بدخل بالموضوع على طول
السالفة ومافيها مدرسة زميلة لي , تجدع علي كلام من وإلى , مع إني ماسويت لها شي , وش رايكم أواجهها وأرد عليها ؟ وبتصير مشكلة طول بعرض , أو أسكت وأصير زي مايقولون
ليس الغبي بسيد في قومه إنما سيد قومه المتغابي
أما سبب ليش شايلة علي ؟ هو إني شفت ناس بالمدرسة في الحلم وكنت وقتها أقرأ(رقية شرعية ) , وأخذت من كل المعلمات إلا هي عيت تعطيني من أثرها فأخذت من وراها , ودرت بعدين , وشالت وحطت وماني مسامحة ومن هالكلام , بعدين بدت تجدع علي كلام عند المدرسات , وأنا لحد الآن مسوية نفسي غشيمة , ساعات أقول خليني كما قال الله تعالى ( ادفع بالتي هي أحسن ) وساعات أخاف على نفسي أنجرح من كثر الكلام وساعتها أرد والله أعلم بالمشكلة اللي بتصير , ماأدري عطوني اللي عندكم , ودي أصبر وأخليها تتطلع كل اللي عندها , بس ماأدري أقدر أو ماأقدر . إذا عندكم وسائل تساعد على الحلم أو تدريبات ذاتية فياليت تتحفونا فيها .

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

اختي الفاضلة

يعني كلمة من ذهب قلتيها وانت اعرف بحالك اهو افضل من حالها ام لا


ودعيني ازيدك من الشعر بيتا

في مقولة للامام احمد بن حنبل رحمه الله يقول فيها " تسعة اعشار حسن الخلق في التغافل "

وفهمك كفاية اختي الفاضلة

ان انسي


وسلامتك

مشكور أخوي الفاضل
أنا ودي أكون كذا متغافلة , يعني اليوم سويت كذا
قاعدة تقول فلانة(مدرسة ثانية ) يازينها مافيها كذا ( عيوب فيني ) (وتبرك عليها )
أنا فاهمة قصدها , بس سويت نفسي غبية
بس من جيت للبيت كتبت في المنتدى -أبي أفضفض صراحة - وودي أمسك نفسي كل يوم
بس ماأدري أخاف انفجر , هي اليوم بدت , والله يستر من تاليها .

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

حاولي تطنشينها ولاتبدين اهتمام او انتباه لكلامها حتى تمل وتسكت والحقران يقطع المصران

__________________
موقع للقران جدا رائع تصفح واستمع
http://www.tvquran.com/abkar.htm

تسلمين يالغالية , رايك سديد مشكورة يالحبيبة.

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

آخر الأخبار
اليوم تمشي تدور كاس لها ولا لقته , صارت تقول من هاللي ماخذ كاسي لايكون بياخذ أثر من بعدي ..
وتعيد وتزيد بهالجملة كل ماجاء أحد ..
طبعا أنا المقصودة , بس سكت وكأن شيئاً لم يكن

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

حبيبتي احسن شيء السكوت لانه في السكوت قوه و بعدين هي تنقهر انك مو قاعده تردي عليها و هذا اكيد

بالتوفيق

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

التطنيش أحسن شئ

الغالية حلا الأيام
أشكرك على الرد , وهذا احنا ساكتين , أتمنى أتحمل للآخر , اليوم جتني وحدة من الزميلات وقالت لي كلميها على انفراد وتصالحي معها , بس رفضت لأني حاسة ماراح تقبل تكلمني فليش أحط نفسي بالمكان هذا , من نفسها تزعل ومن نفسها ترضى , أنا ماأشوف إني غلطت عليها لما أخذت من وراها طالما إنها ترفض لو تحط يدها بماء .

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

الغالية روح الطير مشكورة على مرورك
وإن شاء الله بطنشها قد ماأقدر

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك