|
موضوع طلاقي
السلام عليكم ورحمة الله وبركاته
يوم سعيد انشالله على الجميع هذي اول مشاركة واول موضوع لي بالمنتدى اتمنى اكون عند حسن ظن الجميع بس للاسف اول مشاركة لي بمنتدى المطلقات راح ابدا موضوعي بدون مقدمات وبشكل سريع ومختصر انا عمري 20 سنة واتزوجت تقريبا قبل 3سنوات وللاسف العيشه مع زوجي مستحييييله لأبعد الحدود وربي على اللي اقوله شهيد وربي رزقني ببنت وانا الحين عند اهلي لي سنة واصلا اغلب وقتي انا عند اهلي من يوم مااتزوجت يعني تقريبا اللي جلستها في بيتي كلها كم شهر وانا والحمدلله وربي شاهد اني ماطلعت من بيتي اللي من عذابي معاه واهله شاهدين عليه وفترة السنة هذي اللي اناعند اهلي ماصرف علي ولا على بنته بريال واحد رغم اني ارضع البنت الين الحين اهم شي بنته لو علي ماابغى منه شي المهم وسمعت قبل فترة انه اتزوج خليه يتزوج الله يوفقه بس يطلقني بدل ماني معلقه كدة وعلى فكرة قبلي كان متزوج وحدة وخلعته المهم رفعت قضية في المحكمة ابغى فيها حقوقي ابغى اطلق واكمل دراستي الجامعيه واشوف حياتي طبعا مااقصد اني اتزوج اهم شي بنتي اربيها في حضني الجلسه الاولى اللي صارت كل اللي قلته عنه عند القاضي من افعاله الفظيعه تجاهي وتجاه نفسه طلب مني القاضي اثبات قلت للقاضي احلف لك على القران مارضي طلب شهود بالله شهود من وين وانا وهو بالبيت مايعلم بينا اللي ربي وطبعا هو انكر كل الكلام اللي قلته عليه المهم القاضي تركني وترك كل كلامي وقال لي ادفعي مهره ليش ماقاله القاضي ادفع لها مصروف البنت الللي سنة مادفعته لا وكمان بدل مايحكم لي بالنفقه طلب مني اعطيه مهره استغفر الله العظيم المهم الحين الاسبوع الجاي عندي جلسة ثانية حبيت اشارككم همومي وموضوعي وابين لكم انه اي قاضي بطبعه يميل للرجل وادعولي ربي ييسر امري ويفرج همي وان شاء لله مااكون طولت عليكم او طفشتكم معايا وانشالله اكون اخت الجميع تحياتي احساس طفلة لفظ المشيئة يكتب هكذا ( إن شاء الله ) |
اختي الغاليه
اول شي اعانك الله وربي ييسر امورك يارب بعدين اختي هل في امل انج ترجعين اختي له او يعني بخصوص انه بينكم طفله لو عشانها في امل انك ترجعين... ثانياا: انتي طلبتي طلاق او خلع او شنو ولي عوده واعانك الله اخيتي وشرح صدرك يارب |
تم تعديل العنوان ليتناسب مع الموضوع
|
اللي انا طالبته طلاق لانه انا متضرره والمفروض اتطلق بدون ماارجع له مهره او اي شي
لانه اللي تبغى تطلق بدون اسباب هذي هي اللي ترجع المهر لزوجها بس انا متضررره اضارار ربي يعلم فيها وبخصوص رجوعي له من اخر المستحيلات اني ارجع له لانه بالإضافه للأضرار اللي جاتني منه عاصي رب العالمين لأنه مايصوم رمضان ولا يصلي على العموم جزاك الله خير على مرورك الكريم |
اممممممممممممم اختي اعانك الله بصراحه
مدري ما اضن يرجع له مهره كامل ممكن يكون نص او شيء من هاذا القبيل على ما اضن اذا كان الطلاق منج... اما بخصووص انج متضرره يجب النظر من قبل القاضي في القضيه ومراجعتهاا اعانك الله |
اختي .. البينـة على من أدعـى .. واليمين على من أنكـر ..
يعني لماذا لا تأتين بشهود من غير الممنوعين من الشهادة مثل الجيــران أو اطلبي أهلـه للشهادة معك لكي يشهدوا على تضررك منه وعدم حصولك على حقوقك طول فترة بقائك في بيت أهـلك . ولا أدري لماذا لم توكلي محامي لأن المحامي أدرى بالمسالك القضائيـة ويستطيع أن يأتي لك بحقك بالطرق القانوية . |
وعليكم السلام ورحمة الله وبركاته
أختي في البداية انتي في أي دولة.. مهم |
والله كأنك تتكلمين عن صديقتي الله يفرج عليها
جننوها المحاكم وكل موعد هو يعتذر ويرسلون له خطاب الين جمعت مهرها اكثر من 100 ألف ريال بعد مرور 5سنوات معلقة وضناها معاه حسبي الله عليه وبعدها تطلقت الله يفرج عليك وعليها ويعوضك ويعطيك من خيره |
الهم أجرها في مصيبتها واخلف لها خيراااااا منها ..
اللهم ااااااااااااامين |
يـــالله يــــارب يكون في عونك وييسر أمرك
فيه سؤال يقرقع بقلبي ولو إنه مش وقته إنت ِ عارفة من قبل تتزوجينه إنه مايصلي ومايصوم ؟ |
السلام عليكم ورحمة الله وبركاته
أهلا بكِ غاليتي معنا الله يكون بعونك عزيزتي غاليتي إلجأي إلى من لا يظلم عنده مثقال ذرة ألحي في الدعاء بأن يفرج عليكِ وأكثري من الإستغفاار والأفضل أن توكلي محاميا وأسأل ربي لكِ العوض وأن يلهمكِ الصبر وفقكِ ربي لمرضاته |
والله أختي كأنك تتكلمين عن قصتي ،، ولكني بدون أطفال والحمد لله ،،
قصتي مع القضاء (وأعتقد بأن القضاء لا يختلف من بلد خليجي لآخر) ،، يميل كثيرا للرجل ،، صراحة لا أرى تطبيق للشريعة في القضاء ،، كيف ترجعي له المهر كاااااامل ،، وهو له سوابق في الخلع ،، يعني الرجال في الخلع كسبان !!! يتزوج ويلعب بالمرأة وبعدين يعلقها لما هي تزهق وتخلعه وهو يكسب منها المال !! كيف ترجعي له المهر ،، وانتي أولا متضرره وثانيا عندك بنت منه ،، بدلا من النفقه تدفعي له المهر كامل ،، طالما بينكم أطفال المفروض يكون نصف المهر على الاقل ،، والله انا طلب مبلغ خيالي عشان يطلقني ،، والقضاء لازال مستمر ،، والله إني أموت تدريجيا بين كل جلسه وجلسه ،، أعانك الله وأعانني معك ،، وأعان جميع المعلقات ،، وعلى فكره أنا أيضا معلقه لمدة سنة الآن !! |
مشكله القضاء مايصدق الي الاشياء ملموسه...وخاصه اذا رجل انكر..
.معني ماعرف شو اسباب طلبج لطلاق ؟ بس هل الجلسات تحتاج صبر يستمر اكثر من سنتين بعد...انا اذكر وحده تمت اربع سنوات بعدين القاضي طلقها منه.... مااقول غير الله يفرج لج همج |
هو ما رأيه في طلاقك منه ؟؟
ثم هل طلب منك رد المهر ؟؟ |
الله يكون في عونك000
|
أختي احساس طفلة
كان الله في عونج أختي..اصبري و دعواتنا معااااج..مافيها شي اذا فتحتي قلبج حق اخواتج و اخوانج هني... قلبي و دعواتي معاااااااااج. تحياتي |
مايكفي انه مايصلي ولايصوم عشان تتطلقين منه ؟؟؟
وش هذا االشيخ مو معقوله مايعرف انك حرام عليه وهو مايصلي شوفي شيخ غيره والا ليه مايجون اهله يوقفون معك الله يااارب يفرج همك |
اختي زي ماقال الاخوووو الاماراتي
اولا اتوكلي على الله رب العالمين ... واكثري من الدعاء اخر الليل ... ولاتنسين الصدقه تدفع البلا ثانيا وكلي محامي شاطر ثالثا بمانك في جده روحي لجمعية حقوق الانسان وانشالله ماراح يقصرون ويمكن يوكلون لك محامي في حالة عدم قدرتك الدفع |
اقتباس:
لكن أن تكفر القضاة فهذا ما سمعناه منكِ , وليس الدين ياتي بهوى النفس , فأنت لا تريدين زوجك فعليك بالخلع , لأن الشغله ليست لعبة كلما أمراة كرهت زوجها خلعته وضاعت أمواله هدر , أما النفقة فهذا يكون قضية أخرى تقدمين عليها عند القاضي , مستقلة عن الخلع , الا اذا كان فعلا لا يصلي فهذا كافر , لا يجور لك البقاء عنده ولا الزواج منه أصلا فعليك بالشهود , فالأمر ليس كما تعتقدين , مجرد ما كرهت المر’ة زوجها تذهب لتخلعه |
وضع أغلب قضاة الأنكحة ما يبشر بخير للأسف
أهم شي عندهم لايحصل طلاق حتى لو كان الوضع بين الزوجين جحيم وأغلبهم يضع اللوم على النساء فضلا عن تهميشها وتهميش رأيها أحيانا كثيرة . كان الله في عونك فهو القاضي بالحق وأعدل العادلين سبحانه |
اقتباس:
لستَ عليهم بعليم , ختى تنزل حكمك عليهم , طالما انهم يحكمون بشرع الله فما لك أي حق عليهم , ولو خالف هواك |
مو فيه دليل
بما معناه قاضي في الجنه وقاضيان في النار !!! |
يـــالله يــــارب يكون في عونك وييسر أمرك
|
الله يفرج همج ان شاء الله وييسرلج كل امورج ياااااارب
والله يصلح حالج اميييين اميييين اميييين |
الي أعرفه أن النفقة تكون بعد الطلاق ....... والله يعينك
|
انتي قولي للشيخ انه مايصلي ولايصوم واطلبي الطلاق لان الخلع يعني انك انتي تطلبي الخلع منه يتطلب رجوع المهر للزوج فأنتي أطلبي الطلاق...
|
اقتباس:
لكن مو معناته تتهمون القضاة بأمر لا يرضاه مسلم فكيف بمن ولاه ولي الأمر في الفصل بين الخصوم و أما الدليل فأمره عند الله وليس كل من هب ودب تكلم فيه والقصاة لم يتم اختيارهم بالقرعه بل مر بمراحل عديده فهم من خيرة الناس |
الله يعينك ويقدرك على تربية بنتك
|
الله يعييييييييييييييييينج
الله يعيتننننننننج على ما بلاااااااااااااااااج
الله يسرج امووووووووورج |
اقتباس:
أختي الفاضله / فرج الله همك ونفس كربك ويسر لك أمرك .. لي وقفه بسيطه مع ما أقتبست من موضوعك . يا أختي اتقي الله فيما ذكرت أعلاه وليس دفاع رجل عن رجل وإنما الحق يقال وهو يتبع الشرع بخطواته التي شرعها الله ورسوله ولا تظني الظن السيء وهو إن شاء الله ما وضع قاضي إلا أنه أهلن له بإذن الله . فأستغفري لذنبك وأحسني الظن فيه وأعلم أنه يقف مع الحق حيث كان . وقوله لك عطيه المره شيء وأعطاك صرف حقوقك شيء آخر .. وفقك الله لما يحب ويرضى وفرج همك ورزقك كل خير . |
اقتباس:
ممكن من فضلك الدليل ومخرجه وهل هو صحيح أم ضعيف ... وهل هو يختص بهذا الموقف أم لا ؟ أهم شيء أثبتي ما قلتي ... وإلا لا تلقين كلام تحاسبين عليه .. |
يسلمو للجميع على مرورهم الكريم ومشاركتهم همي
بس احب اوضح للاخت عبير الرياض ان الكلام اللي كاتبته انا مو من فراغ لانو في نسبة ظلم في المحاكم ضد المرأة بنسب كبيرة مرررة وهادا الكلام انا كاتبته عن تجربة شخصية ومن اللي شفته في المحكمة واللي سمعته واللي الكل عارفينه ياحبيبتي واللي يرفع الضغط انو ديننا الحبيب ماظلم المرأة ولكن اللي ظلمها المجتمع تحياتي لك اخوي سيف الله المسلول وشكرا على مرورك |
اخيتي الغااااااااااليه
كلنا نتفق ان محاكمنا مؤسسه على كتاب الله وسنة رسوله .. وليس هناك تحيز لا لامراه ولا لرجل ولكنها تحيزز للحق عزيزتي مسألة انك تحي انك مظلومه لان الشيخ سألك الاثبات ... اقسم بالله معه حق كثير من النساء (( والله ما اقصدك )) كثير من النساء كذبو على زواجتهم وقالو اللي مو فيهم ... وانا دايم اقرى كتب في التااريخ .. اللي ظالمه واللي كذابه والي والي ... وكماان الرجال .. فيه رجال ما يسوون اللي في رجلك (( والله ما اقصد زوجك )) لكنهم ما يستحون وقليلن ادب ومحسبوني على الرجوله وهم مجرد ذكور ولسو رجال فما تحيز لاحد .... وانتى لو كنتى واعيه وفاااااهمه من اول ما تاخذينه وانتى تعرفين انه نذل ولد نذل ... يعنى وحده رافعه عليه قضية خلع ليشششششش ماعندك عقل .. تعرفين انه اناني ... لو كان رجال ما كان القضية يبغالها خلع ولا شي .. هو كان طلق وانتهى الموضوع لكن بما انه طاح الفاس بالراس .. ووقعت الجريمه فألله يعينك .... وصدقيني يا اختى بما انك انسانه تتقي الله وتخاافي الله والله ربي بينجيك احترامي لكي |
شاطئ الذكريات تسلمي حبيبتي على مرورك اللي بصراحة اثلج صدري ورفع معنوياتي
|
أخذتي من لا يصوم ولا يصلي ولم تكلفي نفسك عناء السؤال عنه ثم الآن تلومين القاضي انه لا يصدقك بدون دليل.
أحسن حل لك مثل ما قال الإخوان طلب الطلاق من لعدم صلاته وصيامه ويمكن أهلك اثبات أنه لا يشهد الصلاة مع الجماعة في حيه (من إمام المسجد والمصلين قبل أن يعلم بخطتكم) وصدقيني أنه إذا فاجأتيه بهذا سيطلب السلامة وسيطلق سراحك وحينها ترفعين قضية بشأن النفقة وعلى كل حال إذا لم تفلح الخطة فاطلبي من القاضي أن يحلفهو قبل أن تدفعي له شيئا. |
والله انا تنازلت عن كل شي حقوقي حتى اثاث البيت
سياره من ابوي له البيت وكل شي بس يفكني من العذب ماااابي شي منه بس ماااشوف وجه علشان ماتذكر اني في يوم كنت زوجت هالانسان اختي اعانك الله وفرج همكي تذكري انا الله موجود وخليك واثقه ان مابعد الضيق الا الفرج وصبر جميل والله المستعان اختك |
يا اخوان هي تطلب المشوره وش تعمل
رحتو فتحتو موضوع ثاني القاضي عادل او مش عادل ربنا بحاسبه لا تجلسون تتكلمون بأمور تحاسبون عليها يوم القيامه حبيبتي احساس طفله كان الله بعونك بس ليش تطلبي الطلاق ليش ما خلتيه هو الي يطلبه كان صبرتي شوي وممكن انك تخبرين الي رح يتزوجها انه ما يصلي ولا يصوم وتكسبي فيها اجر لانه كافر من ترك الصلاه وكل ما حاول يتزوج اخبري زوجته الجديده بذلك فهو من بدأ اللعبه وعليكي ان تكمليها معاه علشان يمل منك بالاخر ويعطيكي حقوقك ويطلق الرجاجيل الي مثل كذا ما تيجي معهم غير العين الحمراااااااااا الله يوفقك حبيبتي ويفتحها عليكي ما اوصيكي على بنتك خليها بعيونك وان شاء الله تدخلين الجنه بصلاحها يارب وفقك الله حبيبتي لكل خير وطمنينا عليكي في رعايه الله |
الله يآجرك بمصيبتك ويعوضك خير منها
عليك حبيبتي بالصبر والدعاء |
أعانك الله
اطرقي باب الرحمن , فهو سبحانه يجيب المضطر إذا دعاه ويكشف السوء |
سراحه أحس الرجل هذا ما عنده كرامه خلاص مره ماتبيه يطلقها بس لايرد نفسه لفلوسها وش يبي فيها يا حيف على رجال اليوم ضعاف نفوس
|
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©