بنت خالتي تسرق خطيبي !! هل احضر زواجها ؟
 

السلام عليكم؟؟؟ شو حالكم مع البرد راح أدخل بالموضوع بدون مقدمات أنا بنت عمري 18 سنه أوكي وعندي بنت خالتي علاقتي معها فوق الخيال يعني علاقه أكثر من أخت من يوم وإحنا صغار يعني نلبس نفس ألوان الملابس نفس الموديل ناكل نفس الأكل إذا جينا نسافر تروح معانا يعني علاااقه ممتازه جدا يعني لو أكتب من اليوم إلى بكره مراح أخلص لدرجه علاقتي معها أكثر من خواتي كل يوم لازم أكلمها أوكي وهي أكبر مني بثلاث سنوات بس تفكيرها نفسي تفكيري لكن أمها علاقتها معانا ومع أمي اللي أهي أختها علاقه عاديه جدا وأحيانا يكوون مشادات بالكلام ودائما يكون المشادات على أمور الزواج يعني هذا ليش رفضت ولدها وهذي ماخذت بنتها بس الحمدلله علاقتي في بنت خالتي ثابته المهم أني أنا أنخطبت لولد خالتي هذي خالتي ثانيه المهم أنو أمي وافقت على الموضوع لكون الولد لايعيبه شي ومامي قالت إلين ماحد أخلص دراستي المهم أنو خالتي الللي بنتها أعتبرها مثل أختي يوم درت بالموضوع تضايقت لدرجه أن وجهها أحمر وقامت تنزل دموعها ياااعااالم ليش تتوقعون ؟؟؟؟ عشان ولد خالتي ماخذه بنتها معقوله هذي خاله أستتغفر الله وقامت وسوت مشادات بينها وبين خالتي اللي خاطبتني لولدها مع أن الموضوع مجرد كلام مبدأي فقط يعني كلام هوا لدرجه تقول لبنتها لاترسلين لهذي اللي أهي أنا وقدام أختي تقول ذا الكلام أختي سكتت لأن خالتي كبيره ومراح ترد عليها وأمي خوافه جداااا يعني ماتحب المشاكل المهممم بعد مرور شهر واحد فقط وش تتوقعوون ؟؟؟؟؟؟؟؟


ولد خالتي اللي هو خطيبي سابقا خطب وحده تبغووووووووووون تعرفون مين هي؟؟؟؟؟؟؟؟




بنت خالتي اللي عزيتها وقدرتها سرقت مني خطيبي وكل هذا عشان أمها اللي سووت المشاكل إلين ماحد ماصار الموضوع لصالحها يااااااااعالم أصارخ وأقوول في ناااااااااااس به القلوب تفكيرهم سطحي تبني سعادت بنتها على تعاستها غيرها حسبي الله عليها حسبي الله عليها حسبي الله عليها يناس وش أسوي؟؟؟ أشوف أغلى إنسانه عندي مخذه خطيبي حبيب قلبي مستحيل أصدق يعني طوول هل المده أنغشيت بوحده ماعندها ضميره وش هالمده يوم سنه لالالا 14 سنه من الصداقه وش النهايه ياعالم وتخيلو من زود وقاحت خالتي تقول لأمي وش تلبس يوم الخطوبه ؟؟؟ وقاحه ماعمري شفتها حتى خالتي اللي خاطبنت لولدها مش موافقه بس خطبتها عششان تسكت المشادات والكلام يعني شنو ذنبي أني أنكسر بسبتهم أحلم أخطط أفكر وش نهاي أنكسرت لدرجه أني دراستي تهاونت فيه وش أسوي وأنا أشوف الغالي ماسكه وحده غيري أنا مالومه لكن ألوم الخاينه لأن الموضوع كان بيدها وكان تقدر تسكت الموضوع حسبي الله عليها ؟؟؟ وش الحل ياعالم ؟؟ هل أتنازل بها السهوله مع العلم أني أحب ولد خالتي لدرجه قويه ؟؟؟ وغي كذا بنت خالتي أرسلت لها رساله بالجوال أوضح لها اني مني زعلانه لأن مابغى تحس وتشمت فيني بس للأسف ماترد علي سافهتني والله يناس المشكله أكبر من كذا بس حبيت أخذ الأشياء المهمه ولأني مني قادره أمسك أعصابي على الكي بورد حتى النوم طار من عيوني من الحزن والمشكله صديقاتي عارفين بالموضوع وفرحو يوم عرفو أنو خاطبني ويوم علمتهم عن اللي صار يقولون لازم تنتقمين منها لأنهم شافوني وفي حالتي مره من الدموع والحزن ياااااهم عندي رب كبير ؟؟؟؟؟؟؟؟هل أسمع كلامهم وأنتقم منها ؟؟؟؟ولا أسكت على الموضوع ،،،،،،،،، دعواتك لي بالتوفيق،،،،

ياليت أشوف رودكم لأني متضايقه ومني أقدر أفضفض لأحد لأني كتومه بدرجه غير طبيعيه وحبيت أقول لكم حاجه عشان ماكوون ظلمت بنت خالتي سابقا أنو لما أنخطبت للغالي كان تقول لي لو يتقدم لي مراح أوافق وكلامها ييحسسني أنها تكرهني فيها وهذا اللي ضيقني ليش سوت كذا ؟؟ خساره كنت غبيه طوال هالفتره ،،

والله ياعزيزتي

تبين نصيحتي زين الي ارتحتي منه قبل لا يصير الموضوع رسمي

تدرين ليه لان واحد زيه مو قادر ياخذ قرار بامر مصيري زي الزواج لا يُعتمد عليه كزوج

اجل كل ماقالت له امه اخطب فلانه خطبها وبس من غير رأي له

ما تدرين وش الصالح فيه خليك واثقه من نفسك وثقي بالله

وربي قادر انه يرزقك الي احسن منه

ثانكيو خيو على الموضوع بس الى ماتعرفه أن خالتي كل شي تبغاها لازم يصير حتى زوجها يخاف منها فشلون هذا ،،،،على العموم مشكور لاخلا ولا عدم ،،،،،،،،،،،

اختي الحبيبه للأسف اني تعبانه جدا
بس ماقدرلت اطلع بدون مااقولك
قولي حسبي الله فيه وفيها
من قلب ادعي
ودامك على الحق الله ما راح يوفقهم
ادعي الله يزوجك من هو افضل
الله يصبرك ويصبرنا على احزاننا

مشكوره لذه عشق علر ردك الجميل لاخلا ولاعدم ودعواتك لي بالتوفيق ،،،،،،،،،،،،،،،،،،،،،، ومشكورين على كل من يرد علي الله يوفقكم ويسر أموركم ،،،،،،،،،،

يازين الصداقه اللي بين عسى الله لايفرقنا عن بعض في هذا المنتدى فعلا أثبتو أخوتكم ،،،،،،،،،،،ومن جدا مشكوريين وكلمه شكر شوي عليكم ،،،، يارب ماقول إلا حسبي الله ونعم الوكل ،،،،،،،، ومشورين على الردود،،،،،

كلام صحيح 100 % ...دام امه متحكمه بشخصيته شو تبين فيه؟؟؟؟؟

ويمكن خيره لج.......ماتدرين

بكرا الايام بتثبت لج...

وان شاءالله ربي مابينساج وبيرزقج الاحسن والافضل منه يااااااااااااااااااااارب

اولا انا اختك مو اخوك :d

ثانيا سيطرتها على اهل بيتها مو على الي برا

ودام شخصيته ضعيفه ومهزوزه وخاف من خالتك وخطب بنتها زين الي ارتحي منه لانك ماراح تحسين بالامان معاه بعدين

وظلم ذوي القربى أشد مضاضة *** على النفس من وقع الحسام المهنّد الظلم

لا تلومينهم البلد تمر بأزمة رياجيل

الله يعوضك خير

والله ضحكتني هذا الجمله

ياعزيزتي محد ياخذ غير نصيبه فوكلى امرك لرب العالمين


وبالنسبه لبنت خالتك يمكن هى كمان كانت حاطه عينها على العريس


خصوصا انك ذكرتي انها اكبر منك بثلاث سنوات

حبيبتي احمدي ربك الف مره انك ماتزوجتيه
انسان مهزوز لوكان خاطبك عشان يحبك ومتمسك فيك كان ماتخلا عنك بها الاسلوب
وانتي توك صغيره راح تلقين احسن منه وربي بيعوضك
واما بنت خالتك الله راح ياخذ حقك منها لانها صدقيني ماراح تنسى انه خطبك قبلها وراح الشك ياكل قلبها انه يحبك وانه اخذها عشان امها مو حب فيها

وكلما تذكرتي الموضوع ادعي في هاذا الدعاء
اللهم اجرني في مصيبتي واخلفني خيرا منها


واكثري من الاستغفار فأن نتيجته عظيمه






الله يعوضك بالي مايشوف في هالدنيا غيرك

آآآآآآآآآآآآآآآآآآآآآآآمين
قلبي معك الله يررزقك باخير منه

اختي
لاتكبرينها وهي اسهل من السهل ..

المشلكة ليست في خالتك وليست في بنت خالتك
المشكلة تكمن في خطيبك اللي باعك بسهوله لو كان حريص عليك لحارب الدنيا من اجلك .. هو ماهو خروف تجي بنت خالتك وتقوده باذنه هو ررجل له شخصيته واتخذ قراره وهو بكامل قواه العقليه .. لذا لاتتحسفين على انسان باعك بكل سهوله ... وقبل كل شي الزواج قسمه ونصيب ولم يكتبه الله من نصيبك ولذا انتبهي لدراستك وان شاءالله سيأتي نصيبك وربما يكون افضل منه .. ولعل في الامر خير لك .

اخوك البدوي .

حسبي الله ونعم الوكيل والله انه حسيت قبل بهذا الشعور لكن الحمدالله ربنا يعوض

وان شاء الله ربنا حيعوضك خير ولا تزعلي واتركيها لربنا هوا راح ياخد حقك ولا تنتقمي ولاشي

لكن ابدا لا يكون بينك وبين بنت خالتك الا سلام الله عشان تعرف هيا كيف سوت فيكي

والله يسعدك يارب باحسن منو ويفرح قلبك ويجبر بخاطرك وتعيشي مبسوطه لساتك في بداية عمرك

لا تقصري في دراستك هذي لا حتزود ولا حتنقص خليكي احسن منها

اختي الغاليه مشكلتك تشابه مشكلة صديقتي

اقري قصتها على هذا الرابط

http://www.66n.com/forums/showthread...61&highlight=%

فعلا الاقارب اشد من غيرهم

ياحبيبتي..

أنا ماابي اطول بالكلام معك كلها كلمتين بس ياليت تحطينها ببالك..

أولا..ربك فوقك ومطلع على كل شي فمايحتاج الانتقام ..اضمني حقك ماراح يروح منك وأطمئني..

ثانيا.. اذا ولد خالتك لك لو يجون كل خالاتك ويقولون له لا صدقيني بيكون لك..ولو كان مو لك لوك كل خالاتك اصروا ماياخذ غيرك ماراح ياخذك..

ثالثا.. من ناحية تحبينه فكري فيها كثير..أعتقد مجرد اعجاب..

أخية رددي اللهم اخلف لي خيرا منها..لعلها خيرة بأذن الله..

أتمنى اكون افدتك

كلام صحيح 100% وانتي الكسبانه صدقيني

أخواني وخواتي مشكوررين على ردودكم الحلوه واللي ريحت قلبي ،،،،،،،، لكن لاحظت في أغلب الردود يتوقعوون أني أنا معجبه بولد خالتي ،،،، لكن حبيت أوضح لكم أني عكس ماتتوقعوون أنا أسااااااسا ماعندي هالحركااااااااات بالمره وحبي له صار من يوم خطبني وهذا أتوقع شعووور طبيعي أنك راااح تتعلقين في خطيبك ولا أنا غلطااااااااانه بالعكس صح أني تضايقت أنو تركني بس ياليته خطب وحده غير بنت خالتي لانها أساسا كانت تكرهني فيه باسلوبها بس ماتوقعت أنها هي بتاخذه وخصوصااااا أن أغلبيه أقاربي عارفين بخطبتي يعني أحس أني ماني قادره أتحمل نظراتهم لي ،،،،،،،

أختي الفاضلة لعلي أخطأت الفهم والتحليل عندما تكلمت معك حول إعجابك به أو حبك له قبل الخطبه ولكن هذا ما أستنتجته من خلال عباراتك التالية :
لذلك فهمت أن الإعجاب والحب من قبل الخطبه ..

إضافة إلى ذلك ...
وأنا بالرغم من أني ذكرت ذلك إلا أني لم ألحق ذلك بقولي أنك لاقدر الله عاصية أو مجرمة أو أو فلا شرعا ولا عرفا أصبح الإعجاب والحب حرام لأن المرأة تعجب بصاحب الدين والخلق وتتمناه لها زوجا وقد تحبه لذلك جاء الشرع ليجعل الزواج هو تتمة الحب وأما الخطأ والحرام هو أن يتحول ذلك الإعجاب إلى ممارسات خاطئة من كلام عاطفي ورسائل إعجاب وتواصل بالتظرات واللقاءات وغير ذلك من الأمور التي نص الشرع على تحريمها وأما الإعجاب الذي حذرتك منه هو أن يكون إعجاب لمظهر أو ملبس أو أمر ظاهري فقط ...

وعلى العموم الكلام الذي كتبته ينطبق سواء كان الإعجاب والحب بعد الخطبه أو قبلها فأرجو منك قرائته بروية ...

يسر الله أمرك وأسعدك في الدارين وكتب لك الخير أينما كان ...

اختي العزيزة
ما اريد ازعلك بس بالفعل لو كان ولد خالتك شاريك ما كان فرط فيكي
احمدي ربك وعسى ان تكرهوا شيئا وهو خير لكم
والله يعوضك بواحد احسن منه يعزك ويشيلك فوق راسه
بس بجد هذا الانسان ما يستاهلك ابدا ولا تتندمين عليه

لا يستحقك ابدا !.......

اسمحيلي اختي بهذا الكلام

من كلامك اتضح لي عدة نقاط
1/ ولد خالتك ماعنده شخصيه
2/ممكن بنت خالتك مجبوره .. هل امها متسلطه مثلا ؟ << عذرا على هذا الوصف .. لكن يمكن يكون هو السبب
3/ يمكن ماردت عليك بالرساله من الممكن تكون منحرجه او مو لاقيه عذر او مابيدها شي باللي صار .. والبيوت اسرار
4 / بنت خالتك مالها ذنب .. لانها ماقالت له يتركك ويخطبها .. الذنب ذنب اللي تكلم

اسمحيلي على هذا التعبير واعذريني لكن اللي في قلبي على لساني
وفي النهايه كل شي قسمه ونصيب
وان شاء الله ربي يرزقك بزوج صالح يخاف الله فيك يااااااااااااارب

ماتدرين وين الخير يالغاليه .. اصبري وان شاء الله ربي بيعوضك

وبعدين انتي لسه صغيره وان شاء الله الخير جاي
وتأكدي والله ماتاخذي الا نصيبك .. لو يكون بآخر الدنيا
وما احد يموت الا مستوفي رزقه كامل
ويمكن تكون خيره لك
الله يوفقك

لاححول ولا قوة الا بالله

شوفي اختي انتي تقول انه الغالي و انج تحبينه بدرجه قوية، ليش ما تفكرين شوي و تقولين انا عطيت حبي كله لهذا الشخص و هذا الشخص و لا على باله يعني اذا هو بعد يحبج بنفس الدرجه ما كان يخطب وحده ثانية، بقول لج قصتي عسى بس يهون عليج، انا كنت احب شخص بس من طرف واحد و هذا الشخص صراحتا من النوع الي ما يحطي وحده في باله علشان يحبها، اهله خطبوني بس ما صار نصيب لان اهلي ما وافقوا و انا صراحتا جاني انهيار و كنت زعلانه حيل ما كنت اتوقع نفسي متزوجه احد غيره، و تميت فترة كذا شبه منعزله والله ما تدرين مادام ملكته على البنت الا شهر و بعد فترة بعد تقدموا لي و خطبني بس هالمرة اهلي وافقوا و الحين انا متزوجة من الشخص الي احب و ربي رزقني ببنوته مثل القمر الله يخليها لي و ابوها بعد. يعني شوفي اذا انتي قدرج انج تتزوجين من ولد خالتج حتى لو ملك عليها راح يرجع لج بس انتي دوم حطي في بالج ان هو ما سوا لك شي ليه انتي تخسرين صحتج و حيويتج علشان واحد ما همه انج تحبينه ولا لا

قبل كذا انا كمان كنت مخطوبة لشخص ثاني و مادام خطوبتي عليه الا 10 ايام لاني ما كنت ابيه و تعرفين ان اعز صديقه لي اهي الي تزوجته و ما كنت متوقعة هذا الشي و كانت دوم تقول اذا خطبني انا ما راح اوافق مثل ما كانت بنت خالتج تقول و هي الحين متزوجة صار لها سنتين

و لا تدعين على بنت خالتج و وكلي امرج لرب العالمين و الي فيه الخير يجيبه ربج

لاعادي ماصار شي ،،، أنا أقصد أنو صديقاتي فرحو لأن أنخطبت وهذا شي طبيعي وغير كذا صديقاتي أغلبهم يعرفوني شخصيا يعني أهلي يعرفون أهاليهم عشان كذا فرحو لما عرفو أن أهو خاااااااطبني ،،، والله يأخواني وأخواتي أني متضايق أكثر لأنو مامي نزلت دموعها بسبت هذا الموضوع ياخساره ماتتوقعون قد إيش كانت مستانسه أنو أنخطبت له بس والله مايستاهل ،،،على العموم الله يوفقهم ويوفق الكل وصدقوني هذي الكلمه طالعه من قلبي لأني خلاص تعودت على الوضع هذا حــــال الدنيا ومابغى أعترض على قدرت ربي ،،،،،، ومثل ماقال الرسول (ص) فيما معنى الحديث ( لايؤمن أحدكم حتى يحب لأخيه مايحبه لنفسه ) ياليت كل الناس يفهمون كلمات الحديث كان عشنا براحه وسعاده ومشكووووووووووورين على رودكم يالغلى،،،،،،،،،،

مشكوره حبيتى على الرد الحلو،،، وسؤالك خالتك متسلطه ؟؟؟ هذي الكلمه شوي عليها يعني بصراحه أحس أنها مهي خالتي بجد ياعالم حتى قبل مايصير الموضوع حتى مامي تقول ذا الكلام يعني تقول أحسها مهي أختى بعكس باقي خلاتي ،،،،،، وبنت خالتي تحسفت أنها وافقت عليه بس جات متإخره لأنها شافت مافي حماس وفرحه على وجوه خواته وقالت ياليتني ماوفقت لاكن أمي أستعجلت وهذا الكلام قالت لي وحده تعرف بنت خالتي ،،،،،،،،، أما على سالفت ولد خالتي أنو مايحبني أنتو عارفين أن البنت عااااااااااطفيه لدرجه كبيره جدا ،،،،،،،، وأنا نفس الشي ماكنت أحبه إلا بعد الخطبه ،،، على العموم مشكوورين على الرد،،،،

ماعليه حبيبتي الله يعوضك باللي احسن منه ..

بنت خالتك ماراح تستانس لانها تدري انه خطبك انتي اول... الله يسعدك دنيا واخره ..

ان مع رأي الاختjeanz

لا حول .!
و ربي ما توقعت نآس كذآ تسرق خطيب أعــــــــــز صديقـآتهـآ ..

المهم .. أنسي الموضوع لآن كل الاثنين ما يستآهلون وقتكـ و تفكيركـ .. ادعي ربكـ يفرج كربتـكـ و يمكن يرزق بأحسن منهـ

ثااااااااانكيو على رودكم الحلوه

الله يعوضك خير حبيبتي لا تدعي على احد الله كفيل بهم يمهل ولا يهمل
وخليك عادي مع الكل لاتبيني أسف او ضيق على العكس تماما افرحي والبسي احلى لبس بالخطبة وباركي للعروس وامها
وربي بيعوضك كل خير
لانه شخص بهذي المواصفات غير ماسوف عليه

والله يا حبيبتي
الله فكج منه
ولا هذا ينشد في الظهر؟
كلمه تجيبه وكلمه توديه؟؟
لو كان فعلا شاري جان ما باع بهالسهوله

انتي اغلى من انه تكونين لعبه اليوم يبيها وباجر يرميها

خليها تتهنا بولد امه

وانتي باذن الله بيدق بابج اللي يبيج انتي من بين كل بنات الدنيا

بالعكس ركزي على دراستج وتفوقي علشان نفسج
وعلشان تثبتين للكل انه الموضوع ما هزج

ولا تفكرين بالانتقام
كله نصيب

الله يصبرك اختي

بس يمكن هي كانت تحبه ويوم درت انه خطبك تفاجأت

والله يرزقك بواحد احسن منه

يمكن خيرة لك تتركي هالخاطب عديم الشخصية

ماتدري يمكن لو تزوجتيه احد يصر عليه يطلقك او يتزوج عليك ويسويها لانه ضعيف شخصية واناني وماله امان


احمدي ربك انو بس خطوبه بينكم مو ملكة او زواج ويصير كذا


وبنت خالتك وامهاا امحيهم من حساباتك خلاص الله ياخذ حقك منهم