أبكي في يوم خطبتي
 

السلام عليكم ورحمة الله وبركاته ،،
ما أدري إذا كنتم تذكروني لأني غبتم عنكم فترة ولكن يعلم الله إني ما نسيتكم من دعائي
وكنت كل فترة أطل على منتداي العزيز حتى أعرف أخباركم والحمدلله قريت أخبار حلوة عن "الحب والحبيب" بأنها انخطبت و"لولو" تزوجت عسى الله يوفقهم ويسعدهم ويرزق باقي بنات هذا القسم وجميع بنات المسلين

اليوم جئت لكم وانا في امس الحاجة لمؤازرتكم ودعائكم لي فإني والله في حالة لا يعلم بها إلا ربي
أشعر بضيق وهم وكل شوي أبكي مع ان اليوم سيتقدم ناس لخطبتي .. يمكن تستغربون سبب ضيقي وحزني لان المفروض اكون سعيدة لذلك،، يمكن ترونها اسباب صغيرة ولكنها ليست كذلك بالنسبة لي ..
قبل اسبوع تقريبا اتصلت علي وحدة مصرية تقول ان في ناس يريدون يتقدمون لي وقعدت تمدح لي بالشاب انه ملتزم وخلوق وسيم وووووو
قتلها من وين تعرفيني وشلون عرفتي رقم تلفوني فقالت من وحدة بالدوام وما رضت تقول لي منو.. وهذي المصرية جت وشافتني ومدحتني للناس اللي بيخطبوني
المهم عشان ما طول حددوا يوم عشان يشوفوني فيه وهو اليوم هذا

لكن اللي ضايقني إن المصرية امس اتصلت علي وسألتني أسئلة نرفزتني مثلا هل في عائلتنا سمر؟ انتي مو بيضة حيل صح؟ انتي طويلة وجسمك مومتين ولا ضعيف؟

تضايقت من أسئلتها مع انها تقول شافتني ما ادري ليش تسأل !!

وشي ثاني ضايقني انها قالت لي انا مدحتك كتير قدامهم وقلت لهم ان شعرك طويل.. مع انها ما شافت شعري.. هني فعلا عصبت قتلها شلون تقولين معلومات عني من عقلك .. وبكيت بعد ما سكرت التلفون ..
ا
للي مضايقني ومخوفني الحين انهم يكونون راسمين صورة معينة في بالهم وبعدين يلقون غير الواقع لاني ما ني عارفة شنو قالتلهم عني ..
ولاتقولون عادي لان حيل يأثر بنفسيتي انهم يتقدمون وبعدها يروحون ويقولون ما في نصيب واللي جربت هالشي راح تحس فيني

والشي الثاني اللي مأثر فيني أكثر هي والدتي ومعاملتها لي ولااريد اكتب شي عن ذلك ..
لكن ادعو الله ان يحننها علي،، على طول معصبة وكل ما تكلمني بصراخ مع اني بالهوقت محتاجة لها ولدعائها
لكن الحمدلله على كل حال،، مالها خلق حتى تستقبل الخطاب كانها ما تبيني اتزوج


آسفة على كلامي اللي مخربط قاعدة اكتبلكم وانا ابكي وافكاري مشوشة والخطاب بيجون بعد العشا وانا ما سويت شي ولا مشتيهة اسوي أي شي
بس كتبت لكم عشان تدعولي لاني فعلا محتاجة لدعائكم .. ما عندي اخت توقف معاي حتى الصديقة ما القاها بوقت حاجتي لها ..

اعرف انه احساسج صعب وخاصه اني جربت هالموقف نفسه

بس اذا تبين نصيحتي، الناس بيشوفونج، واذا كانوا يهمهم الشكلظن معناته انهم ما يستاهلونج وحمدي ربج انه نجاج منهم، واذا طلعوا ناس غير اللي توقعتي، فادعوا الله انه يتمملكم على خير

لو كانت أمك إنسانة متفهمة كان قلت لك تقولين لها بالموضوع ..
ولما يجون الخطاب تقول لهم إن تلك المرأة لم تصفك لهم الوصف الصحيح ..
بل وضعت مواصفات ليست بك في الواقع ..
وذلك قبل أن تدخلي عليهم ..
حتى يمسحون الصورة التي رسمتها لهم تلك المرأة قبل أن يروك ..

لا بأس حبيبتي ..
استهدي بالله ..
وتوضئي وصلي ركعتين وأدعي أن يطمئن الله قلبك ..
وبإذن الله تمشي الأمور على خير مايرام ..
وما أدراك ..
ربما يرونك بصورة احلى من التي تخيلوها ..

وفقك الله ياغالية ..

يا رب يا كريم

اشرح صدر أختي جوهرة

و أسعدها .. و يسر لها أمورها ..

و أرزقها ما تتمنى .. و يسر لها الخير حيث كان ..

و اشرح صدر والدتها ..

و جملها في عيون خطيبها و أهله ..

امين

فعلا غريبة هالمرأة هذي

أعتقد اني لو كنت مكانك مابوافق على انهم يجوا يشوفوني وهي ذاكره لهم أشياء غيييييييير عني

أكيد طلبهم مش عندي

فليش أحرج نفسي وأحرجهم

كله بسبب الخطابة الكاذبة

الله يوفقك أختي

هى فعلا غريبةجدا اللى عملتة المراءة دى لكن حببتى ولا يهمكانتى حطى فى بالك مش هم اللى جايين يشوفكى انتى اللى هتشوفيهم ولو لقدر الله الموضوع منفعش مش تزعلى لان مش انتى السبب السبب هى الست الغريبة دى ويمكن يكون فية نصيب دة نصيب فى الاول والاخر

ربنا يوفقك

انا هنا أفيدك ياقلبي خبببببببببببببرة سنوات:30:
تحطمت الى ماقلت بس. مع اني ولله الحمد واثقة من شكلي بس هزوني
والله ياجوهرة يجون ناس طالبين نفس مواصفاتي بالضبط بالضبط وسبحان الله يتم الأمر وفجأة يتفركش الموضوع00
في البداية اتضايق ومع الايام اقول خير ة ان شاءالله اكيد فيه شر وربي صرفه عني
وصبرت وصبرت وان شالله ربي بيعطيني0
لذلك لاتتضايقين اعتبريهم سمعو عنك وممدوحة لهم وبيجون يشوفونك ماتدرين لعل كل شي يصير تمام
وان ماصار الحمدالله خيرها في غيرها
والله مرة دخلنا لبنت وبعيدة عن المواصفات اللي يبغاها أخوي وسبحان الله صارت من نصيبه والحين عايشين ماشاءالله
على الاقل انفتح الباب وجا لك أمل عساه ماينقطع
ورحي اكشخي وتزيني وادعي يارب اكتب لي الخير
وعسى ربي يوفقك ويهنيك معه ولامع غيره
ريحي بالك

ربنا يعطيك الى فيه الخير لك وللجميع امييييييييييييييييييييييييييييييييييين[COLOR="red"
وصلي على الحبيب محمد في الاولين والاخرين وصلي وسلم عليه في الملئ الاعلى الى يوم الدين[/COLOR]

اختي الحبيبه الحمد لله اللي ررزقك ربي بمن يتقدم
عساهم يجعلهم نا س طيبين
اختي عاليك باصدقة والدعاء
لا تهتمي لكلامها
اذا اراد الله للشي ان يكون فيكون
يارب تتزوجي عاجل غير آجل
والله انتي من الناس اللي ادعي لهم
قبل لا يجون الخطاب اقري اول عشر آيات من سورة يس وسورة الحسد ،ضروري
ربي يسعدك وادعي لي يا غاليه

ضايعة فالدنيا

بر الأمان

al7era

بحرينية ولكن

كلي تفاؤل

حبيبة الفهد

sheraz

شوبارد

sawsan2006

الفتاة


جزاكم الله كل خير على مشاركتكم ودعواتكم اللي اسعدتني كثيرا

جاؤا أمس وشافوني وراحوا بسرعة ما اخذوا وعطوا معاي وايد بس سألوني إذا كنت ملتزمة وما اسمع اغاني وغيرها
لانه هو ملتزم ويريد وحدة ملتزمة

لكن جرحتني كلمة قالتها اخته: (( والله البنات وايد بس هو اللي يبي ملتزمة))
حسيت بغصة كأن احد ضربهم على إيدهم عشان يخطبوني ..
وقبل ما تطلع قالت لأمي بينا اتصال ... وإلى الآن ما ردوا علينا
دعواتكم بان الله ييسر اموري ويكتب لي ما فيه الخير

عسى الله يوفقج

يا رب يا كريم

اشرح صدر أختي جوهرة

و أسعدها .. و يسر لها أمورها ..

و أرزقها ما تتمنى .. و يسر لها الخير حيث كان ..

ياحبيبة قلبي جوهر

توكلي على الله ولاتزعلي ولاتشيلي هم اللي ربي كاتبه بيصير بإذن الله

اذا كان هذا الرجل مناسب لكِ الله ييسر أمر زواجكم ولااحد يقدر يوقف ضدكم

اعطيهم فرصه حبيبتي ولاتستعجلي

استغلي الفرصه وصلي واستخيري وتصدقي والله كريم وخلي املك بالله كبير

وان شاء الله حبيبتي الله يكتب لك الخيره الطيبه
ويارب يشرح صدرك ويفرج همك وينولك مرادك ويريح بالك ويسخرلك من في السموات والأرض ويرزقك الزوج الصالح والذريه الصالحه


على فكره توني ادري ان اختنا(الحب والحبيب) انخطبت والله اني فرحت لها من كل قلبي الحمدالله والشكر

حصنتكم بلا اله الا الله بسم الله عليكم الرحمن الرحيم

وكل ماأقرأ موضوع خطبه

احب ابشر البنات (عقد الؤلؤ بدأ ينفرط)

وربي يسعدكم جميعا وينولكم مرادكم ويريح بالكم ويسخرلكم

طمنينا عنك يالغاليه وان شاء الله خير

خير يالمصريه السالفة تسويق !!!