السلام عليكم ورحمة الله وبركاته

يوم سعيد انشالله على الجميع

هذي اول مشاركة واول موضوع لي بالمنتدى اتمنى اكون عند حسن ظن الجميع


بس

للاسف اول مشاركة لي بمنتدى المطلقات

راح ابدا موضوعي بدون مقدمات

وبشكل سريع ومختصر

انا عمري 20 سنة واتزوجت تقريبا قبل 3سنوات وللاسف العيشه مع زوجي مستحييييله لأبعد الحدود وربي على اللي اقوله شهيد

وربي رزقني ببنت وانا الحين عند اهلي لي سنة واصلا اغلب وقتي انا عند اهلي من يوم مااتزوجت يعني تقريبا اللي جلستها في بيتي كلها كم شهر

وانا والحمدلله وربي شاهد اني ماطلعت من بيتي اللي من عذابي معاه واهله شاهدين عليه

وفترة السنة هذي اللي اناعند اهلي ماصرف علي ولا على بنته بريال واحد رغم اني ارضع البنت الين الحين

اهم شي بنته لو علي ماابغى منه شي

المهم وسمعت قبل فترة انه اتزوج

خليه يتزوج الله يوفقه بس يطلقني بدل ماني معلقه كدة

وعلى فكرة قبلي كان متزوج وحدة وخلعته

المهم رفعت قضية في المحكمة ابغى فيها حقوقي ابغى اطلق واكمل دراستي الجامعيه واشوف حياتي

طبعا مااقصد اني اتزوج اهم شي بنتي اربيها في حضني

الجلسه الاولى اللي صارت كل اللي قلته عنه عند القاضي من افعاله الفظيعه تجاهي وتجاه نفسه طلب مني القاضي اثبات

قلت للقاضي احلف لك على القران مارضي طلب شهود

بالله شهود من وين وانا وهو بالبيت مايعلم بينا اللي ربي

وطبعا هو انكر كل الكلام اللي قلته عليه


المهم القاضي تركني وترك كل كلامي وقال لي ادفعي مهره

ليش ماقاله القاضي ادفع لها مصروف البنت الللي سنة مادفعته

لا وكمان بدل مايحكم لي بالنفقه طلب مني اعطيه مهره

استغفر الله العظيم
المهم الحين الاسبوع الجاي عندي جلسة ثانية

حبيت اشارككم همومي وموضوعي


وابين لكم انه اي قاضي بطبعه يميل للرجل

وادعولي ربي ييسر امري ويفرج همي

وان شاء لله مااكون طولت عليكم
او
طفشتكم معايا

وانشالله اكون اخت الجميع




تحياتي

احساس طفلة

لفظ المشيئة يكتب هكذا


( إن شاء الله )

اختي الغاليه


اول شي اعانك الله وربي ييسر امورك يارب

بعدين اختي هل في امل انج ترجعين اختي له او يعني بخصوص انه بينكم طفله لو عشانها في امل انك ترجعين...

ثانياا:
انتي طلبتي طلاق او خلع او شنو

ولي عوده واعانك الله اخيتي وشرح صدرك يارب

__________________

تم تعديل العنوان ليتناسب مع الموضوع

__________________

اللي انا طالبته طلاق لانه انا متضرره والمفروض اتطلق بدون ماارجع له مهره او اي شي


لانه اللي تبغى تطلق بدون اسباب هذي هي اللي ترجع المهر لزوجها بس انا متضررره اضارار ربي يعلم فيها


وبخصوص رجوعي له


من اخر المستحيلات اني ارجع له

لانه بالإضافه للأضرار اللي جاتني منه

عاصي رب العالمين لأنه مايصوم رمضان ولا يصلي

على العموم جزاك الله خير على مرورك الكريم

__________________

اممممممممممممم اختي اعانك الله بصراحه


مدري ما اضن يرجع له مهره كامل ممكن يكون نص او شيء من هاذا القبيل على ما اضن اذا كان الطلاق منج...

اما بخصووص انج متضرره يجب النظر من قبل القاضي في القضيه ومراجعتهاا

اعانك الله

__________________

اختي .. البينـة على من أدعـى .. واليمين على من أنكـر ..

يعني لماذا لا تأتين بشهود من غير الممنوعين من الشهادة مثل الجيــران أو اطلبي أهلـه للشهادة معك لكي يشهدوا على تضررك منه وعدم حصولك على حقوقك طول فترة بقائك في بيت أهـلك .

ولا أدري لماذا لم توكلي محامي لأن المحامي أدرى بالمسالك القضائيـة ويستطيع أن يأتي لك بحقك بالطرق القانوية .

وعليكم السلام ورحمة الله وبركاته

أختي في البداية انتي في أي دولة.. مهم

والله كأنك تتكلمين عن صديقتي الله يفرج عليها

جننوها المحاكم وكل موعد هو يعتذر ويرسلون له خطاب

الين جمعت مهرها اكثر من 100 ألف ريال

بعد مرور 5سنوات معلقة وضناها معاه حسبي الله عليه

وبعدها تطلقت

الله يفرج عليك وعليها ويعوضك ويعطيك من خيره

__________________
اللهم لك الحمد والشكر
"ولئن شكرتم لأزيدنكم"

الهم أجرها في مصيبتها واخلف لها خيراااااا منها ..

اللهم ااااااااااااامين

يـــالله يــــارب يكون في عونك وييسر أمرك

فيه سؤال يقرقع بقلبي ولو إنه مش وقته

إنت ِ عارفة من قبل تتزوجينه إنه مايصلي ومايصوم ؟