|
حركة ترفع الضغط
كثير من الزوجات التي تعاني من نقطة معينة
وهي ان حماك اللي هو اخو زوجك اذا خطب الله يباركله يقوموا اهل الزوج بحركة بايخة بحيث انهم يعددوا محاسن خطيبة حماك امام زوجك وتعالوا شوفوا المدح حتى لو كانت مو قد كذا وانتي قاعدة جنب زوجك زي الاطرش في الزفة بس لو سمحتوا يا زوجات وش بيكون ردة فعل كل وحدة فيكم لو تعرضت لهذا الموقف وايضا سؤال للازواج اذا مدحوا خطيبة اخوك عندك ما يقع شي في قلبك اتمنى تجوبوا بكل صراحة الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
بعدني ما مريت بهذي التجربة
بس يا الغالية كوني واثقة من نفسك ولا تبيني أي خجل او قهر او حرج أو إنزعاج وتصرفي طبيعي وفقكِ ربي لمرضاته وجعل زوجكِ يراكِ ملكة الملكات ولا يأبه بغيركِ دمتِ بكل ود |
|
أنا ما مريت بتجربة الزواج بعد ولكن بصراحه معك كل الحق بس لازم تاخذينهم على قد عقولهم عاد حركات حريم أكيد خابرتنها
|
ياشيخة طنش تعش ولاتبتئس خخخخخخخخخخخخخخخخخخخ
اهم شي حبيبي في جيبي وانتعش الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
اقتباس:
لو أنا مكانج يا إختي الغاليه... أمدحها و أسرف بعد في المدح .. عادي الحشره ويا الناس عيد .. و بالمره أخلي زوجي يشاركنا المدح و يصير مدح جماعي.. والنتيجه مادح و ممدوح و (مديحه):23: بس صج إذا نيتهم شينه و قصدهم ينرفزونج.. نرفزيهم بنفس الأسلوب و بابتسامه عريضه:d الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
عادي عادي.... ولاتظنين فيهم يا أختي يمكن لأنها عروس جديدة وطايرين فيها(إن بعض الظن إثم).... وبعدين مايصير ناخذ دورنا ودور غيرنا يعني اذا مدحوها لازم يمدحوني (والبيت اللي في عشر اخوان وكلهم زوجاتهم حاضرين شو يسوون؟؟؟؟!!)... طولي بالك وصدقها بر الأمان بزيد من عندي خخخ خخخ وحشرة مع الناس عيد... أبدا لاتبينين انك اتغارين منها.... افرحي معاهم وصممي أحسن فستان للعرس.... بالتوفيق ان شاء الله....
|
الذئبة
شكرا على المرور عسى الله ان يرزقك بالزوج الصالح واحد متفائل صدقت هم ما يقولوا كذا الا لإغاضتي دلع ودلع فعلا حركات حريم الله المستعان tarko حلو المثل ياريت نعرف المصدر :d بر الامان المشكلة موفي اني امدحها المشكلة انه من كثر المدح يمكن زوجي يتعلق فيها الشيطان شاطر والمدح شغال وهنا مربط الفرس حرم فلان الفلاني انا زوجة الاخ الكبر يعني مافي مجال يمدحوني وياريت كان معي سلفات كان الكلام مايصير موجه لي وحدي لكن انا اللي بوجه المدفع |
أختي لماذا سؤء الظن هم يقصدون بالمدح لها أن يفرحون أخوه الذي هو زوجك أنهم وجدوا لحماك زوجه مناسبه وأكيد لما خطبوك لزوجك مدحوك أمام أخوانه ويقصدون بالمدح هوا مدح ألأخلاق أما إذا مدحو ا شكلها فعليك أنصح من باب ألأمر بالمعروف وليس من باب الغيره حتى يجعل الله القبول في كلامك
|
انا بشوف عادي والافضل عدم التدخل بين الاخوه لان ذلك قد يلحق بك بعض الكلام لان عالاغلب القلوب بين الاسلاف يكون فيها بعض الضغينه هذا بالاضافه اذا كان زوجك ممن لا يستمع لنصحك وكلامك
والاحسن ومن ناحيه دينيه عدم الجلوس مع الاسلاف وانا اقول لك كل هذا يهون مقابل ان يتكفل الزوج بكل مصاريف زواج اخوه او بقسم كبير منها |
مالك غير الصبر ولا توضحي لهم انك مغتاضه وزعلانه وخصوصا زوجك ايش رايك انا والاد عم زوجي اذ خطبو يقعدو اهل زوجي يمدحو في البنات الي اتخطبو من ناحية الشكل والاخلاق وكل شيء حتى طريقة مشيتها وكلامها لدرجة زوجي يكح متعمد (( يستحي مني )) او يقول احم احم :d ويقوم والشكوى على الله صابرين والله يعيننا :(
|
إذا أنت واثقه من نفسك لا يهزك شئ
وزوجك اذا يحبك مااااااااراح يسمع مدحهم لها |
حبيبتي ما عليكي منهم لو انا مكانك اقول لزوجي وامامهم كيف كان شعورك بس جيت تخطبني وبالله ماكنت حلوه وبلشي احكي عن نفسك وكيف سارت الخطبه وكيف وكيف ....... الخ وهيك بتقلبي الموضوع لك وليس ضدك كيف بس الحركه:22:
|
اجل لو تشوفين ام زوجي وش توسي وش تقولين ؟؟
ام زوجي مجرد ما نرجع من عازيمه او عرس ما فيه بنت متزوجه ولا م و متزوجه الا وتجلس تمدح فيها ساعه لا في شكلها ولا لبسها ولا اسلوبها حتى ... والمشكله نص الحكي كذب ... واللي يقهرني ...ويرفع ظغطي وظغط زوجي معي ... اذا قمت وطلعت .. تجلس تسب فيني وتدور اي شي شين تقوله فيني .. بالرغم من اني جميله وبشهادة الناس لا ومو كذا وبس ... حتى تحرض اخوات زوجي يتكلمون فيني ويسبوني قدام زوجي ... لكن ما اقول الله يعنين ... وهم كلهم ما هموني ... زوجي واثق ويحبني وانا واثقه من نفسي ودايم يسمع مدح الناس لي من غير امه |
عاد انتي وش عليك منهم .. انتي كوني واثقه من نفسك وماعليكي من احد ابدا
يعني اسمعيه من اليمين وطلعيه من الشماااااال وحتى لو اهل زوجك يغيضوك ... ياجبل مايهزك ريح هموووم |
بصراحه ابتسم ابتسامة غامضة ومشككة في كلامهم وبالاخص قدام زوجي لانو هبل يوصفو ها قدام بعلي !!!!!!!!
وخليهم من غير تعليق التعليقات في البيت مع زوجي وعلى راحتي لاني مريت في هذا الموقف وهذا كان ردي """"""""""" |
موضوع شيق وهادف للأمانة وواقعي أيضاً
لأن الكثير من العوائل وانا كرجل حدث معي وأمامي ولكني أنا أقوم مباشرة من المجلس أو أناصحهم بعدم الإستمرار بذلك لأنه لا يجوز شرعاً مع العلم أيضاً ان العين تعشق والأذن تعشق وهذا أيضا ما حدث لي في بداية الأمر فعلى سبيل المثال لما تأتي الي أمي أو زوجتي أو اختي وتتحدث لي عن إمراة ما ويأتي الوصف بطريقة تفصيليه من باب الصدفة فمباشرة تتخيل أمامي... وأيضاً بالنسبة لكن يا نساء .... انا انصحك بالهدوء أثناء ذلك وتحاولين أن تتحدثي على إنفراد مع أم زوجك وتنصحينها بإن ذلك خطاً وأن نصيحتي ليس لأني فقط غرت منها لا .. بل لأن ذلك حرام أولاً وأن هذا يحث للوقوع للمحرم ... ولما لا يحمد عقباه... مع تمنياتي لك بالتوفيق.... |
انا اصغر وحدة
بس عندى اخو زوجى الكبير كان ماعنده وحدة صار المدح كل محاسن الدنيا فيها وانا جوزى ونضحك ولا كانه فى شى صرت انا واياه نحكى بكرة بنشوف العدل من الاعوج وانتى ما يهمك يمدحو كتل ما بدهم المهم عندك جوزك وبس وسيبى العالم كله مادام مبسوطة مع زوجك وما تنكدى على حالك |
اختي نصيحه لك تصرفي بطبيعتك ولاتتدخلين فيهم يمدحون ولا مايمدحون
لانه صعب موقفك اذا مدحتيها واصطنعتي هذا بيضغط على نفسيتك وحتى زوجك بينتبه ومايجوز واذا جلستي معصبه او قلتي لزوجك او اهله لاتتكلمون فيها او لاتمدحونها عند زوجي راح يكون فيه مشاكل وعناد فالافضل انك تشغلين نفسك بالدعاء والاذكار والاستغفار حتى تقل نسبة الغيره عندك لانه في يوم من الايام راح ينطفى كل شي وتعود المياه لمجاريها وبنفس الوقت انتي ماتركتي بصمه لك في ذاك الموقف يتذكرونه اهل زوجك وزوجك طول عمرهم |
والله بنقهر أكيد وبحاول أطلع زوجي أو أشغله
بس إذا مره ماقدرت أسكر الموضوع أو أكلم أم زوجي بلاش يتكلمون كذا عيب وحرام |
كثييييير اللي يعانون من هالمشكله..
حبيبتي طنشي ونبهي زوجك انه حرام اللي تسويه امه ما يجوز والله تمدح بنت قدامه مهما كانت الظروف.. لكن صدقيني ياكثر ما تصير هذي عشان يغيضون زوجة الابن يمدحون الزوجه الجديده.. ولكن انتي ولا يهمك لانهم بكرا بتصير بينهم وبينها مشاكل وبيتكلمون فيها وبيوصل الكلام زوجك وبيعرف ان مدحهم الاولي مجرد خرطي.. |
انا مامريت بهالتجربه بس اتوقع ردة فعلي عادية جدااااااااااااااااااااااااااااا
مدام اني ماليه عينه خلي يمدحون من اليوم لبكره .. |
خليكي طبيعية جداً لاوزيدي المدح بعد من عندك ولفترة زمنية وراح تصحة حماتك حبيبتي حاسة بيكي أنا مريت بهل مشكلة لمن بدأت حماتي تخطب لأبنها حسيت إنها ماراضية على مواصفاتي والحمد لله أنا بشهادة الناس أرضي فبدأت وخطبة مثل ماتفضلتي مدح وصف وإعجاب بشكل موطبيعي وعلى فكرة العروس أكبر مني بس أنا صغيرة فهذه المسألة لم تذكرها أبدأأمام أحد إلا إذا ألح عليها بالسؤال تقول صغيرة أكبر من سلفتها شوي:17: وعندما ذهبنا الى حفلة الخطوبة العائلة كلها قالوا أنا أجمل فحماتي صعقت :24: فأخذت تجرح بيني أمام زوجي وبحضوري بس عادي ولاهمني :11: كل مرة نفس الموضوع أخلاق وشطارة وأنا أمدح بعد وأزيد عليها طبعا كلا من عندي وتم العرس قبل شهر :14: والناس باركولنا وحماتي فترة الزيارة كلها توصف شطارتها :19: وهي كل شي ماعامله بس أنا أزيد المدح وبعد هالفترة شافت المدح على أصوله :22: بس هم تحاول تخفي مسأوها وتسامحها بكثير من الامور بس الجميع يعرف حتى بنتها دائماً تنتقدها والحمد لله فترة وعدت دعيت من الله أن أتمالك أعصابي والحمد لله
|
ثقي في نفسك ولا يهمك من قال او فعل
حاولي أن تبيني محاسنكي لزوجكي بعد خلوتكما |
أنا عن نفسي بموووووت من القهر بس بنفس الوقت اسوي نفسي عاادي وداخلي نااااااار بس عشان ماأبين لزوجي اني مقهوره
[COLOR="RoyalBlue"] صدق حركه تطلع الضغط[/ COLOR] |
الحركه هذي فعلا مو زينه
كانت بتصير مصيبه من وراها لخالتي من زوجها والسبب نفس اللي عملوه بيت حماك...يمدحون عروسة الاخ قدام الولد المتزوج الين فعلا دخلت في راسه فكرة الزواج والبيت كان بينهد ...الين تراجع في اخر لحظه عن قراره وتداركوا الوضع عزيزتي هنا يجي دورك في انك تكونين ماليه عين زوجك من الاول مو في المناسبات بس...اذا انتي ماكله عقل زوجك بدلعك وغنجك ودلالك وشطارتك وانوثتك من الاول والله ليدخل الكلام من اذن ويطلعه من الثانيه... همتك يا الغلا |
انا مريت بهالشي
نصيحتي لا تكونين حساسة ولا تاخذين كلامهم بصفه شخصيه ومع الايام بينسون هالشي، وبيتقبلون ان لكل وحده اختلافاتها، واذا كنتي ذكية انتي نفسج صادقي العروس الجديده وقوي علاقتج معاها، فما بيقدرون يتكلمون عنها جدامج! |
لاتوجعى راسك بالكلام هذا ثقى بنفسك
|
الله يعينك عزيزتي صار موقف مشابه لكن انا مامدحو زوجة اخوزوجي لأ اخت زوجي الله يهديها مرة مدحت مرأة مالنا اي صلة قرابة فيها تصير قريبة لحماتي ( زوجة اخوزوجي) بس مامدحت جمالها مدحت شخصيتها وانها لها شخصية واهمية في مجتمعها ووووو طبعا انا مو موجودة لكن زوجي قال لي ببراءة ان اختي قالت لي وهو طبعا موانو عاجبته بس كذا كلام وهي متزوجة وكبيرة بالنسبة لي يعني بالثلاثينات انا تنرفزت اكييييد يعني هالمرة ماتعجبه والمرة الثانية يزينها الشيطان سواء هي ولا غيرها فأنا قلتله مايجوز تسمع مثل هالكلام وووووووو قالي من غير قصد ووو قلت لو كان زوجها ماقالت له 00وهي شو موقفها لو اخت زوجها مدحت لزوجها اي حرمة شو بتعمل ؟؟؟ وقلت اذا اختك هذي ماتركت هالكلام الفاضي انا بكلمها ووقفها عند حدها 00 اذا تكلمت سكتها قل مايجووووز تصفين لي 00 والحمدلله زوجي خلالالالالاص مايحب يسمع مثل هالكلام 00 وانتهينا من هالمشاكل00 لو كنت مكانك كان قلت لهم مايجوز الوصف وتكلمت وفهمتهم باسلوب 00 وانتي فهمي زوجك بحرمة هالشيء00 |
انا لو منك اسكت الي تحكي .. وتمدح في العروسه قدام زوجي ..
بقول : خير خير خير .... :29: ليش تمدحينها وزوجي فيه مايجوز الي تسوينه استنى لحد مايكون في الغرفه الا حريم واحكي فيها زي ماتبغييين بعدين بضحك وبقول لا تكونون وقت خطبتي كنتو تمدحزني عند رجال غرب صدقيني فيه ناس ماينفع فيم الا التسكييييييييت من البدايه :30: |
واثق الخطوه يمشي ملكاً
|
سبحان الله لأن هذا يخالف الشرع ....
مايجوز تمدح امرأة او فتاة امام رجل غريب ... طبقوا شرع الله تسعد حياتكم ... اي شيء يخالف الشرع بديهي تجده يخالف الفطرة السليمة ... |
| الساعة الآن 11:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©