|
عذابي من زوجي لازال مستمر ( فضفضة منبع الاحزان )
السلام عليكم ورحمة الله وبركاته
مادري شنو اكتب والا شلون اعبر لكم عن قهري وعذابي ومعاناتي واحساسي بهاللحظه بس طفح الكيل ومو قادره اصبر بعد ولاني عارفه شنو اسوي لاتقولون اتطلقي مستحيل وكل اللي يعرفني بيعرف ليش مااقدر ابي منكم رجاء واحد ابيكم تدعون انه الله ياخذ اللي اسمه زوجي باقرب وقت او ياخذ روحي وارتاح من هالهم والقهر والعذاب ما يكفي اني معلقه وصار لي 9 سنوات ويمكن اكثر مالمسني حتى او حتى كلمه بينا وغير الاهانات واللي يبي يعرف يرجع لمواضيعي وبيعرف اني ما خترت هالنك من شي بسيط ياكل في خيري وانا اللي اصرف عليه وعلى البيت وتخيلوا من شوي جاتني الخدامه اللي انا متكفله بها وبراتبها مثل ماانا متكفله بكل شي بالبيت حتى هو جاتني الخدامه تقول انه قال لها لاتسوين اي شي للمدام واذا طلبت منك اي شي لاتسويينه لها يحرضها علي ولا ويبيها تجلس معاه علشان تكون مستعده لطباته هو وبس اما انا والعيال فلا بموت يااخواني وياخواتي وربي مالي حد اشكي له من بعد الله الا انتوا اهلي كل همهم نفسهم ومصالحهم بس ومايبون تكون لهم بنت مطلقه علشان سمعتهم حتى لو كان اللي اسمه زوجي معروفه اخلاقه وسمعته ولكن عارفه بس عندهم اهون اعيش مدفونه معاه بالبيت بس مااتطلق لوووحده غيري كان انحرفت من زماااااااااااااااااااان مايكفي اني محرومه من ابسط حقوقي الشرعيه وعايشه مع هالجاحد الملحد علشان عيالي وعلشان هالاهل اللي مايدرون عني مادري متى بيجيني الفرج تعبت واحس اني بين الجنون والعقل شعره واحس انها قريب بتنقطع او اني بموت من همي ومن قهري اللي هم اقل مني في كل شي مرتاحيين وبالعكس ازواجهم مو عارفيين ايش يسوون لهم علشان بس يرضونهم وانا برغم جمالي و طيبتي بشهادة الكل ماهو بغرور لا والله بس الكل يشهد والكل يحسده علي وهو بنفسه ما كان مصدق اني اكون له لانه مابينه وبين ابوي فرق والله اني ماقلت هالكلام حسد وحقد لا والله يسعد كل زوج مع زوجته بس ينكسر خاطري على نفسي وعلى حالي رجيتكم رجيتكم ادعوا لي بظهر غيب بان الله يخلصني منه ومن هالعذاب اللي احس انه ماله نهايه الا بنهاية عمري او عمره اسمحوا لي على الاسلوب وعلى الاطاله لاتلوموني محد يدري بحالتي غير رب العالميين والله يجزاكم الف خير امانه امانه امانه لاتنسوني تراني مالي حد من بعد الله غيركم انتوا اقرب ناس لي والله لايخليني منكم تم تعديل العنوان ليتناسب مع المضمون .. فرج الله همك .. |
هلا فيك اختي
اعتقد ان زوجك مدمن لماذا لاتبلغي عنه الشرطة وقت سكره ويكون الامر سر لااحد يعرف انك صاحبة البلاغ او بلغي الهيئة - اذا كنت في المملكة - وبعدين مادام انك تصرفين على البيت لماذا لاتتطلقين لاتقولين بسبب اهلي واخواني والناس ماراح احد يفيدك هم عايشين مبسوطين مع ازواجهم ويمنعونك من حقوقك ( وعسى ان تكرهوا شي وهو خير لكم ) فكري في مصلحتك ومصلحة عيالك وغيرهم لاتنظرين فية اذا راح شبابك مع هذا السكير وراحت طفولة اولادك وسعادتهم مافيه خساره اكثر من كذا والعضو الفاسد في الجسم لايعالج ولايصبر عليه بل بتره هو العلاج لابد تتحركين وتعملين شي والدعاء لوحده لايكفي اسال الله ان يكتب لك الخير اينما كنتي وان يغنيك بحلاله عن حرامة . |
الله يفرج همك اختي ويسعدك
ممكن تضعين روابط مشكلاتك السابقه؟ حتى نفدر نفهم اكثر وربي يقدرنا على اسعادك ومساعدتك : ) |
لاحول ولاقوة إلا بالله العلي العظيم ..
أسأل الله العظيم رب العرش الكريم أن يفرج همك ويكشف مابك من ضر .. إذا كان زوجك لايصلي أو يمارس الزنا أو شرب الخمر لايجوز البقاء معه .. أختي إذا كنتي تريدين أن تحرقي نفسك حتى لا تأثرين على سمعت أهلك فهذا هو الخطأ إذا كان أهلك لايهتمون بك وانت تتعرضين لفتنة فكيف تقدمين سمعة أهلك على فتنتك .. وماهي السمعة طلاقك لن يأثر على سمعة ألهك إلا عند الأغبياء من الناس وهؤلاء ليس لكلامهم قيمة .. إستخيري في طلب الطلاق .. أنا أتعجب انت تصرفين عليه ثم تقولين انا مظلومة طيب انت قاعده تعينينه على المعصية والظلم .. |
الله يفرج همك الله يعينك على هذا الزوج
|
الله يكونلك معين ويفرج همك وكربتك يارب...
|
اساءل الله العلي القدير ان يفرج همك و هم كل مسلم و كان الله في عونك
اختي في الله لا املك لك سوى الدعاء و ربنا يعينك في تربية اولادك |
ياقلبي يا منبع الأحزان ..
تبين ترتاحين منه لا تدعين له بالموت .. بلغي عنه الشرطة أو هيئة الأمر بالمعروف والنهي عن المنكر .. وخليه ينسجن وترتاحين منه .. عجزنا معاك .. تحركي سوي لك حل لمشكلتك .. |
طيب يا أختي ليه مش عايزة تطلقي
وليه مستحيل الطلاق ده ارحم بكتير من اللي انتي فيه |
دائما ادعي لك يا منبع الاحزان
و افتقدك دوما حينما تغيبي لن أنساك يوما من الدعاء حالك و الله مؤلم جدا و انا وا ثقة من وجود الحل لكنك لا تحاولي ان تفعلي شيئا .. بسبب المجتمع و العادات الباليات .. ألا سحقا للعادات الباليات ... لأنها اعتلت مكان الدين ... |
الله يهدي زوجك الله يعينك على مبتلاك
ان الله قادر على كل شي وبقدرته كل شي كن فيكون الله يصلحه ان شاء الله ادعيله با الهداية |
ماقول غير الله يعينك ..
والله مادري شو اقول بس ماحبيت ادخل من دون مادعيلك .. بسوي بحث باسمك ... عشان اعرف وضعك بالضبط .. |
ياحياتي انتي وربي يوجعني قلبي وانا اقرا مشاكلك ومتعاطفه معك كانك وحده من اعز صديقاتي..
ياربي يفرج عليك ويرحمك برحمته اللي توسع كل شئ.. حبيبتي ماعندي الا نصحك بالصلاة في الثلث الاخير من الليل والدعااااء الخاااالص لله من القلب.. محد بيدعي لك زي مانتي تدعين لنفسك ولا تيأسي و الحي في الدعاء ابكي بين يديه وترجيه واطلبي منه الرحمه والفرج فهو حرم الظلم على نفسه وجعله بين عباده محرم سبحانه فلن يرضى عن ما انتي فيه ولكن لابد انه امتحان لصبرك.. لا تنسي ان الله اذا احب عبدا ابتلاه قد يكون كتب لك الشقاء في حياتك لكي تنعمي بنعيم الجنة في الاخرة وساعتها بتقولين الحمدلله ان حياتي كانت شقاء لانها ماتسوى شي عند الاخرة صدقيني حياتنا هذي ممر وليست مقر.. احمدي ربك فحمد الله عند المصائب اجره عظيم خلي كلمة الحمدلله على كل حال دائما على لسانك وانتظري الفرج فالمثل يقول.. فلما استحكمت حلقاتها فرجت وكنت اظن انها لن تفرج.. انتي في عنق الزجاجة الان واكاد اشعر بالفرج بدأ يقرب منك اشكري ربك واحمديه وكثري من الصلوات في جوف الليل ولا تتركي الدعااااء ابداااااا في اي ليلة عودي نفسك على ركعتين في اخر الليل مع دعاء من القلب خالصا لله تعالى وحنا رح ندعيلك باذن الله.. |
سبحان الله ربي ما حرم الطلاق ولاكن كرهنا فيه وماوضع الا لهذه الاشكال من الازواج
وتقولين ملحد يعني مافي صلاه هذا لوحده يكفي للانفصال عنه بعدين انتي من كلامك ماشاء الله تقدرين تقومين بنفسك والبيت اذن وين المشكله بالعكس اولادك الان قاعدين يتعلمون منه عدم الصلاة والسكر اما عن اهلك والمجتمع هذا الكلام اول ما احد درى عن احد الحين وكل شئ صار ميسر ومسهل مو مثل اول الله يسهل امرك ويفك كربك باذن الله ولازم انتي الي تاخذي القرار وبسرعه |
السلام عليكم ورحمة الله وبركاته
الله يجزاكم الف خير ويبعد عنكم كل مكروه وييسر لكم اموركم والله اني بكيت من ردودكم اللي ماهي غريبه منكم وكنت متوقعتها واقسم لكم بأن كل كلمه قريتها منكم دخلت قلبي وحسيت انكم قريبين مني فوق ماتتصورون وكأنكم معاي الحين يمكن ماتتوقعون هالشي لكني اقسم لكم بالله اني صادقه بمشاعري تجاهكم واحب اقول للاخت اللي طلبت مني اني احط روابط مواضيعي بأني ماعرف والا ماكنت برد طلبك اسمحي لي اختي على القصور انا دشيت الحين بس علشان اطمنكم علي انا الحمد لله نفسيتي احسن شوي من الصبح بس لاني كنت وقتها ميته من القهر وابي ابرد حرتي واطلع اللي فيني لاقرب ناس عندي واقسم بالله اني لو بدور حد اشكي له واثق فيه من بعد الله مابحصل حد غيركم والله يشهد على كلامي انا الحمدلله مواظبة على صلاتي وخاصه الثلث الاخير من الليل والله اني ادعي ربي من قلب فيه الامل بالله وبأن نصر الله قريب وان الفرج مثل ماقالت اختي البحله بالنفس قريب ومااملك غير الدعاء لكم قبل لاادعي لنفسي على اهتمامكم فيني واحساسكم بمعاناتي بسم الله الرحمن الرحيم اللهم ياسامع كل شكوى وياشاهد كل نجوى وياعالم كل خفيه ويا كاشف كل كرب وبليه ويا منجي نوح وابراهيم وموسى وعيسى ومحمد عليهم السلام ادعوك ياالهي دعاء من اشتدت به فاقته وضعفت قوته وقلت حيلته دعاء الغريق الملهوف المكروب المشغوف الذي لايجد كشف مانزل به الا منك لااله الا انت فارحمنا ياارحم يالراحمين واكشف عنا مانزل بنا من عدونا وعدوك الشيطان الرجيم ومن زوجي الظالم الباغي يارب العالمين فانك على كل شي قدير واغوثاه واغوثاه واغوثاه يالله يالله يالله اللهم يا بارئ لابارئ لك يا دائم لانفاد لك وياحي يا محي الموتى ويا قائم على كل نفس بما كتبت الهي انك انت العزيز الجبار الذي لااله الا انت الهنا واله كل شي الها واحدا اسالك بحرمة الكلمات التامات كلها الا من والعفو والعافيه والمعافاه الدائمه في الدنيا والاخره والاهل والجسد والمال والولد والمسلمين اجمعين يارب العالمين انك على كل شي قديرو ارحم اخواني واخواتي اعضاء هذا المنتدى وارحمني برحمتك ياارحم الراحمين واكشف عنهم وعني مانزل بهم وبي من ضر وشر وكل مااردت من الامور وخلصهم وخلصني خلاصا جميلا يارب العالمين وصلى الله على سيدنا محمد وعلى اله وصحبه وسلم |
هذه بعض مواضيع الأخت الكريمة منبع الاحزان ..
أسأل الله أن يصلح حالها : اكره اللي اسمه زوجي كرهي للموت رجيتكم لاتردوني لان مابيني وبين الجنون الا شعره آآآآآآآآآآآآه من احزاني وآآآآآآآآآآآآآآهين من عذابي اللي ماينتهي منبع الاحزان تعود لكم بحزن وهم جديد آآآآآآآآآآآآآه من ابوي اللي دافني بالحيا محتاجه لكم لاتخذلوني 000 وصلت لحافة الهاويه طلعوني قبل لااضيع اكثر |
قولي له وش بتسوي بعد الموت وش بتقول لله انت راعي والراعي مسؤل عن رعيته وبعدين اذا انتي حاسة انه مدمن ولا شي علمي اهله او اهلك علشان يسير خطوات للحل وبعدين ناصحية واذا ماظبط عليك بالمحكمة يورونك فية
|
يا قلبي
انتي انسانه عظيمه بصبرج !! انا واثقه انه اله ما بيضيعج |
??? مايصلي+ سكير + عاجز جنسي + غير منفق عليكي او علي عيالك ؟؟؟ وش تبيبه تطلقي منه ورتاحي
الحل لموضوعك روحي لاهلك وقولي لهم بصراحه هذا الزوج زي اخويه فهمتم ولا لا علي هذا الوضع سنين وبس صدقيني اهلك اذا قلتي لهم كذا يعرفون انك غير محصنه وحيخافون عليكي ويطلقونك . سوال ممكن كم عمرك |
اختي بحرينيه ولكن الله يجزاك الف خير على الروابط اللي نزلتيها
الجابعي -athoooooop- صن رايز الله يجزاكم الف خير وان شاء الله في ميزان حسناتكم وجعلني مااذوق حزنكم للاسف ان اهلي واهله يدرون ويشوفون كل شي بس شايلين يدهم لانهم مشغوليين بحياتهم ومصالحهم وما يبون يدخلون بمشاكل مع اللي اسمه زوجي لانهم عارفينه زين وانه مثل ما هلي يقولون مهو برجال وانه محسوب منهم والكل يدري وعارف يعني سمعته فايحه من زمان اما بالنسبه لعيالي فانا اطمنكم عليهم فهم متفوقين في دراستهم وكلن يمدح فيهم وفي تربيتهم واخلاقهم ومااقول هالكلام لانهم عيالي لا والله هذي كلام كل من يعرفهم وخاصه مدرسينهم ودايم ياخذون شهادات تقدير وشكر وتفوق واخلاق وهالشي اللي مصبرني الله يعوض صبري خير في عيالي ان شاء الله |
ياربي والله كلماتي خانتني قدام قصتك المحزنه
مني عارفه ايش اقولك او ايش انصحك وربي عاجزه الله يفرج همك يارب قريب وانا والله ادعيلك من كل قلبي امانه تطمنيني عليك اول بأول لاني حسيت انك زي أختي وانت خليكي قويه ولاتنهاري علشان اولادك المساكين مالهم غيرك بعد الله والله حيضيعو مع هذا الاب حتى مع اهلك واهله اللي مو حاسين فيكي وكمان حاولي تشغلي نفسك باي شيء انتي تحبيه ابعد تفكيرك عن مشكلتك الله يصبرك ويسعدك ويفرج همك ويعوضك خير قريب يارب امين |
السلام عليكم ورحمه الله وبركاته
سبحان الله كتبتلك رد طويل عريض وانمسح:11: لكن مو مشكله راح احاول اختصر الى كنت كاتبته انا من الناس الى قريت كل مواضيعك وعرفت مشكلتك وتعايشت معاها لاحول والاقوة الا بالله الله يعينك ويصبرك لكن الحل عندي وهي مجربه من وحدة اعرفها مثل نفسي ولو ماان متاكدة ان زوجها بالسجن غير قلت انتي هي:d نفس زوجك لكن هي كانت اشجع منك ويوم صار بالليل اتصلت على الهيئه والشرطه يوم تجمع عندة شلته السكرانين واخذوهم والحين كلهم بالسجن على حسب كل واحد ومدته الى بس توقيف والى شهرين وزوجها لا كثير بس والله مادري بالضبط كم حكمه المهم لاتسكتين اتصلي اليوم بالليل يوم يجتمعون والله ثم والله ثم والله لو انا اعرفك او حولك متصلك غير انا وريحتك منه لكن مابيدي شي غير ادعيلك وانتظ ردك على انك ان شاء الله تعملينها اليوم وتتصلين وتعطينهم عنوان البيت ولاتقولين من انتي تكفين تكفين ياحبيبتي لو مو عشان نفسك عشان بناتك حرام تخلينهم عند مجرم مثله بيني وبينك انا خايفه على بناتك واحد من السكرانين يدخل عليهن ويسوي فيهن شي وهكالوقت ماينفع الندم والانتظار اليوم تكفين ياااختي ياحبيبتي اتصلي اعقليها وتوكلي على قوله رسولنا الحبيب انتظر رايك بالموضووووووووع فكري بكلامي زين والله الى قلتلك عنها انها بلغت على زوجها تقول ماصرت مرتاحه غير يوم دخل السجن صرت انام مرتاحه على بناتي |
الله يفرج همك وييسر لك الخير
|
انت بسلبيتك هذه ترتكبين جريمه في حقك وحق اولادك اتصلي بالهيئه او الشرطه حتى يقبضوا عليه في حالة تلبس ولاتتأخري لان سكوتك وانفاقك عليه يعينه على معصية الله وبذلك تشاركينه في الاثم تداركي نفسك والله يتولاكي برعايته.
|
عزيزتي منبع الاحزان ....كان الله في عونك ....وأجرك علي صبرك ...
عزيزتي أن الله أذا أحب عبد أبتلاه .....فأبشري بالجنة علي صبرك والحمد لله رب العالمين وهبك عيال هم قرة عين لك....وأنشاء الله سند أذا كبروا تقبلي تحياتي |
اخواتي مغرورة بأمي - غموض السنين - تعبت من البعد - هاشميه وافتخر - الهنوف
جزاكم الله الف خير والله ييسر لكم كل اموركم ان شاء الله وجعلني مااذوق حزنكم اتشرف باخوتك اختي مغروره بأمي والله يعلم اني اعتبركم اخواتي واخواني بالنسبه للتبليغ عنه اللي اسمه زوجي فانا مااقدر ابلغ عليه اسمحوا لي واكثر من سبب يمنعني واولها انه مهما كان اسمه ابو عيالي حتى لو انه مايسوي لي ولا لعياله اي شي بس بالاسم مااقدر ابلغ عليه لاني اذا سجنته اكثر حد بيتضرر من سجنه هو عيالي وش بيكون موقفهم قدام ربعهم في المدرسه او قدام عيال عمهم وخوالهم مابي اجرحهم اكثر من اللي فيهم مهما كان اسمه ابوهم اكيد ما بيرضون عليه مهما صار واخاف هالشي يأثر على دراستهموعلى مستقبلهم بعدين واخاف انهم يكرهوني لو عرفوا بعدين اني انا لي يد في سجن ابوهم اموت اهون علي ولااني اشوف بعيون عيالي لو نظرة عتب او لوم ادري فيكم بتقولون عجزنا معاك يا منبع وماالومكم بس انا مثل ماقلت لكم من قبل انا مااملك غير اني افضض لكم واطلع اللي في قلبي اما اني اتصرف لحالي مااقدر وحاولت كذا مره وما قدرت يمكن لاني ماتعلمت اخذ قراراتي بنفسي وخاصه اللي تتعلق بحياتي والا ماكانت هذي حالتي اسفه على الاطاله واسمحوا لي اذا خذلتكم |
اساءل الله العلي القدير ان يفرج همك و هم كل مسلم
اصبري يقولون ان قلب المراة بحر يتحمل كل شي الله يعينك |
جزاك الله الف خير اخوي غازي
ادري مالي غير الصبر ومالي غير رب العالمين هو حسبي وهو وكيلي |
أختي لا تعطيه و لاقرش من فلوسك
أو أخلعي نفسك هذا أفضل حل برأيي |
الله يعينك ويفرج همومك ويهديلك زوجك يارب جربي ناجي رب العالمين باسمه الودود امسكي المسباح وقولي(يا ودود)عشرة الاف مرة واذا تقدرين اكثر صدقيني يااختي مجربة من ناس اعرفهم حييل والله يعينج يارب
|
الله يكون بعونك بس مشكلتك لازم تلقي لها حل
بصراحة لاتطاق قلبي معك اختي الغالية ولك الاجر بإذن الله |
الله يفرج همك وينصرك على من عدوك ويعوض صبرك كل خير
|
انتي من الصابرات كيف تحملتي كل هاد الوقت الله يعينك يا اختي اسمعيني ونصيحه من اخت لاخت الطلاق احسن حل لك مدام انتي بهالواقع المرير لاتهتمي وتقولي كلام الناس واهلي سمعتهم ليش سمعتهم الله يخليها دايما مثل المسك انتي ما بتعملي شيء غلط انتي بتنقذي حياتك وحياة اولادك انتي الحق مو عليكي عشان تحكي سمعه اهلي كل الحق على زوجك وعلى تصرفاته ولاتنسي انه حياتك بتضيع يوم ورا يوم مع هالانسان الللي مو مقدر الحياة اصلا تشجعي واطلبي الطلاق انا عارفه انه هالشيء صعب حتشوفيه وتحكي انه ما بقدر او خايفه او او او دايما اول خطوة صعبه الله حيكون معك وينصرك ... الله يصبرك ويبعد عنك اولاد الحرام آمين .... توكلي على الله ولاتنسي الدعاء
|
أسأل الله أن يصلح الشأن وأن يفرج الهم ويوفقك لكل خير
أختي الفاضلة تقولي لك تسع سنوات معلقه لم يلمسك هذا أمر غريب هل تريدي أنه ليس إنسان لا مشاعر ولا أحاسيس أقول مستحيل فول كان يكرهك بكل معاني الكره وأنتي تتجملي أمامه وتتزيني مستحيل أن يتركك حتى ولو يقضي حاجته ويشبع رغبته الأمر الثاني تقوي أن لديك أطفال فيكف أتوا الأطفال منه ولم يلمسك الظلم ظلمات نعم لا أنكر أن هناك من يعيش في جسد رجل ولا يحمل أي صفة من الرجولة ولا الإنسانية وهناك من تعيش في جسد إمرأة ولا تحمل من الأنوثة ولا الأنسانية شيء أنتي أخطأتي أن صبرتي إلى هذا الوقت لا تقولي أهلك إنتي ليه تصرفي على البيت ليه ماتعيشيه أمام الأمر الواقع ولا تدفعي ولا ريال اصبري شهر شهرين وشوفي النتيجة أما تصرفي وتدلعية وتقولي إنه شين فهو المسؤل عن الصرف على البيت الحديث يطول ولكني أقول عليك بهذه الكلمات وستري شيئا عظيما ( الحمد لله وأستغفر الله ) في كل وقت وحين |
الله يجزاكم الف خير كلن باسمه وربي عاجزه عن الشكر ومااملك غير اني ادعي لكم بان الله يحفظكم من كل شر وينولكم كل اللي ببالكم
واحب اقول لأخوي دائم الشوق انه عيالي جبتهم في بداية الزواج لما كان عادي معاي وقبل لا يجيه العجز لانه كان عادي في بداية الزواج بالنسبه للعلاقه الشرعيه ولو انه كان هالشي نادر مايحصل يعني يمكن مره او مرتين بس بالشهر وبالنسبه للتزين والتكشخ اقسم لك بالله اني مو مقصره من هالناحيه وليومك انا اتكشخ لنفسي لاني احب الاناقه ومهتمه بنفسي فوق ماتتصور صبغات ولبس وميك اب ومايمر الشهر الا وانا مغيره اللوك وماهو علشانه علشان نفسي لاني متعوده على هالشي ومعروف عني وفوق هذا كله وماهو غرور مني ولا تكبر بس والله اني مو جميله الا ملكة جمال بشهادة الكل حتى هو يعترف بهالشي وهذا اللي قاهرني وزايد الطين بله والله اني اتحسر على عمري وعلى شبابي الضايع مع واحد مايستاهل يااخوي اقول لكم اللي اسمه زوجي ماعنده ذرة احساس ولا ذرة رجوله ولا شهامه هو مو انسان والا ماكان قال لحرمته روحي للشارع بيمشي سوقك لانك حلوه وصغيره وروحي للشباب يعوضونك اسفه ادري ثقلت عليكم بس حبيت اوضح بعض الامور لاخوي دائم الشوق |
اختي لماذا قلتي عن زوجك
انه ملحد عافانا المولى واياكم |
الدعاء ثم الدعاء لرب السموات والارض
|
فيافي نجد - ختومي 2
جزاكم الله الف خير اختي فيافي نجد انا قلت انه ملحد لانه قالها بلسانه بانه مايعترف بالاسلام ولاهو متشرف بدينا وانه يتشرف بانه يكون يهودي ولاانه يكون مسلم وفوق كل ذا يسب الله ويشتم الرسول عليه افضل الصلاه والسلام والعياذ بالله تخيلي ماعمره ركع ركعه لله وحاولت معاه لين عجزت كنت ابي اعلمه الوضوء والصلاه بس كان كل مره يشتم الدين فكنت اخليه واطلع علشان مااخذ اثم وعلشان مااكرهه اكثر تصدقين مااقدر اكتب زوجي وحتى لاحظي كل مواضيعي لمااجيب طاريه اكتب اللي اسمه زوجي من كرهي له ولانها ذي الحقيقه بالاسم بس زوج |
لا حول ولا قوة إلا بالله حوالي سنتان و انت تكتبين عن مشكلتك بهذا المنتدى و تتجهالين الحلول التي قدمها لك الاعضاء
بما أنك موظفة كما تتدعين و تنفقين على زوجك و تعلين بيتك يعني تستطعين ان تستأجري لك شقة و بالتالي أنت في غنا عن أهلك ونفقتهم (لا أعرف كيف قلت في أحد ردودك ـ انتظر تتحسن أوضاع أهلي ـ) لماذا ترفضين الطلاق وبصراحة حجة أن ابنك يبغي أبوه لا تدخل العقل لان ما رويته عن زوجك يفسد الاتقياء فما بالك بالابناء إلا اذا كنت تريدين من أبنائك ان يصبحو مثله إضافة أنك كنت ستنحرفين هذا ما جاء في أحد مواضيعك ربما أنا جديد بهذا المنتدى الدي قادتني إليه الصدفة و لكن قرأت موضوعا لك ثم قمت بالبحث عن جميع مواضيعك ولا أخفيك أحس بشيء غير طبيعي فيما كنت تروين و مازلت تروين وصراحة كنت أقارن اجابات الاعضاء مع تعقيباتك عليهم و لاحظت الكثيرمن الامور الغير طبيعية بنظري لأن هذا الزمان أصبح مليئا بالمعقدين و الضعاف الذين يعشون في الأحلام و صدقيني إن كان ما كنت تحكين صحيح أسأل الله ان يفرج كربك مع العلم أنك من يضع نفسه و سط هذه المشكلة لان الحل بيدك لا تآخذوني بأسلوب تعبيري و لغتي لاني لا اجيد التعبير بالعربية كثيرا الله المستعان |
اذا انت مسلمة فلا اتصور ان انسان يسب الدين ويسب الخالق قبل ذلك ان تبقي معه دقيقة واحدة وعليك باخبار اهلك عن افعاله وعرض مايقوله على المحكمة اذا عجزتي عن الطلاق منه كيف وهو يتمنى ان يكون يهوديا والله يقول ( ومن يبتغ غير الاسلام دينا فلن يقبل منه وهو في الاخرة من الخاسرين )
|
| الساعة الآن 05:18 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©