|
أكرهنــــــــــي
السلام عليكم ماأدري كيف أبدأ لكن محتــــــــاجة إني أكتب وأفضفض :( أكره فيني طبع العصبيـة المندفعــة ، كل المواقف اللي أمّر فيها وأكون مقهورة منها أكتمهـا وأكتمهـا وأكتمهـا وفي يوم لأقل سبب أنفجر وأندفع بشكل أخاف فيه من نفسي المشكلة إنه الكثير لما يطلع اللي في قلبه يرتاح أنـا لاااا :( لما أنتهي من كل شي أزعل على نفسي وأكـــرهها وتأنيب الضمير يلعب فيني لعب :29: والكل يجي يراضيني وخلاص ماصار شي لكن أنا لاحياة لمن تنادي ماأحب أتكلم ويحسبوني زعلانة منهم وأنا والله زعلانة من نفسي لأني ماأعرف أتحكم بتصرفاتي مشكلة العصبية مش شي جديد وكثييير ناس معروفين بالعصبية أنا حسيتها مشكلة لأنها صارت مع أقرب قريب لي أبـــوي :( :( كذا موقف تجمّع في قلبي وساكتة وفي لحظة ارتفع صوتي عليه اليوم كرهت كل شي بحياتي وأولهم نفسي لييييييييييييه أنا كذا ؟! ليه ماأعرف أتحكم بتصرفاتي وخاصة مع ناس مهمين بحياتي مثل أمي وأبوي :( أنا مررره متضايقة من نفسي ومش قادرة حتى أتنفس براحة لأني غلطت عليه والمشكلة الكبيرة ماأعرف كيف أعتذر وأتكلم :( يــــــــاربي ساعدني ، ولو كان موضوعي ماله مكـان هنا أحذفوه أو تصرفوا فيه بمعرفتكم |
انا مثلج و امس اختي الصغيره كانت تتنقرش فيني من الصبح و انا ساكته عنها و فى الليل يوم يت ارقد نرفزتني زوود قطيت تلفوني عليها و كل شى صار فى صوب
و ساعاات اذكر الله و اتحسن شوي اللى عنده حل لنا يقول الله يصلحنا |
كل ماتجدي نفسك معصبة تعوذي بالله من الشيطان الرجيم
و حاولي تتعتذري سلمي على راسه و قوليله اسفه ماراح اعيدها ثاني و بينيله إنك ندمانه ولا تتركيه إلا لما تتأكدي إنه قبل اعتذارك و المره الجايه إذا لقيتي نفسك معصبه اتعوذي بالله من الشيطان و اشربي بابونج او نعناع او كاكاو ساخن يهدي اعصابك |
العصبيه الصراحه مشكلة بس الواحد اوقات مايقدر لازم بجيه يوم وينفجر وانا واحد عصبي اوقات اترفز واسكت واجمعها تصير في خاطري ما اقدر انساها وبعدين على اقل شي انفجر وما اسكت ارمي كلام ماليه داعي مو كلام عادي
بس الحمد لله الصفه الى فيني 5 دقايق واهدا وادا هديت اروح اعتذر حتى اذا كان الشخص هو الغلطان علي اروح اعتذر منه حتي الاياخد في خاطره شئ علي |
عزيزتي اذا اخذتي على خاطرك من احد او عصبتي من شخص اكتبي كل الي بقلبك بورقة وبعدين قطعيها وارميها يمكن هالشي يخفف عنك شوي لأنك بتكونين فضفضتي من اول موقف من غير مااحد يسمعك او يعرف شي...
ثانيا .. اذا عصبتي على احد وغلطتي عليه اول ماتهدئين روحي اعتذري منه علشان ترتاحين ولأن الجفاء اذا طول يصعب عليك الاعتذار.. |
|
اقتباس:
* * * * السلام عليكم أختي الفاضلة / غالية .. فقط أحب أن أنبهك إلى إن العصبية والشد الدائم ضار على الصحة ، فأنت بذلك تحرقين بدمك وأعصابك ، ولن تصلي أبدا لحل . وإن توصلتي في الغالب لن يكون الحل صحيح لأنك والعياذ بالله أقرب للشيطان ، إين الأبتسامة ... هل حذفت من حياتنا ، إنكِ بها تحصلي بكل إبتسامة صدقة ، كما أخبرنا رسول الله صلى الله عليه وسلم دربي نفسك حتي تتعودي على الأقلاع منها ، وكما قال أخونا أبو لمى بل وتضعي الأبتسامة بديل عنها ، وأرجو ألا تنتظري لإرضاء والديكِ ، ومسامحتهم . والأن أفضل ووفقك الله وحفظك من كل شر وسوء |
اقتباس:
أنا أكثر إنسـانه أنــدم على تصرفاتي لذلك أكره إحساس الندم فيني :29: ماأحب أزعل أحد وخاااااصة إذا كان مهم مثل والديني لي يومين وأنا تعبانة نفسيا ًمن تصرفي ومشكلتي ماأدري كيف أعتذر لأني أتمنى أكون قوية وأعتذر حتى لو كنت داخليا ً متأكدة إني ماغلطت يكفي إنه والدي علشان أعتذر له وأبوس رجلينه حتى :( الله يرضى عليك ِ ويوفقك |
اقتباس:
أعوذ بالله من الشيطان الرجييييم والله ِ مايكبرّها في قلبي إلا هو الله ياخذه :( أتمنــــــى إني أقوى نفسي وأعتذر لو على الأقل بطريقة غير مباشرة الأهم يرضى عني ماأبي أعيش كذا بتأنيب ضمييير ُمتعب ومُرهــق الله يرضى عليك ويجزاك الجنة |
اقتباس:
قريب من مشكلتي الفرق بيننا إنه أنا ماأهدأ على طول وأجلس يوم يومين إسبوووووع ماأكلم أحد وياويله اللي يكلمني :30: وليتني زعلانة عليهم لاااا !!! زعلانة من نفسي ليش أزعل وأكبّر المواضيع وماأحلها بهدوء وأعتذر مثل العالم والناس :29: والمشكلة إنه مافيييه أحد فاهمني ويعرف سبب زعلي وماألومهم حتى لكن وش بييييدي طبعي كذا يقهر الله يرضى عليك ويوفقك |
انا نفسك بالضبط ...
اكتم في داخلي وبعدين فجأة انفجر.. وعلى شي سبب تافه ... والسبب التراكمات.. والكل يستغرب مني لما انفجر.. لان الموقف سخيف ومايسوى .. والحين قاعدة احاول اخفف شوي شوي.. واطلع الي فخاطري بوقته .. وماسكت .. |
اقتباس:
فكرة جيدة تحتاج تدريب ومحاولة وخطأ أيضا ً إن شاءالله أحاول أكتب وأتحكم بتصرفاتي قبل أغلط وأطلّع اللي في قلبي كله الله يرضى عليك ويوفقك دنيا وآخرة |
اقتباس:
أولا ً : الله يجزاك الجنة فكرتك جيدة جدا ً وبإذن الله سأحاول أكتب وأتمنى من الله العلي القدير أن يساعدني وأتخلص من هذه العادة السيئة قرأت الإرهاب الأسري وبصراحة استحيت على وجهي :o الغضب مش حلو على المرأه اللي مفروض إنها تكون هادية وتمتص غضب زوجها أو غضب من أمامها أعترف بأني قليل ماأغضب وأتحمّل وأسكت لكن في لحظة وبعد فترة طوييييلة من الهدوء أنفجر ويطوّل غضبي <<< ماودها تتصف بهذه الصفة وجالسة تبرر :25: أشكرك ياأخ أيمن على ردك هنا وعلى موضوعك هناك أفادني كثيرا ً وبإذن الله تتحسن حالتي وأنظر بنظرة أكبر وعلى قولة أمي ياماااالك من الدنيا مش كل شي تزعلين عليه إصبري بس تتزوجين وتودعيين العصبية هذي ولا الله يعينك :24: الله يرضى عليك ويوفقك |
اقتباس:
عليكم السلام ورحمة الله وبركاته جميع ماذكرته بعين الإعتبــــار ولو تعلم بأني أكره منظر عندي العصبي أو المعروف عنه بين أقربائه بهذه الصفة :( لذلك أعتبرها مشكلة لأني أكره نفسي إذا عصبت وأتمنى أكون إنسانه حكيمة تعالج كل مشاكلها بهدوووووء داخليا ً وخارجيا ً لكني لم أستطع ذلك ولكن سأحاول وأبدأ من جديد ويــــــــــــارب تساعدني الله يرضى عليك ويوفقك أبو محمد |
الحمدلله انج تحسين بعذاب الضمير بعد ماتعصبين
والله غيرج مايهمهم شي فهذي صفة حلوه فيييييج فحمدي ربج ان قلبج موقاسي وربي يعينج ويوفقج |
الله يعينك ياوخيتي
وطريقة الكتابه بورقه ذكرتها احدى الاخوات تجدي احيانا اضافه الى انك حولي تتجنبي مايثيرك بان تتركي المجلس وتنشغلي بامر اخر واسمحي لي بنقله لتطوير الذات |
اقتباس:
بالضبط ياأم وداد ، صرت أكره نظرة الإستغراب بعيونهم وإتهامهم لي بأني ناااااار على أقل شي أتنرفز وأعصب وهم مايعرفون إنه اللي جواتي له شهور كاااااتمته ومسألة إني أطلع اللي في قلبي بوقته فكرة جيدة ليتني أعرف لها وأرتاح شوي الله يرضى عليك ويوفقك |
اقتباس:
رغم العيوب إلا إنه طلع لي شوي حلو :21: الله يرضى عليك ويوفقك |
اقتباس:
الله يجـزاك الجنة فيافي نجد وإن شاءالله أتعلم من أخطائي وأستفييييد ماقصرت ِ |
|
أختي الكريمة ما يحصل لك عند الزعل على نفسك هو جلد الذات وفي مثل هذه الحالات تنفع الأذكار وتمارين الاسترخاء وهي موجودة في هذا المنتدى بكثرة .
|
اقتباس:
أكره الزعل وماأحب أزعل كثييير لذلك عندما أزعل تضيق فيني الدنيا كلها أحب التسامح كثيرا ً وأتمنى أكون طول عمري متسامحـة أبشرك المياه رجعت لمجاريها وكل شي تمام الحمد لله ومازلت أحاول إني أتحكم بتصرفاتي أكثر وأعرف أفرّق على الأقل بين الأشخاص من حولي والديني غيييييييييير كل الناس ماأزعل عليهم أبدا ً إن شاءالله الله يرضى عليك ويوفقك يارب |
اقتباس:
صدقت جلد الذات عندي بشكل ُمتعب ومرهق وبالفعل الأذكار بشكل عام راحـــة للإنسان من كل هم وغم الله يجزاك الجنة .. |
الأخت الفاضلة/ غالية ..
آمل إضافة موضوع في عالم الرسائل الخاصة: http://www.66n.com/forums/forumdisplay.php?f=29 |
كان الله في عونك ...
صدقيني الاحساس بالتسامح والهدوء شعور رائع مريح ... اسال الله ان يرزقكي هذا الشعور .. ولن اضيف اكثر من ما اضافة اخوتي البقية .. جزاهم الله خيرا ... |
وعلى قولة أمي ياماااالك من الدنيا مش كل شي تزعلين عليه
إصبري بس تتزوجين وتودعيين العصبية هذي ........... كنت ابي اقول نفس كلام امك .........بس امك سبقتني .............. |
اختي وعزيزتي غاليه .. شي ممتاز انك تحبين تغيرين هذا الشئ فيك .. لان اول نقطه واهم نقطه بعلاج المشكله هي الاعتراف والشعور بوجودها
انا زيك واعاني من نفس ما كتبتي في موضوعك بالضبطططط العلاج هو تعديل سلوكي يبدأ حبه حبه ... اول مرحله واول طريقه جربيها اكثر من مره وشوفي النتايج اذا عصبت من احد او استفزك احد او انقهرتي من شي معين حطي في بالك وأوعدي نفسك بأنك لن تسكتي له وبتسوين وبتطلعين كل اللي في قلبك وبتهاوشين وتهزأين وتاخذين حقك كامل وتبردين حرتك ولكن بعد ساعه او في الغد اذهبي لغرفتك فورا او اي مكان هادئ وانتي على وعدك لنفسك بانك بتاخذين حقك ولن تسكتي ولكن بعد ساعه او في الغد بعد ساعه .. او في الغد واذا جا اليوم الموعود بتكونين غيرتي رايك وهدت نفسك وتسامحتي او حتى لو ما تسامحتي بتكونين حابه تحلين الموضوع بشكل هادي ومنطقي لان شده العصبيه وفوره الاعصاب هي مده معينه وقت حدوث الموقف وبعدها خلاص ترجعين لشخصيتك وفكرك وعقلك فأذا عديتي هالفتره المؤقته اعرفي انك انتهيتي من المشكله وحليتي الموقف وغلبتي نفسك وقويتي جربي هالطريقه في اكثر من موقف مو شرط تنجح من اول مره والله يعينك ويوفقك وعلمينا ايش صار معاكي |
تلميذة الأيام
فعلاً ياتلميذة مافيه أجمل من إحساس الهدوء والإرتياح الله يجزاك كل خيـر خبير الأعشاب أمي الله يحفظهـاويخليها لي سبـّاقة في كل شي :D الله يجزاك كل خيـر هضبة من الجهل إنتِ هضبة من الحكمــة ياأختي وتعديل السلوك يجيب نتيجة راائعـة الله يجزاك خيـر يارب وأبشركم إنحلت مشكلتـي وإن شاءالله أكون حكيمـة دائماً وأبداً الله يرضى عليكم جميعـاً |
|
| الساعة الآن 09:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
