|
سوف اطلق من زوجى ... احتاج لكم
السلام عليكم...
عمري 21 سنه وزوجي عمره 22 سنه ... الله رزقني ببنت عسل عمرها الحين 3 شهور تقريبا ... الله يخليها لي ويحفظها .. سنه خسرت فيها كل شي.. وماجنيت منها ولا شي.. خسرت حريتي.. خسرت عمري .. خسرت ثقتي في نفسي.. خسرت وقتي واهلي وصديقاتي.. وخسرت حتى قلبي!! السنه الي فاتت في نفس هالشهر بالضبط .. كنت سعيدة وكنت استعد حق عرسي... والحين استعد نفسيا حق طلاقي!! سنه زواج .. ست شهور في بيت اهل زوجي بين هم وعذاب.. وست شهور في بيت اهلي عايشة على امل.. تزوجنا .. على اساس اني اكمل دراستي.. وعلى اساس نسكن في سكن مستقل .. لكن كله كذب في كذب.. ام زوجي فظيعه راعية مشاكل وفتن ..خربت بين امي وابوي.. وتطلقوا.. شققت صور عرسي.. وخلتهم عندها .. شفت بقايا صور عرسي وبنتي في حضني!!! تغلط على امي وابوي وزوجي يسمع ومايقول شي.. تتبلى علي ونشرت بين الناس كلام فظيع عني وعن اخواني.. تتدخل بطريقه غير مباشرة في حياتنا .. خلتني اعيش حرب نفسيه قدامي تتغزل فيني ومن وراي كلام فظيع اتقوله عني.. احترمتها وحاولت اتقرب منها .. بس مافي اي فايدة!! هذا كله ماكان بيهمني لو ان زوجي اقدر اشد الظهر فيه بس للاسف زوجي يسكت ومايدافع .. اذا صار بيننا خلاف اول واحد يطنشني هو .. تعبت نفسيتي.. تسع شهور حمل .. قضيتها كلها بكي .. صار فيني فقر دم .. ماكنت اكل.. احس برعب ماقدر انزل مع اهل زوجي اتغدا.. احس برعب.. اخاف اتكلم اخاف اسمع كلام ام زوجي.. كله كذب وانا ادري.. زوجي ينزل يتغدى مايسالني لو ابي اتغدى..هذا ابسط شي!!.. خفت على نفسي وصحتي ورحت بيت اهلي والحمدلله اتغذيت عدل وصار دمي احسن الحمدلله .. .. ومريت بيت اهل زوجي انا وامي عشان اخذ اغراضي.. الي احتاجها لقيت اغراضي في الملحق باكياس زياله وصخة .. ملابسي متوصخة وبعدين طردتنا الخادمة !! زوجي ماكان يتصل ولا يسال فقررت انا الي اسال وصرت اتصل وارسل مسجات .. واتحسن الوضع .. يقول حطمتيني يوم تركتيني وانا ماغلطت عليج في شي.. شرحت له الوضع فصرت اكلمه واطلع معاه من ورا اهلي.. لان امي كانت تكرهه على الي سواه فيني والاغراض الي لقيتها برا بشكل بشع .. سالته عن الاغراض واتضح ان امه هي الي قطت اغراضي برا .. وهو ماقال شي .. كان ساكت!! سمح لامه تاخذ اغراضي زوجته الخاصه .. واتقطها برا!! بعدها بفترة .. جتني البنت الي نورت علي حياتي.. في المستشفى عشت ايام صعبه .. زوجي كان يبي يشوف بنته وامي تكرهه .. وماتدري ان علاقتي كانت احسن معاه .. فاتفقنا انا وزوجي بانه يروح يتاسف لها والحمدلله اتاسف لها وصارت الاوضاع احسن .. وتحسنت علاقة زوجي بامي.. بس قعدتي عند امي طالت .. خلصت من النفاس وانا بعدني عند اهلي.. وزوجي يجي يقعد معاي ويروح .. وعلى اساس ان نطلع في شقه لكنه ماتحرك .. وساءت الاحوال... فامي قالتله خلاص لا تجي عند زوجتك الا لما اتجيب الشقه واذا بغيت اتشوف بنتك تعال وبتشوفها .. وكلامها منطقي للكل.. لان مو حلوة بحقي كزوجته بانه يجي يقعد ويسوي الي يبيه واعطيه كل حقوقه بعدين يتركني انا وبنتي في بيت اهلي ويروح عننا... وزعل وطنش... وماعاد يسال ولا حتى يمر يشوف بنته .. والحين صار له شهر.. دخلنا ناس طيبين من اهله مثل عمه وجده .. ف يا يصير زوج نفس الاوادم .. ولا يطلقني ويخليني اشوف حياتي.. اشوف دراستي اشوف نفسي... واحساس كبير بداخلي يقول لي ان احنا بنطلق.. لان زوجي بيتحدا الكل.. بيعاندنا.. وبيطنش.. ماعتقد انه يحترم احد .. والمشكله الاكبر.. انا لازلت احبه واعشقه .. بشكل كبير.. واخاف اذا تطلقنا بنتي ماتكون عندي.. اخاف على بنتي من ام زوجي.. اخاف عليها حيل.. لانها مو طبيعيه واعتقد لو دخلت مستشفى مايطلعونها.. يمكن اتقولون ابالغ يمكن اتقولون عيب اتقولين هالكلام .. بس والله هالكلام مو من عندي الكل يقول انها راعية مشاكل وفتن وبلاوي.. حاولت اسكت واستر لكن هي ماخلت شي الا وقالته .. مادري شو الحل؟؟ مادري شسوي اتطلق.. ؟؟ ولا اصبر اكثر؟؟ اخاف اذا صبرت اضيع عمري.. واضيع وقتي واخاف من الطلاق والي بييني عقبه من اهل زوجي.. بنتي بتقعد عندي ولا بياخذونها ..؟؟ هي الي نورت دنيتي.. والي خلتني انسى همومي.. احس بالرعب .. ساعدوني .. ادعولي الله يخليكم .. خففوا عني.. طمنوني..!!!! مابقى فيني حيل!! الاشراف / تم تعديل العنوان ليكون بالفصحى الاشراف /عفوا :يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
الله يعينك اختى ويكتب لك مافيه الخير ماقدرت اقراء واطلع كذا ولكن لى رجعه باذن الله
|
لا حول و لا قوة الا بالله
اختي استخيري و ان شاء الله فى حل حاولي فى زوجج اكثر و ان شاء الله ربي يفرحها |
أتصلي بزوجك و اطلبي منه يجيك وأطلعي أنتي واياه وبنتك فقط وروحوا مكان هادي وتفاهمي معه وأذكري له كل شيء عن تعامل أمه معك وبيني له انك تحبينه وتبغين تعيشين معه وتفاهموا على رواقه
والله يجمع بينكم على الخير والمحبة والدين |
حتومة.. مشكورة اختي وماقصرتي
ام الحسين وعمر... ان شاء الله هذا الي بسويه وبصلي استخارة .. وان شاء الله تنحل.. الناصر... كلمته من قبل مليون مرة ... وحاولت فيه .. بس مافي فايدة.. والمشكله ان والله هو مايحتاج ياجر الشقه .. لان جده .. كثر الله خيره قال له انت بس اشر وانا بحيب لك الشقه .. وزوجي مع هذا مايتحرك ويعطيه كلمة .. عشان يختارون الشقه .. مادري شالحل معاه .. |
اقوول يالغاليه .. لاتطلبي الطلاق .. اصبري واحتسبي اجرك عند الله .. وطالما إن المشكله في امه ومو فيه هو .. يعني ماهو راعي خرابيط .. فأكيد إن في امل في صلاح الحال .. تعالي على نفسك عشان بنتك .. تدرين .. امي في بداية زواجها عانت الكثير من اهل ابوي .. وظلمهم لها استمر سنوات وسنوات .. وهي صبرت على اشياء كثيره عشاني انا واخوي .. لكن الحين تعالي شوفيها .. ربي جازاها خير على صبرها .. وبعد ماكانت مستضعفه صارت هي الكل في الكل عند اهل ابوي .. ولها مكانتها واحترامها .. وصارت احسنهم حالا ومالا وعيالا .. تدرين لو كانت فكرت في نفسها وراحتها هي وبس .. واختارت الطريق الاسهل .. كان صارت في عداد المطلقات .. وكان ضعنا انا واخوي واتشردنا في بيوت الاهل .. اصبري .. اصبري .. اصبري .. والله ماينسى نصرة عبد من عباده على من ظلمه .. |
أختى تكلمى مع زوجك بهدوء مرة ثانية
وحاولى معه وحاولى تبعدى أهلك و أهله عن الموضوع ولا تثيرين مشاكل حتى لو كانت أمه هى السبب اقطعى عليها كل ما تفعله بحسن خلقك وبعدين من أدراكِ أن الطرف الذى يقول لك أم زوجك تقول عليكم كذا وكذا طرف غيرب كاذب ممكن جدا يكونون كذابين مادام زوجك متدين وليس خائن ويحبك.....ولكنه يطيع أمه لا تخسرينه وتربى بنتك بعيد عن أبوها عادى لو ترجعين تعيشين معهم مرة ثانية فى نفس البيت وتأكدى أن لكل ظالم نهاية وهو غير بعيد عن الله مهما ذهب استخيرى ربك وارجعى لزوجك مرة ثانية وتكلمى أنت معه ولا تجعلين هناك واسطة بينكم حبيبتى أمك و أم زوجك لا تدخلوهم فى مواضيعكم الخاصة ومشاكلكم.........لأنهم لا يحبون بعض والضحية فى الآخر هو أنتع وزوجك و ابنتك أما ما حدث بين أمك و أبوك بسبب حماتك.............فأحب أقول لكِ سواء حماتك تدخلت أم لم تتدخل هذا هو قدر الله لهما لا تجعلى هذا الموضوع يؤثر عليكِ وكفى خسارة واحدة نحن لا نريد أتكثر من خسارة و أنت حبيبتى اتقى الله فى نفسك وزوجك و ابنتك واعلمى ....أنه ((من يتق الله يجعل له مخرجا ويرزقه من حيث لا يحتسب)) ويجعل له من أمره يسرا خلاصة الكلام: 1- تحدثى مع زوجك وحاولى ترجعى له مرة ثانية لو حتى تعيشين فى بيت أهله. 2- الدنيا لاتدوم لأحد ولا يوجد أحد سوف يخلد فيها. 3- اعملى على مداراة أم زوجك ولا تمسيها بسوء ولا تحاولى اقحام زوجك فى المشاكل. 4- لا تجعلى أمك وحماتك يتدخلون فى حياتك أنت وزوجك لأنهم لا يحبون بعضهم البعض. 5- اعملى على تقليل المشاكل بينك وبينها واقطعى عليها طريق المشاكل بالاستعانة بالله و بحسن خلقك معها . 6- اتقى الله فى تعاملك دائما و أبدا واعلمى أن لكل ظالم نهاية والله سبحانه وتعالى لا يرضى بالظلم. وفقك الله حبيبتى إلى كل ما يحبه ويرضاه |
فعلا اختي مثل ماقالوا لا تطلبين الطلاق
موقف امك طبيعي لأنها تفكر بعاطفتها تشوف اللي تسويه ام زوجك وزوجك فأصبحت تكرهم ويمكن ترا ان الطلاق افضل لك نصيحه لا تاخذي بطلب امك ولا اقصد انها على خطا لا امك من كثر ماتحبك وتشوف ان زوجك سبب في حزنك وانه مطنشك اصبحت تفكر بهذا الشي لكن صدقيني الأن مشكلتك ماتوصل الطلاق الأن عليك شي واحد انك تكسبين زوجك وانت ادرى الناس بزوجك حاولي تكلمي زوجك باسلوب حلو تقولين ابي اجلس معاك في مكان مايكون فيه الا انا وانت وبنتنا بس اي مكان شاليه مطعم او او ... بحيث تكلمينه حاولي انك تجتمعين انت وياه حتى وان عارضت امك بيني لها انك تحبين زوجك وماتبين تنفصلين عنه اذا اجتمعتي طبعا كوني بأناقتك وجه مبتسم كله فرح يعني لا تكوني معبسه وحزينه خليك بشوشه خلي عبارات الشوق والحب تبان بوجهك واكيد دام لك فتره مااجتمعتوا بداية الأمر اجلسي سولفي معاه باي سوالف وخليه يشيل بنتك ويلاعبها حاولي تحننين قلبه عليك وعلى بنته بعدا بفتره تكلمي هنا عن حبك له وانك ماودك تخسرينه وبيني له خروجك من عند اهله مو كره لهم انما عشان تعيشون بعيد عن المشاكل لا تجيبين من الحكي مثل امي تقول كذا , او امي ترفض كذا لأنه يمكن يتضايق ويرجع وياخذ بكلام امه حاولي بأجتماعكم ماتنرفزينه ادري يمكن تقولين انه انت اللي معاك الحق ادري ياقلبي بس بعض الأمور يبغالها رويه ماحصل اجتماع كلميه بدال المره مرتين ثلاث اربع الين ينصلح حالكم لا تملين ولا تجزعين هذي الفتره حاولي تكسبين زوجك ماتبعدينه لانه يمكن يتهور ويطلق ولأن تلاقي امه ماقصرت بحن والزن وانت تكلمين زوجك لا تدعين عليه مثلا تقولي حسبي الله عليك او الله لايوفقك مافي افضل من الكلام الطيب الحسن عليك بقيام الليل والدعاء وكثرة الاستغفار الله يوفقك ويفرج همك ويصلح امرك ويجمعك مع زوجك عاجلا غير آجل اللهم آآآمين في موضوع راح انزله ماهو دعائك الخاص لزوجك اتمنى تتطلعين عليه في حفظ الله اختك لذة عشق |
شرعا حضانه البنت معك طالما لم تتزوجي وان تزوجتي تنتقل الحضانه لوالدتك ان كانت على قيد الحياه ثم للخاله على مااعتقد وان لم يوجد تنقل لجدتها لأبيها ثم لعمتها اذا الجده ليست على قيد الحياه.. فرج الله همك..
|
مشكورين كلكم على ردودكم ... والله ماقصرتوا..
انا كلمته وايد وايد .. اكثر من مرة .. وكل مرة يقول لي ان شاء الله دام انا احبج وانتي اتحبيني كل امورنا تنحل.. يطمني بكلامه بس يرد بيتهم ينقلب علي فوق تحت .. ويتغير كلامه .. ومايتحرك .. وشرحت له الوضع وقلتله كل شي.. وليش طلعت من بيت اهله من غير ماغلط على حد فيهم .. وتعاطف معاي او هذا الي حسيت فيه .. هالكلام من زمان اول ماطلعت .. وعقب الولادة يوم شافنا انا وبنتنا قال والله والله ماراح استغني عنكم .. دايما هذا كلامه وارتاح واستانس وبعدين ماشوف شي... وهو من النوع الي اذا فتحت معاه موضوع حساس يخص حياتنا يزعل ويتحسس عقدني بحياتي صرت ماعرف اتكلم .. كل ما فتح معاه موضوع ادعي ربي يسهل لي الحوار وان االامور اتمر على خير لانه لازم يزعل وعلى اسباب تافهه .. وانا ان زعلت على شي بسرعة ارضى عشان ماصير نكديه وسخيفه .. ثقتي في نفسي واسلوبي تزعزعت .. والحين امي تدخلت حرصا على مصلحتي لانها حست ان كل من يتدخل ام زوجي وابوه واخوانه .. حست ان كل الدنيا علي وانا مالي حد .. فقالت بوقف مع بنتي.. واتصرفت كذا مرة من وراها.. لكن زوجي خيب ظني اكثر من مرة .. للاسف وفشلني قدامهم .. تعبت وانا احليه بنظر امي واهلي.. بس مصر الا يفشلني .. يهجرني من غير مصروف.. لا لي ولا لبنتي.. اليوم كملنا شهر من اخر مرة شافني انا والبنت .. والله والله والله اني جميله مو قاصرني بشي.. للحين كل ماروح مناسبه انخطب ويتفاجئون لما يعرفون اني متزوجة وعندي بنت .. وكلن يقول ياحظه زوجح .. مادروا عن حياتي..!! وكل مارسل مسج حق زوجي اقول له لازم انعيش انا وانت وبنتنا بروحنا من غير مانخلي اي احد كان يتدخل في حياتنا ... يرد علي يقول هذا الي انا ابيه .. وبعدين ماشوف شي... |
saapna 81
طمنتيني الله يطمنج .. والله الحين مافكر الا في بنتي الله يحفظها ويخليها .. |
وبعد بسأل.. في رجل طبيعي يصبر يعيش بعيد عن زوجته ... اكثر من شهر؟؟!!!
انا الي اشوفه حتى الزوج الي مو وايد يحب زوجته يسعى لرضاها لانه مايقدر يبعد عنها .. لانه رجل.. وله احتياجات .. زوجي طبيعي؟؟؟ !!!! وانا ادري ان ماعنده سوالف بنات وخرابيط .. متاكدة من هالشي... |
لا حول و لا قوة الا بالله
اختي استخيري و ان شاء الله فى حل |
ان شاء الله تتسهل اموري... الله يخليكم ادعولي..
|
|
أختي ماذا تنتظرين من امه وقد طلقت امك من ابيك
الحل هو انك تقولين تعال عندما تحضر شقة ثم انسيه فان كان فيه خير فسيأتي بشقة لان من ابسط حقوق الزوجة الشقة ان لم يات او يأسل عنكم فلا تسالي عنه لانه يعتمد على طيبتك في عدم احضار شقة وانك ستسامحيه ولكن يجب ان تكوني حازمة ثم حتى وا حضر شقة وعشتم معا فتوقعي حدوث مشاكل بسبب امه ولكن عندئذ عديها ارجو لك التوفيق. |
اشكرج ريم المدينه على مرورج ...
اتمنى والله اتمنى ان تتحسن علاقتي بزوجي.. واتصير من احسن مايكون .. لاني احبه واموت فيه بشكل مو طبيعي.. امي والله ماكانت تتدخل.. بس لما شافت الوضع يزداد سوءا خافت علي.. وصارت اتشك فيه بانه شري مافيه خير علي.. لانه يقطع قطعه مو طبيعيه .. صحيح محد يرضى على امه .. بس انا ماغلطت عليها.. عطاني الامان بكلامه .. وخلاني احس في بدايه زواجنا باني خذيت اروع انسان وباننا بنحط يد في يد حزة المصايب.. لكن لا .. يروح عني ويخليني اواجه المشاكل بروحي.. واذا تدخلت امي يشتكي.. لكن امه عادي.. فاتعذب بروحي.. وماكنت اقول لامي شي.. لكن والله صار امري مو بيدي.. زواجي قاعد ينهار .. انا مابي شي منه .. انا الي ابيه بس ان مصروفي يتم جاري لي ولبنتي وان انعيش مع بعض .. ومايعطيني ظهره .. انواجه المشاكل مع بعض.. والي ابيه مو وايد ولا فوق طاقته .. وان شاء الله تتسهل اموري وينكتب لي الي فيه خير.. وربي يحنن قلب امي واهلي على زوجي.. ويحنن قلب زوجي علي.. |
اقتباس:
صدقتي عطيته فرصه انا واهلي.. فكان يمرني البيت ولا نطلع سوى .. وبعدين يردني البيت على اساس.. هو بروحه يتصرف ويطلع الشقه لكن ماصار شي.. وبعدين امي قالتله لا تشوف زوحتك الا لما اتطلع الشقه ما قالتله لا تشوف بنتك.. وبعدين اتصل فيني من فترة .. وقال لي ابي اشوفك .. خلينا نطلع مع بعض.. قلتله لا ماقدر اطلع معاك وبنهاية الطلعه اتردني بيت اهلي قلبي يعورني.. احنا مو مخطوبين .. احنا متزوجين .. قال لي خلاص بتصرف.. ولا سوى شي.. وصار له اربع ايام .. مايتصل ولا يرسل مسجات وانا بعد .. لانه اتعود علي انا الي دايما ابتدي.. فتدخل عمه اخو ابوه لانه عادل.. واقترح من قبل انه ياجر لنا شقه .. هديه .. لكن زوجي ماتحرك .. فاتصل فيه من كم يوم وعصب عليه اصرف على زوحتك .. وبنتك .. اتحرك دور على شقه .. خلك ريال اذا ماتبيها اتركها وخلها اتشوف حياتها.. قال لا انا احبها مابتركها .. وبعد ماسوى شي.. وامس اتصل فيه عمه مرة ثانية ..وقال له يطلع حق بنته جواز .. تخيلو بنتي عمرها 3 شهور تقريبا وللحين ماعندها جواز .. انا قاعدة في بيت اهلي الحين ويبون يسافرون .. لاهل امي .. امي من دولة خليجية غير بلدنا ولازم اتروح هي واخواني عندهم .. بكل صيف.. وقبل الزواج انا معاهم .. لكن الحين شكلي بخرب عليهم اجازتهم .. ف ان شاء الله زوجي يطلع جواز سفر حق بنتي عشان انسافر انا وبنتي.. احتاج اغير جو .. وهو اصلا مو سائل فيني من شهر ماظنتي بتفرق عنده رحت ولا رجعت .. |
الله يعينك تحملي والي انقال ماعندي زود عليه ماقصروا
|
مشكور برنس الشرقيه ..
بس اتمنى لو تدعولي.. |
السلام عليكم ورحمة الله وبركاته
غاليتي الأخوان كفوا و وفوا ولكن أقول اصبري اصبري اصبري لابد في بداية أي حياة زوجية من خلاف ومشاكل فلا تتسرعي في طلب الطلاق فكري في المستقبل وفي مستقبل ابنتكِ فكري بشكل واقعي و لا تعاندي ولا تتكابري ثم تخسري بل قدمي تنازلت من أجل أن تكون حياتكِ أفضل قدميها واحتسبي الأجر من الله أبدأي أنتي ولا تنتظري من زوجكِ وكل شي بالتفاهم يصير أهم شيء التفاهم والهدوء غاليتي ينقل لقسم المشاكل الإجتماعية ليلاقي التفاعل والحل المناسب أسأل ربي أن يجعل لكِ من كل هم فرجا ومن كل ضيق مخرجا وأن يرزقكِ من حيث لم تحتسبي |
بصراحة مالي الا الدعاء لك في ظهر الغيب:
الله ييسرك لك أمرك ويفرج لك ولبنتك همك ويعدل زوجك يارب |
لاحول ولاقوه الابالله
ايش الي اكتب أيش الي اقول زعلت لماقريت هاي المشكله الله يكون في العون . |
أختى الكريمة آمل منك أن تطلعى على هذا الموضوع
عسى أن تأخذين منه عبرة وعظة http://www.66n.com/forums/showthread.php?t=130600 أسأل الله العظيم أن ييسر لك كل خير و أن يوفق بينك وبين زوجك و أن يحفظكم من كل مكروه ومن كل سوء . |
العذبه ..
مشكورة يزاج الله خير... صبرت وايد .. وبصبر بعد اكثر.. مروق البال .. مشكور وماقصرت على هالدعاء... احتاجه ... عارفين .. والله مشكلتي مشكله حلها احسه صعب... ام عبيد الله قصة عورت قلبي.. والله اني احب زوجي . وعلى كلامه هو يحبني... بس مايبي يتصرف احرجني وايد .. وفشلني.. قدام اهلي.. اميتكرهه بشدة .. وانا احبه بشدة .. بس حتى حبي ماعدت اقدر ابينه لأحد ..لان الكل يشوفه مو قد الحب.. هو الي اثبت هالشي؟؟للاسف الشديد .. مايتصل فيني الحين ولا يسأل..ذليت نفسي وايد من قبل وسألت واتصلتوطرشت مسجات والحين .. احسه متعود على هالشي احسه في خاطره يقول ايه ماعليه هي متعودة تتصل خلها هي تتصل انا مابي.. قمت احس انه مايحبني.. بس يتملكني.. يعاند امي ويعاند اهلي.. ويعاند الناس الطيبين من اهله .. ومايمشي الا ورا امه الي حطمت حياتنا والومها هي وولدها على هدام بيتي.. ماخليت احد يتدخل هي الي تدخلت وبعدين دفاعا عني امي تدخلت ... وبدل ما انا وزوجي نوقف مع بعض ضد الجميع ونوقف الكل عند حده هو وقف ضدي.. وياويلي لو تكلمت او وضحت خطأه .. ومايعترف بالغلط الي يسويه .. تعبت حيل تعبت .. احلى ايام زواجي كانت في شهر العسل.. لان محد معانا بس انا وهو .. ومحد يتدخل.. والحين انا اعيش اتعس ايام حياتي لاني متزوجة ولاني مطلقه... |
والله يا اختي قريت كل تفاصيل القصة مرات ومرات
شوفي الغناة أنا قصتي تشابه قصتج شوي .. أمه ما تحبني لأن زوجي كان متزوج بنت أخوها وطلقها من 3 سنين وهي عندها أمل يرجعها بس زوجي طنشها وتزوجني وللحين وهي تحن يرجع طليقته وأنا أعرف ومطنشة الغالية مسألة الشقة الحين انتي تشوفينها مهمة وأنا أقولج إنها مهمة لكنها ما تعادل مسألة ارتباطج بأبو وداد أنا أقترح إنج تكونين الأحسن وتبادرين بالسلام أول شيء أريدج ترقين نفسج بالمعوذات إنتي وبنتج ( المعوذات+ الفاتحة + قل يا أيها الكافرون ) 3 مرات ( آية الكرسي + التسع آيات الأولى من سورة يس ) 7 مرات وبعدين اتصلي بزوجج واعزميه على مشوار .. يا أختي أدري إن قلبج يعورج بس مالج مناص وجع ساعة ولا وجعع كل ساعة قبل لا يوصل زوجج اقري آية الكرسي ويس مرة ثانية واطلعي معاه خليه يشوف البنت بتحنن قلبه لا تفتحين موضوع الشقة بالمرة .. وإذا هو فتح الموضوع قولي له إذا تهمك راحة بنتك إنت بتتصرف أنا أثق في تفكيرك وأسلوبك وبقدراتك ،، بس أنا عندي احساس إنك خايف من أمك ولها السبب أنا قلت ما بتكلم بالموضوع ... عقب ممكن تقترحين إنكم ترجعون بيت أمه على شرط يسوي لج مدخل منفصل شوفي من عقبها حاولي ترقين نفسج وبنتج واستعيني بسورة يس ترا فيها قدرة كبيرة ولها مفعول قوي أنا أكلمج عن تجربة شيء ثاني حاولي تكلمينه بهدوء وممكن تقولين له إنكم تسافرون إنتي وهو والبنوتة قولي له أريد الصغنونة تحس بأبوتك وعليج بالاستغفار كل وقت والآيات خليهم ورد يومي والله يسهل أمورج |
مشكورة ام بطي.. على مرورج .. مساله اني ارد بيت اهله هذي وايد صعبه ... لان امي بتزعل مني لان امه سبب طلاقها من ابوي.. وبعدين .. تخيلي يوم كنت ساكنه عندهم .. كنت ساكنه في غرفه اصغر من غرفتي الي في بيت اهلي والحين عندي بنت .. بس غرفه .. وبالطابق الي فوق.. يعني مافي مجال يكون لي مدخل خاص... وبعد ام زوجي للاسف المعروف عنها تتعامل بالسحر.. والله اعلم مو انا الي اقول هالكلام الكل يقوله ... ماحط بذمتي لكن تصرف ابو زوجي مو طبيعيه ..
انتي يمكن ماتصدقين بس والله اتحملت الظيم والظلايم .. ماودي اتطلق والله ماودي.. بس شو ارتجي من زوج مايحترمني ولا يقدرني ولا يحن لبنته الصغيرة .. مافيه خير لا علي ولا على بنتي.. يوم يكلمني احسه غير لكن من يبتعد ينقلب.. وفي شي غريب في زوجي مادري لو في ناس جذي.. بس زوجي وهو نايم فجأة ينفض.. يعني يرتعش بقوة .. ويوم سالته يقول مادري بس حتى ابوي فيه جذي!!!!!!!! اخاف والله .. احس برعب من ام زوجي.. اخاف احتك فيها .. بس سلام وبس ومن ورا امي بعد .. دوم زوجي يحلف يقول والله مابحب غيرج .. الحب الي اكنه لج مو طبيعي... هذا وهو يعشقني على كلامه وجذي.. لو مايحبني شلون ؟! |
ومشكورة وماقصرتي على هالايات .. والاهتمام .. الله لا يحرمني منكم ..
|
الي كنت بقوله معظم الاعضاء قالوه ... بس ياختي دام هو طيب معاك ... لاتحرمي بنتك من ابوها ... انا
عارفه ظروفك ... ومقدره نفسيتك ... المشكله انه زوجك الله يهديه بااارد ... انتي غلطي بشي واحد .. لمن صار يجي بيتكم وياخذ كل حقوقه .. بس هالشي اتركيه الحين ... وقولي له من جديد ... اذا تبيني وتبي بنتك .. وتبينا نعيش بهدوء .. تجيني وتاخذني بشقه لحالي ... يعني حتى لو طالك كلام من امه لكن بيكون خفيف عليك ... لانك بعيده عنها ...ودامه يحبك ومو راعي سوالف ... اكيد راح يسمع كلامك طال الزمن او قصر .. الله يسعدك ويريح بالك ... ويهدي زوجك يارب هموووم |
تمسكي فيه لانه مثل ماتقولين انه طيب ويحبك ويعشقك لاتخلين احد يفرق بينكم وبعدين حرام البنت ماتهنت بابوها
وانتي حاولي تقنعين امك بانه يجي لبيت امك وشوي شوي ان شاء الله ترجع الامور ويطلع بك ببيت بلحالك ورجوعك لبيت امه لاتفكرين فيه لانها بتزيد المشاكل اكثر واكثر واذا طلعتي ببيت لوحدك حاولي تتقربين لامه بس مو مررررررررررررره علشان تتقين شرها وتنسعدين بحياتك اذا جاك لبيتكم حاولي تشوقينه لك اكثر واكثر ولاتخليه يطلع الا وهومبسوط ويتشوق لشوفتك انتي وبنتك مررررررررررره ثانيه والصبر ياختي زين لاتقولين صبرت فيه ناس تصبر سنيييين ويحصدون صبرهم خيررررررررررررررر كثيررررررررررررررر وادعى لك ان الله يسعدك ويوفقك مع زوجك ويجعلك دررررررررررررررررررررررررررره في قلبه اللهم اااااامين |
أختي الفاضلة نرتنا الدنيا
أسأل الله العظيم أن يهدي لك زوجك ويسخرة لك غاليتي في اغلب المنازل تظل مشكلة الحموات والكنات هي الغالبة ولو حكمنا بأن ذلك نادراً قد يكون ولكن بنسبه ضئيلة جداً تصبري عزيزتي واصطبري بالصلاة والدعاء قال عز من قائل( وأستعينوا بالصبر والصلاة إن الله مع الصابرين) وما سقتية في طرحك من كونك تريدين اكمال دراستك وبأنك خسرتي دراستك لماذا كل هذا؟ مالذي أحوجك لفعل ذلك بنفسك؟ سيدتي إعلمي بأن الحياة بحر واسع تارة يهدء وتارة يغضب وتارة تحملنا امواجه إلى ما نصبوا إلية وتارة لا فأعطي نفسك حقها وأستعيني بالله وأكملي علمك ودراستك واهتمي بإبنتك كرسي جهدك للمذاكرة والعلم ولا تتعجلي علية بقول طلقني ولعل ذلك سيمنحة فرصة لحل المشكلة وتأكدي وثقي بأن الله سيعوض صبرك خيراً إصنعي من الليمون شراباً حلواً والجميل في ذلك كله بأن العام الدراسي الحالي قد شارف على الانتهاء وهاهي فرصتك لان تستعدي للعام الجديد بإذن الله وبما انك ما زالتي صاحبة ال21 ربيعاً فالحياة ومقاعد الدراسة مازالت مشرقة وبإنتظارك ولعل في ذلك خير تقبلي محاولتي للتخفيف عنك دمتي |
اشكركم من كل قلبي والله ريحتوني...
انا كان احساس كبير في داخلي يقول لي انه طيب.. بس بديت اشك .. لانه مايسال فيني حتى .. الحين انا بنتظر فترة بخليه لين ماهو يتصل .. لان والله دايما انا الي اتصل واحسه يقول خلها ماردها هي تتصل وتسال .. بنتظر فترة عل وعسى يتصل ومايخيب ظني فيه نفس كل مرة .. الله لا يحرمني منكم |
مشكلتك بسيطه ان شاء الله زوجك مسكين ومسيطر عليه الام تستغل احترامه لها كام مشكتلك نوع ما مثل مشكله اعرفها لكن انتي كوني شاطره لاتفرطين بزوجك حتى لو على حساب كرامتك واصبري الى ان تنحل الامور
الاشراف /عفوا : ان شاء الله تكتب على هذا النحو |
الله يعينك حبيبتي...
والله يفرج همك وهم كل انسان مهموم |
أسال الله تعالى ان يفرج كربتك ويبدل احزانك وهمومك بالسعادة والافراح
ويهدى لك زوجك والدتة وتعودى لبيتك بالسلامة وتتربى ابنتك بين والديها ويحفظكم من كل شر اللهم آمين آمين آمين |
زوجي ينزل يتغدى مايسالني لو ابي اتغدى..هذا ابسط شي!!..
ومريت بيت اهل زوجي انا وامي عشان اخذ اغراضي.. الي احتاجها لقيت اغراضي في الملحق باكياس زياله وصخة .. ملابسي متوصخة وبعدين طردتنا الخادمة !! زوجي ماكان يتصل ولا يسال فقررت انا الي اسال وصرت اتصل وارسل مسجات .. واتحسن الوضع .. يقول حطمتيني يوم تركتيني وانا ماغلطت عليج في شي.. شرحت له الوضع فصرت اكلمه واطلع معاه من ورا اهلي.. لان مو حلوة بحقي كزوجته بانه يجي يقعد ويسوي الي يبيه واعطيه كل حقوقه بعدين يتركني انا وبنتي في بيت اهلي ويروح عننا... وزعل وطنش... وماعاد يسال ولا حتى يمر يشوف بنته .. والحين صار له شهر.. لا حول ولا قوة الا بالله .. ايش هذا الذل الي معيشه نفسك فيه ؟؟؟؟؟؟؟؟؟ مبسوطه انتي على هذا الذل والمهانه ؟؟؟؟؟؟ وبرضو يجي لبيت اهلك وتعطينه كامل حقوقه !!!!!!!!!! شوفي ما فيه احد في الدنيا بينفعك الا في حال وحده بس .. ان تنظري لنفسك على انكي انسانه تستحق الا حترام والتقدير .. وتفرضيين على الجميع احترامك ومعاملتك كأنسانه..يعني زوجك هذا الي انتي تحبينه لو عنده بسه كان غداها مو زوجه وحامل .. وانتي زياده على كذا تكافئينه وتستقبلينه في بيت اهلك وتخرجين معه .. انا لو عندي بنت تذل نفسها كذا لرجل كان من زمااااااااااااااااااااااااااااااااااااااان تبريت منها .. ... وخلي عنك قصص سندريلا والضعف والمسكنه .. انتي عايشه دور البنت المسكينه وعاجبك الدور هذا .. |
أسمحي أخت لما أقول بان زوجك ولد أمه الحر بالاشارة
|
أيتها الغالية .........
لا تنتظري شفقة من أحد .... ولا أسف ... ولا حتى حكم ... ومواعظ .... أنتي الأقدر على ادارة حياتك .. كما ترتضين لها.... سأخبرك بشيء .... أهلي ليسوا كما أهل زوجك ولله الحمد .... ولكن أخي فيه برود ... ولامبالاة ... دوما كنا نقول الله يعين زوجتك اللي بتاخذها .. وكنت متوقعة انها ما بتستمر معه ... الحين ولله الحمد كملوا سنتين ...... وهم اسعد اثنين .... تدرين ليش ؟؟؟؟؟ لأن هي عرفت كيف تدخل قلبه ...وتسيطر على احاسيسه .. لدرجة انه ما يقدر على فراقها يوم ...... وبقولش شيء ثاني .. ربيعتي عندها نفس مشكلتش ...... عمتها ما في اشر منها ... مع ان اللي يشوفها يقول عنها مثقفة وطيبة .,,,,, بس الله برا هالله هالله ... والي داخل يعلم الله .... هي لما شافت هالوضع ما تحملت ...... راحت عند اهلها وتمت معهم اكثر من 6 شهور وكان توها والدة ...... حرمته من حقوقه ...... لا .... بس ما خلته يجيها بيت اهلها ...... يبيها يطلع هو وياها يتمشوا ... وبعدها يباتوا في فندق ... ويردوا .... وهو بنفس سلبية ريلش .... اخرتها لما حس ان الامور المالية تعصلقت عليه ,...بسبب العزومات والفنادق .. لضطر غصب على عينه ........ان ياخذ لها شقة وعلى ذوقها بعد ....... بس على فكرة هي لما تكون معه ... تجننه فيها ... لدرجة ان وده يرجع يطلع معها مرة ثانية وثانية ....... انتبهي لنفسش ...... شوفي شو تبين ...... تبين تجلسي معه ... وتكملي حياتش معه ... وتغيري فيه على كيفش ...ز او تبين الفكة وترجعي لحياتش اللي انتي تظنيها بترد عاديه ...... فكري زين ... وقرري زين .......ز ترا في النهاية ما حد بينفعش الا نفسش ....... الاشراف /عفوا اختى الكرمية ام صفية يرجى الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
ان شاء الله تتسهل امورك
|
أختي الحبيبة ... تنوّعت الردود ... وانقسمت الآراء ! لن يبقى إلا صوت واحد .. أتدرين صوت من هو غاليتي ؟! إنه صوتك أنتِ ... إنه رأيكِ أنتِ نحن هنا على هذه الصفحات .. قد غابت عنّا كثير من التفاصيل ... لكنها حاضرة في ذهنكِ أنتِ ... ولن أختلف مع مَن نصحوكِ بالصبر من أجل إبنتك .. لكي تتربى بين والديها ... وتنعم بحبهم ورعايتهم لها .. بعيداً عن المشاكل والصراعات التي ستؤثر على نفسيتها ولن أختلف مع قلبكِ ... حين أعلن عن بقايا حُب لزوجك رغم كل ما حدث .. ولن أختلف مع والدتكِ ... لأنها تخاف عليكِ ... وتريدكِ أن تعيشي حياة مُستقِرة .. لكن ... في النهاية ... القرار لكِ وحدكِ .. هل بغمكانك أن تبدأي صفحة جديدة ؟! لا أملِكُ إلا دعاءً خالصاً لرب العالمين ... أن ييسر لكِ أمورك ... وأن يُصلِح ما بينك وبين زوجك وأن يُبارك لكما في ابنتكما اللهم آمين طمنينا عليكِ حبيبتي |
| الساعة الآن 05:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©