|
اختي و أدعائها للمرض المتكرر
السلام عليكم ورحمه الله وبركاته ..
مساء_صباح .. الخير بدخل بالموضوع على طول ... لكن بعطيكم شويه معلومات عن اختي وزوجها ... زوج اختي عنده الكلى ... زارع كلى من 3 او 4 سنوات تقريبا ... عمره 40 سنه .. واختي عمرها 29 ... ماعندها اولاد ... وزوج اختي عنده ضعف في حركه الحيوانات المنويه ... طبعا اختي متزوجه من سنتين ونص تقريبا ... مواصفات اختي ... عصبيه كثثير لدرجه انه ماعندها مانع تجرحك وتقول ماسويت شي ... تفهم الامور عكس ... الصح تفهمه غلط ... تطلع كثير ولو زوجها مايطلعها لو لبيت الجيران قالت بتطلق.. اذا صار عندنا سوء فهم وهواش تكذب وتزيد بالكلام بعدها تقول انا ماقلت!! نجي لزوجها ... ضعيف شخصيه جدا ... متطفل ... بعطيكم مثل .. لو عرف انه اختي الكبيره طلعت مع انها طالعه مع زوجها...يجي يسئل امي ليش طلعت ومتى بترجع ... واذا تاخرت ليش تاخرت كنها زوجها... واذا رجعت وش جابت .. وبكم ... وليش ماشرت من النوع الثاني... ادري اني طولت بدخل بالسالفه ... من شهر تقريبا اختي صار عندها التهاب بالمعده ... هي زودتها شويه .. تجلس تصارخ وتقول بموت ... جت البيت ونامت وجابت زوجها كالعاده عندنا ينام مع العلم بيتهم بالمشي تاخذ لها 5 دقايق بس ماهو بعيد ابدا ... جلست شهر تقريبا وهي تقول مريضه ... وللعلم انه زوجها نايم عندنا شهر معاها ... وبيتنا صغير مافيه غرفه زياده غير مجلس واحد ... هاذي المشكله الاولى ... والمشكله الثانيه .. زوجها مايحترم احد ... يعني يروح بين الصاله المجلس ماكأنه في بنات غير زوجته بالبيت ... هي زودتها مافي احد يمرض ولا يشفى ... انا صارحتها وقلت لها مو معقوله للحين مريضه... قالت لي الحين انا مو مريضه .. انا الحين فيني مس !!!؟؟ انا استغربت منها كيف فيك مس ولا احد حاس فيكي ابدا ... تقول انا احس .. مع اني ادري وكل اهلي انها تمثل ... اختي فيها مشكله من زمان ... تموت بشي اسمه اهتمام زايد عن اللزوم ... يعني مثل ماقالت لي قبل .. انا لو اقول آهـ من الالم ماشوفكم حولي ... هي تقول حتى لو زوجي معاي بالغرفه تعالو لي ... حتى ابوي الله يحفظه قال لها ... اذا زوجك معاك وش تبينا نسوي ... حتى انها تقول انتو ماتزوروني في بيتي ... انا بقولكم شي ... حنا كرهنا نزورها لانه زوجها يجلس معانا في الصاله او المجلس ... وحنا نطفش وحنا مغطيين وجهنا ولابسين عباياتنا نبغى ناخذ راحتنا ... ولمن قلنا لها قالت مافيها شي عادي هاذا زوجي وين تبونه يجلس ... مع انه حنا جالسين بالمجلس الي برى عندهم وش يجيبه !!! الحين انا قلت لها الي فيه مس مايصير عاقل كذا زي مانتي جالسه عاديه ... تدرون انها بنفس الليله سوت نفسها مجنونه وانها ماتدري وش تقول ... وقالت بعد انها مو حابه زوجها باللقاء الخاص فيهم ... وحتى زوجها مادري شفيه تصرفاته تصرفات طفل ماكانه رجال يعني... لو تمرض لو زكام يقول لها انا خايف انك مريضه دقي على ابوك خليه يجي ياخذك ... بقولكم مثل ... ليله من اليالي دقت على وهي تصارخ ... لحقيني بموت ... وزوجي مو قادر يسوق حتى ... دقيت انا على خطيبي ورحنا لها ... طلعنا من بيتهم الا وزوجها راح سيارته وساق السياره ووصل بيتنا قبل ودخل المجلس وقال لأمي هاتي فراش علشان انام هنا !! اقول لها كيف تقولي زوجك مو قارد وهو الحين ساق السياره ... ولا جاوبتني ابدا ظلت ساكته ... ادري طولت ... اخر موقف اليوم قبل الفطور ... راحت لوحده ساحره تقول علشان تفك السحر الي مسووينه لها ... مع انها مافيها شي حتى تدق على خواتي المتزوجات وعلى اخوي المتزوج تقول له وديني دكتور نفسي ... وتقول انها ساكنها جن ... تحب الاهتمام الزايد ... يعني حتى تقول تعالو نامو معاي ببيتي حتى لو زوجي هناك ... واذا مو جايين انا بنام وراح اجيب زوجي ينام معاي ... الحين الجيران استغربو سئلو ابوي ليش زوج بنتك نايم ببيتكم وش السالفه وانتو ماعنكم مكان وهو وين ينام ؟؟ الحين صار لها تقريبا شهر ونص نايمه هي وزوجها عندنا ... انا صارحتها انه نومه زوجها باليت غلط لانهم مو بمدينه ثانيه حتى نعذرهم ونقول عادي نخليهم ينامو علشان مشوار الطريق... بين بيتنا وبيتهم 5 دقايق بس .. ومشي بعد ... جلست تبكي ... وسوت نفسها مجنونه ... وقالت قلبها يدق بسرعه ... على فكره نسيت اقول انها اي مرض يصيب معارفنا تقول فيها ... سكري وقالت فيها كبد وقالت فيها طحال وقالت فيها مراراه وقالت فيها الزايده وقالت فيها الكلى وقالت فيها واخر شي قالت فيها الغده ... كل هاذا علشان نهتم فيها اكثر واكثر وعلى فكره هي سوت تحاليل شامله مافيها اي شي ...والحين هي من مستشفى لمستشفى وكلهم يقولون مافيك شي ابدا .... بعد ماقالت انه قلبها يدق بسرعه .. وحملتني مسؤليه وقالت اذا دخل فيني جن من سببك ؟؟؟؟ كل هذا علشان قلت لها ترى من استمرض مرض ... الحين امي وابوي مايقدرون يقولون لهم روحو بيتكم لانه زوج اختي فضيحه بيقول للناس طردني عمي ... ابغى حل ياناس لـ ادعائها للمرض .. كيف نتعامل معاها اذا سوت نفسها مريضه ... ولا تقولون ماهي مريضه ... انا سويت شي طليت عليها مره وهي ماشافتني ... جالسه تطالع التلفزيون ... وتضحك وفرحانه ... دخلت عليها فجأه حطت يدها على قلبها تقول تعبانه قلبي يعورني ترى بموت !!!!!!!!! الي عنده حل يقول لي ... والي ماعنده حل يدعي لها بالهدايه ... اختكم ... هموووم |
عليكم السلام ورحمة الله وبركاته
مافكرتي تقنعينها تروح لعيادة نفسية ؟
الله يكون في عونها يـارب ويشفيها . |
يالله الله يعينكم والله
يعني تقدرين تقولين اختك وزوجها وافق شن طبقه طيب اختك كانت محرومه من طفولتها ؟؟ اعتقد محتاجه مريض نفسي وزوجها غريب اطوار انسان سلبي وغير مسؤول مالكم الا الدعاء طيب اهل زوج اختك وينهم من الموضوع ؟؟؟؟؟؟؟؟؟؟؟؟؟؟؟؟؟ يعني ليه ما يقولون لولدهم نومتك ببيت اهل زوجتك عيب وخطأ ؟؟ |
عندي لكم طريقه حلوه وهي انكم تطنشونها ولا كأنها موجوده في البيت
اتفقوا انتي مع اخواتك انكم ماتردون عليها اذا تكلمت وهي اكيد بتحس بنفسها مع اني احس انها فيها خلل نفسي الله يشفيها ويهديها وبالنسبه لزوجها يبي له كلمه من العيار الثقيل تخليه يستحي شوي خلي واحد من اخوانك يلمح له انه طول عندكم وان البنات يبون ياخذون راحتهم في البيت يمكن يحس شوي الله يسعدكم ويفرج لكم من اختكم وزوجها |
اقتباس:
راحت ياختي لعياده نفسيه ... تدري الدكتور قال ليش جايبينها هنا مافيها اي شي ... الي فيها انها تحب الاهتمام الزايد عن اللزوم ... تسلمين اختي غاليه ... هموووم |
اقتباس:
اهله يدرون عنه انه ببيتنا ... حتى اذا احتاجوه بشي يعرفون انه عندنا ... ويجونه البيت على طول ... يعطيك العافيه اختي ... هموووم |
اقتباس:
امس عالفطور حقرناها ... قالت انها ماتشوف ... بس محد رد عليها ... بعدها راحت الصاله بحالها ... وجلست تغير التلفزيون من محطه لمحطه ؟؟؟ انا قلت لأمي هاذي الي ماتشوف ؟؟؟ وبعدها صارت تسولف وتضحك !!! وبالنسبه لزوجها اخوي البارحه كلمه ..البارحه مانام بالبيت لكني احسها فتره وراح ترجع ريما لعادتها القديمه كالعاده ... يعطيك العافيه اختي ... هموووم |
الله يعينكم استهبال واستخفاف وكله السبب من اختك المفروض ابوك وامك يدقمونها بكلمتين توصل عظمها وبتمشي عدل ومع الاسف الزوج كمل الناقص الله يعينكم قمة السخافة هي مستانسة وتضايقكم الله يفرج عليكم يارب ويهديها هي وزوجها .
|
يا ربي... الله يكون بعونكم يا هموم.. من جد مشكله مدام الحقران نفع معها.. استمروا و انت كلمي الوالد و الوالده و قولي لهم كل شي بخاطرك لازم هم بعد يعرفون حقيقة بنتهم اذا ماكانوا فاهمينها و انا ودي انك انت و احد من اخوانك او اخواتك تروحون طبيب نفسي شاطرررررر و تحكون له السالفه كلها.. و شوفوا هو وش بيقول لكم.. يمكن يعطيكم حل افضل من اللي اي احد ثاني ممكن يعطيكم اياه. الله يكون بعونكم عون كل مسلم قولي آمين |
السلام عليكم ورحمة الله وبركاته...
أختي هموم....أنا مع الاخت(هند)... وصحيح أنها وزوجها يستهبلون عليكم...لكن مجرد تصرفها بهذه الطريقه وتأليف القصص المستمر معناته أنها عندها خلل نفسي...يجب أن يعالج..حتى اذا مارزقها الله بأطفال تعرف كيف تربيهم... لكن بالنسبه لمبينهم المستمر عندكم... فهل هم غير مرتاحون بمنزلهم؟ يعني المفروض لو زوجها عاقل ولم يكن بها مايستدعي المبيت عند أهلها أن زوجها يهددها..أو يطنشها ولا يسأل فيها لغاية ماترجع وتعرف قيمة البيت. ممكن أحد من اخوانك يتكلم معاه بهذا الخصوص ويفهمه أن مو عاجبه وضع أخته وهي غير مستقره في منزلها ومع زوجها يعني ممكن يدخل له من باب كف كلام الناس ... شكله ضعيف شخصيه ومطاوعها بكل شي...وهي الله يشفيها لاني أعتقد أنها تحتاج لعلاج والله أعلم وتحتاج لتصرف حازم وسريع يضا...الله يفرجها عليكم ويريح بالكم . وآسف للاطاله. |
مسكينه هذي عندها حاله نفسيه
راجعوا بها طبيب الله يعينكم |
بسم الله الرحمن الرحيم
أختي همووووم أختك شفاها الله و عافاها لا تخلو معاناتها من شيئين : الأول : حب السيطرة . هي تحاول أن تفرض الأمور على من حولها كما تريد ، فإن استطاعت نالت ما أرادت وارتاحت . و إلم تستطع لجأت إلى طريقة التمثيل و التمارض و الإستضعاف حتى تستعطف من حولها ثم تستخدمهم في مصلحتها . و هذا علاجه سهل و يكون بإحدى أمرين --- إما تجاهلها . --- و إما ردعها من عاقل كأبيك مثلا. الثاني : الوسواس القهري وهذا علاجه عند الأخصائيين . في امان الله و حفظه. |
ابله جوجو _ أمي كلمتها بس مافيه فايده ... عادي عندها ... دام زوجها مشجعها هي مواصله هالتمثيل
يعطيك العافيه اختي ... هند _ ابوي وامي فاهمينها زين ... أما سالفه الدكتور النفسي حنا اذا وديناها له راح تزيد من تمثيلها ... تسلمين اختي ... د_ياسر _ عليكم السلام اخوي ... مرتاحين ببيتهم بس هي فيها لقافه كبيره ... يعني بي تلحق على كل شي يصير عندنا تموت لو ماتعرف شي علشان كذا تنام عندنا دايم ... والمشكله انه زوجها مشجعها على نومها هنا لانه هو بعد فضولي زيها ... تسلم اخوي ... مشكلتي اصدق _ ماااااااااااااااقدر دكتور نفسي لااااااااااا تسلمين اختي .... صفوان ... فعلا هي تستعطف الي حولها حتى تلفت الانتباه لها وبس ... اما التجاهل فالكل بالبيت الحين متجاهلها ... تسلم اخوي ... يعطيكم العافيه كلكم ... هموووم |
متأكده انه الطبيب النفسي قال مافيها شي؟!
تدرين شويبغيلها اختج؟! يبغيلها ابوج ولا اخوج يصرخ عليها صرخه تطلع هالجني اللي مخبلها ويقولها روحي لبيتج لعاد تباتين عندنا مستغربه من مقف ابوج السلبي؟! |
الله يهديها يارب والله يعينك ياختي على هالبلوه أختك وعرفنا مشكلتهاإنها تحب الأهتمام وهذا مرض نفسي على ماأظن لأنو كل شئ زايد عن حده مرض وبالنسبه لزوجها أتوقع موقفه السلبي لأنه شايف فيه نقص وخايف أنها تتركه وتطلب الطلاق فيسايرها:24: أمابخصوص أنه ينام عندكم أغلب الأوقات أظن أنه يبغى يرمي الحمل عليكم ويفتك من الحن والزن وتصيرون أنتم بالواجهه وهو وش عليه ماكل شارب نايم بلوشي:25: أنصحك أنك تقولين لأخوانك مو أبوك يحطون حد وإذا على كلام الناس ترى رضا الناس غاية لا تدرك بيتكلمون شوي وبيسكتون وأنتي قلتيها جيرانكم يتكلمون يعني كذا وإلا كذا الناس ماتسكت:29: الله يعينكم ياخيتوو والله يصلح أختك ويهديها أختك دلوو24ووعه |
3thooooooob
ياأختي ابوي مابيده حيله ولا يقدر على شي... مانبي نحمله فوق طاقته .. عنده ضغط وسكر وقبل جلطه وش تبيه يقول ؟؟؟ اختي دلوعه اما من ناحيه انه طفش منها يجوز .... عالعموم اشكركم كلكم عالرد .... اليوم اخوي كلمها وكلم زوجها وقال لها البنت مالها الا بيت زوجها لانه الناس زاد كلامهم عنها انها ماتبي زوجها ولا تبي تجلس معاه ... هي راح ترجع تنام ببيتهم لكن اخاف ترجع ريما لعادتها القديمه ... الله المستعان ... هموووم |
ربنا يهديها ولو هى فعلا مريضه ربنا يشفيها
ولا تحزنى ان شاء الله بكره تتزوجى وتعيشى فى بيت زوجك وترتاحى من دلع اختك |
اختي المصريه ... تسلمين ...
ياختي مو علشان انا بتزوج واتركها انا خايفه على حياتها الي راح تهدمها بيدها... مايصير كذا ... الي ماتبي تقعد في بيتها ومع زوجها لا تتزوج صح ولا انا غلطانه ... يعطيك العافيه ... هموووم |
سامحيني اختي والله ضحكت قصبن على
ليش امج ما تكلم زوجها و تقول له بناتي مب مرتاحين فى البيت |
اعرضوها على دكتور نفسي !!!!!
الله يهديها .... |
للاسف هى ولا راح ترد لاى كلمه بتقولينها
لان الكلمه الاولى والاخير لوالدك وهى عارفه هذا |
اقتباس:
(مَنْ أَتَى عَرّافاً فَسَأَلَهُ عَنْ شَيْءٍ فَصَدّقَهُ، لَمْ تُقْبَلْ لَهُ صَلاَةُ أَرْبَعِينَ يومًا) اسال الله ان يصلح حالها |
ام الحسين ... امي ياما تكلمت لكن مافيه فايده ...
يعطيك العافيه ... محمد ...قد قلت قبل دكتور نفسي لا ... يعطيك العافيه ... منى... مثل ماقلت اخوي كلمها وراح نشوف الحين كيف يصير وضعها... يعطيك العافيه ... حنتوشه ...ياختي والله عارفه هالشي وانا قلت لها قبل بس ماسمعت كلامي... وعلى فكره كانت بتسافر علشان تفك هالسحر الي مو موجود اصلا ... لكني تهاوشت معها ومع زوجها ولا سافرت بعدها راحت لهالساحره من وراي وبعد مارجعت منها قالت لي انها راحت بس تعرف انه حرام لكن من يسمع ويطيع ... يعطيك العافيه ... يعطيكم العافيه كلكم هموووم |
حبيبتي هموم (( ترى انا عضوة )) الوصف الي وصفتي اختج معناه فعلا تحتاج الى دكتور نفسي ولا اعتقد انه في حل غيرة ،،،
الله يشفي جميع امه محمد ... |
يا اختي ام محمد هي قالت قبل كذا انا مريضه نفسيا ودوني لدكتور نفسي ... لكنا بالبيت نخاف انها
بعد ماتشفى ترجع تمثل بعد اعرفها زين ... يعطيك العافيه اختي .... هموووم |
اقتباس:
يا الهي البنت في ذمتكم اجل الحين هي عارفه انها عطبانه وانتم تخافون انها تتشافى وترجع زي اول!!!!!!!!!!!!!!!!!!!!!!!!!!!!!!!!!! وش هالتفكير الاناني منكم اذا انها تشافت كيف ترجع ! طيب ودوها انتم وخلوها تتعالج والله كفيلها...والا لا تتشكون منها اجل ..عملا بالحديث الشريف(وإذا بليتم فاستتروا) الله يهديكم بس وش هالمنطق؟ |
ياختي مشكلتي قبل وسوتها فيننا مرتين وديناها دكتور نفسي واثنين مو واحد واثنينهم قالو مافيها
شي ليش جايبينها ؟؟؟ بالله عليك هاذي حاله معقوله اثنين راح يغلطو ؟؟؟ ولو حنا مو عارفينها زاين كان ماقلنا تمثل .... مافي احد بيكون حنون معاها قدنا حنا اهلها ... وليش تصير بذمتنا دامنا قبل وديناها مرتين .... يا اختي الي عايش معها يعرفها زين ... انا اوسوس احيانا اقول مريضه واحيانا اقول تعلب زي قبل ...وبعدين هي قالت لنا قبل احب الاهتمام الزايد لو طول اليوم طيب من فاضي لها ... ولا تقولي حاله نفسيه زوجها حنون عليها كثير ويعاملها باحسن مايكون ... وهاذا باعترافها وحنا ماعمرنا زعلناها ولا صارخنا عليها ونعاملها زين ولا فيه شي ناقصها ...بعد هاذا بذمتنا... |
طيب انا ما فهمت هالكلام انتي الله يهديك ماقلتيه من قبل
تو تقولينه عموما آآآآآآآآآآآآآآآآآآآآآآآآآآآسفه وما اقول الا الله يعينكم والله لو هي اختي لأعطيها على دماغها واشرشحها وانتف شعرهايا شيخه ..خليها تنشغل بزراعة شعرها عن الدلع والمياصه خليها تكره البيت طول ما انا فيه وش هالدلع شدوا عليها شوي بعد كلامك هذا الشهاده لله ما قصرتوا الله يعينكم وبس |
لاتتأسفي اختي ... حصل خير ... ادعو لها بس انه الله يهديها ...
تدرون هي امس نامت ببيتهم لكن زوجها يقول لخوي انه طفش من تمثيلها... يقول انها طول الليل تلومه انت ماتهتم انت ماعندك احساس وعناد ما تاخذ دواها ولا تاكل علشان معدتها تعورها اكثر وتقول انها مريضه !!! تجيب المرض والله ... والله ياخوان على الصفات الشينه الي ذكرتها فيه لكن بقولهم صفاته الحلوه معاها ... هي تصارخ عليه وتهزأهـ قدامنا لكن هو يحترمها كثير ولو شيصير مارفع صوته ولا عصب حتى لو كانو ببيتهم وهاذا الشي هي الي تقوله مو كلامي ... تهمله كثير وتطلع وتجي البيت كل يوم لكن هو لمن يطلع حتى للعمل تقول طلع وخلاني !!! شفتو كيف الهبل تحمله فوق طاقته ... تخيلو احيانا يكون دوامه من الساعه 2 الظهر لين 10 الليل ... احيانا يجي وياخذ عشاه وتطلب منه طلعه للكورنيش او السوق وهو توه جاي لكنه متحملها وراضي ولا اشتكى الا بالفتره الاخيره واجباتها وحقوقه الشرعيه ماتقوم فيها زي الناس لانها قالت لي انه هالشي تفاهات !!! تخيلو عاد هالشي يصير تفاهات ... انا وامي قلنا لها دامك ماتبين هالشي ليش تزوجتي ... وليش تشتكي انه ماعندك أولاد ؟؟؟ والله هالبنت غرييييبه ... ادعو لها بالهدايه و بالنضج اكثر احس انه تفكيرها تفكير طفله ... همووووم |
الله يعينكم عليها
تتدرين قوليها ها الشي يمكن تتعض الي يفاول علي عمره بل مرض تري اييييه المرض اعرف وحده مثل اختك وكله يوووم اتقووول فيني مرض لين ما الله بلاها بمرض والعياذ با الله ... يعني الأهتمام خلي زوجها يهتم فيها وبعدين حرااام ينامووون عندكم وريلها بعد يعني انتوو بنات خلي ابوووك يكلمها ع الأقل ولا كلكم بس بطريقه حلووه عشان ماتزعل وفهومها الي يبلي عمره وهو مافي شي الله بيبتليه ... يعني بطريقه اتخوفها شوووي الله يعينكم يارب .. |
اختي غرشوبه حيااااك ... انا طلع الشيب براسي وانا اقول بس مافي فايده ... وسالفه نومها هنا
حلها اخوي الله يحفظه ... نامت ببيت زوجها لكن الحين مشكله ادعائها للمرض المتكرر حتى على زوجها انا مابيها تهدم بيتها لكن هي مو فاهمه هالشي ... نورتي اختي تسلمين ... هموووم |
يا عزيزتي يا هموم..انت على ما يبدو قرأتي ردي بشكل سريع و ما انتبهتي ... اللي اقوله .. انك انت و واحد من اخوانك او اخواتك اللي فاهمين الوضع.. تروحون عند دكتور نفسي و تشرحون الوضع له ، و هذا بدون ما تكون اختك(صاحبة الموضوع) موجوده يعني انتو روحوا من غير هي ما تعرف اشرحوا للدكتور الوضع كله.... احكوا له قصة حياتها .. تصرفاتها في المواقف المختلفه... و تصرفاتها اللي الحين مضايقتكم و خلوه هو يعلمكم كيف لازم تتعاملون معها هي و زوجها بس طبعا لازم يكون دكتور كويس... مو حي الله فهمتي علي يا قلبي؟ |
أختي هند ... أقرأي رد لي هنا ... وديناها قبل مرتين وقالو مافيها شي !!!
عالعموم ... حنا هالايام هاذي نوديها لشيخ يقرأ عليها ولازالت على حالها ... دايم بطني .. فيني سكر فيني ضغط ... عندي التهاب ومدري ايش وهي راحت قبل امس عند دكتوره انا رحت لها قبل وتعالجت والحمدلله خفيت ... وهي جت تقول لي الدكتوره ماتعرف ... رديت عليها انا وقلت ( يعني كل الي هنا يقولون انك طيبه ومافيك شي وكلهم غلطانيين يعني ؟؟؟ ) لكنها ماردت علي ... واليوم عالفطور تقول لأخوي هات الدوا الي عندك .. مع العلم انه اخوي عنده الربو وادويته غير لكنها تبيهم عناد علشان تمرض ... وانا عارفتها انها كذابه لانها مااتاكل شي ابدا وتقول بطني يعورني ودايخه بالله يعني مو هبال !! طبيعي الي ماياكل شي اكثر من يوم يتعب لكنها تبي تتعب صدق الله يهديها ... هموووم |
الله يعينكم اختي هموم اعتقد اختك هذي تعاني من حاله نفسيه او مثل ماتقول فيها مس وهو االي يتكلم على لسانهاويخليها تتصرف هالتصرفات ودوها لشيخ يقرى عليها وقولي لها لاتدعين المرض لانه لو مرضتي وصرتي طريحت الفراش بتعرفي معنى الصحه والعافيه الله يشفيها يارب
|
اختي قمر وديناها ومااافيها شي ابدا ... تسلمين ...
هموووم |
يا هموم يا قلبي.. انت مافهمتي علي اختك لا تروح للدكتور النفسي... انت و الوالد أو احد من اخوانك روحوا للدكتور و احكوا له كل شي تجلسون مع الدكتور و تحكون له كل شي عنها و تفهمونه شخصيتها من كانت صغيره و كيف لما تزوجت و ايش التغيرات إذا كان فيه تغيرات.. تحكون له عن ادعاءها للمرض و نومها عندكم في البيت هي و زوجها.. يعني تحكون له كل شي بس انتو من غير هي ما تروح معكم ... و يفضل دكتور غير اللي اخذتوها له اتوقع وجود الوالد او الوالده مهم.. علشان يعطون الدكتور خلفيه عن طفولتها لأنها مرحله مهمه أتمنى تكون فكرتي واضحه |
اقتباس:
لكي يعطيكم الدكتور خطة علاجية تمشون عليها أنتم لكي تستطيعون بها ردها إلى جادة الصواب مع الزمن . هي تعاني من نقص والدكتور بمشيئة الله تعالى سيرشدكم كيف تكملون النقص الموجود في شخصيتها . |
اختي هند ... اخي في الله ..
اعرض هالرأي على اخوي واشوف كيف ... بس ان شاء الله تجيب نتيجه .. حبيت اوضح شي ... هي بهالفتره دايم تفكر بالانجاب لانها لها سنتين ونص ولا حملت والسبب زوجها عنده ضعف بحركه الحيوانات المنويه لانه زارع كلى وياخذ ادويه تاثر عليه ... من البدايه وقبل ماتوافق عليه حنا قلنا لها بكل شي وشرحنا لها وقالت بصبر وباخذ نصيبي .. لكنها الحين تشتكي من الوحده ... وقلنا لها حنا الحين انتي الي رضيتي فيه والحين جايه تشتكي من الوحده وتتحسري على الاولاد!! تفكر هالايام بالانفصال الله يهديها مع انها مالها حق لانها هي عارفه كل شي قبل زواجها منه.. ووافقت عليه ..والحين ندمت !!! الله يهديها ... هموووم |
الله يعينك يا اختي ويهدي اختك
اغتمني العشر الاواخر بالدعاء عل وعسى ان يشفيها الله والله يا اختي من كلامك على حالتها مدري اضحك مدري ابكي كاسره خاطري احسها هي بذات نفسها مو عارفه وش تبي من الدنيا من اول كان موقفي منها سلبي بس الحين لا وما اعتقد انسان بكامل قواه يجيب لنفسه الغثا والمشاكل والنكد الله يشفيها عاجلا غير اجل اختك بالله جينز |
اختي جينز ... تسلمين والله ... هي الي تبيه الاهتمام الزايد عن اللزوم وقالتها ... الله يهديها بس
هموووم |
| الساعة الآن 05:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©