السلام عليكم ورحمة الله وبركاته اخواني واخواتي اعضاء اروع منتدى واللي انااعتبرهم اقرب لي من اهلي هاانا ارجع لكم من جديد بهم جديد والم جديد وماادري متى بتنتهي احزاني ولو اني اشك انها لها نهايه والا يمكن لها بس بعد ماالله ياخذ امانتي وارتاح من هالدنيا اللي ماشفت فيها اي معنى للسعاده ولاطعم للراحه والامان ابتعدت عنكم فتره بسبب ظروف مرضي بسبب ما عانيته من قهر وكبت وضيم وحرمان وغدر من اللي اسمه زوجي وهو بالحقيقه اشد اعدائي مع انه عايش من خيري انا انا مااقصد اني اتمنن عليه بهالكلمه بس غصبن علي لاتلوموني واللي يعرف قصتي معه بيعذرني اكيد بس اللي تعبني وذبحني قهر هو انه طلع لي بشي جديد بعد وهو انه قام يخلي ربعه اللي مثله يجون البيت عندنا بدون احم ولادستور تخيلوا فجاءه يدخل علينا الصاله واحد من ربعه وهو في حالة سكر ومضيع ومااخذت الا بذاك الرجال اللي داخل علي الصاله انا وبنتي كنا بالصاله وبالليل وانا بقميص نومي ولما قلت لولدي قول لابوك بالموقف الي حصل لاني انا منفصله عنه ومابينا اي كلام مثل ماانتوا عارفين قال له ذول ربعي ومستحيل امنعهم انهم يجون بيتي قال له ولدي لكنه جاي سكران قال له ليش ضركم بشي او قال لكم شي تخيلوا معقوله ياناس فيه رجال بهالصوره ماعنده نخوه ولاشهامه ولاغيره على هله اذا مايخاف علي انا على الاقل يخاف على عياله وخاصه البنات ربعه كلهم مدمنين اللي خمر والا مخدرات وفعلا حصل مثل ماتوقعت صار كل بين يوم ويوم تجي عندنا اشكال يسهرون ويشربون بالبيت عندنا وانا وعيالي فوق وقافله علينا الباب اخاف لاحد منهم يتهجم علينا وبنفس الوقت احاول ماابين لعيالي اني خايفه من اي شي وانا بداخلي ميته خوف وقهر والله يااخواني واخواتي اني اسمعهم يتمشون ببيتي وكأن البيت ماله حرمه ولا كنه بيت عايله كل يوم اكره اللي اسمه زوجي اكثر من اليوم اللي قبله واتمنى من الله انه يخلصني منه باقرب وقت وكنت ادعي ربي انه ياخذ روحه او روحي بس من اليوم ادعي ربي انه ياخذه هو لاني لو مت انا ماراح أأمن على عيالي معه وهو يجيب لهم اصحاب السوء وكنت كاتمه بنفسي وتعبت نفسيا وما كنت ابين لعيالي عشان ماابيهم يتأثرون وذا الشي اثر علي انا ومرضت ولازمت الفراش فتره وما حصلت الا عيالي وخدامتي هم الي قاموا فيني لان اهلي ما يقدرون يجون بيتي لانهم عارفين طبعه ما يحبهم ولا يبيهم عندنا لين الله شافني بفضل منه ثم بفضل عيالي وخدامتي والحين حصلت فرصه اكتب فيها الي بداخلي لاخواني واخواتي عشان احس اني ابنفجر وابختنق من الي فيني مدري الى متى هالقهر والظلم والله اني ميته روحي راحت مني مابقى لي روح ولاقلب صدقوني عايشه بجسدي بس عشان عيالي ماابي اضعف او اطيح مريضه ويضيعون عيالي من بعدي لانهم مالهم حد من بعدي ادعوا ليتكفون رجيتكم ادعوا لي احس اني محتاجه لدعواتكم خاصه بهالوقت وهالظروف الي امر فيها والله يحميكم ويحفظكم من كل مكروه يارب ويفرج كربة كل مؤمن واسمحوا لي ادري اني ثقلت عليكم بهمومي والامي بس والله اني مالي من بعد الله الا انتم

لا حول ولا قوة إلا بالله


حسبنا الله ونعم الوكيل على كل من روج للمخدرات والخمور إلى أبناء المسلمين


أختي كان الله في عونك أحتسبي الأجر وأكثري من الأستغفار


وأطــــــــــــــــلبي الطــــلاق فهو من حقك ولن يخيبك الله بإذنه تعالى


وليس فيه خير لكي ولا لأولادك وليس فيه غيره وإذا راحت الغيره راح كل شيء


الله يستر بكره لو يطلبون من ربعه شيء من البيت ..!! ما راح يرفض ..!!فلحقي على نفسك وعيالك ولن ينساك خالقك وثقي به تعالى

__________________

لا حولة ولا فوة الا بالله
حمد الله على سلامتك ختي والله يعينك على زوجك اايد كلام اخ السيف السلول خدي بيه
والخير فيما اختاره الله لك

الله يعينك

خليك دايم حذرة

كيف .. قميص نوم قدام اولادك !!

السيف المسلول- فلور وعهود الله يجزاكم الف خير على اهتمامكم بالرد على مشكلتي وتفاعلكم معي بس مثل ماقلت من قبل الطلاق صعب صعب حيييييييييييييييييل احنا اصلا نعتبر مطلقين لان من سنين عايشين مع بعض ببيت واحد بس منفصلين بعدين احب اقول لاختي عهود ان قميص النوم اللي كنت لابسته قدام عيالي ماهو عاري هو مستر لاني عارفه وفاهمه انه مايجوز البس قمصان نوم عاريه قدام عيالي وانا ملتزمه بالدين ولله الحمد والا وحده غيري وبنفس ظروفي كان من زمان الله يعلم وش سوت الله يثبتني ويثبتكم يارب

أختي منبع الأحزان

فرج الله كربك وثبتك ورزقك الصبر وعوضك خيراً في ذريتك

ياأختي مدام الحال زي ماتقولين

أنا أقول بلغي عنهم ويجون يقبضون عليهم وهم في بيتك وترتاحين من شرهم

بقول مثال

فيه وحدة كان زوجها قاسي معها جداً وكان قريب لها

فطاح بشلة وكان معها ثلاثة أطفال

وضاع مع هالشلة إلين قبض عليه بالسجن

وهي صابرة وماتشتكي لأحد

وراحت عند أهله فترة طووووووووووويلة وهو مسجون وكانت تقول لأطفالها بابا مسافر

لدرجة إن أبوها كان يقول إطلبي الطلاق وش تبين فيه مايستاهل

وكانت صامته ماترد عليه

وربي أراد لها رحمة من عنده

هدى زوجها وترك البلاوي ورجعها بيتها

ومرت سنين على حالتهم

والله يعظم أجرك يختي والله مثل هالحال ماينصبر عليها

يعني زميلة دخل عليكم بالصالة

بكرا ممكن يكسر الباب عليكم لاقدر الله

الحال إللي أنتي فيها يختي ماينصبر عليها

إذا أهلك مافيه أمل يتدخلون كلمي واحد من المشايخ يفزع لك

الله يصبرك يختي ويعينك على حل هالمشكلة ضيقتي صدري يختي

__________________

اختي الله يعينك ويصبرك على ما ابتلاك
وأنا أؤيد اختي الألمعية مادام ما تبغيين الطلاق

__________________

	في المدرسة نتعلم لنمتحن وفي الحياة نمتحن لنتعلم

منبع الاحزان يالغالية والله كنتي في بالي وكل مادخل المنتدى اقول يارب الاقيها اليوم في اي مشاركة

والله ياحبيبتي الف سلامة عليك 00 وحسبي الله ونعم الوكيل في هذا الانسان العاصي00 واهلك مو عذر لهم

انهم يتركونك عشان مايحبهم لانة الي مثلة عدو حتى نفسة 00حبيبتي الواحدة منا اذا ضاقت فيها الدنيا مع زوجها

مافية غير الاهل هم الي يقدرون يساعدونها 00 تابعت قصتك تقريبا 0زوجك كل مالة يتمادا ويزيد سوء

انفذي بجلدك واخرجي من عندة وخلي اهلك يحاولون يصلحوا من حالة واذا مانفع يطلقونك منة لانة فعلا رجل غير مسؤل


ياحبيبتي ماذا تنتظرين ان يحدث بكم مشكلة اكبر من كذا 00لاحول ولاقوة الا بالله 00الله يفرج كربيتك ويخلصك منة

ويحفظك ويحفظ عيالك 000

ليس لدي سوى الدعاء لك....عزيزتي الله يفرج عنك الحزن والهم....

يا الغالية احس فيك جدا وضاق صدري والله .هل انتي تعملين ؟ اذا كنتي تعملين دري بالج على بناتج وعاولادج
لان زوجك با لبيت وممكن يحدث لي مكروه خاصة البنات ولاتأمنين له أبداااااااااا
ومثل ماقالت اختي بلغي عنه هو وربعه وهم متلبسين .واطلبي الطلاق كيف لا تستطيعين وانتي عايشه معاه بس منفصلين راعي شعور اولادك وابتعدي عنه والمحكمه تقرر لك البيت للضرر اللي تعانين منه وسوء اخلاقه وخوفك على عيالك حتى لايتبعون طريقه في سن المراهقه لان هذا السن حرج ويحب كل شاب يجرب كل شئ كيف والمهزله في بيته
الله يصبرك ويعظم اجرك واسأل الله ان يأجرك خير الاجر لصبرك على ها لمصيبه.