أبكي في يوم خطبتي - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

موضوع مغلق
أدوات الموضوع
انواع عرض الموضوع
قديم 22-12-2006, 03:36 PM
  #1
جوهرة الكويت
عضو نشيط جدا
 الصورة الرمزية جوهرة الكويت
تاريخ التسجيل: May 2006
المشاركات: 555
جوهرة الكويت غير متصل  
أبكي في يوم خطبتي

السلام عليكم ورحمة الله وبركاته ،،
ما أدري إذا كنتم تذكروني لأني غبتم عنكم فترة ولكن يعلم الله إني ما نسيتكم من دعائي
وكنت كل فترة أطل على منتداي العزيز حتى أعرف أخباركم والحمدلله قريت أخبار حلوة عن "الحب والحبيب" بأنها انخطبت و"لولو" تزوجت عسى الله يوفقهم ويسعدهم ويرزق باقي بنات هذا القسم وجميع بنات المسلين

اليوم جئت لكم وانا في امس الحاجة لمؤازرتكم ودعائكم لي فإني والله في حالة لا يعلم بها إلا ربي
أشعر بضيق وهم وكل شوي أبكي مع ان اليوم سيتقدم ناس لخطبتي .. يمكن تستغربون سبب ضيقي وحزني لان المفروض اكون سعيدة لذلك،، يمكن ترونها اسباب صغيرة ولكنها ليست كذلك بالنسبة لي ..
قبل اسبوع تقريبا اتصلت علي وحدة مصرية تقول ان في ناس يريدون يتقدمون لي وقعدت تمدح لي بالشاب انه ملتزم وخلوق وسيم وووووو
قتلها من وين تعرفيني وشلون عرفتي رقم تلفوني فقالت من وحدة بالدوام وما رضت تقول لي منو.. وهذي المصرية جت وشافتني ومدحتني للناس اللي بيخطبوني
المهم عشان ما طول حددوا يوم عشان يشوفوني فيه وهو اليوم هذا

لكن اللي ضايقني إن المصرية امس اتصلت علي وسألتني أسئلة نرفزتني مثلا هل في عائلتنا سمر؟ انتي مو بيضة حيل صح؟ انتي طويلة وجسمك مومتين ولا ضعيف؟

تضايقت من أسئلتها مع انها تقول شافتني ما ادري ليش تسأل !!

وشي ثاني ضايقني انها قالت لي انا مدحتك كتير قدامهم وقلت لهم ان شعرك طويل.. مع انها ما شافت شعري.. هني فعلا عصبت قتلها شلون تقولين معلومات عني من عقلك .. وبكيت بعد ما سكرت التلفون ..
ا
للي مضايقني ومخوفني الحين انهم يكونون راسمين صورة معينة في بالهم وبعدين يلقون غير الواقع لاني ما ني عارفة شنو قالتلهم عني ..
ولاتقولون عادي لان حيل يأثر بنفسيتي انهم يتقدمون وبعدها يروحون ويقولون ما في نصيب واللي جربت هالشي راح تحس فيني

والشي الثاني اللي مأثر فيني أكثر هي والدتي ومعاملتها لي ولااريد اكتب شي عن ذلك ..
لكن ادعو الله ان يحننها علي،، على طول معصبة وكل ما تكلمني بصراخ مع اني بالهوقت محتاجة لها ولدعائها
لكن الحمدلله على كل حال،، مالها خلق حتى تستقبل الخطاب كانها ما تبيني اتزوج


آسفة على كلامي اللي مخربط قاعدة اكتبلكم وانا ابكي وافكاري مشوشة والخطاب بيجون بعد العشا وانا ما سويت شي ولا مشتيهة اسوي أي شي
بس كتبت لكم عشان تدعولي لاني فعلا محتاجة لدعائكم .. ما عندي اخت توقف معاي حتى الصديقة ما القاها بوقت حاجتي لها ..
__________________
يارب افرجها
قديم 22-12-2006, 03:48 PM
  #2
ضايعه فالدنيا
عضو متألق
تاريخ التسجيل: Apr 2006
المشاركات: 1,603
ضايعه فالدنيا غير متصل  


عجيييبه هالحرمــه.. كيف توصف للناس شكلج للناس بدون ما اتشوفج..!!

حبيبتي ممكن انتو ترفضون انهم ايجون عندكم مافيها شي.. لانه السالفه مادري كيف..


حاسه فيج عيوني.. انتي فيج مواصفات معينه وهيه توصف للناس مواصفات ثانيه.. كيف بيكون موقفج يوم الناس ايجون يشوفونج..


مثل ما قلت لج خلي امج اتكلم الحرمه واتقولهم ما يجون..
__________________






..اللهمــ ارزقني زوجـاً صالحـاً يحبني وأحبــه ويعينني على طاعتـك,, اللهـم آآمين..
قديم 22-12-2006, 03:51 PM
  #3
بر الأمان
كبار شخصيات المنتدى
 الصورة الرمزية بر الأمان
تاريخ التسجيل: Apr 2006
المشاركات: 1,784
بر الأمان غير متصل  
ما عليج منها حبيبتي.. ترا إذا فيه نصيب ربنا رح يسهل .. و إذا ما في نصيب الله يعوضج..

انتي الحين ريحي نفسيتج .. اقري قرآن شوي عسب تهدين..

روحي اختاريلج ملابس حلوه .. و جهزي نفسج .. ارتاحي عسب تكونين على طبيعتج..

و الله يسخرلج الوالده ان شاء الله .. حاولي ترضينها بالكلام الطيب ..

شاوريها باللبس اللي رح تلبسينه حسسيها انه رايها يهمج ..

لو بتقدمين شي للضيوف .. شي ساخن أو بارد .. حلويات .. أو أي شي بسيط..

كوني على طبيعتج و ابتسمي و لا تفكرين بشي أبدا و لا تحسين إنه مارح يوافقون لأن فلانه قالت لهم معلومات خطأ..

يمكن تكون فيه أشياء ثانيه تلفت انتباههم.. و بعدين الشعر القصير يطول و الطويل يقصر .. يعني مب شي ثابت ..

ركزي عالأشياء الحلوه اللي تتميزين فيها و استخيري ربج .. و توكلي عليه..

و إذا نصيبج مب مع هالإنسان.. أكيد رح يكون مع انسان أحسن منه ..

بالتوفيق حبيبتي و طمنينا عليج..
__________________





اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..

"علمت أن رزقي لن يأخذه غيري فاطمأن قلبي"

التعديل الأخير تم بواسطة بر الأمان ; 22-12-2006 الساعة 03:53 PM
قديم 22-12-2006, 03:53 PM
  #4
al7era
عضو نشيط جدا
تاريخ التسجيل: Aug 2006
المشاركات: 214
al7era غير متصل  
اعرف انه احساسج صعب وخاصه اني جربت هالموقف نفسه

بس اذا تبين نصيحتي، الناس بيشوفونج، واذا كانوا يهمهم الشكلظن معناته انهم ما يستاهلونج وحمدي ربج انه نجاج منهم، واذا طلعوا ناس غير اللي توقعتي، فادعوا الله انه يتمملكم على خير
قديم 22-12-2006, 04:12 PM
  #5
مــريم
موقوف
 الصورة الرمزية مــريم
تاريخ التسجيل: Feb 2006
المشاركات: 14,194
مــريم غير متصل  
لو كانت أمك إنسانة متفهمة كان قلت لك تقولين لها بالموضوع ..
ولما يجون الخطاب تقول لهم إن تلك المرأة لم تصفك لهم الوصف الصحيح ..
بل وضعت مواصفات ليست بك في الواقع ..
وذلك قبل أن تدخلي عليهم ..
حتى يمسحون الصورة التي رسمتها لهم تلك المرأة قبل أن يروك ..

لا بأس حبيبتي ..
استهدي بالله ..
وتوضئي وصلي ركعتين وأدعي أن يطمئن الله قلبك ..
وبإذن الله تمشي الأمور على خير مايرام ..
وما أدراك ..
ربما يرونك بصورة احلى من التي تخيلوها ..

وفقك الله ياغالية ..
قديم 22-12-2006, 05:18 PM
  #6
كلي تفاؤل
عضو دائم
تاريخ التسجيل: Dec 2006
المشاركات: 88
كلي تفاؤل غير متصل  
يا رب يا كريم

اشرح صدر أختي جوهرة

و أسعدها .. و يسر لها أمورها ..

و أرزقها ما تتمنى .. و يسر لها الخير حيث كان ..

و اشرح صدر والدتها ..

و جملها في عيون خطيبها و أهله ..

امين
قديم 22-12-2006, 05:35 PM
  #7
حبيبة الفهد
عضو نشيط جدا
 الصورة الرمزية حبيبة الفهد
تاريخ التسجيل: Mar 2004
المشاركات: 842
حبيبة الفهد غير متصل  
فعلا غريبة هالمرأة هذي

أعتقد اني لو كنت مكانك مابوافق على انهم يجوا يشوفوني وهي ذاكره لهم أشياء غيييييييير عني

أكيد طلبهم مش عندي

فليش أحرج نفسي وأحرجهم

كله بسبب الخطابة الكاذبة

الله يوفقك أختي
قديم 22-12-2006, 05:46 PM
  #8
sheraz
عضو نشيط جدا
تاريخ التسجيل: May 2006
المشاركات: 256
sheraz غير متصل  
هى فعلا غريبةجدا اللى عملتة المراءة دى لكن حببتى ولا يهمكانتى حطى فى بالك مش هم اللى جايين يشوفكى انتى اللى هتشوفيهم ولو لقدر الله الموضوع منفعش مش تزعلى لان مش انتى السبب السبب هى الست الغريبة دى ويمكن يكون فية نصيب دة نصيب فى الاول والاخر

ربنا يوفقك
قديم 22-12-2006, 05:55 PM
  #9
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
اقتباس:
ولاتقولون عادي لان حيل يأثر بنفسيتي انهم يتقدمون وبعدها يروحون ويقولون ما في نصيب واللي جربت هالشي راح تحس فيني
انا هنا أفيدك ياقلبي خبببببببببببببرة سنوات
تحطمت الى ماقلت بس. مع اني ولله الحمد واثقة من شكلي بس هزوني
والله ياجوهرة يجون ناس طالبين نفس مواصفاتي بالضبط بالضبط وسبحان الله يتم الأمر وفجأة يتفركش الموضوع00
في البداية اتضايق ومع الايام اقول خير ة ان شاءالله اكيد فيه شر وربي صرفه عني
وصبرت وصبرت وان شالله ربي بيعطيني0
لذلك لاتتضايقين اعتبريهم سمعو عنك وممدوحة لهم وبيجون يشوفونك ماتدرين لعل كل شي يصير تمام
وان ماصار الحمدالله خيرها في غيرها
والله مرة دخلنا لبنت وبعيدة عن المواصفات اللي يبغاها أخوي وسبحان الله صارت من نصيبه والحين عايشين ماشاءالله
على الاقل انفتح الباب وجا لك أمل عساه ماينقطع
ورحي اكشخي وتزيني وادعي يارب اكتب لي الخير
وعسى ربي يوفقك ويهنيك معه ولامع غيره
ريحي بالك
__________________
اللهم لك الحمد والشكر
"ولئن شكرتم لأزيدنكم"
قديم 22-12-2006, 07:43 PM
  #10
sawsan2006
عضو دائم
 الصورة الرمزية sawsan2006
تاريخ التسجيل: May 2006
المشاركات: 89
sawsan2006 غير متصل  
ربنا يعطيك الى فيه الخير لك وللجميع امييييييييييييييييييييييييييييييييييين[COLOR="red"
وصلي على الحبيب محمد في الاولين والاخرين وصلي وسلم عليه في الملئ الاعلى الى يوم الدين
[/COLOR]
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:18 AM.


images