وحدة بالمدرسة عليها حركات
 

بدخل بالموضوع على طول
السالفة ومافيها مدرسة زميلة لي , تجدع علي كلام من وإلى , مع إني ماسويت لها شي , وش رايكم أواجهها وأرد عليها ؟ وبتصير مشكلة طول بعرض , أو أسكت وأصير زي مايقولون
ليس الغبي بسيد في قومه إنما سيد قومه المتغابي
أما سبب ليش شايلة علي ؟ هو إني شفت ناس بالمدرسة في الحلم وكنت وقتها أقرأ(رقية شرعية ) , وأخذت من كل المعلمات إلا هي عيت تعطيني من أثرها فأخذت من وراها , ودرت بعدين , وشالت وحطت وماني مسامحة ومن هالكلام , بعدين بدت تجدع علي كلام عند المدرسات , وأنا لحد الآن مسوية نفسي غشيمة , ساعات أقول خليني كما قال الله تعالى ( ادفع بالتي هي أحسن ) وساعات أخاف على نفسي أنجرح من كثر الكلام وساعتها أرد والله أعلم بالمشكلة اللي بتصير , ماأدري عطوني اللي عندكم , ودي أصبر وأخليها تتطلع كل اللي عندها , بس ماأدري أقدر أو ماأقدر . إذا عندكم وسائل تساعد على الحلم أو تدريبات ذاتية فياليت تتحفونا فيها .

اختي الفاضلة

يعني كلمة من ذهب قلتيها وانت اعرف بحالك اهو افضل من حالها ام لا


ودعيني ازيدك من الشعر بيتا

في مقولة للامام احمد بن حنبل رحمه الله يقول فيها " تسعة اعشار حسن الخلق في التغافل "

وفهمك كفاية اختي الفاضلة

ان انسي


وسلامتك

مشكور أخوي الفاضل
أنا ودي أكون كذا متغافلة , يعني اليوم سويت كذا
قاعدة تقول فلانة(مدرسة ثانية ) يازينها مافيها كذا ( عيوب فيني ) (وتبرك عليها )
أنا فاهمة قصدها , بس سويت نفسي غبية
بس من جيت للبيت كتبت في المنتدى -أبي أفضفض صراحة - وودي أمسك نفسي كل يوم
بس ماأدري أخاف انفجر , هي اليوم بدت , والله يستر من تاليها .

حاولي تطنشينها ولاتبدين اهتمام او انتباه لكلامها حتى تمل وتسكت والحقران يقطع المصران

تسلمين يالغالية , رايك سديد مشكورة يالحبيبة.

آخر الأخبار
اليوم تمشي تدور كاس لها ولا لقته , صارت تقول من هاللي ماخذ كاسي لايكون بياخذ أثر من بعدي ..
وتعيد وتزيد بهالجملة كل ماجاء أحد ..
طبعا أنا المقصودة , بس سكت وكأن شيئاً لم يكن :d :d :d

حبيبتي احسن شيء السكوت لانه في السكوت قوه و بعدين هي تنقهر انك مو قاعده تردي عليها و هذا اكيد

بالتوفيق

التطنيش أحسن شئ

الغالية حلا الأيام
أشكرك على الرد , وهذا احنا ساكتين , أتمنى أتحمل للآخر , اليوم جتني وحدة من الزميلات وقالت لي كلميها على انفراد وتصالحي معها , بس رفضت لأني حاسة ماراح تقبل تكلمني فليش أحط نفسي بالمكان هذا , من نفسها تزعل ومن نفسها ترضى , أنا ماأشوف إني غلطت عليها لما أخذت من وراها طالما إنها ترفض لو تحط يدها بماء .

الغالية روح الطير مشكورة على مرورك
وإن شاء الله بطنشها قد ماأقدر

زوجوها تعقل خخخخخخخخخ

اذا طولتها

كلميها على جنب وبهدوء قولي انا اخذت من الجميع وليس شك فيك بذات

والرسول صلى الله عليه وسلم حث على هذا الفعل لمن طلب منه

والله يوفقك

حبيبتي لا تسويلها سالفه خليها اتقول اللي تباه في النهايه هي الخسرانه وانتي الربحانه انتي ما شاءالله عليج عارفه كيف تتصرفين ومبين عليج وحده عاقله ... الله يسعدج يارب

يقول الشاعر :يخاطبني السفيه بكل قبح #####فأكره أن أكون له مجيبا
يزيد سفاهةً وأزيد حلـــما #####كعود زاده الإحراق طيبا
فعلاً أفضل شي التغااابي وخسرانها وهي حتماً ستمل .

وش قصدك ؟

عجزت أقنع فيها من زمان
أعتقد عندها عقدة , لأنها تقول وش أحسدكم عليه وش زايدين علي فيه , أنا وأنا وهاتي كلام عن نفسها
ماأدري أول مرة أشوف ناس يرفضون بهالشكل ...
على العموم مشكور لمرورك ونصيحتك , ولو أرجي من كلامها خير كان حاكيتها
, اليوم هي غايبة وأنا جتني الموجهة:30: ماني فاضية لعلومها أصلا ..

اتركيها تتكلم لحالها وخليك ويكتي عنها ولاتردين لانها بتضر نفسها بكثرة الكلام واذا واجهتيها قوليلها حسبي الله ونعم الوكيل وطنشيها

تصدقين , قامت تحكي عند المدرسات وأحس بعضهم انقبض مني بس الحمد لله ماجاء منهم خطأ
وبعضهم يقولون لي ابتعدي عنها وطنشي كد صار لنا كذا وكذا معها .
ومشكورة على المرور والتعزيز , وإن شاء الله أمسك نفسي للآخر .

طنشيها احسن شي تنقهرزيادة اساليني انا هذاسلاحي

الله يسلمك ويسعدك يارب
أنا مطنشة , المشكلة إني ماودي زميلاتي ينقبضن مني بالرغم من إنه ماجاهن مني شر , بس كثر الكلام ممكن يأثر ببعض الناس .

التجاهل شيء عظيم , وهذا ماأتمنى الاستمرار فيه , مشكورة على المرور والأبيات الحلوة , والنصيحة الأحلى .

مشكور أخوي أو إختي على المرور والنصيحة
التطنيش حلو , بس ماودي اللي حولي يكرهوني , ويفسرون أشياء على كيفهم
يعني قبل أمس ماجيتهم بالغرفة وقت الفطور , قاموا يحكون يقولون إيه قاطعها وجهها
طبعا نقلت لي الكلام وحدة وعارفة إنه غلط نقل الكلام , بس هي هدفها من هالشي تقول اقعدي وقت الفطور وأثبتي لهم إنك ولا هامك شي .

مشكورة أختي على المرور والنصيحة
مازلت مطنشة , والله يعين , سووها سالفة بالمدرسة ونقلوها للكل ..