امس كنت قاعدة مع حمولتي نسولف ونضحك
وفتحنا موضوع عصبية الزوج وخاصة عصبيته على اليهال
فكنت اقول لهم ان زوجي ( اخوهم ) كثر ما كان مدلل بنتي الكبيرة الحين العكس دلعه ودلاله كله
على بنتي الصغيرة وطول اليوم يصرخ على الكبيرة
جان تشوفني حماتي بطرف عينها وتبتسم وتقولي
انتي خليه يهج شوي من البيت عشان ترتاح نفسيته
انا انصدمت وقتلها اهو يطلع منو قال ما يطلع
ردت علي باستهزاء لاااااااااااااااااااااااااااااااااااااااا ؟؟ زييييييييييييييييييييييييييين
اللي يسمع الحين يقول انا مربطته عندي وقايلته اذبحك اذا طلعت

انا وايد تضايقت انا كثر ما اراعي اللي جدامي بس اللي جدامي يقل علي حجي ما يثمنه
قلت الموضوع لزوجي قتله صار كذا وكذا
انت متكلم عني جدامهم اني مضايقتك بشي ؟؟؟؟
قام يحلف لي بأغلى ما عندي انه مو متكلم ولا قايل شي

قتله انا احترمت نفسي وسكت بس لو وحده ثانية جان ابسط شي ردت عليها وقالت لها
والله ما عرفتي انه كله مجابلني الا لانج كل يوم عند اهلج ( لان حماتي هذي متزوجة وام عيال بس يوميا من فترة الغدا الى اخر الليل عند اهلها وانا ساكنة بدور بروحي عندهم )
او جان رديت والله اخوج ما جابلني الا لاقي راحته عندي

بس للأسف ما رديت لاني اتجنب المشاكل كثر ما اقدر

انا سألت زوجي قتله كلمة اختك تضايق ولا انا مكبرة الموضوع ؟؟
فرد علي وقالي الصراحة ؟؟؟ كلمتها تضايق وماله داعي انها تقولها

بس والله اللي قاثني ان وايد تصير اشياء احس انه اهل زوجي حاطين عينهم على اتفه شي
يعني حتى قعدة زوجي معاي وطلعته حاطين عينهم على هالشي ؟؟؟؟؟
شالتفاهه !!!!

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

والله اختي ممكن كلمتها تضاييق شوي بس مو كلش ممكن كان كلتيلها غير يموت في وتضحكين وتعديها انا يااااااااااااا مااااااااا كالولي هل كلام حتى مرة كالي حماي انت لو بس تهدين زوجك شوي هو يرتااااااااح انا ضحكت وكلت له لا والله ما اهد لاني اموت عليه وانتهى الموضوع وطلع هو متضاييق اكثر مني وما أثر على علاقتي بهم وما قلت لزوجي شفت السالفة ما تستاهل

السلام عليكم ورحمة الله وبركاته



الفاضلة متزوجة ولكن

اقتباس:

شالتفاهه !!!!

مادامت تفاهة كما قلت وهو فعلا موضوع بسيط فلا تلتفتين لمثل هذه الأمور.

قد تكون أخته في قلبها نوع من " الحسد " ، لماذا زوجك معك دائما ، إن شاء الله بسبب حبه لك.

فقابلي مثل هذه المواقف " بالتطنيش " ولا تمنحين الموضوع اهتماما أكبر مما يستحق.

ومع هذا وذاك .. قابلي السيئة بالحسنى وانت الرابحة في النهاية.

أسعدك الله.

____________

اقتباس:

قام يحلف لي بأغلى ما عندي انه مو متكلم ولا قايل شي

لا يجوز الحلف إلا بالله أو بأحد أسمائه الأخرى.

أما " وفلان ، وراس فلان ، وغلاة فلان عندك " هذا شرك قولي انتبهي بارك الله فيك.


أسعدك الله ونبهي زوجك على مثل هذا.

__________________
رب اغفرلي ولوالدي

سبحان الله بحمده

سبحان الله العظيم

عزيزي القارئ : إن كل ما أكتبه ليس لي فيه أدنى فضل .. بل الفضل لله

ثم لوالدي وأناس قد قرأت لهم أو تحدثت إليهم .. من أجل هذا ليس لك أن

تستأذنني في نقل ماتراه مناسبا وصالحا للنقل إلى أي منتدى وأي مكان

ومن غير أن تشير حتى إلى إسمي .. لكنني أتبرأ إلى الله إن كان فيما نقلت

أي زلل مني لم أدركه والله يغفر لنا ولك.

ينقل الموضوع لقسم الثقافة و التوجيهات الزوجية مكانه الأنسب

__________________

انا اللي خلاني اتحسس من الموضوع
انها نوعا مو مو جذي اسلوبها
العادة اسلوبها الطف من جذي
بس فجأة قالت لي الكلمة وجنه شي في قلبها
لانها حماتي هذي وحماتي اللي اكبر منها يوميا في بيت اهلهم لان ازواجهم على طول بره البيت
ومشاويرهم يسوونها بروحهم اما انا مشاويري اكثرها مع زوجي
يعني عيب الواحد يبطل عينه على كل شي
معقولة قعدة زوجي معاي جذي مضايقتهم !!!!!

عيب والله عيب

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

أختي ...
تصرفك كان صحيحا تمامافلا تندمي عليه

فما فعلتيه كان يعكس أدبك وحسن تربيتك
واقول لك "وسعي صدرك" فربما شيء من الغيرة في نفسها
وربما كانت تتمنى أن يكون زوجها كزوجك
وبصراحة ...
إن كلمات حماتك جعلتك تتوصلين بنفسك لقيمة عظيمة في حياتك
وهي أن زوجك سعيد في حياته معك
والله اخوج ما جابلني الا لاقي راحته عندي
افرحي جذلا بهذا الانجاز واجعليه دافعا لك لتبذلي المزيد من العطاء لزوجك

تمنياتي لك بحياة سعيدة

__________________

وحدة ونص


حماتي اصغر مني بجم شهر
وحماتي الثانية اكبر مني تقريبا بسنة او اقل
وباجي حمواتي بالجامعة والمراحل الثانية من الدراسة
وانا ساكنة في بيت اهل زوجي ولكن في دور مستقل يعني يوميا زوجي يمر على اهله واهوا صاعد الشقة وانا احاول على طول اطيب بخاطر خالتي

يعني اللي سكت عنها اصغر مني

بعدي عن المشاكل يخليني اتحسف احيانا اني ما ارد على بعض الاشياء اللي تنرفز

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

يأختي تعودي علشان ماتتضايقي


انا الحين مملكه وخطيبي يجيني بين ليله وليله .. بس امه الله يهديها دايم تدق وبكل ساعه .. وين انت ...وليش جالس للحين


معاها ... المفروض اهلي الي يتضايقو مو اهي ... وليش ماتجي البيت ... واذا راح بيتهم لقاها نايمه ... بس انا اقول


هاذي امه وجالسه اعود نفسي على هالوضع


حتى لمن نطلع .. لازم تحقيق ... وين بتروحو .. متى راح ترجعو ... واذا مرت نص ساعه بس .. تدق علينا .. ليش للحين


ماجيتو ... وبس نرجع كالعادهـ نايمه



بس انا بر ضو اقول هاذي امه ولازم احترمها في كل شي


الله يعينك اختي ... انتي بس طنشي .. لانك لو اخذتي على كلامهم كله راح تجني منهم



الله المستعان


هموووم

يا أختي ...
حتى لو كانت أصغر منك
الشخص المؤدب يكون مؤدب مع الكل
كما أن سكوتك يدل على عدم اكتراثك لكلامها وهذا ما يجدر بك أن تفعليه
حتى لا تشعرأنها تستطيع استفزازك متى أرادت
والموضوع أصلا لا يحتاج إلى تصعيد فهو صغير
اعتبريها زلة لسان وأنت أكبر من أن تلتفتي لمثل هذه الأمور

وفقك الله

__________________

في مثل يقول: (طنش تعش)

__________________