|
مطلقه ومحرومه من عيالي .. بليييييييز محتاجه لكم
السلام عليكم ورحمة الله
اخواتي واخواني .. هذي اول مره اكتب فيها عن مشكلة تخصني انا وعلى النت وبالعاده دائماً اعطي نصائح ، مشكلتي بإختصار شديد انا بإنتظار الطلاق من زوجي وانا اللي طلبت الطلاق لأسبابي الخاصه ولكن المشكلة اني ابغى عيالي ، يعني زوجي ماابيه ولا اطيقه لكن عيالي ماني قادره على بعدهم الحين صار لي شهرين من تركت البيت وزوجي خلاص بيطلقني ولي شهر ما جلست معاهم بس اكلمهم بالتليفون بدون مايدري هو لأنه مانعني حتى اكلمهم مدري ايش اسوي .. محتاره ومتضايقه ابي عيالي بس زوجي ما ابيه ابد ابد ابد .. وهو يقولي مالك إلا كل شهر تشوفينهم مره الله يخليكم اللي بينصحني لا يقولي ارجعي للبيت ولزوجك .. لأن الإنسان هذا انا ما اقدر اكمل معاه حياتي ارجع واقول لأسباب احتفظ فيها لنفسي بس عيالي ماني متخيله اني انحرم منهم او اني اشوفهم كل شهر مره انا متضايقه ومتضايقه ومتضايقه الحمدلله على كل حال وانا كل يوم استغفر لأني ادري انه الإستغفار يحل اشياء كثيره واصلي وادعي ربي انه يفرج همي ويجمعني بعيالي بس بليييييييييييييييييييز اللي يقدر يساعدني بكلمه لا يبخل علي شاكره لكم |
الله يعينك اختي ..
كيف يعني قانون البلد يحرم المراة كليا من اولادها عند الطلاق؟ و لماذا شهر يعني ؟ ألا يوجد محامي يأخذ لك حقك ؟ أنصحك بأن تكلمي أحد الأشخاص المؤثرين على ابو اولادك عل قلبه يلين و يسمح لك باحتضانهم .. دعائي لك اختاه |
أختى
يقول المثل الكلام اللين يغلب الحق البين إذا كنتى نهائي لاتستطيعين الصبر معه وعليه فصارحيه وذكريه بالخوف من الله وأن هناك قبر وحساب وجنة ونار ، ذكريه انك ام وان ظلمك بالحرمان من رؤيتهم فقد يعرض نفسه لدعوة مظلوم ليس بينها وبين الله حجاب 0 وان كنت تستطيعي ان تجربي الابتعاد دون طلاق لفترة فسيكون افضل لربما تغيرت المشاعر بعد وقت وربي يستر عليكم ويهديكم |
حسبي الله ونعم الوكيل على هذه النوعية من (اشباه الرجال) احس بنارك ياغالية فهؤلاء النوعية يجدون
قوة في حرقة قلب ام على اطفالها..وان وجدوا مقدرة على الظلم في الأرض فهناك جبار اقوى منهم في السماء الجأي للمحكمة والله ينصرك ويرد لك ابنائك يالله أختك حائزة الأمل |
الوفية لوالديها
قانون البلد والشرع قبل يسمح لي إني اشوف عيالي يوم بالأسبوع وانا راضيه لو يومين بس اجلس معاهم ومن ناحية المحاكم انا ما ابي اتقابل انا وهو في محكمة لأنه طال الزمن او قصر هذا ابو عيالي ومستحيل اوقف في وجهه لأني حتى ماابي عيالي يحتقروني بعدين لو عرفوا بهالموضوع وان شاءالله بدور احد يلين راسه مع اني جربت جميع الوسائل عموماً جزاك الله خير وماقصرتي على كلامك ونصيحتك الكبير انا جربت معاه هالشئ وقلت له إذا انا ماابيك وانت عارف هالشئ من تزوجنا فـ ماله داعي نأثر على نفسية العيال وقلت له كمان انا ماعندي مشكلة يعيشون عندك بس لا تحرمني شوفتهم وقت مابغيت لأنه عمري ما غلطت في حقك ولا في حق اهلك وبيتك والكل يشهد علي وبرضوا قلت له انه انا ما ابغى لعيالي المرمطه يعني ما ابيهم كل يوم في بيت مره عندي مره عندك مره عند اهلك ؟؟ وجربت اخوفه وقعدت ادعي عليه بس اتحسب عليه واقولها له في التليفون وارسله مسجات وبعدها خاف وجاب لي العيال لكن بعد كذا مامشى الحال مع اني ويشهد الله علي انه إلى الآن اقوله انه كويس وامدح عند كل الناس وانا صادقه وحتى لما يبغى سواقي وسيارتي هو يتصل على السواق ويطلبه يخلص له اغراض مع انه زوجي جاني في بيت اهلي ومد يده علي وضربني وانا ما سويت شئ ولا حتى استفزيته بكلمه ومن بعدها حرمني شوفة العيال ولين الحين ماجلست معاهم من ضربه لي وعلى موضوع اني ابعد عنه جربت كثييييييييييييييييير وكانوا اهلي يضغطوني عشان ارجع وارجع له وانا ماابيه لكن هالمره ولي شهرين بعيده عنه احس انه ابد انا ما اشتقت له ولا لبيته ولا خطر في بالي بس اشتقت لعيالي لكن ما اقول غير الله يهديه والله يلهمني الصبر ويفرج علي ان شاءالله شاكره لك اخوي الكبير مرورك ونصيحتك ولا عدمناك ان شاءالله حائزة الأمل ايه والله حسبي الله عليه ونعم الوكيل وعلى كل اللي زيه بعد وأنا لو تعبت بكل الوسائل اكيد في نهاية المطاف راح ألجا للمحكمة والله يعيني ان شاءالله شاكره لك اختي نصيحتك ومرورك |
لاحول ولا قوة الا بالله
ما ادري اذا كنتي بعد طلاقك بتفكرين تتزوجين مرة ثانيه والا لا ؟ اذا كان جوابك لا فاقول لك اجلسي عند عيالك ولا تطلبين الطلاق خليه محرم لك اذا بغى يشوف عياله.. وخلية يتزوج وحدة ثانية وبقريح هو وياها .. اهم شي عيالي ما يتيتمون وامهم وابوهم على قيد الحياة هذه وجهت نظري والله يكتب لك اللى فيه الخير لك. |
اختي الكريمة كنت أوشكِ أن أقول لكِ " تَحَمّلي " من أجل أولادك لكنك أوضحتِ أن هذا الأمر مرفوض نهائيا حاولي " توسيط " أحد الحكماء الكبار أو ممن يثق بهم زوجك لإقناعه بضرورة رؤيتك لأولادك بشكل منتظم ولا " تضيعي" حقك خشية " احتقار " أولادك لوقوفك أمام والدهم بالمحكمة بالطبع سيدركون ذلك الأمر وأنكِ ما فعلتِ ذلك إلا محبة لهم بالعكس ... لو تنازلتِ عن حقك هذا لربما فهموا الأمر بطريقة خاطئة : وهي أنكِ " تخلّيتِ " عنهم لا أملك غاليتي إلا الدعاء لكِ أن يفرّج الله كربك وييسر لكِ جميع أمرك مودتي وتقديري |
عفوا ختي العزيزة/ انالااجبرك على العوده ولكنى انصحك بالعوده الا ابنائك لان عطف الامومة لن يستطيع احد الوصول اليه سواك ارجعى من اجل ابنائك واذاكان هناك اخطاء فالانسان لايسلم من الخطأ ولايوجد على وجه الارض بيت يسلم من الاخطأ وماجعل الله الطلق الارحمت لااحد الطرفين ولااكن الاخير ان الصبر على الحياة الزوجية لهوخيرا كثير حلي مشاكلك قبل تأزمها وبحكمة ونضر بمنضار العقل (وبعد الطلاق ) بمنضاربعيد المد واوسطى اهل الخير واتمنا لكى حياه سعيده
|
ليلة البدر
انا طلبت من زوجي وقلت اني راح افتح بنفسي بيت لأني قادره والحمدلله واصرف على نفسي وعيالي وهو اخصصه له مجلس يجي يزور عياله ويقعد معاهم وقت مابغى ولا يطلقني لأني ما ابغى اتزوج .. ورفض وفي المقابل هو يقول تعالي انتي عيشي مع عيالك وانتي بغرفه وانا بغرفه ورفضت لأني عارفه انه ماراح يتركني في حالي وكل شوي بيجيني ويكلمني وكذا انا ما ابي مدري والله محتاره بس اني ارجع له ما اقدر ومن زمااااااااااااااان وانا اقوله ياليت تتزوج وهو يحسب اني امزح معاه بس ارجع واقول انا مااقدر ارجع له بس ابي عيالي عموماً شاكره لك نصيحتك وجزاك الله خير lovepeaceangel شاكره لك مرورك ونصيحتك بس انا حابه اخلي موضوع المحكمه للآخر ، بس مدري عن عيالي من الحين ايش قاعدين يفكرون فيني هل ياترى يقولون امنا فكرت بنفسها وتركتنا مع انه اعمارهم 9 ، 8 ، 5 يعني لسه صغار بس اكيد هذا تفكيرهم فيني وادري انهم ماراح يسامحوني لو صار الطلاق ؟؟ لكن ما اقول إلا حسبي الله ونعم الوكيل والله يجمعني فيهم ان شاءالله abumesfer انا زوجي مستحيل ارجع له لكن ارجع واقول ابي عيالي شاكره لك نصيحتك اخوي وجزاك الله خير ان شاءالله |
و الله يا أختى حائزة هناك حتى أشباه نساء
ياستى طالما كويس و ما فيه شئ ضحيتى من أجل عيالك فيه نساء صابرات زواج ثانى و سوء معاملة صابرات عشان عيالهم ما يضيعون عموما لك أسبابك و مشكلتك حلها براسك |
أختي أصبري
أصبري أصبري عشان ما ما يتعقدون الأولاد ويحقدون عليك وتخسؤيهم للأبد أختي أكيد أولادك ألان في حاله نفسيه يرثى لها هناك نساء أسوأ من حالتك وصابرات أحتسبي الأجر عند الله |
الله يعينك
وعندي لك كلام يفيدك ان شاء الله والان مستعجل ولي مداخله ثانيه باذن الله ابو فهد |
ياختى حرام عليك
حاولي تصبرين على زوجك اذا المشاكل الى بينك وبين زوجك مو شيء متعلق بالدين حولي تصبرين علشان عيالك صدقيني كل بيت فيه مشاكل كثيره بس الواحده تصبر علشان عياله الشكوىالله انت راحت عليك تنازلي عن بعض حقوقك ربي بيعوضك بعيالك حراام عليك تشتتينهم وتجيبين لهم مرة ابو تعذبهم |
narjis
شكرا على مرورك وجزاك الله خير على التذكير meme900 جزاك الله ألف خير ان شاءالله على النصيحة وان شاءالله احاول اسمع بكلامك abo_fahddd شاكره لك مرورك وانتظرك بالمداخله ريفاان جزاك الله خير على كلامك انا قريت كلمة مرة اب وعلى طول هلت الدموع تسلمين على مرورك اختي وجزاك الله خير مره ثانيه |
الله يخفف عنك كربتك ويرجعلك أولادك يا رب ...
احكي مع محامي يا عزيزتي.. وما رح توقفي قدامه وتذميه... بالعكس الموضوع بسيط.. لأنه الحضانه لك طالما لم تتزوجي... |
غاليتي
أوصيكش قبل إتخاذ أي قرار ان تفكري مليا فكري في أبنائك في مستقبلهم وفي مستقبلكِ فكري جيدا ولا تنسي صلاة الإستخارة وفقك ربي لمرضاته وفرج همكِ وغمكِ |
الاخت التاجر ه الصغيره
هل انتي في بلد يخضع للحكم الشرعي ام للقوانين السعوديه مثلا تحكم شرع الله ومدري عن باقي الدول بخصوص حضانه الاطفال وتربيتهم ابو فهد |
انتِ تطلبين العون من البشر لعلهم يسدون اليكِ نصيحه قد تكون باب لحل معاناتكِ فهل طرقتِ باب رب البشر ومن بيده كل شىء قبل ان تطرقي باب البشر ... اتمنى ذلك... اسأل الله بمنه وكرمه ان يفرج همكِ وهم كل مسلما ومسلمه عاجلا غير اجل... |
خفف على نفسك اختاه الكريمة مدام انهم بخير وابوهم مو مقصر معهم في تعليهم ومادام انك تسمعين عنهم انهم بخير وصحة وتستطعين الكلام معهم لاتخاف عليهم واصبر على بعدهم وفكري في حياتك المستقبلية وادعي الله ان يعوضك بزوج صالح وذرية صالحه.
|
اقتباس:
ختي اولادك هم الضحيه فلابد من التنازل والتضحيه دائما تكون من الام ان كنت لاتريدين ان تتزوجي وبقاءك بعيد عن اولادك عذاب فاحلى المرين هو مااقترحه زوجك عليك اصبري ولك الجنه لاتشتتي اطفال ابرياء لانهم ان كبروا سيلومونك انت فقط لانك من طلب الطلاق وكل البيوت فيها مشاكل وهناك نت تصبر على مدمن من اجل اولادها اصبري وضحي من اجل عيونهم واكثري من الدعاء بصلاح الحال الله ييسر امرك |
حبيبتي مو من العدل انك تصبري على طغيان وجبروت زوج مدى العمر
((مدى العــــــــــــــــمر)) وانتي مالك حقوق اعيش حياتي كلها مع انسان يهيني ويشتمني ويعذبني ليش تحرمين نفسك من حلو الحياه ومن السعاده اطفالك بيكبرون وابوهم مومقصر معاهم وانتي مع الايام بتهدى نفسيتك نصيحتي لك قوي قلبك اولا والدعاء وبعدين ممكن تجي لعيلك مرت اب كويسه انتي داومي عالدعاء وبتفرج ان شاءالله |
dand00n
آمين الله يرجعلي اولادي ويفرج علي كربتي ، وان شاءالله راح اسأل في موضوع حضانة الأطفال شاكره لك مرورك الكريم وتسلمي الذئبة جزاك الله خير على مرورك ومن ناحية التفكير انا لي عشر سنين معاه افكر بالطلاق ووضعي بعد الطلاق وبعدين الحمدلله صليت الإستخاره اخرتها امس ودعيت الله يفرج همي وغمي والحمدلله على كل حال abo_fahddd اخوي ابو فهد انا في السعودية العازم شاكره لك مرورك الكريم ، والحمدلله صليت ودعيت ربي وبأصلي لين ما اخلص من العدة يعني لآخر يوم بأصلي لأني مدري وش الله كاتبه لي ولعيالي وجزاك الله خير على الدعاء لأني فعلاً بحاجة هالدعاء هذا الرجل فهد شاكره لك مرورك وكلامك والله يجزاك خير ان شاءالله فيافي نجد شاكره لك مرورك اختي الكريمه الفرويه شاكره لك مرورك اختي بس زوجي مايهيني ولا يشتمني ومو مقصر معاي ابد ، بس المشكلة حاجه ثانيه تماما ما اقدر احكي فيها وبالنسبة لموضوع عيالي ان شاءالله يصير اللي تقولين عنه والله يفرج همي ان شاءالله يارب |
لا حول ولا قوة إلا بالله
أي نوع هذا من الرجال إلي يحرم أم من عيالها مهما كان بينهما إتقوا الله يارجال يا من يفعلون ذلك هي حملتهم وتعبت فيهم حملتهم وهنا على وهن كرها على كره أي منطق هذا.. حسبي الله ونعم الوكيل اي قلب هذا.. ماذنب الأطفال وإن كان ماكان بين الزوج وزجته ليفصلو بمشاعرهم ويتقوا الله فالأطفال لا ذنب لهم ويحتاجون الطرفان لا إله إلا الله إصبري يا أختي وتوكلي على الله قلبي معك قلبي معك الله رحمن رحيم يفرجها عليك عما قريب عليك بالصدقة والدعاء وتقوى الله وبإذن الله يعوضك خيرا منه وعيالك يجون لغاية عندك الله يصلحه ويحنن قلبه عليك يارب وعلى عياله مهما كان أبوهم الله يهديه إلى تقوى الله فيك وفي عيالك وإصبري صدقيني غدا تفرج وبإذن الله ربي بيغير حالك للأحسن يارب بس إذا طول الحال لازم تدخلي أحد الاطراف يكلم أهله كبير من اهله أحد يتدخل بالخير ليصلح الحال في هذه النقطة من أجل الأطفال ويوعيه على أهمية الام بحياة الأطفال أصلح الله من حالك وفرج همك ولا حرمك أبدا منهم يارب تحياتي |
الاخت مطلقه
الظاهر من حقك شرعا حضانه اطفالك خاصه الاولاد وفيه امور كثيره شرعا من حقك ابو فهد |
مخملية الإحساس
الف شكر على مرورك وكلامك الجمييييييل تسلمي اختي وماقصرتي abo_fahddd انا اعتقد كذا وبسأل ان شاءالله في هالأمر بس لازم يتم الطلاق اولاً وشاكره لك مرورك الكريم |
أختي الحبيبه حاولي تصبرين مو عشانك عشان عيالك بس لين يقوى عودهم بعدين تطلقي ..
لا تغلطين غلطتي ما قدرت أصبر أبد والنتيجه جهال بين يدي مو 9_8_5 بس لا 9_6_5 _1و8أشهر .. وأردى من حالك لا وظيفه ولا شي ولولا الله الرحمن الرحيم كان ما أدري إيش وضعي ... أخاف أتكلم أشكي الرحمن للي مايرحم لكن الحمد لله على كل حال .. ياوخيتي أعرف وحده من قرايبي كان زوجها يحبسها الله يركمك في الحمام هي وعيالها عشان يجيب بنات الهوى في غرفتها وصبرت لين شدو حيلهم وبعدين تطلقت وعيالها عاذرينها والحين متزوجه ومبسوطه عشانهم حاااااااااااااااولي تصبرين شوي تجاهليه بأدب خلي رب العزة والجلال في قلبك يكفيك .. اسأل من جلت قدرته وعلا شأنه ان يفرج كربك ويلم شملك ياااااااارب العالمين .. |
ريم الرحمة
جزاك الله خير على مرورك وشاكره لك |
بسم الله الرحمن الرحيم
اللهم صل على محمد وآل محمد أسأل الله العلي العظيم أن يصلح قلوبكم ويرجعكم إلى بعضكم بحق أهل البيت عليهم السلام |
أنا من رأي ريم الرحمة
دامه قال أنتي بغرفة وأنا بغرفة أصبري عليه |
اللاعب
شاكره لك مرورك الكريم وجزاك الله خير ان شاءالله لا زلت أحبه ومستحيل اختي اعيش معاه انا بغرفه وهو بغرفه وشاكره لك مرورك الكريم |
راح تندمين طول عمرك لو سويتي اللي في بالك
اعرف زوج وزوجه انفصلو عن بعض منذ 30 سنه والاولاد عند ابوهم ولانهم تعودوا عند ابوهم كبر في بالهم ان سبب الطلاق هي الام تصدقين انهم كرهو امهم الحين كبار وازيدك من الشعر بيت واحد منهم خطب وتملك وتزوج بدون علم امه وكذلك بنتها تزوجت بدون حضور امها ولاشي حتى الزياره مايزورونها ولا يعبرونها وولدت ونفاسها في بيت ابوها بدون ما تجي امها حتى تزورها لانهم خلاص حطو في بالهم ان الام هي اللي تركتهم وابوهم رباهم وكبرهم ودلعهم وسهر معهم اللي وماتزوج من وحده ثانية خل كل اهتمامه لاولاده ورزخت الصوره في بالهم ان الام هي سبب المشااكل كلها الله لايعاقبنا بس ولايبلانا والكلام هذا حقيقي تخيلي يكون الموضع هذا عليك لانك انتي اللي تركتيهم مو هم اللي تركوك فكري فيها اختي والله ماراح يندم في الدنيا الا انتي استخيري ربك ومن ناحيه الطلاق اجلي الامر هذا واجلسي فكري بالامر شهر شهرين لك الى سنه اهم شي انك ماتستعجليين بالطلاق وحطي بين قوسين اولادك وليس زوجك نصيحه لوجه الله واتمنى انك تتقبلينها والله الله بنفسك ترى الزمن هذا ما احد ينفع الثاني مالك الا زوجك واولادك الله يخليهم لك |
الله يكون في عونج....انا من رايي اذا مصره على موقفج وما تبين ترجعيله...هدديه انج بتعينين محامي لج ..واذا عاند..سويها واستعيني بمحامي عشان يتفاهم معاه بدون ما ترفعين قضية....وخلي المحامي يفهمه انه اذا ما رضا بالطيب يخليج تشوفين عيالج بيرفع عليه قضية طلاق وقضية حضانة....وانج اكيد بتكسبنهم ان شاء الله..لانج قادرة على مصاريفهم..ولان من حقج حضانة الاولاد لين عمر البلوغ كما اعتقد!!! وساعتها هو بيخاف وبيرضا لما بيشوف ان الموضوع بيوصل للمحاكم وانه هو الخسران.. الله ييسر امورج ان شاء الله...
|
غاليتي اذا ما تبين محاكم
ايش رايك تجربين تسكنين في نفس الحي او الحاره اللي هم فيه على الاقل تشوفينهم من بعيد لبعيد الله يعينك ويهدي بالك |
يغلق مع التحيه
للإخت التاجره الصغيره لإخذ الوقت الكافي |
| الساعة الآن 07:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©