اخي بين حب خطيبته وتهديد عشيقته
 

بسم الله الرحمن الرحيم

اخواني واخواتي الاعزاء والكرماء

سلام الله عليكم ورحمته وبركاته وبعد

احببت ان اطرح عليكم موضوع حيرني فيه اخي الذي هو من امي وابي

تناقشت معه امس وقال لي انا احب خطيبتي حب مايتصور وهي تحبني
لكن وقعت في فخ عشيقه اكلمها بالجوال دائما وهي تكلمني ونتبادل كلامات الحب والغرام
والمشكله انها متزوجه لكن تهدده ان تركها سوف تطلب من زوجها الطلاق
وسوف تخرب حياته مع خطيبته

انا طرحت عليه افكار
لكن هل من احد عنده افكار من الاخوان والاخوات الافاضل يساعدنا فيهاا
موضوع محيرني كثير

ارجوا من الجميع الرد والمساعده

ولكم جزيل الشكر وكل عام وانتم بخير وصحه وسللامه

:17:

ويش الافكارا للي عطيتيه إياها عزيزتي






الاشراف /عفوا عزيزتى بادرى بتغير التوقيع فرسوم اليد لزوات الارواح مخالف

عافيه على اخوووك الصراحة.... هاذا وهو خاطب عجل لي تزوج شو راح يسوي..... الله يهديه بس هو اللي حط نفسه في هالموقف يرضى حد يلعب بعرضه مثل ما هو لاعب بأعراض الناس (انا اتكلم جد)... اذا كان جاد خله يتركها ولا يستسلم لأي تهديدات منها لأنها مستحيل راح تفضح نفسها بايدها (الله يستر عليهم ان شاء الله).... كلميه اللي يالس يسويه غلط وأكبر غلط....

طبعا أخوج غلطان من ساسه لراسه .. و أعتقد الواجب أول تنصحينه في دينه..

عالعموم مب هذي المشكله أدري .. بس كلمه في خاطري قلتها..

ما أعتقد إنها تقدر تسوي شي.. بس مجرد تهديد .. لأنها ما رح تدمر بيتها.. و تكشف الستر اللي ساترها به رب العالمين على خيانتها..

ولا رح تطلب الطلاق.. لو إهي هامها الموضوع كانت من زمان طلبت الطلاق..

و بعدين لما تطلب الطلاق شو بتسوي بعده؟! يعني شو المغزى من هالتهديد؟

لو أخوج يتوب توبه نصوح.. و يتوكل على ربه .. رب العالمين مارح يضيعه..

اسمحيلي على أسلوبي إن كان فيه نوع من الخشونه .. ما حبيت أطلع بدون ما أنصح





الاشراف /عفوا :اختنا العزيزة يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى
http://www.66n.com/forums/announcement.php?f=3

اعتقد والله اعلم ان عشيقته التي تهدده غير جادة في تهديدها
لأن الضرر الذي سيترتب على تنفيذها لتهديدها مقتصر عليها فقط
ما المانع ان يتصل اخوك بأحد طلبه العلم ليستشيره في الامر لعل ان يجد عنده حل

مجرد تهديد بس
واخوج خل يتوب لله
زمن اللعب ولى
الحين بيصير رجال ومسؤول عن اسره

اسمعيني ياقلبي ............اخوك غلطااااااان من راسه لسااااااسه...بس باقولك شي ....

الآن هو يبغى يتزوج....وعشيقته تهدده باقلك شيء خليها تهدد لحد ماتخلص!!!!!!!!!
وهو لابد ان يتوب الى الله جل وعلا ويلزم الاستغفار فإنه والله ستفرج من حيث لايعلم ....
وخلي اخوك يقطع علاقته فيها من غير مقدمات وكمان يغير رقم جواله وجميع الارقام حتى مكان اقامته اي البيت او شقته....لان مثل هذه لاتستسلم بسهوله اسأليني انا... حسبي الله عليهم من حريم........واسال الله انه يهديه ويوفقه ويهدي هذي الحرمه ويشغلها في نفسها ياشيخه.....

اسفه اختي على الاطاله بس من حرتي ياقلبي...


اختك عتبة البيت

مشكورات يااخوات والله ماقصرتووا

انا قلت له اول شي غير رقمك عشان تموت من القهر
ثاني شي تب الى الله توبة نصوح واستغفر ربك
بس يقول اخاف حتى زوجها ماله ذنب وينخرب بيته بسببي

يعني حتى اخوي خايف على زوجها انه ينخرب بيته

بصراحه كلامكم رائع وانا سئلت احد المشائخ وقال هذي الي تهدد فقط من داخلها عواطف وهميه

لكن يغير رقمه احسن له وماعليه منها

ولكن احببت ان الجميع هنا من الاخوان والاخوات يشاركن

ومشكورين الف شكرا اخواتي

من يزني يزنى به ولو بجداره .. إن كنت ياهذا لبيب فاهم

عفوا تعف نساءكم في المحرم .. واجتنبوا ما لا يليق بمسلم

إن الزنا دين فإن أقرضته .. كان الوفا من أهل بيتك فاعلم

الحين هو الي خايف ..وهي الي مو خايفه ؟؟؟؟؟؟؟؟؟؟؟؟؟؟

وش ذا وين حنا فيه ؟

هذي كذابه مما لاشك فيه

اذا هو غير رقمه كيف تخرب بيتها

واذا هي خربته فعلا فهي ناويه بأخوك والا من غيره

خليه يغير الرقم ولا يخليه قريب من الاول ولا بأي شكل ( يعني اذا مثلا هو في شركة الاتصالات السعوديه لا يغير رقمه الى رديف رقمه الاول..) اتمنى تكونين فهمتي مني..


ويتووووووووووب توبه نصوح..ويلتفت لخطيبته ...وسلامتك

مشكورين يالغالين عطوني يااخوان ويااخوات ردودكم

مابي الموضوع يقتصر فقط على بعض الاخوه والاخوات فيهم كلهم خير بس نبي الكل يشارك

ولكم مني جزيل الشكر للاخوه الي شاركونا ونطلب من الي لم يشاركو ان يشاركو

غاليتي التوبة هي الحل
من ترك شيئا لله عوضه خيرا منه
غاليتي انا خائفة على خطيبة اخيك اتمنى أن لايكون هذا طبعا من طباعه
سامحيني لكن هو بارادته اتجه للغلط لكن هي المسكينة ماذنبها
لكن كما قلت فليتب وليبدأ صفحة نظيفة بقرب الله مع حبيبته حلاله
أما هي فانسانة خافت ان يضيع منها اخوك فتهدده فقط
وهي ليست بغبية أن تترك جدارا تختبئ وراءه وتطلب الطلاق
لا يخف الا منه عز وجل وليغير رقمه وليتوكل على الله

اسفه مرة اخرى غاليتي ان أخطأت في التعبير لكنني احسست انه خان خطيبته وزوج الثانية هداها الله
اسأل الله لهم التوبة والثبات

وصلت فيها الجرأة انها تهدده ...!

انا اعتقد والله اعلم ان لا يتركها اخوك هكذا معلقة الفؤاد

لالالالالالالالالالالالالالالازم يكرّها فيه اشلوووووووون؟؟؟

اذا اتصلت عليه ينصحها بلهجة الوعاظ ورجال الدين وليس بلهجة العاشق الولهان ويتصرف تصرفات يخليها تكره لأنه اذا كرها وكرهته مات الحب ولن يعيداها ابدا مهما مروا بلحظة ضعف .

يجب ان نفكر على المدى البعيد

اعذروني يا اخوة على هذا الكلام لأني فكرتبالاطراف الثلاثة الخطيبة المسكينه والخطيب والزوجة العاشقة اخاف يرجع لعشيقته بعدين ويدمر حياته وحيات زوجته الجديدة

تهديدها كلام فاضي ..
لأنها قبل أن تفضحه ستفضح نفسها ..
ومستحيل تقنعوني إنها لا نخاف من زوجها ومن أهلها ..
برأيي يتجاهلها تماما ..
والأفضل أن يغير رقمه حتى لا تزعجه بالإتصالات ..
وعليه أن يحذر من أن تصل بطريقة ما لخطيبته فتفسد بيتهما ..

وعليكم السلام ورحمه الله وبركاته


استغفر الله يارب

نفسى اقلك خليه يتركها واعلى مافى خيلها تركبه لاكن ممكن تكون متهوره وحمقاء وتهدم بيتها وبيته

لاكن خليه يطفشها منه ويكرهها فيه

والله المستعان

لك فائق احترامى

اخوك يرضى احد يلعب بعرضه ؟

خليه يحط نفسه مكان زوج عشيقته

ويعرف مكانه في الموضوع وإعراب موقعه من عبارة ( كما تدين تداااااااااااااان )

بلا حب بلا بطيخ

ينسى العشيقه الغبية ( الخائنة ) ويقطع علاقاته معها للأبد

ولو استمر فهو في خطر .. هداه الله

ما اقدر اضيف اكثر من اللي ضافوه الاعضاء و اتمنى انه ربي يغفر له و يبعد عنه بنات الحرام بس لازم يتوب توب نصوحة و يخلص نيته لله ترا ربي غفور رحيم و ربي يفرجها عليه انشاء الله

الحل بسيط وسهل إذا كان جاد في كلامة ..

يغير رقم جوالة ولا رقم بيتة ولا يكلمها .. وانتهى الموضوع

وصلى الله وسلم ... بس السوأل : هل هو جاد في كلامة ولالا ؟؟؟

وما راح ازود عن الي كتبوة اخواني فوق .. وعن العلاقات المحرمة .. لكن صار الي صار ..

اهم شي .. النية موجودة ولا لا ؟؟ بس

ولا صدقيني البنت ما راح تتطلاق ولا تطلب الطلاق ولا راح تسوي مشاكل له .. بس تبي تخوفة وتشوف هل هو يحبها

ولالا .. زي اول .. ولا إذا فية مجال .. انة ما يتركها بعد ما يتزوج ..

هي بالنسبة لها الوضع معجبها .. خيانة عادية بالنسبة لها .. وهذي مصيبة .. لكن هي الحين تحاول .. تخلية يخون زوجتة مثل ما هي خاينة زوجها .. ويصيرون في الهواء سوا ( زي ما يقولون )

لا تقولون الشغلة شغلة غيرة .. وشلون تغير عليه وهي متزوجة .. وشلون هو يغار عليها ويدري انها متزوجة ؟؟

شوفي اختي اولا الجميع اجمع على خطأ اخوك
لكن بالنسبة لتهديدها كله كذب في كذب لانها تقول الكلام هذا تتظاهر بحبها له
والحقيقة لو أنها كانت تحبه لطلبت الطلاق وتزوجته قبل ان يفكر في الزواج من أخرى ولكن هذا من باب التخويف
قولي لاخوك يعقلها ويتوكل على الله ويطنش عشيقته بتغيير ارقامه
ونسأل الله له الهداية

كلامها كله من ورى عاطفتها


وتراها بنت ماتقدر تسوي اي شي .. الا اذا اخوك لا سمح الله معطيها عنوان بيتكم او اهي تدله


الله يهديهم


هموووم