|
** اخوان زوجــي يضايقوني .. الـحـل؟ **
السلام عليكم ببداء ف مشكلتي الي صارت مصدر قلق لراحتي الحمد لله انا متنزوجة من 7 شهور ومرتاحة بزواجي طبعا ساكنة ببيت زوجي الي ملاصق بيت اهلـــة (لازم تعرفون هالشي) و زوجي يشتغل بمكان بعيد ويداوم اسبوعين ويرجع لي اسبوعين والامور كلها تمام ما عدا شغلة وحدة وهي اخوان وخوات زوجي يعني لمــا يسافر زوجي للعمل يبدا الغزو من اخونة (صغار) وخواتة:23: تلاقيهم عندي 24 ساعة وربشة ف البيت و دخول وخروج من دون اذن هذا غير الازعاج:23: وتدخلهم ف كل خصوصيات البيت والمصيبة انه خواتة كبار 20 سنة وفوق والادهى انه الكبيرة تنام عندي ف البيت لما يكون زوجي بعيد (بس ما معترضة ع هالنقطة):15: ولما ارجع من الدوام تلاقيهم داشين االبيت ع طول:( بصراحـــة ما اخذ راحتي بالبيت كانه البيت بيتهم وانا ضيفة فية:25: ومرة جلست مع اختة الكبيرة وخبرتها باسلوب غير مباشر ولمحت لها اني اريدهم يخفوا زيارت ال24 ساعة ف على طول ردت علي وقالت يعني انتي ما تبينا نجي عندك؟:22: وكلمت زوجي اكثر من مرة وقال حلي مشاكلك بنفسك:( واخاف ازود عليه ويفكر اني اريد افرق بين وبين اهلة:29: شوفون لي حل الله يخليكم تراه والله بنفجر ... وما عارفة شو اسوي:24: |
الصبر مفتاح الفرج
مادام الامر مضايقك قوليلهم يخفون الهجوم عليك سواء انك مثلا تعبانة وتحتاجين للراحة او عندك شغل وتحتاجين للهدوء او تنظيف البيت وشوي شوي بيحسون .......................الحاجة ام الاختراع والله يوفقك..................... |
ماتعطيهم وش....
وبعدين هل مفتاح الشقة معهم ؟؟؟؟! اذا كده غيرى قفل الباب واعتذرى لهم انه لدواعى أمنية |
الله يعينك حاولي تكلميهم باسلوب حلو
|
فعلا غيري مفاتيح البيت ..
وحاولي تعرفي هم ليش يجون عندك ؟؟؟ هذا السؤال الاول .. والسؤال الثاني : اذا كانو عندك ايش يسوون ؟؟ يعني بالمختصر المفيد ابعدي عنهم جميع وسائل الراحة والترفيه الموجودة في بيتك وطفّشيهم من بيتك بكل ادب وبدون ما تغلطين حق احد .. ويكمن زوجك لما شاف عقلك كبير وانك امراة فاضلة اراد انك تساعديه على تربية اخوانه واخواته .. ليش لا ؟ ================== وحاولي تتخيلين انهم ما يجون عندك : كيف تتصورين حالك اسبوعين بدون زوجك ولا اخوانه ؟؟ اتمنى لك التوفيق الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
اخرتهم يتزوجوا وترتاحي منهم ......:14: :14: :14:
انت ممكن تسكري الباب....:22: :22: :22: ولما حد يدق :29: :29: :29: ما تفتحي وبعدين قولي انك كنت نايمه وما سمعتي الباب :25: :25: :25: :17: :17: :17: الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
الجديد حبه شديد...............بعد سنه أو سنه ونص مابتشوفينهم :)
|
حاولي تقفلي كل الغرف و المجالس ولا تخلي غير صاله وحده والباقي كله مقفل.. ولا تفتحيه عشان يحسون ان البيت بيتك انتي و هم ضيوف و إذا سألوا عن السبب قولي اني منظفه كل الغرف و مسكرتها عن الغبار.. و حاولي في يوم تسبقيهم انتي تروحين لهم قبل ما يجونك.. و قولي لهم ماشاء الله بيتكم اونس من بيتي.. |
عذرا فما وجدت غير قول الشاعر:
اذا حل الثقيل بدار قوم ....... فما للساكنين الا الرحيل |
حاولي تتعاملي معاهم بهدوء لما يجو عندك مثلا خليهم يساعدوك في ترتيب البيت او الطبخ
قولي لهم اليوم باجي عندكم ازوركم و اليوم الثاني انا معزومه و المره اللي بعدها رايحه بيت اهلي صاحباتي بيجو عندي بتغدى عندكم يعني اشياء مثل هذه وهم بيفهمو انك مش دائما فاضيه وان لك نظام معين في حياتك و احمدي ربك انهم يحبوكي وربنا يعينك الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 . |
ينتقل لعالم الثقافة والتوجيهات
مكانه الأنسب بوركتم |
بأسلوب حلو كلمي اكبر شخص فيهم انه لازم تكون الزياره خفيفه ..
|
والله اختي انا من رأي اخت سابقة
يعني اذا روحتي البيت سكري الباب واذا احد دق لا تفتحي واذا سألوكي.؟... قولي كنت نايمة وما صحيت على صوت الباب مرة بعد مرة ... رح يملوا او رح يفهموا انو هذا البيت بيتك... والك خصوصية فيه اما انك تقوليلهم خففوا الزيارات فهادا اكيد اشي بيزعل انتي وصلي فكرتك بطريقة ما تزعل احد منك تحياتي لكي |
الله يعينك
ماعندي زياده على إللي قالوا الاعضاء الكرام ودمــــــــتي |
انا رأئي مقتطف من عدة اجابات من الاجابات السابقة
1-الصبر مفتاح الفرج 2-يعني بالمختصر المفيد ابعدي عنهم جميع وسائل الراحة والترفيه الموجودة في بيتك وطفّشيهم من بيتك بكل ادب وبدون ما تغلطين حق احد 3-الجديد حبه شديد...............بعد سنه أو سنه ونص مابتشوفينهم 4-و حاولي في يوم تسبقيهم انتي تروحين لهم قبل ما يجونك.. و قولي لهم ماشاء الله بيتكم اونس من بيتي وانا رائي ان اكيد فيه في بيتك وسائل رفايه ليست موجوده عندهم ابحثي عنها وخففيها قد تكون اجهزه او اللعاب او مأكولات وحلويات او فخامه في الاثاث والشي المهم اعتقد انك لطيفه معهم انا لا اقول صيري فضه معهم لاكن بالتدريج خففي هذا الاهتمام وانا لست مع الذين يقولون غيري المفتاح لانه اسلوب فيه طرد صريح وهم اهلك واهل زوجك يعني مو من المناسب خلق المشاكل معهم بالنسبة لانك تقولي اني كنت نايمة وما سمعت ممكن تستخدميها احيانا لكن في اوقات تعتبر فيها حجتك منطقيه يعني قبل النوم او العصر بعد الغداء او ما الى ذلك والله يوفقك مع زوجك وييسر امرك |
الصبر مفتاح الفرج
|
اقتباس:
|
سهله سهله سهله ...
قفلي بابك .. وصلى الله وبارك خليهم يدقون ويكسرون الباب ... مصيريهم بيرحوون من ع الباب واذا سألوك قولي لي لهم انك ناايمه اخته .. اللي والله انها قااااااااااااااااااااهرتني بنومها عندك شووفي متى تجيك .. ولما تجي قفلي باااابك وخليها تدق حتى تطق ... وبعدين بترجع .. ولو اتصلت عليك جوال وقالت لك .. وينك نفس العذر ناااااااااااااااااااااااااااااايمه وصلى الله وبارك |
يمكن زوجك سامحلهم في غيابه بصراحه اول مايسافر زوجك حولى عندهم
|
اقتباس:
وأضيف حاولي تبعدين مايجذبهم لبيتك من أشياء مو موجوده في بيتهم.. لكن في النهاية لاتدخلين زوجك في مشاكل تافهه مثل هذي وفي النهاية مثل ماقلتي راح يفسره أنه محاولة منك لتفيره من أهله.. |
الله يعينك والله ... بس ترى والله وناسة يكونوا معاكي بالبيت على الاقل ماتحسي بوحدة ... :) امزح معاكي
لو انا منكي اتعذر بالنوم لما توصل حدي واقلهم مابغا ازعااج ؟؟ ؟؟ |
مشكورين
بس اغلبكم يقول اشتغل ع حجة النوم .. (رحت فيها) يعني 24 ساعة نايمة .. بتكثر الاسئلة لبش نايمة؟؟ وبصراحة اكثر حاجة تجيبهم للبيت هي الساتالايت لانه محظور عليهم بالبيت .. يعني عندهم الساتالايت خط احمر ..... يعني شوركم افصل الساتالايت؟؟ |
كان الله بالعون ...أقترح عليكي أن تستشيري أهل الخبرة وأصحاب التجارب من أصدقائك
|
اقتباس:
أختي أنتي بنفسك حطيتي الحل أفصلي الستلايت مده معينه لين يفقدون الامل .. والحل الثاني أنك تتكلمين مع أمهم أو ابوهم أو زوجك .. والي هو أنك تنبيهينهم ان في بيتك ستلايت وبما انهم مانعين ابنائهم عنه وفيه خط احمر لهاذا الموضوع لازم تبينين لهم وتضحيلهم ان قعدت ابنائهم عندك هي للستلايت ومتابعته .. طبعا أهل زوجك بيكونون غير راضين عن تصرف أبنائهم بأنهم يتابعون المحطات الفضائيه في بيتك فبيحاولون منعهم من القعده لفتره طويله عندك أو ممكن يحددون وقت معين فقط لزيارتك .. |
عزيزتي
ما يصلح تغيري مفتاح البيت و الله عيب !!!!!!!!!!!!!! بعدين لما يجوا عندك قفلي غرفة نومك ( خصوصياتك ) و خلي الجلسة بمكان واحد لحد ما ربنا يفرجها عليك الله يكون بعونك |
سؤال ........... ليش ما تروحين لبيت أهلك إذا زوجك مو موجود ؟؟؟؟؟؟؟؟؟؟؟؟ مو أحسن لك ؟؟؟؟؟؟؟؟؟
وبعدين حطي أرقام سرية على القنوات .... وقولي أخوكم هو اللي يعرف الرقم .... أفضل لك ......... الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
اقتباس:
|
انتبهي لا تغلطي عليهم ترى مهما كان هم اهل زوجك
حاولي بااسلوب انك توصلي لهم اللي تبغيه والله يوفقك |
اقتباس:
وضلي تعذري منهم علشان يحسون وما يجون كان الله بعونك الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
لا عاد هذول يبيلهم أسلوب غير تكتيك
خليك لطيفه معاهم وأول مايجيك واحد منهم أمسكيه وألزقي فيه وين مايروح وأسحبيه بيده وقولي خلك عندي وضايقيه بتصرفاتك كأنك ميته عليه وأنتبهي تعطينهم أكل ولا توفرين وسائل الترفيه لهم وحطي على الأخبار وبس وخليهم يجلسون معك أما الكبار لاتحتكين فيهم كثير يعني بينكم إبتسامات وإذا جلسوا لاتجلسين قولي عن إذنكم عندي شغل والله مدري بالنسبه لي سهله تطفيش الصغار أما الكبار الله يخلف لاصاروا لزقات كذا الله يصبرك وبعدين صح وش يقعدك ببيتك لاصار رجلك مو فيه بيت أهلك اصرف لك طقي بيتك بالقفل وروحي لأهلك الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
والله نفس المشكلة وهى هجوم وغزو بيت اهل الزوج بس انا كبار كلهم وخواته
|
اهم شي تفعلي ماذكر الاخوان بالتدرج
|
افصلي الستالايت مأجورة بإذن الله وهذه بداية الأذى من وجوده في بيتك
|
أنا أرى أنهم إذا جو عندك شغليهم معك في تنظيف البيت
وأكرفيهم هذا حل والله مجرب |
| الساعة الآن 07:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©