إضطراب و تغير الدوره بعد الإجهاض (الدكتوره و اخواتي ساعدوني)
 

السلام عليكم و رحمة الله و بركاته

مبروك عليكم الشهر اخواتي

انا جايه عندي لكم سؤال جاوبوني و ريحوني الله يجيزكم الجنه
سؤالي هــو

انه انا اجهضت الشهر اللي راح بتاريخ 12اوغسط و عمر جنيني اقل من 3 اسابيع و وقت الإجهاض كان في وقت الدوره (يعني اذا ما كنت حامل كانت بتجيني الدوره ) بس اجهضت و نزل الدم مني و استمر تقريباً لمدة اسبوع و يمكن اكثر بشوي و انتهى بإفرازات بنيه و انقطع

انا حسبتها ان بتجيني الدوره في الموعد المعتاد بعد 28 يوم لإني دورتي منتظمه حيل و لا مره في حياتي تأخرت علي اكثر من يوم او يومين وو لا مره من بلغت مر شهر ما جات لي
المهم
قبل موعد الدوره بإسبوع تقريباً نزلت مني إفرازات بنيه قليله لمدة تقريباً 3 ايام بعض الأوقات تكون كثيفه شوي و بعض الأوقات تكون نقط
انا لمن شفتها اول يوم قلت اكيد هذي الدوره جات لي بدري شوي و كلمت الدكتوره علشان نكمل العلاج
بس المشكله انه صار ينزل مني بس إفرازات وولا نقطة دم نزلت و كأن معها قشور بنيه ..!!!! و انقطعت
فبصمت ان هذي مو دوره و كلمت الدكتوره و كنسلت المواعيد و قالت لي انه ممكن يصير هالشيء بعد الإجهاض لإنه الجسم ينظف نفسه و يتخلص من البواقي
و انتظرنا موعد الدوره و لا جات و اتأخرت اكثر من اسبوع رحت عملت إختبار حمل بالدم و لا فيه حمل
يعني بس متأخره
عطتني الدكتوره حبوب تنزيل الدوره و بعد 6 ايام من أخذهم حسيت بأعراض الدوره من الم الأرجل قبل بكم يوم وبعدين امس نزل مني دم بني و احمر بعد بس قليل فأنا قلت اكيد هذي الدوره لإني اول ما تنزل لي الدوره يكون بني و بعدين احمر
جلست اليوم الصبح و الدم بعده بني و مثل ذيك المره شوي معاه قشور و ينزل شوي احمر لكن الحين من ساعه تقريباً ينزل نقط فقط
و انا عادةً دورتي ثاني يوم و ثالث يوم تكون كثيفه و غزيره و الدم احــمر بس اليوم ثاني يوم و لا كأنه عادي مثل امس بس دم بني و اذا بينزل احمر بس نقط و الحين صار له ساعتين و اقف ......!!!!
الحين انا وش اسوي هل هذي هي الدوره و هذا طبيعي بعد الإجهاض و الا ايييييييييش
بالصراحه متفشله من الدكتوره هذي المره الثانيه اكلمها و اقول لها خلاص جات و انا الحين مقهوره اخاف انها مو دوره و انا ما ابي اتصل مثل ذيك المره و اقول لها لا (كأني العب عليها)
غير كذا إن علاجي متأخر على هالدوره و لاني عارفه الحين هي دوره والا مجرد افرازات ..؟؟؟؟؟؟؟؟

مع العلم اني سبق و عملت عملية تنظيف في إجهاضي الأول لكن ما صار لي هذا الشيء عادي نزل من دم بعد العمليه و بعدين و قت و بعدها بفتره جات لي الدوره طبيعيه بس يمكن هالمره غير لإنه مو بعمليه


الله يخليكم نوروني للي سبق و لهم الإجهاض هذي دوره والا ايش
يا دكتوره انا موعدي مع دكتورتي بعد 3 ايام من الدوره علشان تعمل لي تحليل دم (ما ادري ليش بس علشان تتأكد ان جسمي طبيعي و ممكن نجرب الحمل و نكمل العلاج) و بعد ما تنتهي الدوره موعد ثاني علشان تتأكد ان الرحم نظيف بالألترا ساوند ....... لو فرضنا ان هذي دوره مع اني مو شايفتها مثل قبل لا اجهض بس احس بأعراضها و رحت و عملت التحالليل و السونار فيه ضرر ؟؟؟؟؟

مو عارفه اصوم و اصلي والا لا .........ياربي والله تعبت

و اللي يرحم و الديكم ساعدووووني بستجن من التفكير
وآسفه على الإطاله

دعواتي

الله يخليكم لا تخلوني بروحي
طمنووووووووني

الله يطمن بالك ويرزقك اختي
لكن لاتخجلين من دكتورتك اتصلي عليها واشرحي لها . صدقيني هي درست وتعبت على شان تفيدك مافيه شيء يخليك تخجلين على حساب صحتك .. وامور زي هذي ماتدرين ممكن تاثر على حملك مستقبلا
روحي لدكتورتك وشوفي وش تقول لك

تحياتي لك وان شاء الله ماقدامك الا العافية

الله يعوض عليكي يا رب والحالة النفسية لها دور بخربطة الدورة ,رددي اللهم أجرني في مصيبتي واخلف لي خيرا منها,واضطراب الدورة بعد الاجهاض طبيعي ولكن انت حاولي تريحي حالك ونفسيتك والله كريم

زوجة سعود : مشكوره يا غاليه الله يوفقك يااااااااارب
عزيزتي انا قلت لها ذيك المره و قالت لي طبيعي و الدكتوره مو بالسهوله تتحصل بس اقول للممرضه
:( :(

حبيبتي إيماني بالله :
مشكوره يا حبيبتي اسعدني تواجدك و دعائك
و انا والله نفسيتي زينه الحمدلله بالعكس ادعوا من ربي ان تجي الدوره علشان اكمل العلاج و انا راضيه بنصيبي بس الحين انا موقفه علاجي و لاادري هاللي ينزل دوره والا ايش


الله يسلمك يا قلبي انتي و زوجة سعود والله يعطيكم مرادكم و يقضي حاجاتكم يااااااااارب

[b]وعليكم السلام ورحمة الله وبركاته

ان شاء الله تكون صحتك اتحسنت لأني مريت بنفس التجربة وتعبت جداً الحمد لله على كل حال

المهم اعتقد ان كل واحدة وجسمها

بالنسبة لي تعرفي سبحان الله اجهضت وانا بشهري الثالث والدم لم يقف ابداً تخيلي يوم 12.5.2007 كان يوم الإجهاض وعملية التنظيف كانت يوم 16.5.2007 وبعد السكامينتو مازال في دم (نزيف) هذا من غير وجع الظهر الفظيع (الحمد لله) وبعدين سافرت لبريطانيا يوم 1.7.2007 ومازال الدم غزير لدرجة اني كنت استعمل بامبرز الأطفال كل الفترة وبعدين انظفت تماما يوم 6.7.2007 وجتني الدورة يوم 4.8.2007 وبالنسبة للحمل يقولوا الدكاترة انه لازم الجسم يرتاح على الأقل لمدة 3 شهور

ما تتكدري حبيبتي والله يعوضك ويعوضني خير ياااااااااااااااارب

رواند حبيبتي الله يعوضنا ياااااااارب
والله يعطيك العافيه على تواجدك
حبيت اقول لك اني هالمره ما سويت عملية تنظيف لإنه كان صغير مو مثل المره اللي راحت كان الجنين متوقف نبضه في الشهر الرابع فعملوا لي عملية تنظيف

بس اللي ابي اسئله هو شلون كانت اول دوره بعد الإجهاض ,,...؟ طبيعيه والا لا ؟؟

الله يسلمك و يعوضك يا غاليه

بسم الله الرحمن الرحيم
اختي فالله لا تقلقي فانا مريت بنفس التجربه وما تحسين به طبيعي 100% واول دوره بتكون عباره عن تنظيف للرحم ربنا معاكي يا رب فرج كربي وكربك وافرح كل المسلمات

يا عمري يا روفان كذا الكلام اللي يشرح القلب

الله يعوضك و يعوضنا كلنا
يعني تتوقعين ان هذي دوره ..؟؟؟
يعني ما اكنسل مواعيدي و اغير كلامي ..؟؟

ردي علي الله يوفقك و يرزقك بالذريه الصالحه

مشكووووره

الله يعوضج ان شاءالله

حبيبتي ام المهدي وحشتنا اخبارك يا رب قلبي معك يا رب يسخر لك امورك يا رب و ترزقي عما قريب يا رب يا رب الموفق
حبيبتي لا تشغلي بالك كثير بهذه المسالة فانت ادرى ان الحالة النفسية تؤثر على الدورة خليها على الله و ربك ييسرها
حبيبتي عندي واحدة من العائلة حملت بعد الاجهاض بأربعين يوم
ربي هب لاختنا ام المهدي ذرية طيبة صالحة عاجلا غير آجل

السلام عليكم

اذا حدث جماع بعد انتهاء دم الاجهاض فارجي اختبار حمل بالدم فقط لاستبعاد ان ما يحدث لك بسبب حدوث الحمل و اختبار الحمل المنزلي غير مجدي و لا ينفع في مثل حالتك ..

اذا سلبي اذن عليك بتجنب القلق و الاقلال منه لانه كفيل ان يسبب في اضطراب الجسم و منه الدورة و عليك بشرب مشروبات حارة مثل القرفة او الزنجبيل اذا تدفق الدم بشكله الطبيعي المعهود فهذة دورتك و مواعيدك تمشي بعدها بانتظام ..

ولاشك انك تحتاجي لعمل فحص للهرمونات للتاكد من نسبتها ..

تحياتي لك

حبيبتي ضوى الليل :
مشكوره يا غاليه والله يستجيب دعائك و يعوضني و يتمم حملك على خير ان شاء الله

غاليتي عشووقه :
والله انتوا وحشتوووني اكثر و انا مقصره ما امر عليكم بس والله النفسيه زفت و الإمتحانات و رمضان مو مخلي لي وقت
الله يعطيك الف عافيه مرورك اسعدني حبيبتي و الله يرزقنا كلنا من سعة فضله في هذا الشهر الكريم

دكتورتنا الفاضله :
الف شكر لك على جوابك الله لا يحرمنا منك يالغاليه
انا كنت مسويه تحليل دم مرتين و الإثنين سالب .. الأول بعد موعد الدوره بيومين و الثاني بعده بإسبوع
لا ابشرك خلاص صار ينزل مني دم طبيعي مثل كل الدوره الحمدلله و عندي موعد بكره حق فحص الهرمونات و ان شاء الله يكون كل شيء رجع مثل قبل
الله يعطيك الف عافيه

هلا حبيبتي
انا بعد مثلك بعد مااجهضت اتلخبطت دورتي
بعد الاجهاض نزل مني دم لمدة 15 يوم
واستنيت الدوره وماجاتني الا بعد 40 يوم من الاجهاض
وبدايتها نقط في اليوم الاولي والثاني واليوم الثالث نزلت قويه وجاتني افلونزا وتعبتني حييييييل
والاعظم من كدا استمرت معاي 15 يوم حتى رحت للدكتوره قلت ليها الدوره مب راضيه تروح عني
وسوت لي اشعه وكل شئ بس طلعت السالفه كلها خربطة هرمونات لانها ادول دوره لي بعد الاجهااض




والله يعوض علينا يارب ويرزقنا الدريه الصالحه

الله يعو ضك يا ام المهدي


أنا الشهر الماضي اجهضت كان لي ثلاثه اسابيع وسقطت وقت نزول الدوره يعني مثلك تماما والشهر هذا جاتني الدوره طبيعيه بس الالم الله لا يوريكي ماقدرت اقوم من شدة الالم

حبيبتي همس سهيل
الله يعوضك يا عمري عورتي قلبي
بس اهم شيء انك الحين بخيــــــر .؟
انا عرفت السبب تقريباً لان الدكتوره عملت لي تحالليل و قالت لي انه كل شيء طبيعي بس فيه هرمون ما ادري ش اسمه بالضبط بس كأن ( البروسترجون) مرتفع و هذا أخر الدوره و يأثر على التبويض بعد
و قالت لي ان هذا بسبب الإجهاض
اتمنى من كل قلبي ان الله يعوضك و يعوضني و كل البنات
مشكوره عزيزتي نورتي الموضوع

حبيبتي الملكه الله يعوضنا كلنا في هذا الشهر الكريم
يعني اللي صار لي مثل اللي صارلك بالضبط سبحان الله و يارب نحمل مع بعض في هالشهر
و اهم شيء تبشريييييييني
مشكوره يا قلبي على تواجدك العطر

تحياتي