مع زوجته وأولاده .. لا تلتفتين لهذا الموضوع وطنشي بمعنى أصح تغافلي عن هذا الموضوع ... لأن في التغافل حفظ لكرامتك وكرامتك زوجك .. وهذا كلام لا يودي ولا يجيب ... فلا تهدمين بيتك بتصرف خاطئ ... بالتوفيق ... |
نصيحة عزيزتي
تجنبي تسمعين لكلامهم يعني مهما حاولوا يستفزونك لا تردي عليهم كذه بتكسبي زوجك أولا وأخيرا |
| الساعة الآن 06:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©