السلام عليكم



ماأدري كيف أبدأ لكن محتــــــــاجة إني أكتب وأفضفض

أكره فيني طبع العصبيـة المندفعــة ، كل المواقف اللي أمّر فيها وأكون مقهورة منها

أكتمهـا وأكتمهـا وأكتمهـا وفي يوم لأقل سبب أنفجر وأندفع بشكل أخاف فيه من نفسي

المشكلة إنه الكثير لما يطلع اللي في قلبه يرتاح أنـا لاااا

لما أنتهي من كل شي أزعل على نفسي وأكـــرهها وتأنيب الضمير يلعب فيني لعب

والكل يجي يراضيني وخلاص ماصار شي لكن أنا لاحياة لمن تنادي ماأحب أتكلم

ويحسبوني زعلانة منهم وأنا والله زعلانة من نفسي لأني ماأعرف أتحكم بتصرفاتي

مشكلة العصبية مش شي جديد وكثييير ناس معروفين بالعصبية

أنا حسيتها مشكلة لأنها صارت مع أقرب قريب لي أبـــوي

كذا موقف تجمّع في قلبي وساكتة وفي لحظة ارتفع صوتي عليه

اليوم كرهت كل شي بحياتي وأولهم نفسي لييييييييييييه أنا كذا ؟!

ليه ماأعرف أتحكم بتصرفاتي وخاصة مع ناس مهمين بحياتي مثل أمي وأبوي

أنا مررره متضايقة من نفسي ومش قادرة حتى أتنفس براحة لأني غلطت عليه

والمشكلة الكبيرة ماأعرف كيف أعتذر وأتكلم

يــــــــاربي ساعدني ،

ولو كان موضوعي ماله مكـان هنا أحذفوه أو تصرفوا فيه بمعرفتكم